رواية اغتصاب شرعي
البارت الرابع
الجزء الثالث
للكاتب المصري محمد مالك
سارة تريد الاستماع الي الرسالة الصوتية التي وردت من شهاب الي البريد الصوتي علي تليفون ابيها وعندما تضغط علي زر الاستماع يفصل التليفون فجأة بسبب ان بطارية المحمول اصبحت فارغة
سارة مستاءه بشدة .. يوووه وده وقته ده ؟! لازم تفصل شحن دلوقتي يعني ؟! كنت عايزة اعرف الرسالة فيها ايه ؟!
ثم تذهب ناحية الكوميدينو وتضع المحمول علي الشاحن وتنتظر حتي يبدأ بالعمل مرة اخري ولكن يدخل يس فجأة وهو يجفف شعرة بالفوطة ثم يقول
يس .. اديني استحميت يا ستي اهوه
سارة .. نعيما يا بابا
يس .. الله ينعم عليكي
سارة .. بقلك ايه .. تليفونك رن ولما رحت اشوف مين .. لقيته النفيب شهاب !!
يس مرتبك .. ورديتي عليه ؟!
سارة .. لا طبعا .. بس هو باعتلك فويس ع البريد الصوتي حبيت اسمعها قام الموبيل فصل شحن .. قلي يا بابا هو النقيب شهاب بيرن عليك ليه ؟!
يس ما زال مرتبكا وشعر بأنه في مأزق ..
يس .. علمي علمك يابنتي
سارة .. اوعي يكون لسة بيتكلم معاك في موضوع جوازه مني ؟! احنا قفلنا الموضوع ده خلاص
يس .. صدقيني يا بنتي معرفش هو عايزني في ايه !
سارة .. طب اسمع الفويس اللي هو باعتها وقلي هو عايز منك ايه
يس .. طب مش لما الموبيل يشتغل الاول
سارة .. ما الموبيل اشتغل اهوه يا بابا اسمع الفويس وهو ع الشاحن مفيش مشكلة
يس .. بقلك ايه انا محتاج اشرب كباية شاي من ايدك الحلوة دي .. ممكن ؟!
سارة .. بتوزعني ولا ايه بس ؟!
يس .. وهاوزعك ليه بس يا بنتي ؟! انا فعلا محتاج كباية شاي مظبوطة تعدل دماغي المتلخبطة دي
سارة .. حاضر يا بابا .. هاروح اعملك الشاي .. بس لما ارجع تكون سمعت الفويس وتقلي فيها ايه ؟!
يس .. حاضر
سارة تشعر بالقلق وليست مطمئنه تماما وتذهب لعمل الشاي ويس يستمع الي رسالة شهاب
وبعد ان يستمع للرسالة تتغير ملامح وجهه ويبدوا عليه الغضب ويقول .. هي حصلت يا شهاب ؟!
ونذهب الي مازن وكيل النيابة حيث ذهب ومعه الفلاشة الي ايمن خطاب وكيل النيابة والذي تولي التحقيق في قضية سارة بدلا منه
ايمن .. اهلا اهلا مازن باشا
مازن .. ايمن باشا اخبارك ايه ؟
ايمن .. الحمد لله .. قلي انت اخبارك ايه ؟
مازن .. الحمد لله علي كل حال .. قلي مفيش جديد في قضية سارة يس ؟
ايمن .. لا مفيش جديد .. والقضية خلاص اتحولت محكمة الجنايات واول جلسة كمان اسبوعين ما انت اللي حولتها للمحاكمة يا مازن باشا !!
مازن .. ايوة ما انا عارف .. بس انا انهارده جاي ومعايا مفاجأة هتغير مسار القضية تماما
ايمن .. ايه هي يا تري ؟!
مازن .. الفلاشة دي فيها دليل برآة سارة وزي ما توقعت تماما مش هي اللي قتلت قاسم ابن خالة بثينة
ايمن .. فيها ايه الفلاشة دي ؟!
مازن .. اتفضل شوف بنفسك
ونذهب الي سارة حيث توجد بالمطبخ وتقوم بإعداد كوب الشاي لأبيها يدور بينها وبين نفسها الحوار التالي
سارة .. هي ايه الحكاية بالظبط ؟! .. اللي اسمه شهاب ده عايز ايه من بابا ؟! وماله بابا وشه اتغير ليه اول ما قلتله ان شهاب رن عليك ؟! وياتري الرسالة اللي بعتهاله بتقول ايه ؟! معقول يكون شهاب ده سبب الحالة اللي بابا فيها ؟! باين كده ان بابا مخبي عننا حاجة كبيرة اوي والحاجة دي هي اللي مضايقاه .. بس يا تري ايه هي الحاجة دي ؟!
