رواية اغتصاب شرعي
البارت الاول
للكاتب المصري محمد مالك
جميع الحقوق محفوظة
انا سارة يس ١٦ سنة في تانية ثانوي معروفة في المنطقة اللي انا ساكنه فيها
بالبرنسيسة .. علي فكره هي منطقة شعبية .. سموني كدا عشان خاطر طولي وعرضي وجمالي
اللي مالوش زي وذكائي الخارق وسرعة بديهتي وكمان شخصيتي الجذابة .. بصراحة
انا سابقة سني بكتير .. ماما كانت دايما تقلي كدا .. ماما ست بيت وبابا صاحب مخبز
فينو .. عندي اخ واحد اصغر مني في سنة تانية اعدادي .. انا زي اي بنت عندها طموح
نفسي اكمل تعليمي وادخل كلية محترمة من كليات القمة زي الطب والصيدلة والهندسة
وخصوصا اني انا متفوقة في دراستي جدا زي ما قلت قبل كدا .. كان كل يوم يجولي خطاب
من المنطقة اللي انا ساكنه فيها ومن براها وحتي من قرايبي.. لكن انا دايما كنت
برفض لاني زي ما قلتكم اني عندي طموح جامد ونفسي ادخل كلية محترمة وانا بصراحة مركزة
علي كلية الطب .. بحلم اكون دكتورة ويتقالي الست الدكتورة راحت . الست
الدكتورة جت .. ههههه .. بصراحة ماما كانت مشجعاني علي دا .. لكن للأسف بابا كان
دايما يقول البنت مسيرها للبيت مهما اتعلمت .. بس ماما كانت واقفاله وكانت دايما
تقوله سيب البنت تكمل تعليمها يا يس وتحقق اللي نفسها فيه والعرسان قاعدين ومش
هيطيروا .. لحد ما ما في مرة بابا جه من برة متعصب ومتنرفز جامد ولما ماما سألته
مالك ؟! مرديش يجاوب .. بس لما الحت عليه قالها ان فيه واحد اسمه الحج سيد صاحب
محلات سباكة ومشهور اوي سنه ٦٥ سنه ومتجوز ٦ مرات وعنده ١١ عيل .. قالته ماله عم
زفت ؟!قالها عايز يتجوز بنتك وانا وافقت ؟! امي ضربت ايديها علي صدرها
ولطمت علي خدها وكان هاين عليها تشق هدومها .. قالتله عايز تجوز بنتك لواحد اكبر
من ابوها ومتجوز ست مرات وعنده ١١ عيل كمان ؟!انت اتجننت يا يس ؟! قالها دا اخر
كلام عندي والفرح كمان اسبوعين .. انا كنت هتجنن ازاي بابا يعمل كدا يبقي رفضت
شباب زي القمر عشان اتجوز العجوز دا ؟! المهم حاولنا معاه بكل الطرق لكن بابا كان
مصمم وهددني اني لو موافقتش هيطلق امي وهيرمينا انا وهي واخويا في الشارع ..
بصراحة لما شفت نظرة الكسرة والاستسلام في عين ماما وان خلاص مش في ايديها حاجة
تعملها واني لو رفضت فعلا اتجوزة هيطلق امي وهيرمينا في الشارع واحنا ملناش مكان
تاني نروحه وافقت .. واتجوزت الذئب العجوز دا .. فعلا راجل طفس وكل همه وتفكيرة
الستات وعايز يشبع شهوته بأي طريقة .. واللي تدخل دماغة لازم يطولها واللي ميقدرش
عليها او تكون محترمة او من بيت محترم يقول اتجوزها .. حيوان بمعني الكلمه ..
واتكتب الكتاب وعملنا فرح كبير اوي .. بالنسبة لي انا مكنتش دخلتي كانت خرجتي كان
ميتم كبير فضلت طول الفرح اعيط لحد ما الفرح خلص وروحت معاه البيت .. واول ما اتقفل
علينا باب الحيوان ما استناش اغير فستاني حتي !! لا قام هاجم عليا ومقطع الفستان
ميت حته لدرجة ان ضوافرة علمت في جسمي بعدها قام راميني ع السرير وقعد يبصلي ويضحك
ومسك طرف جلبيته ببقه .. افتكرت ساعتها مشهد الاغتصاب اللي عادل ادهم وهو بيغتصب
نبيلة عبيد في الفيلم .. جسمي كله ارتعش وخفت جامد اوي وكنت اتمني الارض تنشق
وتبلعني او تحصله هو حاجة اويموت فجأة وميعملش اللي عايز يعملة معايا .. لحد ما
حصلت حاجة غريبة خالص ... ؟؟؟؟!!!!
الرواية في قمة الروعة وبتعكس واقع حقيقي للأسف .. ولن تصل الا للمتابعين
..
جاري التحديث ونشر باقي الرواية برجاء الانتظار والمتابعة
اغتصاب شرعي +١٨
البارت الثاني
للكاتب المصري محمد مالك
جميع الحقوق محفوظة
سارة تتصل بأمها الساعة الخامسة فجرا وفي حالة انهيار تام والام ترد منزعجة
الام .. الو ايوا يا سارة اخبارك ايه يا حبيبتي ؟!
سارة .. الحقيني يا ماما انا تعبانه اوي وعندي نزيف جامد !!
الام .. يا ساتر يارب !! نزيف ايه يا سارة ؟! اوعي يا بنتي يكون قصدك
نقطتين الدم بتوع فض الغشاء بتاع البكارة !! ما انا مفهماكي كل حاجة
سارة .. مش الزفت خالص !! بقلك نزيف يا ماما مش عاوز يبطل والم فظيع جدا ..
الحقيني يا ماما انا تعبانه اوي .. تعالي وديني مستشفي بسرعة ارجوكي
الام .. طب جوزك فين ؟!
سارة .. متقوليش جوزي !! قولي الحيوان المفترس اللي معندوش لا رحمه ولا دين
!!
الام .. هو انتوا اتخانقتوا ولا ايه ؟! طب ادهولي اكلمه يا سارة
سارة .. متلقح برة ومش هيكلمك لأنه ضربته بالقلم
الام .. ايه !! ضربتي جوزك بالقلم ؟! ليه يا بنتي ؟!
سارة .. بقلك حيوان يا ماما ومعندوش رحمه .. زي الديب الجعان اللي ما صدق
شاف فريسة ضعيفة قدامه وفضل ينهش في لحمها طول الليل !!انا اتبهدلت يا ماما وانتوا
السبب !!
الام .. والله ما انا فاهمه حاجة يا بنتي !! .. طب اهدي اديني جايالك
سارة .. متتأخريش يا ماما ارجوكي
الام .. حاضر يا بنتي اصحي ابوكي ويوديني ليكي علطول
سارة .. ماشي .. سلام
الام .. سلام يا حبيبتي .. استر يارب لأجل خاطر سيدنا النبي .. يس .. يس ..
اصحي يا يس
يس .. ايه في ايه يا ولية ؟! مصحياني وش الفجر ليه كدا
الام .. قوم بنتك تعبانه خالص وعايزة تروح المستشفي
يس .. تعبانه !! تعبانه ازاي يعني ؟!
الام .. بتقول جالها نزيف !!
يس .. نزيف ازاي يعني ؟!
الام .. وانا ايشعرفني ؟! قوم البس وديني ليها بسرعة
يس .. حاضر .. حاضر .. اصطبحنا وصبح الملك لله .. اقوم ادخل الحمام
الام .. يارب جيب العواقب سليمه يارب
ويذهب الابوان بسرعة الي منزل الابنه سارة ويقومان باصطحابها الي مستشفي
تخصصي حيث قام الطبيب بالكشف عليها ليخبر الجميع بخبر صادم جدا ؟؟!!!!
تابعوني والبارت التالي .. تحياتي
ملحوظة .. جميع الحقوق الفكرية والادبية محفوظة بموجب قانون حقوق الملكية
الفكرية ويمنع منعا باتا نسخ الرواية وتداولها الا بعد موافقتي والا سوف يتم اتخاذ
الاجراءات القانونية حيال المخالفين ..
#محمد_مالك
تم النشر قبل 14th May بواسطة الكاتب والشاعر والسيناريست
محمد مالك
رواية اغتصاب شرعي +١٨
البارت الثالث
للكاتب المصري محمد مالك
جميع الحقوق محفوظة
وبعد ان يفحص الطبيب المختص سارة يخرج الي ابواها ويبدوا عليه الدهشة
الام بلهفه .. طمني يا دكتور سارة مالها ؟!
الطبيب مندهشا .. واضح كدا ان في تهتك شديد في الجهاز التناسلي نتيجة تعامل
عنيف معاها !!
الام .. ايه ؟!
الاب .. مش فاهم عدم لامؤاخذة ؟!
الطبيب .. لا لازم تصحح معايا كدا يا حج لأن الكلام في الامور دي بيبقي صعب
ومحرج جداا .. هي متجوزة طبعا ؟
الام .. ايوا دي لسة عروسة .. فرحها كان امبارح !!
الطبيب .. ياااه .. مسكينة بجد
الاب .. هو في ايه انا مش فاهم حاجة ؟! ما تفهمني يا عم الدكتور البت مالها
؟!.
الطبيب .. واضح بقي ان العريس شباب وصحته كويسة .. هو رياضي ولا ايه
؟!
الام .. بالعكس دا راجل عجوز معدي الستين سنه !!
الطبيب .. معقول ؟!
الاب .. ايه هو اللي معقول واللي مش معقول ؟!ما تفهمني يا دكتور بدال ما
انا قاعد زي الاطرش في الزفة كدا ؟!
الام .. انا فهمت يا حج ولما نروح البيت هفهمك .. طب وبنتي بخير ولا ايه يا
دكتور ؟!
الطبيب .. ان شاءالله هتبقي كويسة .. مع العلاج دا والراحة التامة هتبقي زي
الفل .. واهم من دا كله جوزها ميقربش منها خالص لمدة شهر علي الاقل
الام .. جوازة ايه السودا دي يا اولاد !! طيب يا دكتور تعبناك معانا ربنا
يكرمك
الطبيب .. لا تحت امركم والف سلامة
وتعود سارة الي منزل زوجها والذي يبدوا عليه الغضب الشديد
سيد .. الدكتور قالك ايه ؟!
سارة .. ملكش دعوة بيا خالص .. خليك في حالك لو سمحت
سيد .. يعني ايه خليني في حالي ؟! هو انتي مش مراتي ولا ايه ؟! وكلميني عدل
زي ما بكلمك .. واوعي تفتكري ان القلم اللي عطتهولي علي وشي دا هيعدي بالساهل
. لا وحيات امك !!
سارة .. ملكش دعوة بأمي يا سيد .. فاهم ؟!
سيد .. ماشي يا قمر .. انا مش هجيب سيرة امك تاني عشان متزعليش .. شوفي انا
طيب ازاي وقلبي حنين !! دا انا بحبك يا بت
ثم يحاول ان يقترب منها لكي يضمها الي صدرة ويقبلها ولكن سارة تمنعه
سارة .. اوعي تقرب مني خالص .. الدكتور قال ميقربش منك لمدة شهر
سيد .. نعم ياختي !! ليه هو انا متجوزك عشان اتفرج عليكي ولا ايه ؟! دا انا
دافع لأبوكي دم قلبي مهر وشبكة وعفش !!
سارة .. ما هو يكون في علمك انت مش هتلمسني خالص لمدة شهر زي ما قال
الدكتور ويمكن اكتر كمان حسب ما احس بقي اني بقيت كويسة.. وكمان مش هسمحلك تتعامل
معايا بالطريقة الوحشية دي تاني !! وابعد بقي عني عشان الدكتور قالي لازم راحة
تامة في السرير
سيد .. بقي كدا !! طيب .. يبقي قعدتي هنا ملهاش لازمة .. انا هقعد الشهر
عند مراتي التانية في اسكندرية ولما تخفي يا حلوة ابقي كلميني .. وابقي سلميلي ع
الدكتور بتاعك .. سلام يا بت الناس الطيبين.. بنات ورق صحيح!!
سارة .. انا اللي ورق ولا انت اللي عامل زي انسان الغابة ؟! روح يا عم روح
.. ليه بس يابابا تعمل فيا كدا حرام عليك !!
وفي المساء تتصل ام سارة للأطمئنان عليها
الام . عاملة ايه يا بنتي دلوقتي ؟
سارة .. الحمد لله يا امي احسن شوية
الام .. ربنا يشفيكي يا بنتي .. وجوزك فين اومال ؟
سارة .. سافر عند مراته في اسكندرية
الام .. يا لهوي !! سافر وسابك لوحدك ؟!
سارة .. ايوا كدا احسن
الام .. كدا احسن ازاي يا بنتي ؟! الناس تقول ايه لما راجل يسيب مراته تاني
يوم جوازهم ويسافر عند مراته التانية ؟!
سارة .. هو دا كل اللي هامك ؟! ومكنش هامك كلام الناس لما يقولوا ازاي ناس
يجوزوا بنتهم لراجل اكبر من ابوها في السن ومتجوز قبلها ست مرات وعنده ١١ عيل في
سنها واكبر منها كمان !!
الام .. وانا كان في ايدي ايه بس يا بنتي ؟! اديكي شفتي ابوكي كان مصمم
ازاي !!
سارة .. منه لله بقي
الام . عيب يا سارة متتدعيش علي ابوكي
سارة .. ابويا حطم مستقبلي يا امي وقضي علي كل احلامي وطموحاتي .. انا مش
هسامحة طول عمري
الام .. طب وجوزك هيرجع امتي ان شاء الله ؟!
سارة .. قالي لما تبقي تخفي ابقي كلميني .. كل دا عشان خاطر انه عرف انه مش
هيقرب مني تاني لمدة شهر . عشان تعرفي بس ان دا مكنش عايزني مجرد اشباع
لشهوته مش اكتر . . دا كان عاجبه جسمي وجمالي يا امي وصدقيني بعد ما يزهق مني
هيدور علي غيري وانا الضحية .. شفتوا انتوا عملتوا فيا ايه ؟!
الام .. خلاص يا سارة .. متقطعيش قلبي بكلامك دا !!
سارة .. لا يا ستي علي ايه . خليني كاتمه في قلبي لحد ما اطق واموت
. عشان ترتاحوا بقي
الام .. بعد الشر عليكي يا سارة .. ليه يا بنتي الكلام دا بس ؟!
سارة .. طيب يا ماما من فضلك بقي انا عاوزة اقفل عشان عاوزة ارتاح
شوية
الام .. ماشي يا بنتي .. وانا ان شاء الله بكرا الصبح هكون عندك
سارة .. في انتظارك .. سلام.
الام .. تصبحي علي خير يا بنتي مع السلامة
وتنام سارة وفي الصباح تستيقظ علي صوت ضحك عالي في الصالة لمجموعة من
الشباب .. تنزعج بشدة وتنهض من علي فراشها لتري من بالخارج فتجد مجموعة من الشباب
عددهم خمسة يدخنون الحشيش بواسطة الشيشة وامامهم زجاجات كثيرة من مشروب البيرة
سارة متعجبة .. انتوا مين ؟! ودخلتوا ازاي هنا ؟!
فيجيب عنهم شاب وسيم قوي البنية يبدوا علي وجهه بعض الشراسة والمكر والدهاء
ويدعي حسن وهو الابن الاكبر لزوجها سيد
حسن بسخرية .. اهلا اهلا اهلا .. صباحية مباركة يا عروسة !!
سارة .. انت مين ؟!
حسن .. انا حسن ابن سيد جوزك يا مرات ابويا
سارة .. ايه ؟!
حسن .. يخرب بيتك يا ابويا . اول مره تختار صح .. ايه يا بت القوام
والجمال دا كله ؟!
يحاول ان يلمسها بيدة وسارة تبتعد الي الوراء
سارة .. ابعد ايدك دي عني .. هو انت اتجننت ولا ايه ؟!
حسن .. هههه .. دي القطة طلعت بتخربش يعني يا رجالة!!
اصدقائة يضحكون سخرية من سارة
احد اصدقائة معلقا .. باينلها قط نفور يالا !!
حسن .. ههههه . وماله انا احب القط النفور .. يفضل يجري وانا اجري
يخربشني واخربشة عادي بس في الاخر لازم يقع ويستسلم ..
سارة .. امشي اطلع برة يا حيوان
حسن .. نعم يا روح امك ؟!!
الاحداث اشتعلت جدااا وهتحصل كارثة بعد شوية للمتابعة ٢٠ ملصق ومشاركة
للبوست في ٣ جروبات .. كما يمكنكم قرآة الرواية كاملة علي مدونتي ( مدونة مالك
الزعيم ) والرابط بالاسفل
https://mymohamedmalk.blogspot.com
تحياتي وكل عام وانتم بخير ..
تم النشر قبل 15th May بواسطة الكاتب والشاعر والسيناريست
محمد مالك
رواية اغتصاب شرعي +١٨
البارت الرابع
للكاتب المصري محمد مالك
جميع الحقوق محفوظة
حسن .. انتي بتشتميني يابت ؟!
سارة .. بت لما تبتك .. وامشي اطلع من بيتي يلا انت والحوش اللي معاك دول
!!
حسن .. ايه !! سمعيني كدا تاني الكلمة دي ؟! بيتك ؟!! بيتك ايه يا روح
امك؟!! هو انتي صدقتي نفسك انك مرات ابويا بجد ولا ايه ؟!! لا يا حلوة اصحي
وفوقي مكنتش دي حتة ورقة عند مأذون هتخليكي تعيشي في الوهم وتفتكري نفسك صاحبة بيت
!!
سارة .. انت قصدك ايه ؟!
حسن .. قصدي انك نزوة من نزوات ابويا وهتعدي زي ما خمس نزوات قبل منك عدوا
برضوا .. بس هو يشبع منك كدا وبعد كدا هيرميكي في الشارع زي الكلب الجربان !!
سارة تغضب بشدة .. امشي اطلع برة يا سافل .. اطلعوا برة
حسن .. باين عليكي مش ناوية تجبيها لبر معايا ؟!!
ثم يمسك ذراعها ويجذبة اليه بقوة حتي تقترب منه وسارة تتألم وحسن يهمس في
اذنها بصوت خافت
حسن .. بقلك ايه .. اعقلي كدا اومال وخليكي فريش عشان ايامك تعدي معايا
لأحسن وديني ما اعبد اخلي حياتك جحيم
سارة تتألم .. سيب ايدي بتوجعني يا بني آدم!!
حسن .. حاضر .. اديني سيبتك اعقلي بقي
سارة في قمة الغضب وتصفع حسن علي وجه فيغضب هو الاخر
سارة .. امشي اطلع برة يا زبالة وانا ليا كلام تاني مع ابوك
حسن .. انتي بتضربيني يا بت ؟!
سارة .. ولو مخرجتش من هنا وانت اللي معاك دول بالزوق انا هطلب الشرطة
حسن .. لا دانتي يومك مش فايت !! عثمان امشي وانت الرجالة وخد الباب في
ايدك
عثمان .. عايزني اسيبك لوحدك مع المتوحشة دي ؟!
حسن .. اسمع الكلام يا عثمان .. عايز اقول لمرات ابويا كلمتين علي
انفراد
عثمان .. اه يا لئيم .. فهمتك انا .. يلا يا رجالة .. طب احنا هنستناك برة
ولو في حاجة ادينا حس يا برنس
وبعد انصراف اصدقاء حسن .. حسن ينظر ل سارة في غضب شديد ويبدوا انه ينوي
بها شر وسارة بدأت تخاف
سارة .. ايه مالك ؟! بتبصلي كدا ليه ؟!!
حسن .. انتي تضربيني انا بالقلم علي وشي ؟! دا لا عشتي ولا كنتي .. دا انا
امي معملتهاش لما تعمليها انتي يا بنت الكلب ؟!
حسن يقترب من سارة وسارة تهرب منه وترجع الي الوراء
سارة .. ابعد عني اوعي تقربلي بقلك ؟!
حسن .. دا انا هادفعك تمن القلم دا غالي اوي
سارة .. انت هاتعمل ايه ؟!
حسن .. هاعمل نفس اللي عملته مع الخمسة اللي قبلك .. انتي مش قبلتي تكوني
مطرح امي ؟!! يبقي لازم اكسرك زي ما كسرت اللي قبلك
سارة .. انا مش فاهمه حاجة ؟! انت عايز مني ايه ؟! وبعدين انا متجوزتش ابوك
برضايا .. ابوك اتجوزني غصب عني .. وابويا فرضه عليا يا اتجوزه يا هايرميني في
الشارع انا وامي واخويا .. انا عمري ما كنت اتصور ابدا اني اتجوز بالطريقة دي ولا
من شخص اد ابويا
حسن .. اها .. هههههه .. اسطوانه مشروخة كلكم بتقولوها .. انتوا كل همكم
انكم تسحبوا من العجوز الخرفان دا فلوس كتير وعلي اد ما تقدروا في وقت قياسي
لأنكم عارفين ومتأكدين انه بتاع نسوان وبعد ما ياخد غرضه ويزهق هيرميكم في
الشارع!!
سارة .. صدقني انا مش بفكر بالطريقة دي خالص !! بالعكس انا كان عندي طموح
ومستقبل كبير كنت رسماه في دماغي .. وجوازي من ابوك خوف علي امي واخويا مش اكتر
عشان بس ما يتبهدلوش بسببي
حسن .. لا قلبك حنين يا بت !! يخرب بيت جمالك .. خليتي الراجل ريل يا شيخة
!!
سارة .. ابعد عني احسنلك ؟!
حسن .. مش قبل ما اكسرك واجيب مناخيرك الارض عشان تندمي علي اليوم اللي
اتجوزتي فيه ابويا
سارة .. انت اتجننت ؟!انت عايز تعمل ايه ؟!
حسن .. هعمل معاكي الصح واللي هيعجبك اوي ومش بعيد تطلبي مني اكررة معاكي
اكتر من مرة !!
ثم يمزق ملابسها ؟؟؟!!!!
الاحداث اشتعلت كثيرا والبارت التالي نااااار .. تابعوني ..
#محمد_مالك
تم النشر قبل 17th May بواسطة الكاتب والشاعر والسيناريست
محمد مالك
رواية اغتصاب شرعي +١٨
البارت الخامس
للكاتب المصري محمد مالك
جميع الحقوق محفوظة
سارة ترتجف بشدة من الخوف بعد ان مزق حسن ملابسها.. ايه اللي انت عملته دا
؟!! انت مجنون ؟!!
حسن .. هو انا لسة عملت حاجة !!
سارة .. يا متخلف انت انا مرات ابوك !!
حسن بسخرية .. ههههه .. تصدقي مكنتش اعرف الحكاية دي !!
سارة .. ابعد عني لأحسن اصوت والم عليك الدنيا كلها
حسن .. متقدريش تعملي حاجة .. لأني ممكن البسك مصيبة والشارع كله هيصدقني
لأنه عارف اخلاقي كويس وعارف اني محترم وابن ناس
سارة .. انت محترم انت ؟!!
حسن .. ههههههه . . ع الاقل في نظرهم بس .. وعارفين كويس ان ابويا بتاع
نسوان وان كل اللي اتجوزهم بعد امي بنات بايعة نفسها بالفلوس !! يعني معندهاش مبدأ
ولا كرامة .. بقلك ايه تعالي بقي في حضني يخرب بيت جمالك دا الواحد مولع !!
سارة .. ابعد عني بقلك ومتقربش مني خالص
حسن .. ما انتي بالذوق بالعافية هتيجي !! ف بلاش تتعبيني وتتعبي نفسك
وتعالي بالحسني احسن
سارة .. انت فعلا مجنون !! انت عايز تغتصبني يا جدع انت ؟!
حسن .. لا .. ابدا لا سمح الله .. انا يدوب هعلم عليكي بس
سارة .. ياخي اتقي ربنا حرام عليك .. انت عندك اخوات بنات
حسن .. ايوا عندي اخوات بنات .. بس مش بايعين نفسهم بالفلوس زيك ولا يقبلوا
يتجوزوا واحد في سن ابوهم
سارة .. انت حيوان مبتفهمش !! وابوك لو عرف اللي بتعمله دا هيقتلك !!
حسن .. طب مش لما يبقي يعرف الاول ؟!!
سارة .. انا هقلة كل حاجة
حسن .. لا .. بجد ؟! خفت انا يا بت . طب تعالي بقي عشان اعرفك تقليله
ايه بالظبط
حسن يحاصر سارة في زاوية من الشقة وسارة تدرك وقتها انه لا مفر من حسن
فتبدأ بالتوسل له
سارة منهارة بشدة .. ابوس ايدك ابعد عني .. حرام عليك يا اخي .. كفاية اللي
انا فيه !!
حسن .. يخرب بيت طعامتك !!
ونذهب الي ام سارة حيث تنتظر زوجها يس والد سارة ينتهي من ارتداء
ملابسة
الام .. شهل شوية يا يس ..عشان الحق اروح للبنت
يس .. اديني بلبس اهوه يا زينب !! متصربعنيش اومال !!
الام تتصل بأبنتها ولكنها لاتجيب
الام قلقة بشدة .. معقول تكون نايمة لدلوقتي ومش سامعة التليفون ؟!
يس .. انا مش عارف انتي شاغلة بالك بيها ليه ؟! احنا مش جوزناها خلاص ؟!
الام .. يعني عشان جوزناها نقوم نرميها ومنسألش عنها ؟! دي بتقلك ان جوزها
سابها وسافر عند واحدة من نسوانه!!
يس .. ما هو من عمايل بنتك .. في واحدة محترمة تضرب جوزها بالقلم ؟!! دا
كويس انه مطلقهاش !!
الام .. هو انت معاه ولا مع بنتك يا راجل ؟!
يس .. يا ستي انا لا معاه ولا معاها .. انا مع نفسي . . اطلعوا من دماغي
وسيبوني في حالي بقي
الام غاضبة .. مش انت اللي جوزتها الجوازة المهببة دي !! جاي دلوقتي تشيل
ايدك يا يس ؟!
يس . . جوازة مهببة !! هي بنتك تطول تتجوز من اكبر تاجر ادوات صحية فيكي يا
مصر ؟!! فعلا وش فقر انتي وبنتك !!
الام .. ياخي يغور بفلوسه .. هو احنا ناقصنا فلوس ؟! دي من ساعة البنت
اتجوزته واتكبت ما اتلمت يا عيني !! صعبانه عليا والله يا بنتي
يس .. صعبانه عليكي ؟! طب يلا يا اختي بينا نروحلها .. قال صعبانه عليها
قال !!
ونعود الي حسن وسارة
حسن .. ايه يا بت القرف دا ؟!
سارة .. عندي نزيف
حسن .. طب مش تقولي ؟! جاتك داهية فيكي وفي شكلك !!
ياتري حسن اعتدي علي سارة ولا لا ؟؟ وياتري ايه اللي حصل بعد كدا ؟؟؟
دا اللي هنعرفة من البارت التالي واحداث قوية ومثيرة جداااا .. تابعوني
..
#محمد_مالك
تم النشر قبل 19th May بواسطة الكاتب والشاعر والسيناريست
محمد مالك
رواية اغتصاب شرعي +١٨
البارت السادس
للكاتب المصري محمد مالك
جميع الحقوق محفوظة
حسن .. نفدتي من ايدي المره دي يا بنت الاية !! لكن معلش هتروحي مني فين
؟!! انا وراكي والزمن طويل يا مرات ابويا !!.. ههههههه
ثم يتركها وينصرف وسارة منهارة بشدة لا تستطيع النهوض والوقوف علي قدميها
تكاد لا تصدق ما حدث من حسن ابن زوجها واثناء مغادرة حسن للشقة حيث ينتظره اصدقائة
بالخارج .. يسألة صديقة عثمان في لهفة
عثمان .. ايه يا صحبي .. طولت ليه كدا اومال ؟!!
عاطف الصديق الاخر .. ههههه .. هو انت مش شايف يا حمار البت موزة ازاي ؟!!
اكيد طلعت عين صحبك !! ولا ايه يا برنس ؟!! ويقصد حسن
عثمان .. اها .. عندك حق .. البت صاروخ ارض جو مالوش حل يا جدع لا وعاملة
زي القط النفور كمان !! اكيد تعبتك اوي يا ابو علي!!
عاطف .. ههههه .. ايه يا عم مبتردش ليه ؟!! وايه الخرابيش اللي في وشك دي
؟! هي خربشتك ولا ايه ؟!
عثمان .. شكلك مقدرتش عليها يا عم حسن !! ما انا قلتلك مانسيبكش لوحدك يا
عم انت !!
عاطف .. هههههه ..انا مش قلت يا جماعة ان البت دي صعبة علية اوي ومش هيقدر
عليها لوحدة ؟! طب يا اخي كنت استعين بصديق واحنا تلاته اهوه بدال الكسفة اللي انت
فيها دي !!
عثمان .. لا واللي يشوفة وهو مبرق عنيه والشرار طالع منهم وقال يقلك خد
الرجالة واستناني بره يا عثمان .. يقول الواد دا هيقطع البت حتت !!
عاطف .. اهي اللي قطعته بضوافرها !! هههههههه
حسن غاضب .. بس ياض انت وهو ياض .. مين دي ياض اللي انا مقدرش عليها ؟! لسة
ما اتخلقتش ياض اللي تصعب علي حسن ابن الحج سيد !! دا انا حسن ابوعلي ياض انت
وهو
عثمان .. لا ما هو باين فعلا يا برنس !! عشان كدا طالع من جوة قفاك يقمر
عيش !! هههههههه
وفجأة تأتي ام سارة وزوجها لتجد هؤلاء الشباب يقفون امام باب الشقة فيتعجبا
عند رؤيتهم بهذا المنظر
الام .. انتوا مين ؟!!
حسن .. انتي اللي مين ؟!
الام .. احنا اهل العروسة صاحبة الشقة دي . . انا مامتها ودا باباها
حسن .. اها .. اهلا وسهلا
الاب . . انتوا مين بقي ؟!.
حسن .. انا حسن ابن جوز بنتكم الكبير .. ودول اصحابي
الاب .. وانتوا بتعملوا ايه هنا يا حسن ؟!
حسن .. لا .. دا احنا كنا بندور علي مفتاح المحل في الشقة هنا .. عشان عدم
لا مؤاخذة نفتح الدكان
الاب .. ولقيته ؟!
حسن .. اها .. طبعا لقيناه ..
الاب .. طيب الحمد لله .. طب اتفضلوا شوية
حسن .. لا شكرا .. سلام
الاب .. مع السلامة
الام .. يا ساتر .. معقول دا يبقي ابن الحاج سيد ؟! دا شكلة بلطجي هو واللي
معاه !! يا لهوي لا يكونوا عملوا في البنت حاجة !!
ثم يدخلا مسرعين الي داخل الشقة ليفاجأ ببنتهما جاثية علي قدميها وملابسها
ممزقة وجروح منتشرة في انحاء جسدها .. الابوان يصابا بالصدمة.
الام مهرولة ناحية ابنتها .. سارة .. مالك يا بنتي .. ايه اللي عمل فيكي
كدا يا ضنايا ؟!
سارة منهارة بشدة .. ماما .. الحقيني يا ماما كان عايز يغتصبني ؟!!
الام .. يا ساتر يارب ! مين دا يا بنتي اللي عايز يغتصبك؟!
سارة .. الحيوان اللي اسمه حسن ابن سيد جوزي .. صحيت من النوم لقيته في قلب
الشقة هو واصحابه وكانوا قاعدين يشربوا حشيش وخمرة !! ولما اتكلمت معاهم قعد
يشتمني وبعدها قطع هدومي وكان عايز يغتصبني يا ماما !!
الام .. معقول يابنتي ؟! يعملها انا اول ما شفته قدام باب الشقة هو واللي
معاه .. قلت اكيد دول حرامية وجايين يسرقوا الشقة وشهم وش بلطجية يا بنتي
سارة .. خديني معاكي يا ماما .. انا مش عايزة اقعد هنا تاني
الام .. هاخدك طبعا يا بنتي .. اهدي عشان خاطري .. والعمل يا يس ؟! وصلت ان
ابن جوزها يعتدي عليها بالشكل دا ؟! وكمان كان عايز يعتصبها !! انطق ساكت ليه ؟!
مش انت اللي شبكتها الشبكة السودا دي ؟!
رد فعل علي وجه يس ولا ينطق بحرف واحد
ونذهب الي حسن واصدقاءة حيث يتوقف عن قيادة سيارته ويمسك المحمول ويبدوا
انه يريد ان يتصل بشخص ما
عثمان مندهشا .. ايه مالك ؟ وقفت ليه ؟!
حسن .. ثواني .. محدش يتكلم فيكم خالص .. مفهوم ؟!.
عاطف .. في ايه يا عم انت ؟!
حسن .. هس .. الو اه يا حج .. انت فين يا حج ؟! في اسكندرية !! طب يا حج مش
كنت تتصل تعرفني انك مسافر عشان اجي واخد منك مفاتيح المخزن عشان البضاعة المرمية
في الشارع دي !! .. لا المفاتيح معاك انت بقالها اسبوع من ساعة اخر طلبية .. ما
انا برن عليك تليفونك مقفول يا حج !! .. وبعدين رحتلك البيت لقيت بنت صغيرة كدا في
السن فتحتلي الشقة وكانت لابسة قميص نوم مشخلع اوي !! واتكلمت معايا بسهوكة كدا
وبكل مياعة !! هي البت دي تطلع مين يا حج ؟! مراتك !! هو انت اتجوزت يا حج ؟! طب
يا عم مش كنت تقول عشان حتي ارقصلك في فرحك وازفك زفة ما حصلتش ؟!! ما علينا
ملحوقة برضوا والجايات كتير وانت مش هتبطل جواز .. اه يا نمس انت يا حج ؟! ..
ههههه .. مين ؟! اه والله زي ما بقلك كدا فتحتلي بقميص منوم لامؤاخذة مبين كل
جسمها والا بالدين عايزة تقفش فيا لما شافتني واد شاب كدا وحليوة .. حاولت افهمها
ان انا ابنك وان اللي عايزة تعمله دا اكبر غلط ؟! لكن لا حياة لمن تنادي !! الا
بالدين عايزاني انام معاها بنت الكلب !! لا مؤاخذة يا حج عشان شتمتها وكدا يعني !!
بس انا متغاظ منها والله ولولا الواحد يعرف ربنا كويس كان ممكن يضعف قدام بت موزة
زي دي ؟!! هو انت جبتها منين البت دي يا حج ؟! من اولها كدا عايزة تلوث سمعتك
وشرفك ؟! دا كويس اني رحت بنفسي ومبعتش حد من صبيان المحل .. كان زمان سيرتنا علي
كل لسان .. يا حج .. جاي ؟! طب يا حج توصل بالسلامة .. سلام يا حج سيد .. سلام يا
عريس
عثمان مندهشا .. يا ابن الاية ؟!! يخرب بيتك .. ايه اللي انت عملته دا ؟!
دا انت وديت البت في داهية !!
حسن .. ولسة .. وحيات امي لأدفعها تمن جوزاها من ابويا غالي اوي !!
الاحداث اشتعلت جداااا .. تفاعل ومشاركة عشان بقي انزل ببارت كمان انهاردة
. . تحياتي ..
تم النشر قبل 23rd May بواسطة الكاتب والشاعر والسيناريست
محمد مالك
رواية اغتصاب شرعي
البارت السابع
للكاتب المصري محمد مالك
جميع الحقوق محفوظة
يس والد سارة في قمة الغضب مما فعله حسن ابن الحاج سيد زوج ابنته ومحاولة
اعتداءه علي ابنته سارة وتُحضر له زينب زوجته العشاء فتراه حزينا شاحب اللون
مهموما ..
زينب .. العشا يا يس
يس .. لا ماليش نفس .. كلي انتي والواد
زينب .. ياراجل دا انت مدخلش جوفك لقمة من صباحية ربنا ؟!!
يس .. ومين ليه نفس بس ياكل يا زينب ؟!!
زينب .. عندك حق .. بس مينفعش متاكلش اليوم كله كدا دا انت عندك السكر ..
ممكن تقع من طولك
يس .. ياريت عشان الواحد يرتاح
زينب .. يا ساتر يارب .. الف بعد الشر عليك ياخويا .. هو احنا عايشين غير
بحسك في الدنيا !! في ايه يا سيد مالك ؟! عمري ما شفتك حزين ومهموم كدا ؟! طول
عمرك رامي حمولك علي الله .. مالك يا اخويا ؟!
يس .. مش قادر اصدق اللي حصل ؟!! بقي اين سيد عايز يعتدي علي بنتي انا وبقطعلها
هدومها ؟!!
زينب .. ربك ستر يا اخويا واهي بنتنا بقت في حضننا.. ولما يجي بسلامته بقي
جوزها ابقي شوف هتتصرف معاه ازاي !!
يس .. دا انا هاطين عيشته وعيشة ابنه السافل دا .. دا انا هاين عليا اطلع
اعمل بلاغ ضدة في القسم واقول انه كان عايز يغتصب بنتي في شقتها !!
زينب .. لا يا اخويا ماشجعكش علي كدا .. فضايح ملهاش لزمة .. وما دام ربك
ستر خلاص ملهاش لزوم الفضايح دي وزي ما دخلنا بالمعروف نخرج بالمعروف
يس .. عندك حق بس لما يجيني سيد .. البنت عاملة ايه دلوقتي؟
زينب .. بنتك تعبانه يا سيد.. اكلتها لقمة بالعافية ونامت بس وهي نايمة يا
عيني جسمها كله بيتنفض
سيد .. معلش.. حقها عليا انا .. انا السبب في الجوازة دي .. بس كل شئ
هيتصلح بإذن الله
وفجأة يٌطرق جرس الباب
يس .. باينله سيد .. روحي افتحي الباب يا زينب
زينب .. حاضر
وتذهب زينب لتفتح الباب فتجد سيد بالفعل امام الباب غاضب وينوي شرا
سيد .. فين سارة ؟!
زينب غاضبة هي الاخري .. موجودة عندي .. اتفضل ابوها مستنيك
ثم يدخل سيد الي الداخل وبمجرد ويراه يس الذي بدأ ينظر اليه نظرات تعبر عن
الغضب الشديد والاستنكار مما فعل ابنه
سيد .. سارة فين يا يس
يس .. سارة نايمه في اوضتها جوة
سيد .. وازاي تسيب البيت من غير علمي .. هو وكالة من غير بواب ؟!.
يس .. وانت كنت عايزها تستني في بيتك بعد اللي عمله فيها ابنك ؟!
سيد .. نعم يا اخويا !! وابني عمل فيها ايه ان شاء الله ؟!
يس .. روح واسألة ولو راجل يقول ع اللي كان عايز يعمله في البنت !! لكن انا
متوقعش ان ابنك دا راجل اصلا !!
سيد .. احترم نفسك يا جدع انت .. انا ابني سيد الرجالة !! وبعدين بلاش
الدخلة المفقوسة دي!! ولا خدوهم بالصوت قبل ما يغلبوكم ؟!
يس .. قصدك ايه ؟!!
سيد .. قصدي ان بنتك اللي كانت بتشاغل الواد وكانت بتغريه عشان ينام معاها
؟!!
زينب .. اخرس قطع لسانك .. انا بنتي اشرف من الشرف .. روح شوف ابنك الوسخ
وعلمه الادب احسن
يس .. انت بتقول يا بني ادم انت ؟! بنتي انا بتشاغل ابنك انت ؟! اذا كنا
رحنا شفناها هدومها متقطعة ومتبهدلة اخر بهدلة ولما سألناها قالت ان ابنك كان بيحاول
يغتصبها!! وفعلا كان واقف بره باب الشقة ومعاه ٣ صيع تانين!!
سيد .. ههههه .. وصدقتها انت بقي ؟! لا يا حبيبي . انا ابني متربي
كويس اوي .. وعمره ما يعمل حاجة تغضب ربنا ولا ابوه ابدا .. دا ملعوب من بنتك بعد
ما لقيت الواد نضيف ومالوش في السكة الشمال وخافت لا يفضحها .. قامت عاملة القصة
دي .. قال ايه عشان تبان قدامكم شريفه وان هي الضحية والمجني عليها .. وابني انا
هو الجاني هاتك الاعراض !! لكن علي مين .. ملعوب مكشوف اوي من بنتك
يس .. احترم نفسك يا راجل انت . انا بنتي اشرف منك ومن ابنك .. وامشي
اطلع برة وورقة طلاق بنتي تجيلي علي هنا احسنلك
سيد .. نعم يا خويا !! طلاق ايه دا يا ابو طلاق ؟! هو انا لسة شبعت منها ؟!