رد فعل علي وجه سارة
ونذهب الي النقيب سالم حيث يدخل الي مكتب الي السيد اللواء
سالم .. تمام يا فندم
اللواء .. خير يا سالم
سالم .. سيادتك احنا عملنا كل التحريات اللي طلبتها عن النقيب شهاب واكتشفنا ان الكلام اللي قاله العسكري فارس مظبوط ميه في المية
اللواء .. لا تعالي اقعد كده قدامي وفهمني بالراحة .. التحريات دي قالت ايه بالظبط
سالم .. تحت امرك يا فندم بس بعد اذن سعتك انا طمعان في فنجان قهوة صغير
اللواء .. يا عم اقعد بس وفهمني وانا هاجيبلك شوب قهوه مش فنجان .. ههههه
سالم يضحك هو الاخر .
ونذهب الي نور حيث عثرت داخل الصندوق الخاص ب ممتاز علي صورة لسيدة تحمل ممتاز علي يديها وهو صغير لم يتجاوز الخمس سنوات ويبدوا انه تم التقاطها اثناء تواجدهم في نزهه داخل حديقة الحيوان حيث تم التقاطها امام قفص الاسد ويقف بجوارهم والد ممتاز
نور .. مين الست دي ؟! انا اول مرة اشوفها ؟!
تأخذ الصورة وتتوجه الي عرفتها ولكن فجأة تسمع صوت مشاجرة بين امها وسيدة تدعي دادا عفاف كانت تعمل عندهم من زمن بعيد ..
نور .. هو في ايه ؟!
ثم تتوجه بعد ذلك الي الطابق الاسفل واثناء نزولها من علي الدرج تسمع تلك الكلمات
الام .. انتي جاية هنا تاني عايزة ايه انتي مش مشيتي من زمان ايه اللي فكرك بينا ؟!
عفاف .. انا عمري ما نسيتكم يا ست هانم .. ازاي انسي السنين الجميلة اللي قضيتها هنا معاكم .. ده انا شبابي كله قضيته في البيت ده
الام .. برضوا محاوبتيش انتي جاية هنا تاني ليه ؟!
عفاف .. وحشتوني قلت اسلم عليكم
الام .. طيب كتر خيرك يلا بقي مع السلامة من غير مطرود
عفاف .. طب اشوفها قبل ما امشي .. اصلها وحشتني اوي
الام .. انتي اتجننتي يا ست انتي؟! امشي من قدامي حالا عشان ما اطلبش البوليس يجي يقبض عليكي
عفاف .. عايزة تطلبيلي البوليس يا ست هانم ؟! هي دي اخرة خدمتي ليكي السنين الطويلة اللي فاتت ؟! وبعدين تطلبيني البوليس ليه ؟! انا عملت ايه ؟! انا جاية بكل ادب واحترام وبقلك وحشتني ونفسي اشوفها وهسلم عليها وهامشي علطول ووالله ما هتشوفي وشي تاني .. انا عيانه وقربت اموت خلاص.. نفسي اشوفها قبل ما اموت
نور .. مين دي اللي نفسك تشوفيها قبل ما تموتي يا دادا ؟!
رد فعل علي وجه ام نور ودادا عفاف
ونذهب الي زوج الصول انصاف حيث ذهب بطلب الي ايمن خطاب وكيل النيابة يطلب فيه استخراج جثة زوجته وعرضها علي الطب الشرعي ويدعي الصول رمضان
ايمن .. وعايز تخرج جثة مراتك ليه يا عم رمضان ؟!
رمضان .. عايز سعتك تعرضها ع الطب الشرعي انا حاسس ان الوفاه غير طبيعية
ايمن .. يعني ايه الوفاه غير طبيعية؟! قصدك تقول انها ماتت مقتولة ؟!
رمضان .. ايوة يا فندم مراتي ماتت مقتولة
ايمن .. طب وعرفت ازاي انها ماتت مقتولة ؟!
رمضان .. انا هاقول لسيادتك .
ونذهب الي شهاب حيث يجلس في شقته وفجأة يرن جرس الباب وعندما يذهب كي يفتح الباب يفاجأ بأن الطارق هو سارة
شهاب فرحا .. سارة !!اهلا .. اهلا .. اهلا .. اتفضلي
سارة يبدوا علي ملامح وجهها الغضب الشديد ...
يتبع...
تم
ردحذفتحفه ومشوقه
ردحذفشمراماتبنا المحترم والرائع
اثاره وتشويق أكثر من رائع
ردحذفجميل فين البارت الخامس
ردحذف🌹🌹🌹🌹🌹
ردحذفتحفه جدا
ردحذفاكمل
رووووعه
ردحذفحلوووووو
ردحذفتحفة انا بس ابتديت اتلخبط من الانتقال بين الشخصيات هههه
ردحذفجميله جدا
ردحذففين باقي الاجزاء
ردحذف