اومال الالوفات اللي انت لهفتها مني دي كانت عشان ايه ؟! عشان انام معاها مرة
وخلاص ؟! لا يا حبيبي .. انا دافع فيها كتير اوي
يس .. فلوسك هتاخدها ع الجزمة لما تطلق البنت
سيد .. هأو .. ومين قالك اني عايز فلوس ؟! انا عايزها هي . عايز اشبع
منها واوعدك اني بعد ما اخد مزاجي واستكفي .. هرميها زي الكلب الجربان في
الشارع
يس .. امشي اطلع برة
سيد .. صحيها خليها تروح معايا
يس .. مش بنتي مش هتطلع من بيتي تاني وانسي انها ترجعلك في يوم من الايام
.. واحسنلك تطلق من غير مشاكل يا سيد
سيد .. طب ايه رأيك بقي انا هروح البيت وهستناها تيجي انهاردة .. ولو
مرجعتش انهاردة بيتها يا يس انت عارف انا ممكن اعمل ايه كويس ؟!! ولا نتكلم قدام
المدام ؟!
يس يرتبك فجأة ويصمت ولا يرد بأي كلمة
سيد .. بالاذن يا حج ..
ثم ينصرف ورد فعل علي وجه يس ..
احداث مثيرة جدااا بالبارت التالي بعد التفاعل والمشاركة..
تم النشر قبل 5 weeks ago بواسطة الكاتب والشاعر
والسيناريست محمد مالك
رواية اغتصاب شرعي
البارت الثامن
للكاتب المصري محمد مالك
جميع الحقوق محفوظة
وبعد ان ينصرف سيد من عند يس .. زينب تسألة في دهشة وحيرة شديدة
زينب .. ايه الحكاية يا يس ؟!!
يس .. حكاية ايه يا زينب ؟!
زينب .. الراجل اللي اسمه سيد دا قصده ايه بكلمة ولا نتكلم قدام المدام ؟!!
هو فيه حاجة انت مخبيها عني يا يس ؟!
يس .. حاجة ايه اللي انا هاخبيها عنك يا زينب ؟! دا مجنون وبيخرف
باين عليه !!
زينب .. طب وهاتعمل ايه ؟! باين عليه مش ناوي يطلق البنت !!
يس .. انا رأيي بنتك تروح بيتها احسن يا زينب
زينب .. نعم ؟!! بس دا مكنش رأيك قبل ما يجي ؟!! غيرت رأيك ليه فجأة كدا ؟!
يس .. وانتي هتستفادي ايه بس من خراب بيتها ؟!! في واحدة تطلق من اسبوع
جواز يا عالم ؟!
يس .. ومن تاني يوم كمان!! وخصوصا لو اكتشفت ان جوزها بالوساخة بتاعة البني
آدم دا اللي اسمه سيد .. يا راجل اختشي علي دمك .. دا بيخوض في عرض بنتك وبيقول
انها كانت بتغري ابنه عشان ينام معاها ؟!! وعايز تردهاله تاني ؟!! هو انت جري لمخك
حاجة يا يس ؟!! ولا ماسك عليك ذلة واحنا مش عارفين ؟!
يس يرتبك فجأة .. ذلة ايه يا وليه يا خرفانة انتي ؟! حاسبي علي كلامك !!
زينب .. طب فهمني .. ايه اللي غير موقفك كدا مرة واحدة؟!! .. وبعدين وشك
جاب الوان اول ما قالك هترجعها البيت غصب عنك ولا نتكلم ونقول للمدام ؟!
يس .. اخرصي يا ولية خالص ومش عايز اسمع صوتك .. انتي فاهمه ؟!
زينب .. ماشي يا يس .. هاحط جزمة قديمه في بقي وهاسكت خالص .. لكن يكون في
علمك بنتي مش هترجع للراجل الوسخ دا تاني مهما حصل .. اديني عرفتك اهوه .. جوازة
شوم من البداية وانت السبب وربنا هايحاسبك ع اللي بتعمله في بنتك دا
يس .. بقلك ايه يا ولية انتي .. بنتك تلم هدومها وترجع بيت جوزها حالا ..
يا اما وعزة جلالة الله لتكوني طالق الليلة وهرميكي انتي وهي في الشارع
زينب .. انت اتجننت ولا ايه ؟! عايز ترمي بنتك في حضن الراجل دا تاني ؟!
ازاي تأمن عليها بعد اللي عمله ابنه فيها واللي قالوا هو عليها ؟!! انت كدا بترمي
بنتك في النار بأيدك
يس .. والله انا بقيت مش عارف اصدق مين فيهم ؟!!
زينب مصدومة بشدة .. ايه ؟!! ايه اللي انت بتقولة دا ؟! انت فعلا اتجننت
رسمي ؟!! بقي عايز تصدق الراجل القذر دا وتكدب بنتك اللي انت مربيها احسن تربية
وعارف اخلاقها كويس ؟! انا مش قادرة اصدق اللي انا بسمعه دا ؟!
يس .. بقلك ايه يا زينب اكسري الشر وخلي بنتك تروح بيتها انهاردة
زينب .. لا مش هتروح يا يس .. ولو عايز تطلقني طلقني ووريني هترمينا في
الشارع ازاي!!
يس .. بقي كدا ؟! طيب بنتك مش هتبات في بيتي انهاردة وهاظعتها دلوقتي قدامك
..
يس يجري مسرعا نحو غرفة ابنته النائمة
يس .. انتي يا بت انتي .. اصحي يلا
سارة تستيقظ مفزوعة
سارة .. في ايه يا بابا ؟!!
يس .. قومي روحي بيت جوزك يلا
سارة .. لا انا مش هارجع للحيوان دا تاني !!
يس .. بقلك ايه انا عفاريت الدنيا بتتنطط قدامي .. واكسري الشر انتي وامك
الليلة دي !!
سارة .. في ايه يا بابا ؟! حضرتك ازاي عايز ترجعني للراجل دا تاني بعد كل
اللي حصل ؟! للدرجة دي مش غالية عندك ؟! دا انا بنتك يا بابا ؟!
يس .. لا مش غالية عندي ؟! وهتقومي تروحي بيتك دلوقتي حالا
سارة .. اسفة .. مش هروح للراجل دا تاني .. انا خلاص عايزة اطلق منه ..
طلقني منه يا بابا لو سمحت
يس .. ياخي جالك طلق في دماغك .. قومي يابت فزي روحي بيت جوزك
سارة .. لا يابابا .. مش هروحلة تاني .. اضربني موتني لكن مش هرجعله تاني
ابدا
يس .. يا سلام .. بتعصيني يعني ؟! طب ايه رأيك بقي هتروّحي لجوزك ورجلك فوق
رقبتك
ثم يجذبها من شعرها بقوة تُسقطها علي الارض ثم يجرها منه وسارة تتألم وزينب
تصرخ كي يتركها حتي يصل الي باب الشقة ويفتح الباب ويدفعها الي الخارج ثم يغلق
الباب
زينب مندهشة ومصدومة .. انت ايه اللي بتعمله دا يا مجنون ؟! دي بنتك اللي
انت بتبهدلها بالطريقة دي ؟!!
يس منفعلا ثم يصفعها بقوة علي خدها الايسر .. اخرصي يا ولية .. مش عايز
اسمع صوتك خالص .. هو الواحد مش عارف يحكم في البيت دا ولا ايه ؟! جاتك البلاوي
انتي وبنتك عصبتوني وفورتوا دمي !! اوعي من وشي .. وعليا الطلاق يا زينب لو
فتحتيلها الباب ودخلتيها هنا تاني لاكون راميكي وراها .. اوعي غوري من وشي .. جاتك
القرف في شكلك !!
سارة تبكي منهارة من خارج الشقة وتطرق الباب بكلتا يديها وهي تقول
سارة .. افتح يا بابا .. افتحي يا ماما .. حرام عليكم اللي بتعملوه فيا دا
!! افتح يا بابا ابوس ايدك .. ماما .. ماما افتحي الباب عشان خاطري
الام تستمع لأستغاثة ابنتها ولكن لا تملك شيئا تفعله لها .. فالاب متسلط
ومتجبر والام لا حيلة لها ولا تملك من امرها شيئا امام هذا المتجبر الظالم ..
بعدها تقضي سارة عدة ساعات في الشارع حائرة لا تعلم اين تذهب حتي فكرت في
الذهاب الي احدي صديقاتها في المدرسة تدعي بثينه تسكن في منطقة شعبية والدها متوفي
وتسكن مع امها
بثينة .. سارة !! ازيك يا سارة .. مالك يا بنتي .. ايه اللي مبهدلك كدا ؟!
تعالي ادخلي
سارة ترتجف من البرد والخوف فكلاهما اجتمعا علي جسدها النحيل
بثينة .. انتي بتترعشي اوي !! ثواني اجبلك حاجة سخنه وبطانية
ثم تذهب لأحضار كوب ينسون ساخن وبطانية
بثينة . خدي لفي نفسك بالبطانية دي واشربي الينسون دا عشان تدفي ..
مالك يا سارة في ايه ؟!
سارة .. بثينة .. عايزة ابات عندك انهاردة .. ممكن ؟!
بثينة .. ممكن طبعا يا حبيبتي .. دا البيت بيتك يا سارة وانتي عرفة معزتك
عندي اد ايه
سارة .. عارفة .. عشان كدا جتلك علطول
بثينة .. طب ايه اللي حصل بس ؟! هو انتي مش اتجوزتي من يومين يا بنتي؟!
سارة .. قصدك اتعست من يومين !! اتوكست من يومين !! اتكتبت شهادة وفاتي من
يومين !!
بثينة .. يا ساتر يارب .. ليه بتقولي كدا ؟! هو انتي اتخانقتي مع جوزك ولا
ايه ؟!
سارة . بثينة ارجوكي مش قادرة اتكلم خالص دلوقتي .. وجعانة اوي وحاسة
اني خلاص هاقع من طولي!!
بثينة.. بعد الشر عليكي يا حبيبتي . ثواني وهاجيبلك احسن اكل
تاكلية
سارة . . انتي رايحة فين ؟!
بثينة .. هاروح اشتريلك حاجة تاكليها .. دقايق واكون عندك .. اشربي انتي بس
الينسون دا عشان تدفي واهدي كدا .. ماشي ؟!! كل حاجة وليها حل ان شاء الله
.. يقطع الجواز وسنينه .. اه .. هاتعبك في حاجة معلش
سارة .. ايه ؟!
بثينة .. الدوا بتاع امي ميعاده كمان ربع ساعة لو اتأخرت اتعبي اديهولها
هتلاقيه ع الكوميدينو جمبها
سارة .. حاضر
بثينة . حضرتي ياختي .. بالاذن يا حبيبتي
وتذهب بثينه لأحضار الطعام ل سارة .. وتمضي ربع ساعة وتذهب سارة الي غرفة
الام المريضة الراقدة علي الفراش وتعطيها الدواء .. بعدها تشعر بأنها تحتاج الي
شاور ساخن يُخلصها من آلام جسدها وحتي ترتخي عضلاتها المتوترة .. فتدخل الي
الحمام كي تستحم واثناء ذلك يحضر قاسم ابن خالة بثينة شاب عشريني بلطجي يعمل مبيض
محارة مدمن حشيش حدثت بينه وبين بثينة اكثر من مرة علاقة جنسية بحجة انه ينوي
الزواج منها .. ويدخل قاسم الي الشقة بعد ان فتح الباب بمفتاح يحمله معه ثم ينادي
علي بثينة
قاسم .. بثينة .. بثينة .. انتي يا بت يا بثينة
ثم يتوجه الي حجرة خالته المريضة
قاسم .. مساء الفل يا خالتي .. اخبارك ايه دلوقتي ؟!! اومال البت بثينة فين
؟! يووووة نسيت انك مشلولة ومش هتقدري تردي ولا حتي تشاوري بصباعك !! مش
ربنا ياخدك عشان ترتاحي بقي من العذاب دا ؟! هههههه .. بضحك معاكي يا خالتي ..
راحت فين البت دي يا اخواتي ؟! لما الفلي سيجارة حشيش تكون جت .. واثناء مرورة
بجوار الحمام يسمع صوت خرير المياه داخل الحمام فيندهش
قاسم .. معقول تكون بتتستحمي ؟! ليه هو بكرا العيد ولا ايه ؟!!
ثم يفتح باب الحمام فجأة فيري سارة عارية امامه وسارة تُصعق عند رؤيته
وتبحث عن البشكير لتستر نفسها
سارة .. انت مين ؟! وازاي تفتح باب الحمام من غير ما تخبط ؟!
قاسم .. انتي اللي مين ؟! يا لهوي . . هو فيه جمال بالشكل دا ؟!
سارة .. امشي اطلع برة
قاسم .. اطلع برة ؟! طب قولي اتفضل ولا انتي مش عاوزة حد يدلكك ويفكلك
عضلات جسمك ؟! دا انا بعمل مساج حلو اوي ..
ثم يدخل ويغلق باب الحمام
سارة .. انت بتعمل ايه ؟! امشي اطلع بره يا متخلف !!
قاسم .. ابقي متخلف فعلا لو طلعت برة وسبت الجمال دا يعدي من تحت ايدي ؟!
ايه اللي حصل ؟!! دا اللي هانعرفة من البارت التالي .. تحياتي ..
تم النشر قبل 4 weeks ago بواسطة الكاتب والشاعر
والسيناريست محمد مالك
[٢٥/٦ ١:١٥ م] 🌹منال جودة🌹: رواية اغتصاب شرعي
للكاتب المصري محمد مالك
البارت التاسع
جميع الحقوق محفوظة
سارة .. انت اكيد انسان مريض ؟!! انت ازاي تتجرأ وتدخل عليا الحمام ؟!
وكمان عايز تتهجم عليا يا سافل يا حقير ؟! امشي اطلع برة .. يا بثينة .. يا بثينة
.. الحقيني يا بثينة
قاسم ساخرا .. هههههه .. وهي فين بثينة ؟! بلاش عناد وتعالي بقي في حضني يا
قمر
سارة تحاول الهروب منه وتدفعه بعيدا عنها بكل ما تملك من قوة لكنه يُصر علي
ما ينوي فعله معها
سارة .. ابعد عني يا حيوان
قاسم .. يا بت بلاش تتعبيني معاكي بقي ووفري المجهود دا عشان نعرف نستمتع
سوا !!
سارة .. نستمتع ايه يا سافل يا دون ؟! هو انت فاكرني منهم ولا ايه يا نجس
؟! بثينة .. الحقيني .. حد يحوش الحيوان دا عني
وفجأة تنزل ضربة شومة قوية علي رأس قاسم تفقده الوعي وتسقطة ارضا والفاعل
هو بثينة
بثينه مستنكرة بشدة .. مش هتبطل وساخة يا قاسم ؟!!
سارة .. مين دا ؟!
بثينة .. دا قاسم ابن خالتي !! عيل صايع وشمام ومعندوش مبدأ !! واوسخ منه
مش هتلاقي !!
سارة .. ودا دخل هنا ازاي ؟!
بثينه .. معاه مفتاح الشقة
سارة تنظر اليه فتجد الدماء تسيل من جُرح عميق في رأسه ويبدوا انه مات !!
سارة .. دا باين عليه مات ؟!!
بثينه تقلق وتنزل اليه لتسمع ضربات قلبه فتجدها قد توقفت فتتأكد في تلك
اللحظة انه فعلا قد فارق الحياة
بثينة مرتبكة ومندهشة .. هو فعلا مات !!
سارة مصدومة .. يخرب بيتك !! كان لازم تضربية بالشومة يعني ؟!
بثينة .. اومال كنت احوشه عنك ازاي يعني ؟! دا وسخ وانا عارفاه لو كان
اتملك منك مكنش سابك غير لما اخد منك اللي عايزه .. وبعدين احسن انه مات اهو ريح
وارتاح .. ظلمني كتير ووعدني بالجواز اكتر من مرة وفي كل مرة بلاقيه ندل وواطي
وخثيث !! بيوعدني بس ساعة لما بيبقي مشتاقلي .. لكن بعد ما ياخد غرضه مني بينسي كل
وعوده .. وانا اللي استاهل عشان صدقت كلب زي دا ووثقت فيه عشان حبيته!!
سارة .. طب والعمل دلوقتي ؟!!
بثينة .. مش عارفة ؟!
سارة .. مش عرفة ازاي ؟! دي جريمة قتل !! انا ايه اللي جابني هنا بس ياربي
؟! جيت اهرب من نقره وقعت في دحديره يا ناس !!
بثينه .. انتي هتولولي ؟! فكري معايا هنتخلص من جثته دي ازاي ؟!
سارة .. وانا مالي ؟!
بثينه .. مالك ازاي ؟! وانا ضربته عشان ايه ؟! مش عشان ابعده عنك ؟! انتي
هتندلي معايا ولا ايه وسيبيني اشيل المصيبة دي لوحدي ؟! لا .. ورحمة ابويا انا لو
رحت في داهية هتكوني قبلي فيها يا سارة !!
سارة تلعن حظها وتبكي مقهورة .. اه ياني !! وانا كان مالي ومال المصايب دي
يا ربي ؟؟! حرام عليك يابابا .. حرام بجد !!
بثينه .. اه .. هنتصرف ازاي في المصيبة دي ؟!
سارة .. بصي انا قريت حادثة قبل كدا عن واحدة قطعت جوزها بالساطور ورمة
جثته في المشروع
بثينة .. اها .. قصدك يعني نقطعه حتت صغيرة ونتخلص من جثته ؟! فكرة حلوة
برضوا .. بس يا تري هنرميها فين ؟! مفيش مشروع قريب من هنا !! ايوا .. بس .. احنا
نرميها في الخرابة اللي ورانا تاكلها الكلاب .. وبكدا مش هيبقي لجثته اثر ..
استنيني هنا منا ما اروح اجيب اكياس واجي
سارة .. انتي هتمشي وهتسبيني هنا مع جثته ؟!
بثينه .. متخافيش .. مات خلاص يعني مش هايعملك حاجة !! .. انا مش هتأخر ..
امسكي الشومة دي
سارة مندهشة .. ارميها بعيد !!
بثينة .. بقلك امسكي الشومة .. جايز يتحرك كدا ولا كدا تبقي جاهزة يعني ..
ولا يمكن يطلعلك الشبح بتاعة .. مش بيقولوا ان اللي بيموت مقتول بيطلعلوا شبح ؟!
سارة ترتجف خوفا .. انتي بتقولي ايه ؟! بجد الكلام دا ؟!
بثينة .. ههههه .. متخافيش اوي كدا !! .. انا اسمع بس لكن ماشوفتش بصراحة
.. ع العموم خلي الشومة معاكي محدش ضامن الظروف .. امسكي .. يلا سلام
وتمشي بثينه لأحضار الاكياس وقبل ان تغادر المنزل تأخذ مفتاح الشقة من جيب
قاسم وبعد ان تغادر المنزل تغلق الباب بالقفل حتي تضمن ان تبقي سارة داخل المنزل
وسارة تظل بالمنزل ترتجف من الخوف . ارتدت
ملابسها وجلست في الصالة امام الحمام وطلت تنظر الي الحمام وتفكر في كلام بثينة
وفجأة تظهر امامها رأس قاسم وقد سقطت ع الارض بعد ان كان ظهره متكأً علي جدار
الحمام .. فترتجف عند رؤيته بهذا المنظر الرهيب وعيناه مفتوحتان ووجهه مغطي
بالدماء .. سارة تمسك بالشومة بكل قوة تظن ان الجثة بدأت تتحرك وربما يعود قاسم
الي الحياة مرة اخري فيكرر محاولة الاعتداء عليها وربما ينتقم منها بسبب ما حدث له
.. سارة تفكر قليلا ويبدوا انها تنوي مغادرة المنزل فتتوجه مسرعة نحو باب الشقة
ولكنها تفاجي بأن الباب مغلق
سارة .. اعمل ايه بس ياربي في المصيبة دي ؟! ياريتني ما كنت جيت هنا !!
سارة تنظر الي السيدة العجوز ام بثينة فتجدها تضحك بطريقة هيستيرية
سارة مندهشة .. انتي بتضحكي علي ايه ؟! ع المصيبة اللي انا فيها دي ؟؟!
اسكتي بقي
السيدة مستمرة في الضحك ولم تتوقف مما يثير غضب سارة والتي تقوم بسرعة
وتغلق باب غرفة النوم حتي لا تسمع صوت ضحكها
سارة .. بقلك اسكتي متعصبنيش !!
وبعد ان تغلق سارة باب الغرفة تسمع صوت اقدام تقترب من باب الشقة ومفتاح
يدخل في القفل ويدور
سارة منزعجة .. بثينة !! انتي جيتي ؟!
سارة تقترب بحرص وبخطوات بطيئة من باب الشقة لتري ما يحدث بالخارج وما زالت
تنطق بأسم بثينة تظنها هي التي بالخارج
سارة .. بثينة !! انتي اللي برة ؟!
بثينة انطقي انا مش ناقصة ارجوكي!!
وعند اقتراب سارة من الباب حتي اصبحت علي بعد خطوتين تفاجأ بالباب يُطرق
بشدة وبعنف ويبدوا انه البوليس
الضابط . افتحي الباب .. بوليس
سارة تُصعق ولا تدري ماذا تفعل فقد تصلبت قدماها في موضعهما والتصقت بالارض
وفقدت التفكير تماما ثم تفاجأ بالباب يُكسر والبوليس فجأة يصبح داخل الشقة ويحيطها
من كل مكان ؟؟؟!!!
الاحداث اشتعلت والرواية في قمة الابداع والتشويق والاثارة .. تابعوني
والبارت التالي .. تحياتي ..رواية اغتصاب شرعي
البارت العاشر
للكاتب المصري محمد مالك
جميع الحقوق محفوظة
سارة داخل قسم الشرطة في حالة انهيار تام وتأتي الام والاب اليها مسرعين
فيجدوها امام ضابط المباحث تبكي بشدة
زينب ام سارة .. في ايه يا سارة ؟! ايه اللي حصل يا بنتي ؟!
سارة .. الحقيني يا ماما انا متهمه في قضية قتل !!
زينب مصدومة .. يا ساتر يارب !! قتل ايه يا بنتي كفالله الشر ؟! ايه
الحكاية يا حضرت الظابط ؟!
الضابط ويدعي النقيب سالم .. انتي امها ؟
زينب .. ايوا انا امها
سالم .. وانت والدها طبعا ؟
يس .. ايوا يا باشا
سالم .. طيب .. بنتكم متهمة بقتل المدعو قاسم عماد الدين بعد ما ضربته
بشومة علي راسه تسبب عنها وفاته في الحال !
زينب مستنكرة .. مين قاسم دا ؟! مين قاسم دا يا سارة ؟!
سارة .. معرفوش يا ماما .. دا ابن خالة صحبتي بثينه.. جه عندها الشقة وانا
كنت هناك
زينب .. وانتي ايه اللي يوديكي عند بثينه صحبتك ؟! مروحتيش بيت جوزك ليه
علطول ؟!
سارة .. ما انا قلتلكم مش طايقاه بعد اللي حصل واني مش عايزة ارجعله تاني
وبابا طردني من الشقة عشان يرجعني ليه بالعافية .. فقلت اروح اقعد عندها لحد ما
اشوف هاتصرف ازاي
زينب .. طب وايه اللي حصل بعد كدا ؟!
سارة .. بس .. رحت عندها وطلبت منها اقعد عندها كام يوم فوافقت .. بعد كدا
نزلت تشتري اكل وانا دخلت الحمام اخد شاور فوجئت باللي اسمه قاسم دا هاجم عليا جوا
الحمام وكان عايز يعتدي عليا ؟! حاولت اهرب منه بأي طريقة وفضلت اصرخ عشان حد
ينجدني من بين ايديه .. لحد ما لقيت سارة جت من وراه وقامت ضرباه بالشومة دي ..
قام وقع ع الارض ومااتحركش بعدها تاني ؟! عرفنا بعد كدا انه مات .. بس مش انا اللي
قتلته ياماما .. دي بثينه .. والله العظيم بثينه هي اللي ضربته بالشومة علي راسه
مش انا
بثينه .. اخرسي يا كدابه .. انتي هتلبسي جريمتك ليا ولا ايه ؟! انا الحارة
كلها تشهد اني خرجت من البيت ومرجعتش غير لما الشرطة جت .. يا مجرمة !! ..
بثينه تصطنع البكاء
بثينه .. منك لله .. قتلتي ابن خالتي وخطيبي !! حرام عليكي يا سفاحة .. دا
كان ناوي يتجوزني عشان يستر عليا من الفضيحة ؟!
سالم .. يستر عليكي ازاي يعني ؟!
بثينه .. اصل عدم لامؤاخذة احنا الاتنين بنحب بعض اوي .. اوي اوي كمان ..
في بينا قصة حب جامدة ولا قصة حب كمال ونيهان في مسلسل الحب الاعمي .. عارفه يا
باشا ؟!
سالم .. انتي هاتهرجي ؟! كملي يا ماما ؟!
بثينه .. حاضر يا باشا ما انا بتكلم اهوه . بس انا بشرحلك كل حاجة بالتفصيل يعني .. المهم
سيادتك احنا لما حبينا بعض جامد اوي وبعد ما وثقت فيه سلمته اغلي حاجة بتملكها اي
بنت في الدنيا .. عشان وثقت فيه بس وهو كان اد الثقة دي بصراحة .. بعدها حملت وطلبت منه نتجوز بسرعة قبل ما ينفضح امري .. هو
متأخرش بس كان بيجهز حاله لحد ما جت الملعونة دي وقتلته بدم بارد !!
سارة مندهشة ومستنكرة .. انتي كدابة ؟! ماتصدقهاش يا حضرة الظابط دي بعد ما
قتلته قالت انه ريح وارتاح وانه وعدها اكتر من مرة بالجواز وخلي بيها
بثينه .. اخرسي يا كدابة .. البت دي قتلت خطيبي ياباشا وانا مش هاسيب حقه
ابدا .. انا عايزه حق خطيبي وابن خالتي ياباشا ..
انا في عرض القانون يا حكومة
سالم .. بس يا بت اسكتي خالص !!
بثينه .. حاضر يا باشا
يس .. ياباشا .. انا بنتي متربية احسن تربية وبنت ناس وعمرها ما تعمل حاجة
زي دي ابدا
سالم .. بس احنا دخلنا الشقة ولقينا الشومة اللي استخدمت في الجريمة في
ايدها !! وبعدين مكنش في غيرها في الشقة !!
سارة .. انا عاوزة اعرف مين اللي بلغكم بالحادثة دي ؟!
قاسم .. الجيران .. سمعوا المجني عليه وهو بيصرخ ويستغيث جوة الحمام وحضرتك
نازلة في ضرب بالشومة ومش رحماه خالص !!
سارة .. محصلش !! انا اللي كنت بصرخ وبستغيث منه لما كان عايز يعتدي عليا
سالم .. ع العموم .. النيابة صاحبة القرار
يس .. يعني ايه يا فندم ؟!
سالم .. يعني بنتك هاتتعرض ع النيابة الصبح وهي بقي اللي هاتحقق في الموضوع
وتشوف مين القاتل الحقيقي وبنتك بريئة زي ما بتقول ولا لا !
يس .. يعني بنتي هتبات في الحجز ؟!
سالم .. لا هتبات في فندق خمس نجوم !! طبعا هتبات في الحجز .. خدها يا
عسكري هي والبنت دي كمان ( يقصد بثينه )
بثينه .. وانا عملت ايه باشا ؟! دي هي اللي قتلته . تحبسوني انا ليه ؟!
سالم .. اخرسي يا بت قلتلك .. مش عايز اسمع صوتك خالص .. جاتكوا القرف هو
احنا ناقصينكم انتوا كمان ؟! مش كفاية الكورونا والقرف اللي احنا عايشين فيه ؟!
وانت يا حج روح روّح انت وامها وياريت تشوفولها محامي كويس لأن دي جناية قتل وبنتك
موقفها ضعيف
زينب .. يالهوي !! انت السبب يا يس .. انت لو مكنتش ظعتها من البيت مكنش دا
كله حصل ؟! اهي بتك راحت في شربة ميه !! ايه العمل دلوقتي ؟!
يس .. اسكتي يا زينب الله يهديكي .. يلا بينا من هي
زينب تولول .. ياعيني عليكي يا بنتي .. يا حسرة قلبي عليكي يا ضنايا
وبعد العرض ع النيابة والاستماع الي الشهود قررت النيابة اخلاء سبيل بثينه
بضمان محل اقامتها وحبس سارة اربعة ايام علي ذمة التحقيق واستعجال التقرير المبدئي
للطب السرعي والمعمل الجنائي وطلبت من الشرطة تكثيف التحريات وبعد ان تم الافراج
عن بثينه من سرايا النيابة وبعد منتصف الليل بساعة استقلت تاكسي الي احد احياء
القاهرة الراقية وتوقف التاكسي امام احد الابراج السكنية وخرجت بثينه واخذت تنظر
في كل مكان كي تطمئن انه ليس هناك من يراها وصعدت الدور العاشر بالبرج وتوقفت امام
احدي الشقق وطرقت جرس الباب ففتح سيد زوج سارة فنظر اليها مبتسما وقال
سيد .. كفارة يا بثينه !! وحشتيني اوي يا بت . تعالي ادخلي .....؟؟؟!!
الرواية في قمة الغموض والاثارة والابداع .. لو عايزين بارت كمان انهاردة
.. يبقي تفاعل جامد اوي ومشاركة للبوست في ٥ مجموعات .. كما يمكنكم قرآة الرواية
كاملة بالانضمام الي قناتي ع التليجرام .. والرابط بالاسفل .. تحياتي ..رواية اغتصاب شرعي
البارت الحادي عشر
للكاتب المصري محمد مالك
جميع الحقوق محفوظة
سيد .. مبسوطة يا بثينة ؟!
بثينه .. الا مبسوطة !! دا انت خلصتني من هم كبير علي قلبي !! ابن الكلب لا
متجوزني ولا حتي سايبني اشوف حالي واتجوز !! يلا بقي غار في داهية .. بس في حاجة محيراني ؟!
سيد .. ايه هي ؟!
بثينه .. انت ليه فكرت ان سارة هي اللي تشيل الليلة ؟! مع انها مراتك ولسة
يدوب متجوزين ملكمش كام يوم ؟!!
سيد .. دا ناوي اكسرها واذلها هي وابوها .. بنت الكلب بتلوف ع حسن ابني
وكانت عايزاة ينام معاها !!
بثينه .. بس مل اظنش سارة تعمل حاجة زي دي ابدا !! دي صحبتي الانتيم وانا
عارفة اخلاقها كويس اوي
سيد .. يعني ايه ؟! حسن ابني بيتبلي عليها ؟!
بثينه .. معرفش بصراحة .. المهم ناوي تتجوزني ولا هتزوغ مني زي صاحبنا
المرحوم ؟!!
سيد .. لا ازوغ ايه .. بس اشوف موضوع البت سارة دا هيرسي علي ايه وبعدها
هافوقلك يا قمر
بثينة .. حبيبي يا سيد
سيد .. وانتي كمان حبيبتي يا ثونه .. هاتي بوسة يا بت
بثينه .. لا بعد الجواز ..
سيد .. طب ما انا نمت معاكي واحنا مش متجوزين !! اشمعني البوسة بقي اللي
بعد الجواز
بثينه .. انت متعرفش اني تبت ولا ايه ؟!
سيد .. من امتي دا بقي ان شاء الله ؟!!
بثينه .. من ساعة المرحوم ما مات
سيد .. اها !! يا ريتنا ما كنا قتلناه ..
ونذهب الي سارة التي تقضي الان اصعب ايام حياتها داخل السجن الاحتياطي ..
تجلس في احد اركان الغرفة حزينة بائسة لا تصدق ما حدث لها وفي الجانب الاخر من
الغرفة ثلاث سيدات اشرار ينظرون اليها في خبث ويبدوا انهم ينون بها شرا فتنهض
احداهما وتدعي فكيهه وتتوجه لتجلس بجوار سارة
فكيهه.. اتاخدي شوية عايزة اقعد
سارة تنظر اليها في دهشة ف المكان ضيق جداا ومع ذلك تفسح لها لتجلس ..
فكيهه تُخرج علبة سجائر وتشعل سيجارة وتعزم علي سارة
فكيهه .. تعفري ؟
سارة .. لا مبشربش
فكيهه .. احسن برضوا . انتي ايه
تهمتك يا شابه ؟!
سارة .. وانتي مالك ؟!
فكيهه .. اها .. بدأنا لماضة من اولها !! انا لما اسألك سؤال تجاوبي علطول
.. فاهمه يا بت ؟؟!
ثم تطفئ السيجارة في خدها الايمن ..سارة تتألم
سارة .. اه .. انتي ايه اللي عملتيه دا حيوانه ؟!
فكيهه .. انا حيوانه يا بنت الكلب ؟! عليا الطلاق لأقصلك لسانك .. هاتي
المقص يا نوال
نوال تأتي ومعها مقص كبير وسارة تنظر اليه في خوف ودهشة
فكيهه .. الا قوليلي يا بت .. هو انتي طاهروكي وانتي صغيرة ولا لا ؟!
سارة .. ايه ؟!
فكيهه .. جاتك اوي .. شكلك هتكدبي عليا !! انا اشوف بنفسي احسن . . امسكوها
يا بنات ..
سارة تصرخ بأعلي صوت .. ابعدوا عني .. الحقووووني ..
الرواية دخلت في الجد والبارت اللي جاي نااااار .. اقسم بالله لو ما لقيت
تفاعل ومشاركة لأوقف النشر .. انا بتعب عشانكم يبقي لازم تشجعوني .. تحياتي
..رواية اغتصاب شرعي
البارت الثاني عشر
للكاتب المصري محمد مالك
جميع الحقوق محفوظة
سارة في مكتب ضابط السجن الرائد ممتاز منهاره بشدة .. ويدخل العسكري بكوب
من عصير الليمون ..
العسكري .. اللمون يا فندم
ممتاز .. حطه عندك ..
وبعد ان ينصرف العسكري
ممتاز .. اهدي بقي يا ساره اومال .. مش كدا ؟!.. انا خلاص علقتهوملك
الاتنين دول .. واديتهم درس عمرهم ما ينسوة ابدا
سارة .. انا مش قادرة اصدق اللي انا فيه دا ؟! انى هنا ليه اصلا ؟! انا
معملتش حاجة ؟! ليه حابسيني هنا مع المجرمين دول ؟!
ممتاز .. اهدي طيب واشربي اللمون .. اشربي
سارة تمسك بكوب الليمون وترتشفه منه قليلا ثم تقول
سارة .. انا عايزة امشي من هنا يا فندم .. ارجوك مشيني من هنا
ممتاز .. تمشي من هنا ازاي يا سارة ؟! وانتي محبوسة علي ذمة قضية
سارة .. ظلم !! صدقني ظلم .. انا مقتلتش حد .. اللي قتلت بثينة .. وبثينة
هي اللي برة وانا هنا اللي محبوسة مكانها !! يرضي مين دا بس ياربي !! القاتل حر
طليق .. واللي معملش حاجة هو اللي يتحاكم مكانه !! ظلم !! ظلم !!
ممتاز .. سارة انا هنا مش جهة تحقيق .. انا بنفذ القانون وبس .. انتي لو
فعلا مظلومة اثبتي دا !!
سارة .. اثبت ازاي ؟! وانا فجأة لقيت ناس معرفهاش شهدت ضدي !! ولبسوني
مصيبة معملتهاش!!
ممتاز .. قومي محامي كويس يدافع عنك وصدقيني مفيش جريمه كاملة ولو انتي
مظلومة بجد .. اكيد برآتك هتظهر في يوم من الايام والجاني الحقيقي هياخد عقابة
سارة .. وعلي ما يحصل بقي .. دا ان حصل اصلا .. اكون انا انتهيت هنا !!
ممتاز .. متخافيش . . محدش هيقرب منك ابداا طول ما انا هنا .. دا اللي اقدر
اعملهولك بصراحة
سارة بآسي .. كتر خيرك يا فندم
ممتاز .. طب اشربي اللمون
سارة .. لا كفاية كدا .. من فضلك رجعني الحجز
ممتاز يرن جرس الاستدعاء فيدخل العسكري
العسكري .. تمام يا فندم
ممتاز .. رجع المتهمه الزنزانه بتاعتها يابني
سارة تعود الي زنزانتها ورد فعل علي وجه ممتاز ..واثناء مغادرتها للمكتب
يدخل النقيب شهاب فيندهش عند رؤيته ل سارة وهي تغادر مكتب ممتاز
شهاب .. ايه يابني .. هو انت قلبت المكتب استراحة للمساجين ولا ايه ؟!
وجايبلها لمون كمان !!
ممتاز .. بطل رخامه !!مش فايق للغتاته بتاعتك دي خالص انهارده !!
شهاب .. اها !! ..طيب .. ايه مالك
؟!
ممتاز .. مضايق شوية
شهاب .. ليه ؟!
ممتاز .. مضايق وخلاص
شهاب .. ايه سها مزعلاك في حاجة ؟!
ممتاز .. سها مين ؟!
شهاب .. سها مين ؟!! سها اختي .. مراتك يا عم انت !!
ممتاز .. اها .. لا سها اختك دي دايما مزعلاني لدرجة اني اتعودت علي كدا
خلاص وزعلها ليا بقي عادي جداا بالنسبة لي !! رزلة وغتيتة زيك كدا
شهاب .. في ايه يا جدع .. مش اختي ؟! لازم تبقي طالعالي طبعا .. هههههه
ممتاز .. فرحان انت ان اختك طالعالك في الغلاسة ؟!
شهاب .. اومال ايه !! تقل الدم في شئ اساسي في عيلتنا يا سيادة الرائد
ممتاز .. ما انت لو كنت اعرف كدا من الاول مكنتش صاحبتك ولا اتجوزت اختك من
اساسه !!
شهاب .. بقي كدا ؟! انت اد الكلام اللي بتقوله دا ؟! طب انا هاتصل بيها
واقلها واستلقي وعدك يا معلم
شهاب يمثل انه يتصل بأخته وممتاز يصدق ف يفزع ويحاول منعه
ممتاز . انت بتعمل ايه يخرب بيتك
؟! هات التليفون دا .. هات يا عم مش ناقصة عكننه وحيات ابوك
شهاب .. ايه خفت ؟! عالم تخاف متختشيش صحيح !! قلي بقي متضايق من ايه ؟!
ونذهب الي وكيل النيابة مازن الذي يقوم بالتحقيق في قضية مقتل قاسم عماد
الدين .. حيث يدخل النقيب سالم الي مكتبه
سالم .. معالي الباشا .. صباح الفل
مازن .. صباح الفل سالم باشا .. اتفضل اقعد
سالم .. دا سعتك تقرير الطب الشرعي ودا كمان تقرير المعمل الجنائي
مازن .. وريني كدا
مازن يقرأ التقارير بدقة وتركيز
مازن .. فعلا سبب الوفاة ضربة بألة صلبة قوية علي الرأس احدثت كسر بالجمجمة
ونزيف داخلي بالمخ!!
سالم .. والآلة دي طبعا اللي هي الشومة المستخدمة في الحادث !! واللي تقرير
المعمل الجنائي اثبت ان البصمات اللي عليها هي بصمات البنت اللي اسمها سارة يس ..
مازن .. بس معقول بنت بالرقة دي تقتل بالطريقة البشعة دي ؟! خسارة بجد ..
مع انها مصرة انها مقتلتوش !!
سالم .. يا باشا كلهم بيقولوا كدا اول ما يتقبض عليهم ويحسوا انهم هيدفعوا
تمن جريمتهم !! هو من امتي سعتك مجرم بيعترف بجربمته ابدااا .. الا لما يفقد الامل
خالص ويعرف انه لابسها لابسها .. ساعتها يعترف بكل حاجة !! بس بعد ما يكون طلع
عنينا في التحقيق والتحريات !!
مازن .. بس صدقني يا سالم عندي احساس ان البنت دي مقتلتش الولد دا !! باين
عليها بنت ناس .. دا غير انها رقيقة جداا .. بقي بنت بالرقة دي تعرف تمسك شومة
وتكسر بيها دماغ بني آدم وتقتله ؟!
سالم .. ميغركش المنظر ياباشا .. ياما تحت السواهي دواهي .. والمجرم دايما
بيظهر للناس بصورة عكس صورته الحقيقية .. اسألني انا يا باشا .. سنين وانا بتعامل
مع المجرمين وعارف اسالبيهم كويس اللي يقدروا بيها يوهموك انهم ناس كويسين وشرفا!!
مازن .. بس انا مش مرتاح للبت بثينة دي ؟! عايزك تعملي تحريات عنها .. سارة
دي متجوزة صح ؟
سالم .. ايوا .. متجوزة من تاجر ادوات صحية اسمه سيد .. راجل كبير في سن
ابوها
مازن .. يااه !! في سن ابوها ؟!
سالم .. ايوا .. ومتجوز قبلها كمان وعنده ولاد في سنها واكبر منها كمان
مازن .. ايه دا ؟! دا ابوها رماها بقي ؟!
سالم .. معروف سيادتك ان النوع دا من الجوزات بيبقي وراه مصلحة وخصوصا لو
العريس غني ومعاه فلوس .. وسيد دا تاجر ادوات صحية معروف وغني جداا
مازن .. سبحان الله .. انا مش فاهم ازاي اب يهون بنته بالشكل دا ؟! دا كدا
مش بيجوزها !! دا بيرميها في النار .. لأن معظم الجوزات دي بتنتهي بالفشل !!
سالم .. عندك حق .. دي ساعات بتوصل لدرجة ان الزوجة ممكن تتعرف علي شاب في
سنها وتحبه وبتوصل بيهم انهم بيفكروا يتخلصوا من الزوج العجوز دا بأي طريقة ..
واكيد طبعا حضرتك مر عليك وسمعت كمان عن قضايا كتير من النوع دا
ممتاز .. فعلا
ونذهب الي سارة التي تجلس داخل الزنزانه حديثة تفكر في طريقة للخلاص من هذا
السجن ظلما .. وفي الجانب الاخر تجلس فكيهه ونوال مكسورين صامتين بعد ان اخدوا درس
لا ينسي نتيجة فعلتهم الشنعاء مع سارة .. ينظرون اليها في غل وغضب ويريدون
الانتقام منها . وفجأة تنظر سارة الي يدها
اليمني ويبدوا انها تذكرت شئ ما .. تبتسم فرحا .. ثم تنهض وتجري مسرعة نحو باب
الزنزانه وتطرق الباب وتنادي بأعلي صوت قائلة
سارة .. افتحوا الباب عايزة اقابل الرائد ممتاز ضروري .. انا افتكرت حاجة
مهمه .. افتحوا الباب ارجوكم .....
سارة افتكرت حاجة خطيرة.. ايه هي ؟! دا اللي هنعرفه من البارت التالي .. بس
بعد التفاعل والمشاركة .. تحياتي ملك الروايات الكاتب المصري والسيناريست محمد
مالك.رواية اغتصاب شرعي
البارت الثالث عشر
للكاتب المصري محمد مالك
جميع الحقوق محفوظة
سارة يتم اصطحابها الي مكتب الرائد ممتاز
ممتاز .. في ايه يا سارة ؟! ايه الحاجة المهمة اللي انتي عايزة تقوليها ؟!
سارة .. انا عندي دليل برآتي اللي يثبتلكم اني ما قتلتش اللي اسمه قاسم دا
!!
ممتاز .. وايه هو يا سارة ؟!
سارة .. انا كنت من سنه بعاني من مشكلة ضعف في الاعصاب وخصوصا اعصاب ايديا
.. يعني لما كنت بمسك الحاجة كانت ممكن تقع من ايدي !! وبعدين مكنتش اقدر اشيل
حاجة تقيلة او اقفل قبضة ايدي جامد .. اتعالجت منها اه .. بس لحد الان ايدي ما
زالت ضعيفة
ممتاز .. قصدك تقولي ايه يا سارة ؟!
سارة .. قصدي اقول اني ازاي همسك شومة واضرب بيها انسان لدرجة انها تكسر
دماغة كمان !! وانا اصلا اعصاب ايدي ضعيفة ومعنديش القوة اني اعمل كدا !!
ممتاز .. سارة .. الكلام اللي انتي بتقوليه دا مظبوط ؟! ولا حكاية اخترعتيها
عشان تكسبي وقت مش اكتر ؟!
سارة .. اقسم بالله دي الحقيقة .. والاشعة والتقارير عند بابا في البيت ..
حضرتك ممكن تبعتله وتسألة لو مش مصدقني
ممتاز .. لو الكلام دا بجد .. انتي كدا ممكن تطلبي عرضك ع الطبيب الشرعي
وهو اللي هيقرر حالتك
سارة .. يا فندم انا وصلت بيا لدرجة اني مكنتش بقدر امسك القلم واكتب في
الامتحان وكانوا بيخلوا حد يكتب مكاني .. وابعتوا اسألوا المدرسة !!
ممتاز .. تمام يا سارة .. انا هرفع الكلام دا للمأمور وان شاء الله خير ..
حد كلمك تاني من الاتنين الحريم الاوباش دول ؟!
سارة .. لا
ممتاز .. ومش هيكلموكي ولا هيجوا ناحيتك تاني .. انا ربتهوملك كويس
سارة .. ميرسي لحضرتك .. بس ارجوك متنساش الموضوع دا .. دا املي الوحيد اني
اثبت برآتي واخرج من هنا
ممتاز .. متخافيش يا سارة .. انا هاعمل كل اللي اقدر عليه
سارة .. طب معلش .. هو حضرتك مصدقني يعني ولا حاسس اني بكدب عليك ؟!
ممتاز .. والله يا سارة ... اناااا ..... اممممم ..مصدقك
سارة تفرح .. بجد ؟!
ممتاز .. اه بجد .. عندي احساس كبير بيقول انك مظلومة .. عشان كدا متقلقيش
انا هساعدك وهاقف جمبك لحد ما الحقيقة تبان
سارة .. طب ممكن اطلب من حضرتك طلب تاني ؟
ممتاز .. اتفضلي
سارة .. ممكن تحطني في حجز لوحدي بعد عن الستات اللي انا معاهم دول .. دول
شكلهم مجرمين اوي وانا بجد خايفة .. خايفة حتي اغمض عيني لا يعملوا فيا حاجة !!
ممتاز .. مش عارف اقلك ايه ؟! بس انتي كدا عايزاني احطك في زنزانه لوحدك ..
حبس انفرادي !!
سارة .. ارجوك .. نفسي انام وخايفة جدااا
ممتاز .. حاضر يا سارة .. هاكلم المأمور وهاشوف رأية ايه
سارة تبتسم .. مرسي لحضرتك ..
ونذهب الي حسن ابن سيد زوج سارة حيث يجلس مع مجموعة من اصدقائة يدخنون
الحشيش علي الشيشة ..عثمان .. ايه يا صحبي .. قالب وشك ليه كدا ؟! مش عوايدك يعني
؟!.
حسن .. حزين ومأهور يا جدع !!
عثمان .. ليه طيب .. احكي .. فضفض يا كبير يمكن ترتاح
حسن .. صعبان عليا البت سارة واللي حصلها ؟!
عاطف .. ههههه .. ميصعبش عليك غالي .. هو انت بيصعب عليك حد ابدا !!
حسن .. ليه ؟! معنديش قلب ولا ايه ؟! دا انا بني آدم من لحم ودم وعندي قلب
وبحس زي كل الناس !!
عثمان .. عندك قلب بجد ؟! اول مره اعرف الكلام دا !! ههههههه
حسن .. اخرس ياض انت وهو وبطلوا تريقة
عثمان .. طب عيني في عينك كدا .. يبقي انت حزين علي مرات ابوك ؟! .. انت
؟!!
عاطف .. ايه يا جدع .. انت مش سامعه وهو بيقلك انا عندي قلب واحاسيس !! دي
حتي الدمعه هتفر من عينه اهه .. سد يا نونو سد .. ههههه
حسن .. تصدقوا انا غلطان فعلا انا قاعد مع اشكال عرر زيكم !! انا ماشي .
عثمان .. استني يا جدع انت رايح فين ؟! دا طلع بيحس بجد ياض يا عاطف !!
اقعد يا عم انت احنا لسنا في اول الليل .. اقعد يا جدع واستهدي بالله .. هو انت
بتتكلم جد ؟! انت حزين فعلا علي مرات ابوك ؟!
حسن .. للأسف .. اه
عثمان .. يمكن عشان ماطولتهاش زي باقي النسوان بتوع ابوك ؟!
حسن .. جايز اه .. وجايز لا .. بس اللي انا متأكد منه ان البت دي مظلومة!!
.. يا جماعة انتوا ماشوفتهاش كانت خايفة مني ازاي وانا بحاول اعتدي عليها .. ولا
لما قطعت الفستان بتاعها وجسمها بان .. كانت بتدور علي اي حاجة تداري جسمها بيها
!! بقي الملاك دا يقتل ؟! لا لا لا .. في حاجة غلط اكيد ؟! انا ماشي
عثمان .. رايح فين يا جدع انت ؟!
عاطف .. يخرب بيته .. البت لحست مخه ؟!!
عثمان .. باين كدا !!
ونذهب الي بثينة التي تجلس بجوار امها المريضة وبعد ان اعطتها الدواء تقول
بثينه .. بالشفا
الام .. قتلتي قاسم ليه يا بثينة ؟!
بثينه مصدومة .. ايه دا !! انتي اتكلمتي يا امي ؟! الف مبروك ..
الام .. بقلك قتلتي قاسم ليه ؟! وقلتي ان سارة صحبتك ليه هي اللي قتلته ؟!
انا شفت كل حاجة وسمعت كل حاجة !!
بثينه .. شفتي ايه وسمعتي ايه ؟!
الام .. شفتك لما جيتي هنا الاوضة واخدتي الشومة من فوق الدولاب .. بعد كدا
طلعتي جري ع الحمام لما صحبتك بتصرخ وعايزة اللي ينجدها من قاسم .. بعدها ضربتيه
بالشومة ومشيتي ولبستيها لصحبتك لما جت الحكومة
بثينه .. ايه دا ! دا انتي واعيه اهوه لكل اللي حصل ؟!. اومال عاملة نفسك
ميته ليه ؟!
الام .. ربنا ردلي عافيتي عشان اروح النيابة اشهد بالحق واقول ان انتي اللي
قتلتي ابن خالتك وان صحبتك دي بريئة !!
بثينة .. عايزة تسجنيني يا امي ؟!
الام .. تستاهلي كل اللي يجرالك .. انتي مشيتي في السكة الغلط من زمان وانا
مش راضية عنك ولا عن اللي بتعمليه دا ابدا !!
بثينة .. استهدي بالله يا امي وخليكي بعيد عن الموضوع دا احسن !!
الام .. لا مش هخليني بعيد .. انا ست مريضة وعجوزة وممكن اموت في اي لحظة
.. ومش عايزه اقابل ربنا وانا كاتمه شهادة حق تنجي انسانه بريئة كل ذنبها انها
وثقت فيكي وافتكرتك اختها .. انتي سافلة ودون وانا متبريه منك ومن عمايلك !!
بثينه .. ليه بس كدا يا امي .. دا انا ما صدقت فرحت انك اتكلمتي بعد المدة
الطويلة دي كلها وانتي مبتتكلميش خالص !!
ثم تمسك بقطعة من القماش وتسكب عليها ماء ثم تنظر الي امها في غيظ وخثة
شديدة وتقول
بثينة .. ليه استعجلتي موتك بس يا امي ؟! .. هتوحشيني بجد !!
الام .. انتي هتعملي فيا ايه ؟!
الاحداث اشتعلت كثيرا والبارت التالي ملئ بالاثارة والغموض والاحداث المثيرة
.. تابعوني .. تحياتي
#محمد_مالكرواية اغتصاب شرعي
البارت الرابع عشر
للكاتب المصري محمد مالك
جميع الحقوق محفوظة
الام .. عايزة تقتليني يا بثينة ؟!
بثينه .. مش احسن ما ولية عجوزة زيك توديني في داهية ؟!
بثينة .. عايزة تقتلي امك يا خثيثة !! الوطاية والسفالة وصلت بيكي للدرجه
دي !!
بثينه .. بالعكس دا انا هريحك من العذاب اللي انتي فيه !! ومن الادوية
الكتير اللي ملهاش فايدة دي !! اللي هرت معدتك وكبدك بالكدب !!
الام .. يا خسارة تربيتي فيكي .. حسبي الله ونعم الوكيل .. اتفوووه
بثينه .. معلش .. سامحيني يا امي
الام .. اقتليني يا بثينه .. ع الاقل ارتاح منك ومن عارك !
بثينه .. طب انا هودي وشي بعيد وانا بخنقك .. عشان بس متصعبيش عليا !! ..
بثينه .. لا .. انا عايزاكي وانتي بتموتيني عينك تكون في عيني .. عشان
اللحظة دي عمرك ما هتنسيها يا بت بطني !!
بثينه .. بقلك ايه متقرفنيش !! انتي اللي جبتيه لنفسك !! وبصراحة انا مش
ضمناكي .. انتي ممكن فعلا توديني في داهية !! وانا لا يمكن اخش السجن ولا اتعدم
عشان وليه خرفانه زيك !! حتي ولو كنتي امي ! انا لسة قدامي مستقبل كبير واحلام
كتير عايزة احققها .. انتي عيشتي بما فيه الكفاية .. معدن عليكي كدا !! سامحيني
بقي ..
ثم تضع قطعة القماش المبلولة علي فمها وانفها والغريب ان الام لم تقاوم
ابنتها وتستسلم للموت بكل سهولة !! ولم
يمضي سوي ثوانٍ معدودة بعدها تموت الام وتغيب عن الحياة ..
بثينة .. انا اسفة يا امي سامحيني .. كان لازم تموتي عشان بنتك تعيش !!
وفجأة يرن جرس باب الشقة وبثينه تصاب بالهلع ..
بثينه مرتبكة .. مين اللي جاي دلوقتي ؟!
تغادر غرفة امها وتغلق الباب عليها وتنسي ان قطعة القماش التي خنقت بها
امها ما زالت في يدها .. تذهب لتفتح الباب وتفاجئ ب حسن ابن سيد .. هي لا تعرفه
ولم تقابلة ابدا ..
بثينة .. انت مين ؟!
حسن ينظر اليها من فوق ل تحت ويلاحظ قطعة القماش في يدها ..
حسن .. انتي بثينة ؟!
بثينه .. ايوا .. وانت تطلع مين ؟!
حسن .. انا اسمي حسن .. كنت عايز ادردش معاكي في كلمتين كدا ؟!
بثينة .. تدردش معايا في ايه عدم لا مؤاخذة ؟! انا معرفكش !!
حسن .. بس انا اعرفك كويس
بثينه .. تعرفني !! تعرفني منين ؟! انا اول مرة اشوفك !!
حسن .. وانا كمان اول مرة اشوفك !! تصدقي اول مرة اشوف واحدة في حياتي
بالجمال دا ؟!
بثينه .. ايه ؟!
حسن .. مش هتقوليلي اتفضل .. ولا انا هنفضل نتكلم وانا واقف ع الباب كدا ؟!
بثينة .. بس انا ....
حسن .. اوعي تقولي قاعدة لوحدك .. انا عارف ان امك قاعدة معاكي ؟!
بثينة .. دا انت تعرفني كويس بقي ؟!
حسن .. ادخل ولا ايه يا عسل ؟!
بثينه .. اتفضل يا سيدي
حسن .. يزيد فضلك يا جميل
بثينه .. قلي بقي .. انت مين وعايز مني ايه ؟!
ونذهب الي السجن حيث تقضي سارة حبسها الاحتياطي .. ويدخل النقيب شهاب حجرة
نسيبه الرائد ممتاز فلم يجده
شهاب .. ايه دا !! اومال راح فين الاخ دا ؟!
ثم ينادي ع العسكري
شهاب .. انت يابني
العسكري .. نعم يا باشا
شهاب .. اومال الباشا فين ؟!
العسكري .. وصل مكتب المأمور وحالا يجي
شهاب .. طاب روح هاتلي شاي
العسكري .. حاضر يا باشا
ويدخل شهاب مكتب ممتاز ويجلس مكانه علي الكرسي ثم يدخل ممتاز فيندهش عندما
يراه
ممتاز .. ايه دا !! هو انت هنا من بدري ؟!
شهاب .. لا لسة جاي حالا .. العسكري بيقلي انك كنت عند المأمور !!
ممتاز .. اه
شهاب .. في حاجة ولا ايه ؟!
ممتاز .. لا دي البنت اللي اسمها سارة تعبانه من الجماعة اللي هي معاهم
عشان علطول بيجروا شكلها .. ف طلبت انها تكون في زنزانه لوحدها
شهاب .. لا .. بجد ؟!
ممتاز .. ايه في ايه ؟! ايوا .. مالك ؟!
شهاب .. ماليش يا سيدي .. وطبعا كنت عند المأمور عشان تكلمه في الموضوع دا
؟!
ممتاز .. ايوا ووافق الحمد لله
شهاب .. باين عليك فرحان اوي انه وافق ؟! طيب كويس اوي .. بالمره بقي
هاتلها شاشة LCD وريسيفر وتكييف عشان الزنزانه في الصيف بتبقي حر اوي !!
ممتاز .. انت هتتريق ولا ايه ؟!
شهاب .. لا لا لا .. ابدا .. بس انا مستغرب بجد !! .. هو في ايه يا جوز
اختي .. حاسك كدا مهتم بالبنت دي زيادة عن اللزوم .. مش بعيد بكرا الاقيك مهربها
من السجن ويمكن يطق في دماغك وتهرب معاها انت كمان؟!!
رد فعل علي وجه ممتاز ..
ونعود ل بثينه ..
بثينه .. انت عمال تلف وتدور من الصبح ومش فاهمه منك ولا كلمة ؟! ادخل في
الموضوع وهات من الاخر .. انت عايز ايه ؟!
وفجأة يُسمع صوت الام تكح بشدة انها لم تمت !! صدمة شديدة اصابت بثينه
حسن .. امك بتكح جوة .. شكلها تعبانه !! روحي شوفيها
تدخل بثينه الغرفة وتنظر الي امها بكل غل ..
بثينه .. ايه يا شيخة !! قطة بسبع ترواح ؟! هو انا ناقصاكي في ليلة السودا
دي ؟؟!!
ماذا فعلت بثينه ؟! .. تابعوني واحداث شيقة ومثيرة بالبارت التالي ..
تحياتي..رواية اغتصاب شرعي
البارت السابع
للكاتب الخامس عشر
للكاتب المصري محمد مالك
جميع الحقوق محفوظة
بثينه .. هو انتي يا ولية مش موتي من شوية ؟! ولا انتي مثلتي عليا انك
موتي؟!! ولا انا اتهيآلي اني قتلتك ؟!
الام .. منك لله .. قلبي وربي غضبانين عليكي ليوم الدين !!
بثينه .. انا طهقت منك بجد !!
الام .. وانا هافضحك وهانادي ع الراجل اللي قاعد برة دا وهقله انك قتلتي
قاسم ابن خالتك وتهمتي فيها صحبتك الغلبانه .. انا هاسجنك يا بنت الكلب انتي !
بثينه .. يا وليه اتهدي بقي !! انتي عايزة مني ايه ؟!
الام العجوز تنادي بصوت خافت وضعيف .. انت يا جدع ياللي برة تعالي اقلك علي
اللي عملته بنت الكلب دي !! تعالي عشان احكيلك اللي حصل .. البت دي قتلت ابن
خالتها وتهمت فيها صحبتها
بثينه .. اخرسي بقي تعبتيني يا شيخة معاكي !!
ثم تمسك بالمخددة وتضعها علي وجه امها لتكتم انفاسها مره اخري
بثينه .. موتي بقي وخلصيني !!
وفجأة يدخل حسن ابن سيد ليشاهد هذا الموقف
حسن .. عندك .. انتي بتعملي ايه ؟!
رد فعل علي وجه بثينه ..
ونذهب الي مازن وكيل النيابة حيث دخل اليه الضابط ممتاز لمقابلته
مازن .. اهلا سيادة الرائد
ممتاز .. اهلا بيك يا فندم.. مازن .. اتفضل اقعد .. تشرب ايه ؟
ممتاز.. لا شكرا يا فندم .. انا مش هاخد من وقت سيادتك كتير
مازن.. اتفضل تحت امرك
ممتاز .. دا طلب سيادتك من المتهمة سارة يس مقدم لسيادة المأمور بتطلب فيه عرضها علي الطب الشرعي
مازن .. مش سارة يس دي البنت اللي قتلت قاسم نور الدين ؟!
ممتاز .. ايوا يا فندم .. هي بتقول انها عندها مشكلة في ايديها وان اعصابها
ضعيفة جدااا وانها متقدرش ابدا انها تمسك شومة وتضرب بيها واحد وتقتله !!
مازن .. هي لسة مصرة انها معملتش كدا ؟!
ممتاز .. ايوا يا فندم .. وبصراحة انا عندي احساس كبير ان البنت دي بريئة !
مازن .. تصدق وانا كمان عندي نفس الاحساس .. ع العموم معنديش مانع ما دام
دا ممكن يكون في صالحها ..
ثم يمسك القلم ويكتب تلك العبارة .. تحول للطب الشرعي لتوقيع الكشف الطبي
عليها وموافاتنا بتقرير الفحص الطبي ..
مازن .. بجد البنت دي لو طلعت بريئة انا هكون مبسوط جدااا
ممتاز .. وانا كمان والله يا فندم .. بس انا متأكد ان البنت دي مقتلتش
مازن .. ع العموم انا طلبت شوية تحريات عن البنت اللي اسمها بثينة دي وجوز
سارة اللي اسمه سيد .. وان شاء الله نوصل لحاجة
ممتاز .. ان شاء الله ..
ونذهب الي شهاب الذي يجلس في مكتبه يشرب سيجاره ويبدوا انه يفكر في امر ما
ثم يضغط علي زر الجرس فيدخل العسكري
العسكري .. تمام يا فندم
شهاب .. هاتلي المتهمه سارة يس من الحجز
العسكري .. حاضر يا فندم
رد فعل علي وجه شهاب
ونذهب الي بثينه التي تمسك سكين ملئ بالدماء ويبدوا انها في قمة
الصدمة والارتباك
.. تردد تلك العبارة
بثينه .. انا عملت كدا ازاي ؟! انا رحت في داهية !! رحت في داهية خلاص
ثم تنهار وتنزل الي الارض لتجلس علي ركبتيها وتبكي مرددة هذه الكلمات
السابقة..
احداث مثيرة جدااا بالبارت التالي .. وباقي الرواية لن يصل الا للمتفاعلين
.. قم بوضع عشرين ملصق حتي يصل اليك الجزء التالي .. قلة التفاعل لن تمكنك من قرآة
الجزء التالي .. تحياتي ..رواية اغتصاب شرعي
البارت السادس عشر
للكاتب المصري محمد مالك
جميع الحقوق محفوظة
بثينة تشاجرت مع حسن بعد ان دخل عليها الغرفة فجأة ووجدها تحاول قتل امها
خنقاً بواسطة المخدة
flash back
حسن .. عندك .. انتي بتعملي ايه ؟!
الام تصرخ مستغيثة .. الحقني يا ابني عايزة تقتلني زي ما قتلت ابن خالتها
!!
الام تسعل بشدة وحسن يبتسم فرحا بعد ان عرف الحقيقة وان بثينه هي من قتلت
ابن خالتها وليست سارة كما ادتهمتها
حسن .. هو انتي فعلا عايزة تقتلي امك ؟!
بثينة مرتبكة بشدة .. هو انت هتصدق الولية الخرفانه دي ؟!
حسن .. اومال ماسكة المخدة دي وكاتمه بيها نفسها ليه ؟! مش عشان تقتليها بردوا!! .. متنكريش انا شايفك بعنيا دول .. وبعدين مش
ابن خالتك دا اللي هو قاسم بردوا !!
الام .. ايوا هو اللي ضربته علي
راسه بالشومة ومات وتهمت فيها صحبتها !!
الدون الواطية .. اطلب الشرطة يابني بسرعة .. خليهم يجوا يقبضوا عليها قتالة
القتلة دي !!
حسن .. تعالي بقي كدا عشان نتكلم بالراحة وتعرفي ايه اللي هتعمليه كويس
بثينة .. انت عايز مني ايه يا جدع انت ؟!
حسن .. حاجة صغننه خالص .. هتروحي للبوليس وتعترفي ان انتي اللي قتلتي ابن
خالتك وتخرجي البنت المسكينة دي اللي اتحبست بدالك ظلم
بثينه .. انت اتجننت ؟! انت عايز تلبسني مصيبة وخلاص ؟!
حسن .. ما امك لسه قايلة الحقيقة دلوقتي حالا قدامك !!
بثينه .. وانت صدقت الولية الخرفانه دي !! امي دي كبيرة وعيانه ومخها بيودي
ويجيب !! ومش دريانه بعيشتها
حسن .. طب ايه رأيك بقي من قبل امك ما تتكلم وانا شاكك فيكي !! شكلك مش
مريحني !! من اول ما شفتك كدا وانا حاسس انك مجرمة واللي اكدلي لما شفتك وانتي
عايزة تقتلي امك !! ايه الجبروت دا ؟! حتي امك عايزة تموتيها ؟!
بثينه .. بقلك ايه .. امشي اطلع برة يا جدع انت ..
حسن .. ما انا فعلا هامشي بس رجلي علي رجلك.. هنوصل سوا مديرية الامن وتسجلي اعترافك في محضر
رسمي
بثينه .. انت شكلك مجنون ولا شارب حاجة انت كمان !! امشي اطلع بره يا استاذ
انت لأحسن والنعمة الشريفة اصوت والم عليك لمة لا اله الا الله
حسن .. وتقولي كان عايز يغتصبني؟!! هأو .. قديمة يا بت العبي غيرها .. دا انا
حسن يا بت والحركات دي متاكلش معايا
ثم يجذبها من شعرها بشدة ويكمل حديثة قائلا
حسن .. وهتيجي معايا .. بالذوق او بالعافية وامك كمان هتيجي معانا .. يلا
يا شاطرة امشي بهدوء بدال ما اسحلك ع الارض !!
بثينه .. سيب شعري يابني ادم انت !! انا مش هاعترف بحاجة ما عملتهاش ابدا
!! دا اسمه اعتراف بالاكراه والحكومة مش هتاخد بيه اصلا !! .. انت فاهم ؟!
حسن .. انت هتصيعي عليا يا بنت انتي ؟! انتي اللي قتلتي قاسم ابن خالتك
وكنتي عايزة تقتلي امك من شوية !! وامشي انجري قدامي يلا
بثينه تلمح سكين علي الكوميدينو فتأخذه وتضرب به حسن فيستقر السكين في بطنه
بثينه .. سيبني بقي يخرب بيتك يا أخي!! ..
بثينه بعد ان طعنت حسن بالسكين لا تصدق ما حدث تصاب بالصدمة والارتباك وحسن
ينظر الي نفسه والدماء تسيل من جُرحه الغائر .. تخور قواه فيسقط علي الارض وهي
يضحك .. ههههههه .. الله يخرب بيتك يا شيخة انتي عملتي ايه ؟؟!!
بثينه .. انا عملت كدا ازاي ؟! انا رحت في داهيه !! رحت في داهيه خلاص !!
الام تضحك بصورة هيستيرية مما يثير ذلك غضب بثينه فتتقدم نحوها وهي تقول
بثينه .. انتي السبب !! انتي لو كنتي مُوتي من الاول .. مكنش دا كله حصل !!
الله يحرقك يا شيخة ودتيني في داهية!! .. موتي بقي انتي كمان
ثم تنهال عليها بالسكين فتطعنها عدة طعنات متفرقة في جميع انحاء جسدها ولا
تتركها الا وهي جثة هامدة .. ثم تبكي وتقول
بثينه .. اعمل ايه دلوقتي واتصرف ازاي !! رحت في داهية خلاص !! مستقبلك ضاع
يا بثينه واحلامك اللي حلمتيها ضاعت هي كمان !! لا .. لا ... مش ممكن دا يحصل ابدا
.. انا مش هتعدم ابداا .. انا هاعيش وهاحقق كل احلامي كمان .. غصب عن الكل ..
فاهمين ؟! وتقصد امها وحسن ..
ونذهب الي الضابط شهاب الذي يجلس في مكتبه ثم يطرق العسكري الباب
شهاب .. ادخل
العسكري يدخل ومعه سارة وشهاب يبتسم فرحا لرؤيتها
العسكري .. المتهمة اللي طلبتها يا فندم
شهاب .. طيب فك الكلبشات دي من ايديها وسيبنا انت لوحدنا
العسكري .. تمام يا فندم
شهاب .. تعالي يا سارة متخافيش
سارة تتقدم نحوه في حذر وقلق شديد
شهاب .. قربي متخافيش .. اقعدي .. بقلك اقعدي
شهاب .. مالك خايفة اوي ليه كدا ومرعوبة في جلدك ؟! مع انك يعني عاملة
جريمة مش ساهلة !! دا انتؤ قتلتي بني آدم مع سبق الاصرار والترصد !!
سارة .. انا مقتلتش حد !!
شهاب .. وماله .. احنا نكره يعني ؟! انا عن نفسي اتمني اوي انك متكونيش
قتلتي حد !! وانك تطلعي برآة .. بصراحة دا مش منظر حد يقتل ابدا !! بقي يا ناس
الجمال والرقة دي يقتلوا ؟!! بقلك ايه مرتاحة في الزنزانه الجديدة ؟!
سارة .. الحمد لله
شهاب .. طيب كويس .. طب مش عاوزة حاجة اعملهالك ؟!
سارة .. لا شكرا
شهاب .. انا مش بجاملك .. انا بتكلم بجد .. اللي انتي عايزاه انا اعملهولك
.. ولا انتي فاكرة ان الرائد ممتاز بس هو اللي يقدر يعمل كل حاجة
سارة تنظر اليه في دهشة ويبدوا انها لم يعجبها حديثة وانه يقصد ان يلوح عن
شئ ما
شهاب .. بصراحة انا ملاحظ ان الرائد ممتاز مهتم بيكي اوي ومنفذلك كل طلباتك
!!
سارة .. معتبرني اخته !!
شهاب .. وماله كلنا اخوه في الله .. وانا كمان اعتبريني اخوكي .. ثم ينهض
من علي مكتبه ويتوجه نحوها ويمعن النظر اليها بصورة تزعج سارة وسارة ترتبك
شهاب .. علي فكرة انا اخدم احسن من ممتاز مليون مرة بس انتي اطلبي وشوفي
انا هاعمل ايه
سارة .. ربنا يخليك .. انا فعلا مش محتاجة حاجة ولو عزت حاجة اكيد هاكلم
سيادة الرائد ممتاز
شهاب .. ممتاز تاني ؟! ما قلنا احنا بنعرف نخدم احسن منه ؟!
سارة .. وقصدي حضرتك كمان .. دا شئ يشرفني صدقني ..
شهاب .. علي فكرة .. سيادة الرائد ممتاز متجوز من اختي وبيحبوا بعض موووت
..
سارة مندهشة .. ربنا يسعدهم
شهاب يميل علي سارة ويقول .. ويسعدك يا قمر
رد فعل علي وجه سارة
ونذهب الي بثينه والتي لا تعرف كيف تتصرف في الورطة التي اوقعت نفسها فيها
منهارة وتتصل ب سيد لتخبره بما حدث
بثينه .. الحقني يا سيد .. انا قتلت واحد معرفوش .. وقتلت امي كمان !! ..
انا مش عايزة اتعدم يا سيد .. الحقني ابوس ايدك .. طيب انا مستنياك متتأخرش ...
البارت التالي هيكون مثير جداا واحداثة شيقة .. تفاعل بقي ومشاركة خلوني
انزل ببارت كمان انهاردة .. تحياتي ..رواية اغتصاب شرعي
البارت السابع عشر
للكاتب المصري محمد مالك
جميع الحقوق محفوظة
ويأتي سيد منزعجا الي منزل بثينه ..
سيد .. في ايه يا بت يا بثينه ؟! انتي اللي قولتهولي في التليفون دا بحق
وحقيقي ؟!
بثينه .. ايوا يا سيد انا قتلتهم الاتنين بالسكينه دي !!
سيد .. ابعديها عني لا السلاح يطول اومال !! الله يخرب بيتك هو انتي استحليتي
الحكاية ولا ايه ؟! دا خُط الصعيد مكنش بيعمل كدا ؟!!
بثينه .. اهو اللي حصل بقي !! والاتنين كانوا يستاهلوا القتل .. اومال كنتي
عايزني اسيبهم لحد ما يودوني في داهية ويلفوا حبل المشنقة حوالين رقبتي ؟!
سيد .. لا شاطرة يابت !! تقومي تقتلي اتنين كمان وتزودي الطينة بلة ؟!
بثينه .. متقطمنيش بقي يا سيد وشوفلي حل في المصيبة دي !!
سيد .. الجثتين فين الله يخرب بيتك ؟!
بثينه .. في الاوضة دي
ثم يدخل سيد الي الغرفة فيجد جثة علي السرير وهي جثة ام بثينه وجثة اخري
علي الارض وهي جثة ابنه حسن ولكن للأسف لم يتعرف عليهما وذلك لأن بثينه قامت بوضع
كل جثة منهما داخل ملاءة سرير وقامت بربطها بالحبل بإحكام
سيد .. ايه دا !! انتي لفيتهم في ملايه كمان ؟!
بثينه .. اه .. عشان لما تيجي تشيلهم علطول من هنا .. خلصني منهم يا سيد
بسرعة ارجوك مش طايقة اشوف المنظر دا !!
سيد .. اكيد اللي ع السرير دي امك ؟!
بثينه .. ايوا
سيد .. طب واللي ع الارض دا مين ؟!
بثينه .. ما انا قلتلك يا سيد ان
دا واحد معرفوش !! جاي يهددني وعايزني اعترف اني انا اللي قتلت قاسم واروح مديرية
الامن واقول الكلام دا واخرج سارة من السجن !!
سيد .. ودا عرف منين ان انتي اللي قتلتي قاسم ؟!
بثينه .. امي الله يلعنها هي اللي قالتلة !!
سيد .. تبقي تستاهل اللي جري لها ؟! بس هي امك مش كانت مبتنطقش ؟!
بثينه .. لأجل بختي الاسود نطقت في التوقيت دا بالذات وراسها والف سيف تروح
للشرطة تقلهم اني انا اللي عملت كدا !!
سيد .. امممم .. يبقي اكيد دا واحد من عيلة البت سارة !! بس دا يطلع مين يا
تري ؟!
ثم ينزل الي اسفل ويحاول كشف وجه جثة حسن لعله يكون يعرفه
بثينه .. انت بتعمل ايه ؟!
سيد .. اشوف مين دا .. يمكن يطلع واحد اعرفه !
بثينه .. ودا وقته بس يا سيد ؟! تعرفة بقي ولا متعرفوش اهو مات وخلاص !!
سيد .. علي رأيك مالوش لزوم .. اصلا انا لا طايقها ولا طايق حد من ريحتها
الفاجرة !! (ويقصد سارة)
بثينه .. خلصني بقي يا سيد وقلي هنعمل ايه ؟!
سيد .. هنستني لغاية اخر الليل .. تكون الناس نامت واخلي الرجالة ينزلوهم
ويحطوهم في العربية وندفنهم في حته بعيد والصحرا في بلدنا ما كتر الا منها !!
بثينه .. هو انا لسه هستني لأخر الليل يا سيد !!
سيد .. اومال عايزاني انزلهم دلوقتي والحارة كلها صايحة ؟! يبقي روحنا في
داهيه ان شاء الله ؟! بطلي غباوة ؟!!
بثينه .. خلاص امري لله !! طب تعالي نخرج من الاوضة دي .. مش طايقة اقعد
فيها ثانية كمان !!
سيد .. يلا بينا
واثناء خروجه يتعرقل في جثة ابنه حسن ويكاد يسقط علي الارض فيغضب ثم يركل
الجثة بقدمه بكل قوة وهو يقول
سيد .. ايه يا عم هتوقعني الله يخرب بيت ابوك !! غور في داهية ياخي .. الله
يحرقك !!
بثينه .. يلا بقي يا سيد !!
ونذهب الي الضابط شهاب الذي ما زال يلف ويدور حول سارة وكأن هناك غرض معين
داخل رأسه
سارة .. انا ممكن اعرف حضرتك باعتلي ليه ؟!
شهاب .. حابب اتعرف عليكي .. ايه .. عندك مانع ولا ايه ؟!
سارة .. لا معنديش مانع بس اعرف هو حضرتك عايز تتعرف عليا ليه ؟!
شهاب .. ما انا قلتلك يا سارة اني معتبر نفسي زي اخوكي وعايز اساعدك .. هو
انتي بتنسي ولا ايه ؟!
سارة ليست مطمئنه له بالمره .. طيب ممكن حضرتك ترجعني الحجز تاني ؟!
شهاب .. ومالك مستعجلة ليه ع الحجز اوي كدا ؟! هو انتي تطولي تقعدي قعدة زي
دي ؟! اوضة مكيفة ومع النقيب شهاب كمان .. وهاطلب حالا اتنين لمون مشبرين ونقعد
كدا ندردش مع بعض واحكيلك وتحكيلي وتفكي بقي شوية بدال ما انتي كمشانه في جلدك كدا
!! مالك يا بت انتي خايفة مني ولا ايه ؟! متخافيش دا انا حنين اوي وحبوب اوي يا
قمر
ثم يحاول ان يلمس وجهها بيده
ساره تمنعه قائلة .. من فضلك !! ..
رجعني الحجز لو سمحت
شهاب .. في ايه يا بت مالك ؟! ما تفوقي اومال !! هو انتي هتعملي نفسك واحدة
عليا ولا ايه ؟! اشحال مكونتيش مجرمة ومتهمه في قضية قتل ؟! دا كتير غيرك يتمنوا
بس اضحك في وشهم مش يقعدوا معايا وندردش سوا كدا زي ما بعمل معاكي !!
ساره .. كتر خيرك يا فندم .. ممكن بقي ترجعني الحجز ؟!
شهاب .. بقي كدا ؟! طيب .. انا حكاية الحجز الانفرادي دي متنفعش معايا انتي
هترجعي الزنزانه اللي كنتي فيها مع المجرمات اللي زيك !! احنا هنا مش فندق خمس
نجوم يا روح امك ؟!
ساره تنظر اليه في دهشة وتوقن في تلك اللحظة ان شهاب كان يريد التحرش بها
..
ساره .. اللي تشوفه يا فندم
شهاب يزداد غيظا .. ماشي ..
ثم يرن جرس المكتب فيدخل العسكري قائلا
العسكري .. تمام يا فندم
شهاب .. خد البت دي ع الزنزانه اللي فيها عواطف النمر
العسكري يندهش عند سماع تلك العبارة فهو يعلم جيدا ان عواطف النمر مسجلة
خطر ولديها عدة قضايا شغب وتعدي علي المساجين داخل محبسهم واحدثت لمعظمهم عاهات
مستديمة ..
شهاب .. في ايه يا بني ؟! متنح ليه كدا ؟!
العسكري .. لا مفيش سعتك .. يلا يا بت تعالي
سارة تنظر ل شهاب نظرة استحقار وشهاب يبتسم في وجهها سخريةً .. ويتم اصطحاب
سارة الي زنزانة عواطف وبمجرد ان تدخل الزنزانه ترحب بها عواطف قائلة ..
عواطف .. اهلا .. اهلا .. اهلا .. نورتي بيتك يا حبيبتي .. تعالي يا حلوة
قربي هنا
سارة عندما تنظر لتلك السيدة تري وجهها مخيف وبه عدة جروح قطعيه فارتجف
خوفا ..
ونذهب الي سيد الذي احضر رجالة لحمل جثتي ام بثينه وابنه حسن
سيد .. اعملوا همه يا رجالة ومش عايز صوت .. يلا بسرعة
ويحمل رجلان جثة الام .. ورجلان اخران يحملان جثة الابن واثناء حملهم لجثة
الابن تتمزق الملاءة حيث يبدوا انها قديمة وبالية فينكشف وجه حسن ؟؟؟؟!!!!
ايه اللي حصل بعد كدا ؟! دا اللي هنعرفة من البارت التالي بعد التفاعل
والمشاركة في ثلاث مجموعات .. تحياتي ..رواية اغتصاب شرعي
للكاتب المصري محمد مالك
البارت الثامن عشر
جميع الحقوق محفوظة
سيد .. ايه في ايه ما تعملوا همه اومال ؟!!
احد رجاله الذين يحملون جثة حسن .. الملاية باين عليها قديمه اتقطعت واحنا
شايلينه !!
سيد .. طب لفوه في اي حاجة تانية بسرعة .. واعملولكم همه اومال .. الصبح
قرب يطلع علينا !!
الرجل .. حاضر يا معلم
سيد ينظر الي وجه الجثة ولكن لأنه يقف بعيدا عنها لم بستطع ان يحدد الملامح
بالتفصيل فيقرر ان يقترب من الجثة حتي يري وجهها بوضوح
سيد .. ودا يطلع مين دا ؟! الشكل دا مش غريب عليا !!
واثناء اقترابة من الجثة ينقطع التيار الكهربائي فجأة فتطفأ انوار الشقة
ويكسو الظلام المكان كله
سيد مندهشا .. يادي اليوم اللي مش فايت .. اهو النور قطع كمان ؟! خلصوا بقي
في ليلتكم السودا دي
ويشعل احد رجاله ولاعة ليضئ بها المكان في تلك اللحظة يكون الرجل الاخر قد
وضع جثة حسن داخل مفرش سرير وغطي وجهه بالكامل
سيد .. ملناش نصيب بقي نشوف وشك واعرف اذا كنت اعرفك ولا لا !!
الرجل .. خلاص خلصت يا معلم
سيد .. طب يلا ارفعوه ع العربية بسرعة
ويخرج بعدها سيد الي الصالة ليري بثينه مرتبكة وخائفه بشدة
بثينه في لهفة شديدة .. خلصتوا ؟!
سيد .. ايوا خلصنا .. يلا بينا
بثينه .. يلا بينا فين ؟!
سيد .. يلا بينا ندفن الجثتين !! ايه مش هتحضري مراسم الدفن ؟!
بثينه .. لا يا سيد
سيد .. اها ؟! طب حتي عشان تاخدي العزا علي فبر امك ؟!!
بثينه .. انت بتتريق يا سيد ؟!
سيد .. ههههه .. ماانتي تحبي تقتلي القتيل وتمشي في جنازته ؟!!
بثينه .. انا مش ناقصاك يا سيد ؟!! روح بقي اتكل علي الله وبعد ما تخلص
كلمني ..
سيد .. ماشي يا قمر .. هدفنهم وارجعلك تكون انتي كدا استحميتي ولبستيلي
قميص النوم الاحمر اللي انا بحبه ..
بثينه .. يخرب بيتك !! هو دا وقته يا سيد ؟! دا انا مش قادرة اتلم علي
اعصابي !!
سيد .. لا متقلقيش انا هلمها مكانك .. بس اما ارجعلك .. اه .. القميص
القصير مش الطويل .. سلام يا عسل
ونذهب الي سارة التي تجلس في ركن بعيد داخل الزنزانه ترتعش من الوجوة
المرعبة التي تحيط بها من كل اتجاه وجميعهم ينظرون اليها نظرات مخيفة وغامضة
عواطف .. ايه يا بت مالك .. قاعدة بعيد كدا ليه ؟! ما تيجي اقعدي معانا
سارة .. لا متشكرة
سيدة اخري تدعي فيفي .. لا متشكرة !! دا انتي باين عليكي فافي اوي ؟!
ههههههه
ويضحك الجميع معها
عواطف .. طب تعالي با بت اغسليلي الغيارين دول بدال ما انتي قاعدة كدا زي
العمل الردي !! تعالي ياختي تعالي
سارة تنظر اليها مندهشة من حوارها والسيدة التي تجلس بجوارها تنصحها وتقول
..
السيدة .. اسمعي الكلام احسنلك دي وليه شرانيه لا تقوم تعلمك دلوقتي في وشك
وتعملك بشلة زي دي !! بصي شوفي هتلاقي كل اللي حواليكي متعلمين في وشهم .. هي اللي
عاملة فيهم كدا !! دي وليه قادرة بعيد عنك ومحدش قادر عليها !!
سارة تنظر لوجوه كل المسجونات تراهم فعلا بهم جروح قطعيه نتيجة ضرب بآله
حادة
عواطف .. ايه طرشتي يا بت ولا ايه ؟!
السيدة التي تجلس بجوار بثينة .. قومي واكسري الشر .. باين عليكي غلبانه
ومش ادها المفتريه دي !!
سارة بعد تردد تقرر ان تذهب وتغسل ملابس تلك المرأة وبمجرد ان تجلس علي طشط
الغسيل تقوم عواطف بحدف الملابس في وجهها بقوة
عواطف .. يلا اغسلي دول
سارة تنظر الي الملابس فتجدها ملابس داخلية .. سارة مندهشة وعواطف تلاحظ
ذلك
عواطف بسخرية .. ايه اندر وير !! متعرفيش الحاجات دي ولا ايه ؟!
فيفي .. شكلها مش بتستعملها يا ابله ؟!
عواطف .. ليه يا بت هو انتي قضيتك اداب ولا ايه ؟!هههههههه
الجميع يضحك ساخرا مما يثير غضب سارة
سارة غاضبة .. خلاص بقي كفاية .. ساكتالكم من الصبح ؟!
عواطف .. انتي بتتعصبي قدامي يا بت انتي ؟! دا انتي وقعتك سودا معايا ؟!
سارة .. بقلك ايه اوعي تمدي ايدك عليا .
انتي سامعة ؟!
عواطف بسخرية .. اسمعك بوضوح !! ههههههه .. طب تعاليلي بقي
ونذهب الي سيد الذي يقف في مكان يبدوا انه في عمق الصحراء حيث قام رجاله
بدفن الجثتين وبعد ان ينتهوا من الدفن يحضرون اليه ليخبروه بذلك
احد رجاله ويدعي عوض .. كله تمام يا معلم
سيد .. عفارم عليكم يا رجالة .. خد ياض يا عوض دول انت والرجالة
عوض .. دا كتير اوي يا معلم ؟!
سيد .. ولا كتير ولا حاجة .. يلا بقي مع السلامة انتوا
عوض .. ربنا يخليك لينا يا معلم .. بينا يا رجاله
وبمجرد ان ينصرفوا يرن محمول سيد
سيد .. الو.. اها .. ايه ؟!! بقي كدا ؟!! ودي عاوزة كلام انا مش عايز البت
دي تروح الطب الشرعي ودراعتها سليمة .. انا مش عايزهم يعرفوا يشخصوها .. فاهمني
كويس ؟! طيب تمام .. منتظر تليفونك وابقي عدي عليا في المحل عشان تاخد نفحتك ..
سلام ..
وبعد ان يغلق سيد الخط يقول ..
سيد .. ان ما دمرتك يا سارة يا بنت يس مبقاش انا سيد الروبي !! اومال الواد
حسن مختفي فين من امبارح ؟! برن عليه تليفونه مقفول ابن الكلب دا ؟! يلا الغايب
حجته معاه ..
ونذهب الي سارة التي يبدوا عليها مظاهر التعب والالم الشديد .. جروح وكدمات
متفرقة بالجسد اثر علقة سخنه اعطتها لها عواطف .. سارة تبكي متألمة وبجوارها
السيدة التي حذرتها من قبل
السيدة .. قلتلك دي ست مفترية وانتي مش ادها
سارة تبكي متألمة .. انا عايزه
اخرج من هنا اندهولي الرائد ممتاز يخرجني من هنا .. ابوس ايديكم خرجوني من هنا
عواطف .. بطلي نواح يا بت انتي عايزة انام !! وانتوا ناموا يلا
الجميع يمتثل لأمر عواطف ويخلد الي النوم
ونذهب الي بثينة التي تجلس في شقتها متوترة بشدة تنتظر ان يتصل بها سيد
ليخبرها بما حدث كي يطمئن قلبها وفجأة تلمح موبيل حسن وقد سقط علي الارض اثناء
سقوطة قتيلا بعد ان قتلته بثينه بالسكين وقد تفكك عن بعضه فأصبحت البطارية في جهه
والموبيل في جهه نظرت اليهم ويبدوا انها خطرت اليها فكرة فلو اعادت تشغيل الموبيل
يمكن بذلك ان تتعرف علي هوية ذلك الشخص ... وبالفعل توجهت نحو الموبيل لتجمع
اشياءه وتعيد تشغيلة مره اخري ..
ونذهب الي عواطف حيث توجهت احدي السيدات نحوها وقامت وهمست في اذنها بكلام
غير مسموع بعده طأطأت رأسها واخذت تنظر الي سارة ويبدوا انها تنوي بها شرا ...
ونذهب الي الرائد ممتاز الذي اقتحم مكتب النقيب شهاب دون استئذان ويبدوا
عليه الغضب الشديد ..
شهاب .. ايه مالك في ايه ؟! اتخانقت انت وسها تاني ولا ايه ؟!
ممتاز .. انت نقلت سارة زنزانه تانيه ليه ؟!
شهاب .. اها .. هو دا اللي مزعلك ؟! قلي انت ايه حكايتك انت والبت دي ؟! انا
مش مرتاح بصراحة
ممتاز .. عنك ما ارتاحت يا اخي !! هو انت ولي امري ولا ايه ؟!
شهاب .. لا مش ولي امرك يا ممتاز .. بس متنساش انك متجوز من اختي !! ومن
حقي احافظ علي كرامة اختي وسمعتها
ممتاز .. بقي كدا ؟! طب اختك طالق .. ايه رأيك بقي ؟!!
شهاب مصدوم بشدة .. انت اتجننت ؟! انت بتطلق اختي عشان بنت مجرمة زي دي يا
ممتاز ؟!
ممتاز .. اسمي الرائد ممتاز يا سيادة النقيب
شهاب غاضب بشدة.. اوك .. تمام يا فندم .. بس البادي اظلم ؟!
وفجأة يدخل العسكري ويبدوا انه مذعورا بشدة ومرتبك
العسكري .. الحق يا باشا ؟؟؟!!!
الاحداث اشتعلت كثيرا والتفاعل ضعيف اوي !! لا يشجع علي التكملة ؟! ..
البارت التالي لن يصل الا للمتفاعلين .. تحياتي .. الكاتب والسيناريست المصري محمد
مالك ..رواية اغتصاب شرعي
البارت التاسع عشر
للكاتب المصري محمد مالك
جميع الحقوق محفوظة
ممتاز منزعج بشدة .. في ايه يا عسكري ؟!
العسكري .. المتهمه اللي اسمها سارة يس .. البنات في الحجز اتلموا عليها
وادوها علقة موت يا فندم !!
ممتاز ينظر ل شهاب في غضب شديد وكأنه يحمله المسئوليه لما حدث ل سارة ثم
ينطلق مسرعا الي الحجز ليجد سارة ملقاه علي الارض تتألم بشدة تنزف من وجهها
وملابسها ملطخة بالدماء .. ممتاز ينزل اليها ليطمئن عليها
ممتاز .. مين اللي عمل فيكي كدا يا سارة ؟!
سارة لا تستطيع الاجابة ويبدوا انها قد دخلت في غيبوبة حيث توقفت فجأة عن
التأوه .. وممتاز ينزعج بشدة
ممتاز .. سارة !! سارة !! اطلب الاسعاف يابني بسرعة
ثم ينظر الي المسجونات ويسألهم في غضب شديد
ممتاز .. مين اللي عمل فيها كدا ؟!
لا احد يجيب فالجميع التزم الصمت
ممتاز .. مين اللي عمل فيها كدا يا بهايم ؟! انطقوا !! .. مش عايزين
تتكلموا ؟! طيب انا هعرف شغلي معاكم ..
ثم ينادي علي انصاف السجانه
ممتاز .. انصاف
انصاف .. تمام يا باشا
ممتاز .. عايزك تطلعي السراير بره
الزنزانه والفرش كمان والمواعين وكل حاجة .. مش عايز حاجة في الزنزانه غير الحوش
دول وبس وعايزك تغرقي الزنزانه ميه .. فاهمه ؟!
انصاف .. فاهمه يا باشا
عواطف بسخرية .. ههههه .. وماله ياباشا .. غرقوها ميه علي اد ما تقدروا ..
اهي تعمل طراوة بردوا .. حكم الجو حر هنا اوي !!
ممتاز .. لا وانا ميهونش عليا انك تبقي حرانه يا عواطف !! هاتيهالي ع
المكتب يا انصاف
انصاف .. اوامرك يا باشا .. انجري يا بت قدامي ..
وتأتي سيارة الاسعاف وتنقل سارة الي المستشفي حيث يرافقها الرائد ممتاز
وبعد ان يقوم الطبيب بعمل اللازم يقابله ممتاز
ممتاز .. خير يا دكتور؟ !!
الطبيب .. لا مش خير خالص بصراحة !! البنت عندها نزيف جامد في المخ دا غير
ان في كسر مضاعف في ايديها ورجليها ؟! مين اللي عمل فيها كدا ؟!
ممتاز .. لسة معرفش !! بس اكيد هاعرف .. لكن المهم دلوقتي هي هتبقي كويسة
ولا ايه ؟!
الطبيب .. مقدرش اقلك اي حاجة دلوقتي للأسف !! الحالة فعلا خطيرة !!..
ومحتاجه مش اقل من ٤٨ ساعة عشان الحالة تستقر .. لو عدوا ال ٤٨ ساعة دول علي خير
يبقي كدا عدت مرحلة الخطر وربنا كتبلها عمر جديد
رد فعل علي وجه ممتاز ..
ونذهب الي يس وزينب اللذان يجلسان في هم وحزن شديد علي ابنتهما
زينب .. انت السبب يا يس .. انت اللي عملت في بنتك كدا ؟! انت اللي ضيعت
بنتي من ايدي لما جوزتها للراجل دا اللي اسمه سيد .. حسبي الله ونعم الوكيل
يس .. بتحسبني فيا زينب ؟!
زينب .. انا بحسبن في كل اللي اذوا بنتي ووصلوها للي هي فيه دا ؟! انا بنتي
كانت شاطرة يا ناس في المدرسة ومن الاوائل وكان بتحلم تبقي دكتورة اد الدنيا !!
ليه تعمل في بنتك كدا ؟! ليه تجوزها واخ
حد اد ابوها ومتجوز قبلها كذا مره وكمان ديله وسخ !! ملعون ابو الفلوس يا
اخي اللي تخليك تعمل في بنتك كدا ؟! نفعتك الفلوس دلوقتي يا يس وبنتك بتضيع من
ايدك ؟! اه يا بنتي !! اه عليكي وع اللي جري لك يا ضنايا !!
يس .. خلاص بقي اسكتي كفايه نواح ؟! انا مش قادر استحمل صوتك دا ؟!
زينب .. انا عايزة بنتي يا يس .. رجعلي بنتي ل حضني يا يس يا اما وديني
اقوم اولع في نفسي دلوقتي حالا !!
يس .. يعني شايفاني ساكت مثلا ؟! ما انا قومتلها اكبر محامي ودفعتله الشئ
الفلاني عشان يدافع عنها !
زينب .. كل اللي يهمك الفلوس يا اخي ؟! ما انت السبب في اللي حصل لبنتك ؟!
يس .. ايوا انا السبب .. ارتحتي ؟! خلاص كفاية انا تعبان ابوس ايدك
زينب .. روح منك لله يا يس انت والملعون سيد !! انتوا اللي ضيعتوا بنتي !!
حسبي الله ونعم الوكيل فيكم
يس .. تاني بتحسبني فيا يا زينب ؟!
وفجأة يرن محمول يس حيث تخبره ادارة السجن ان ابنته تم نقلها الي المستشفي
يس .. ايه !! وهي فين دلوقتي ؟! طب انا جاي علطول ..
زينب .. ايه في ايه ؟!
يس .. بنتك تعبانه في المستشفي !!
زينب .. يا لهوي !!
ونذهب الي بثينه التي بعد ان اعادت تشغيل موبيل حسن وبالتفتيش فيه عرفت انه
ابن سيد عشيقها فتصاب بالصدمة
بثينه .. يا لهوي ؟! معقول دا ابن سيد ؟!يادي المصيبة اللي حطت فوق دماغي
!! دا لو سيد عرف هيقطعني حتت !! يا حظك الفقري يا بثينه !! روحتي في داهية!! ..
اروح فين بس يا ناس ؟! انا لازم اهرب من هنا بسرعة قبل ما سيد يعرف .. ليه بس كدا
ليه ؟! ايه اللي جابك عندي يا اخي ؟!
وتجمع بثينه بعض ملابسها داخل حقيبة صغيرة واثناء مغادرتها للمنزل وبمجرد
فتح باب الشقة تجد سيد ماثلا امامها فترتجف خوفا وسيد ينظر اليها بكل غضب ويلمح
الحقيبة في يدها ؟؟!!
الاحداث اشتعلت جداااا والبارت التالي ملئ بالمفاجآت .. بعد التفاعل
والمشاركة .. تحياتي ..رواية اغتصاب شرعي
البارت العشرون
للكاتب المصري محمد مالك
جميع الحقوق محفوظة
بثينه مرتبكة بشدة .. سيد ؟!!
سيد يلاحظ ارتباك بثينه .. ايه يا بت مالك اتنفضتي ليه اما شفتيني ؟!
بثينه .. لا لا مااتنفضتش ولا حاجة .. بس انا مستغربة انك جيت فجأة كدا !!
مع انك مكلمني من شوية وقلتي ان كله تمام !!
سيد .. هو انتي يا بت مسطولة ولا حاجة ؟! انا مش قايلك اني هاخلص وراجعلك
تاني ؟!
بثينه .. اه .. تصدق نسيت !!
سيد .. عازرك بردوا .. ما هو اللي عملتيه مش شوية !! وايه اللي في ايدك دا
؟! انتي لامة هدومك وماشية ولا ايه ؟!
بثينه مرتبكة .. انا!! .. لا لا .. دا انااا .. دي اصلها هدوم ماما كنت ناوية
ارميها في الزبالة عشان مش عايزة حاجة من رحيتها تفكرني باللي حصل !!
سيد ..يخرب بيتك .. للدرجه دي
معندكيش اصل.. دا انتي لو امك جابتك من حرام عدم لا مؤاخذة مش هتعملي فيها كدا !!
اوعي بقي من سكتي خليني ادخل
بثينه .. ما تخليها وقت تاني يا سيد .. اصل انا بصراحة تعبانه اوي وعايزة
انام
سيد .. مالك يا بت شكلك مش علي بعضك ليه ؟! في ايه يا بثينه ؟!
بثينه .. ولا حاجة يا سيد .. ما انت عارف كل حاجة وبعدين عايزني اكون ازاي
علي بعضي بعد اللي حصل دا كله ؟! انا مش قادرة اتلم علي نفسي صدقني..
سيد .. طب اوعي من سكتي وانا بعون الله هاخليكي تتلمي عليها بسرعة
بثينه .. ايه هي دي ؟!
سيد .. نفسك يا بت !!
وندهب الي الضابط ممتاز الذي عاد الي مكتبه منفعلا وغاضبا فيجد عواطف تجلس
علي الارض وتتكأ علي الحائط ويبدوا انها نائمه .. ممتاز يتوجه نحو الثلاجه ويُخرج
زجاجة مياه ويشرب منها قليلا بعدها ينظر الي عواطف ثم يقترب منها ويسكب الماء
البارد فوق رأسها وعواطف تستيقظ مذعوره
عواطف .. اح .. ايه دا ؟!
ممتاز .. ايه مالك يا بت ؟! مش المية طراوة بردوا ولا ايه ؟!
عواطف تتذكر ان تلك هي جملتها .. طراوة يا باشا
ممتاز .. دا انتي وقعتك سودا معايا انهارده !!
عواطف .. ليه بس يا باشا ؟! هو انا عملت ايه عدم لا مؤاخذة ؟!
ممتاز .. مين اللي ضرب سارة يا بت بالطريقة الوحشية دي ؟!
عواطف .. وانا ايشعرفني يا باشا ؟! العنبر فيه كتير غيري .. اشمعني انا
اللي تسألني السؤال دا ؟!
ممتاز .. لأنك انتي الوحيدة اللي عندك الاجابة ؟!
عواطف .. قصدك ايه يا باشا ؟!
ممتاز .. قصدي انك انتي اللي عملتي في سارة كدا !!
عواطف .. عليا النعمه ما انا ياباشا !! ولا اكمني غلبانه عايزين تشيلوهالي
يعني ؟!
ممتاز بسخرية .. لا والله !! عواطف النمر بقت غلبانه خلاص ؟!
عواطف .. ياباشا انا كبرت خلاص والسجن هد حيلي.. وبعدين انا تبت الي الله
واعتزلت الطريق البطال وقررت اكتب مذكراتي واطبعها في كتاب
ممتاز .. انتي هترجي يا روح امك ؟! مذكرات ايه يا بت اللي عايزة تطبيعها في
كتاب ؟! مفكره نفسك مين ياختي ؟! مادلين اولبرايت ولا الملكة اليزابيث ؟!
عواطف .. مين دول يا باشا ؟! انا معرفهمش صدقني ؟!
ممتاز .. ولا عمرك هتعرفيهم !! بت انتي .. عرفة لو مقلتيش بالذوق مين اللي
عمل في سارة كدا ورحمة امي ما هارحمك !! انطقي ..
عواطف .. ياباشا وشرف سيادتك انا ما اعرف مين اللي عمل فيها كدا .. انا كنت
نايمه وزي ما سيادتك عارف ان نومي تقيل جداا .. صحيت بعد ما الخناقة خلصت وماشوفتش
حاجة
ممتاز .. بقي كدا ؟! طيب .. انتي اللي جبتيه لنفسك يا عواطف !!
ونذهب الي سيد الذي يجلس في الصالة ينتظر بثينه والتي ذهبت الي المطبخ
لأعداد طعام الافطار .. سيد نائم ويشخر بصوت عال وتأتي بثينه تحمل صينية الطعام
فتجده في تلك الحالة فتتعجب بشدة ثم تقول ..
بثينه .. هو دا اللي هتلمها مكاني ؟! بلا نيلة !! سيد .. قوم ياسيد
سيد يستيقظ منزعجا .. ايه يا بت في ايه ؟!
بثينه .. الفطار يا سيد
سيد .. اه .. طب حطيه عندك وروحي انتي اذا كنتي تستحمي ولا حاجة والبسي
القميص الاحمر اللي قلتلك عليه
بثينه .. حبكت انهارده يعني يا سيد ؟! دا حتي انا المفروض دلوقتي في حداد
علي المرحومة امي ؟!!
سيد يضحك ساخرا .. هههههه .. ايه ؟! ههههههه ..في حداد علي امك ؟! بجد ؟!
يعني انتي حزينه دلوقتي يا بثينه ؟!
بثينه .. ايوا مش امي اللي ماتت ولا ايه ؟!
سيد .. ههههههه .. لا أمك طبعا .. اللي انتي قتلتيها بإيدك الحلوة دي !روحي
يا بت اعملي اللي قلتلك عليه .. قال حزينة قال !! .. تعرفي تحزني انتي يا بت عطيات
!!
بثينه .. حاضر يا سيد
وبعد ان تذهب بثينه لتأخذ شاور وتستعد لقضاء وقت ممتع مع سيد .. سيد يتذكر
ابنه حسن
سيد .. الواد حسن مرنش عليا لدلوقتي ولا قالي هو فين ؟! .. لايكون جري له
حاجة وانا معرفش ؟!! لما ارن عليه تاني
ثم يقوم بالاتصال علي حسن فيرن التليفون
سيد فرحا .. اهو رن اهوه .. رد بقي يا اخي !!
سيد يسمع رنة محمول حسن في اذنه فينصت الي الصوت ويندهش .. وتنتهي المكالمة دون اجابة فيكرر المحاولة
ويركز تلك المرة مع الصوت فيدرك ان هذا الصوت صادر من تليفون محمول هنا في الشقة
سيد .. ايه دا !! دا صوت محمول بيرن !! دا نفس الرنه بتاعة تليفون حسن !!
التليفون دا فين ؟!
سيد يسير وراء مصدر الصوت فيجده صادرا عن الشنطة التي كانت تحملها بثينه
سيد .. الصوت دا جاي من الشنطة دي ؟!
ثم يفتح الشنطة فيفاجأ بملابس داخلية ل بثينه فيندهش بشدة
سيد .. ايه دا ؟! هي ام بثينه بتلبس الحاجات دي ؟! دي مش هدوم امها خالص !!
دي هدوم البت بثينه !! اه يا بت الكلب بتضحكي عليا انا ؟! اومال فين التليفون اللي
بيرن دا ؟! اهوه لقيته .. ايه دا . دا
تليفون الواد حسن ؟! ايه اللي جاب التليفون دا هنا ؟!! بت يا بثينه .. انتي يا بت
يا بثينه ؟!
سيد يتوجه مسرعا نحو الحمام ويسمع صوت خرير مياه الدش ..
سيد .. انتي يا بت يا بثينه افتحي الباب .. افتحي الباب بقلك يا بت !! ..
طب انا هاكسر الباب ..
وبالفعل يكسر سيد الباب ولكنه لم يجد بثينه ويجد شباك المنور مفتوح ويبدو
ان بثينه قد هربت من شباك الحمام وقتها يدرك سيد ان هناك شئ ما تخفيه عنه
بثينه وربما هناك علاقة بينها وبين حسن
ابنه ..
سيد منفعلا بشدة .. ماشي يا بت الكلب ورحمة امي ما انا سايبك ..
وينطلق سيد الي الشارع لحاقا ببثينه ..
ونذهب الي يس وزوجته زينب والدا سارة حيث قد حضرا لرؤية ابنتهما في
المستشفي بصحبة الرائد ممتاز والذي احضر لهما اذنا من النيابة لرؤية سارة
الام ملهوفة .. بنتي فين ؟! انا عايزة اشوف بنتي
ممتاز .. اهدي يا فندم حالا تشوفيها
حتي يصلوا الي غرفة العناية المركزة والتي يقف امامها شرطي فتنظر ام سارة
من الزجاج لتجد ابنتها علي اجهزة التنفس الصناعي وجسدها بالكامل داخل الجبس
الام لا تصدق .. ايه دا !! دي بنتي انا دي ؟! دي سارة بنتي ؟! قولي يا حضرة
الظابط دي معقول تكون بنتي انا ؟! ولا انت غلطان ؟! لا دي مش بنتي صح ؟!
ممتاز متأثرا .. للأسف دي بنت يا ام سارة !!
زينب .. يا مصيبتي السودا يانا !! بنتي انا اللي بالمنظر دا ؟! وياتري دي
عايشة ولا ميته ؟! ومين اللي عمل فيها كدا ؟! افتحولي الباب عايزة اقرب من بنتي
واخدها في حضني .. افتحولي الباب ارجوكم
ممتاز .. ممنوع عنها الزيارة يا ام سارة.. للأسف حالتها خطيرة
زينب .. يعني ايه ؟! بنتي هتروح مني خلاص ؟! بنتي ضاعت خلاص من بين ايديا
؟!
ممتاز .. متقوليش كدا ياام سارة .. ان شاء الله هتقوم بالسلامة
زينب .. طب ابوس ايدك افتحلي الباب خليني اقرب من بنتي خليني احس بيها وتحس
بيا .. ارجوك يابني ابوس ايدك
ممتاز متأثرا ثم يقول للعسكري .. افتح يابني الباب دا
وتدخل الام وهي في شبه انهيار تام الي حجرة سارة وتقترب منها وهي تنظر الي
كم الاجهزة وكم الاسلاك الخارج منها الي سارة والمتصل بجسدها النحيف ..
الام .. سارة .. حبيبتي .. عيني عليكي يا بنتي وع اللي جري لك !! .. اوعي
تضيعي مني يا سارة ؟!!.. اوعي تموتي وتسبيني لوحدي ؟!! .. سارة .. ردي عليا يا
بنتي
ثم يأتي الطبيب المعالج فيغضب عند مشاهدة ام سارة داخل حجرة العناية
المركزة
الطبيب .. ايه دا !! الست دي دخلت هنا ازاي ؟!
ممتاز .. دي امها !! واحنا معانا اذن من النيابة بالزيارة .. اتفضل
الطبيب .. ايوا .. بس دا ميديهاش الحق انها تدخل غرفة العناية المركزة ع
المريضة .. سيادتك عارف ان ممنوع عنها الزيارة ؟!
ممتاز .. ايوا عارف .. بس دي ام مهما كان ودي بنتها الوحيدة
الطبيب .. من فضلكم اطلعوا بره لو سمحتم
الام .. لا مش هطلع خليني قاعدة جمب بنتي لحد ما تفوق
الطبيب .. انتي اتجننتي يا ست انتي ؟! دي عناية مركزة والزيارة ممنوعة ..
اتفضلي اطلعي برة
الام .. لا سيبني جمب بنتي ارجوك
الطبيب .. اطلعي بره عشان ما اندهش الامن حالا ويخرجوكي بالعافية !!
ممتاز يغضب .. ايه في ايه يا دكتور ؟! ايه المعاملة دي اللي مش ظريفة خالص
اللي انت بتعاملها بيها دي ؟! دي مهما كان ام مكلومة علي بنتها !!
الطبيب .. المفروض انك ضابط وعارف يعني ايه احترام القوانين !! وقوانين
المستشفي بتمنع الزيارات داخل غرف العناية المركزة ومع ذلك حضرتك بتدافع عنها ودا
غلط كبير !!
ممتاز .. سيبها تقعد معاها شوية واوعدك انها مش هتعمل اي صوت
الطبيب .. مينفعش يا سيادة الرائد
ممتاز منفعل .. لا ينفع يا دكتور !!
الطبيب .. بقي كدا .. ماشي يا سيادة الرائد بس انا مضطر ابلغ الداخلية
باللي حصل دا
ممتاز .. براحتك يا دكتور
الطبيب .. بعد ازنكم
وتذهب الي سيد الذي يستقل سيارته ويبدوا انه مرتبك بشدة ويعرق بغزاره يتوجه
الي المكان الذي دفن به الجثتين .. ثم يتوقف ويطلب وينزل رجالة من السيارة
سيد .. عايزكم تحفروا تاني وتطلعوا الجثتين دول عشان اشوفهم .. يلا بسرعة
احد رجالة .. حاضر يا معلم
سيد مرتبك ومتأثر .. ياااارب ما يطلع اللي في بالي صح !! .. اه يا بت الكلب
لو طلع اللي في باللي صح لأقطع جسمك حتت واشرب من دمك !!
ونذهب الي ممتاز الذي يجلس مع الطبيب المعالج ل سارة في مكتبه
الطبيب منزعج .. اللي عملته مكنش يصح يا سيادة الرائد ؟!
ممتاز .. ام وملهوفه علي بنتها زي ما انت شايف !! بصراحة الموقف كان صعب
جدا بالنسبة لي
الطبيب .. بس دا ميديلكش الحق انك تنتهك قوانين المستشفي وتفتح علي المريض
العناية المركزة بدون اذن الطبيب المختص
ممتاز .. يا دكتور من فضلك .. دي ام وشايفه بنتها قدامها بالمنظر الفظيع دا
.. صعب جدا انك تقلها امشي من غير حتي ما تشوفها عن قرب ..
الطبيب .. ع العموم انا عدلت عن فكرة اخطار الداخلية بالانتهاك اللي حصل
لأني عارف ومتأكد ان قصدك كان خير
ممتاز .. وانا ممنون جدا لموقفك دا
الطبيب .. المهم بقي .. في حاجة محيراني ؟!
ممتاز .. ايه هي ؟!
الطبيب .. بالفحص والاشعات اكتشفنا ان الضرب كله كان تقريبا متركز في منطقة
الايدين بتوع سارة لدرجة ان الايدين فيهم كسر مضاعف كتير جداا وهيحتاج شهور عشان يتعالج!!
.. دا لو طبعا ال ٢٤ ساعة اللي فاضلة عدت علي خير وحالتها استقرت ومحصلش اي
مضاعفات !! بس السؤال هنا .. اشمعني ايديها بالذات اللي اتبهدلت بالشكل دا ؟!!
رد فعل علي وجه ممتاز ..رواية اغتصاب شرعي
البارت الحادي والعشرون
للكاتب المصري محمد مالك
جميع الحقوق محفوظة
عواطف النمر في مكتب النقيب شهاب منهاره وتبكي بشدة ويبدوا عليها اثار دماء
وجروح علي وجهها وكدمات حول عينها وشفتاها متورمتان بشدة ..
شهاب .. خلاص بقي يا عواطف بطلي بكي .. قلتلك هاجيبلك حقك !!
عواطف .. انا عايزة حقي ياشهاب باشا من الرائد ممتاز .. دا ضربني وبهدلني
زي ما انت شايف .. انا عواطف النمر اتبهدل بالشكل دا علي آخر الزمن .. انا عايزة
محضر رسمي يا باشا .. انا في عرضك تحميني من الرائد ممتاز .. انا عايزه حقوق
الانسان .. انا انسان يا باشا والرائد شهاب عاملني معاملة الحمار في مطلع !! دا هددني بالقتل ياشهاب باشا !! انا خايفة لا
يعمل فيا حاجة
شهاب .. قلتلك اهدي بقي يا عواطف !! واللي انتي عايزاه هيتعمل .. وحقك هيجي
لحد عندك
عواطف .. ماشي يا باشا
وفجأة يقتحم الضابط ممتاز مكتب شهاب ويري عواطف فيغصب بشدة
ممتاز .. انتي ايه اللي جابك هنا يا بت ؟! انطقي ؟! ومين اللي عمل فيكي كدا
؟!
عواطف .. في ايه ياباشا ؟! انت اللي شلفطتني كدا يا باشا !!
ممتاز .. انا !! انا عملت فيكي كدا بردوا يا بنت الجزمة ؟! دا انتي وقعتك
سودا !!
شهاب .. من فضلك سيبها يا سيادة الرائد وملكش دعوة بيها خالص !!
ممتاز .. البت دي انا كنت راميها في حجز انفرادي بعد المصيبة السودا اللي
عملتها.. مين اللي خرجها ؟!
شهاب .. انا اللي خرجتها عشان احقق معاها
ممتاز .. تحقق معاها !! تحقق معاها بخصوص ايه ؟!
شهاب .. بخصوص اللي عملته فيها دا ؟! الضرب والاهانه اللي اتعرضت ليهم
المسجونه علي ايدك وفي مكتبك !!
ممتاز .. انا ؟!
عواطف .. ايوا انت ياباشا ضربتني وبهدلتني اخر بهدلة وشتيمه بالاب والام !!
وكل دا عشان اعترف بحاجة انا معملتهاش واقول اني انا اللي ضربت البت سارة .. بس
انا عمري ما هعترف بحاجة معملتهاش يا باشا .. حتي لو قتلتني زي ما بتقول
ممتاز .. انا يابنت الكلب عملت فيكي كدا ؟! دي كدابة متصدقهاش
شهاب .. بس الصول انصاف قالت انك اقتحمت الزنزانه اللي فيها عواطف وطلبت
منها تجيبهالك ع المكتب وهناك انت استفردت بيها بقي واحدثت فيها كل الاصابات دي !!
ممتاز .. انت بتقول ايه يا سيادة النقيب ؟! محصلش طبعا الكلام دا كله
شهاب .. والله يا سيادة الرائد المأمور بنفسه طلب مني احقق في الواقعة دي
ولو تأكدنا فعلا ان دا حصل الموضوع هيتحول نيابة عسكرية .. اومال ايه .. دي مواطنه
زي ما عليها لينا واجبات.. ليها كمان علينا حقوق .. ابسطها انها تتعامل كإنسانه يا
ممتاز باشا !!
ممتاز ينظر اليهم في غضب واستحقار ثم ينصرف بلا استئذان .. وشهاب يبتسم
سخرية من ممتاز ..
ونذهب الي سيد يجلس في سيارته حيث قام رجالة بالحفر واستخراج جثة ام بثينه
ويأتي عوض احد رجال سيد ويدعي عوض ليخبره بأنه تم استخراج الجثة
عوض .. طلعنا الجته يا معلم
سيد يترجل عن السيارة ويتوجه نحو الجثة
سيد .. ايه دا !!.. دي واحدة بس .. فين التانية ؟!
عوض .. معرفش يا معلم .. احنا ملقناش غير دي بس !!
سيد .. يعني ايه ملقتوش غير دي بس ؟! هما مش كانوا اتنين مع بعض ؟!
عوض .. ايوا .. جايز التانية تكون اتحللت في الارض خلاص !!
سيد .. نعم يا اخويا .. اتحللت في الارض ؟! جته مدفونه ملهاش ٤٨ ساعة تتحلل
في الارض !! انت بتستهبل ياض ولا فاكرني
كروديا ؟!
عوض .. العف يا معلم مش قصدي والله .. بس انا محتار زيك كدا .. هما فعلا
كانوا اتنين مع بعض في حفره واحدة
سيد .. فك ياض وريني وش الجته دي
وبعد ان يرفع عوض الغطاء عن وجه الجثة وينظر اليها سيد يجد ان تلك الجثة هي
جثة عطيات ام بثينه
سيد .. دي ام البت بثينه ؟! اومال الجتة التانية راحت فين ؟! الجته راحت
فين يا اولاد الكلب ؟!
عوض .. منعرفش يا معلم
سيد .. اه لو اعرف انتي فين دلوقتي يا بثينه ؟! اه يا ناري !!
ونذهب الي ممتاز الذي ذهب اللي مكتب المأمور
المأمور .. لا يا ممتاز انا مكنتش اتوقع في يوم من الايام ان ضابط عندي ومن
اكفأ الضباط كمان يعمل كدا ابدا ؟!
ممتاز .. محصلش يا فندم صدقني .. البت عواطف بتتبلي عليا واكيد هي اللي
عملت دا في نفسها عشان تشوشر عليا مش اكتر ؟!
المأمور .. انت ايه اللي خلاك تحطها في حبس انفرادي من غير ما ترجعلي ؟!
ممتاز .. يا فندم الست دي اعتدت بالضرب علي بنت اسمها سارة والبنت حاليا في
المستشفي بين الحياه والموت !!
المأمور .. عندك دليل علي كلامك دا يا سيادة الرائد ؟!
ممتاز .. هي رفضت تعترف والبنات في العنبر معاها رافضين يقولوا مين اللي
عملت كدا !! بس انا متأكد ان عواطف هي اللي عملت كدا
المأمور .. ايوا انا بسألك اهوه .. اتأكدت مين ان هي اللي عملت كدا ؟!
ممتاز .. يا فندم عواطف ليها سوابق كتير برة السجن وجوة السجن كمان واغلبها
تعدي بالضرب علي المساجين واحداث عاهات مستديمه ومحدش يقدر يعمل كدا في البنت
المسكينة دي غير عواطف وانا عندي احساس كبير ان هي اللي عملت كدا في سارة
المأمور .. اها .. قول كدا يا سيادة الرائد .. احساسك !! يبقي انت سبت
الادلة والبراهين وجريت ورا احساسك ؟! واحساسك دا بقي يخليك تضرب مذنبة بالطريقة
الهمجية دي وفي الاخر ترميها في حبس انفرادي لمجرد احساس وهمي خالي من الادلة
والبراهين ؟!
ممتاز .. محصلش يا فندم .. صدقني ارجوك .. انا فعلا جبتها المكتب عندي بس
كل اللي حصل اني واجهتها وهي انكرت!!
بعدها امرت انهم يحطوها في سجن انفرادي .. نوع من الضغط والتهديد عشان
تعترف مش اكتر
المأمور .. تعترف بإيه بالظبط ؟! بحاجة هي معملتهاش ؟! ثانيا الصول انصاف
والنقيب شهاب والعسكري فارس اللي واقف علي مكتبك شاهدين يأنك ضربتها جوة مكتبك وهي
قعدت تصرخ لدرجة ان شهاب داخل وخلصها من ايديك .. ولولا كدا كان زمانها ماتت
ووديتنا كلنا في داهية !!
ممتاز .. كدب .. محصلش يا فندم .. شهاب كداب !! .. دا بيتبلي عليا عشان
عايز ينتقم مني لأني طلقت اخته
المأمور .. بقلك ايه يا سيادة الرائد .. مشاكلك الشخصية دي في البيت مش هنا
!! وياريت توفر دفوعك دي للتحقيق انا مش عايز اسمع حاجة .. وعلي فكرة انت من
انهارده موقوف عن العمل لحد ما يخلص التحقيق .. اتفضل ..
رد فعل علي وجه ممتاز ..
ونذهب الي سيد الذي ذهب ومعه رجالة الي خالة بثينه والدة قاسم الذي قتلته
بثينه حيث يقتحم المنزل ورجالة يفتشون في كل مكان.
سيد .. بقلك فين بثينه يا وليه ؟!
الخالة .. معرفش يا معلم والله .. دي من ساعة ما المرحوم ابني مات انا
مشوفتهاش !!
سيد .. يعني مجاتش هنا خالص ؟!
الخالة .. لا ورحمة المرحوم ابني ما جت ولا شفتها .. هي عملت ايه يا معلم
؟!
سيد .. عملها اسود ومنيل علي دماغك انتي وهي !!
عوض .. فتشنا البيت كله وملهاش اثر يا معلم !!
سيد .. اسمعي يا ولية انتي .. عارفة لو البت دي جت عندك وماتصلتيش بيا
علطول .. انا هاجي اعلقك من رقبتك في السقف دا .. فاهمه ؟!
الخالة .. فاهمه يا اخويا فاهمه
سيد .. وادي الكارت اهوه فيه كل تليفوناتي .. يلا يا رجالة
وبعد ان ينصرف سيد ورجالة تقول الخالة لنفسها
الخالة .. الراجل دا اكيد مجنون ؟! ولنفرض ان البت جت عندي انا هتصل بيه
ازاي وانا اصلا مش معايا محمول ؟! لما انام احسن . قلق منامي الله يقلق منامه هو واللي معاه ..
ونذهب الي الرائد ممتاز حيث ذهب الي مازن وكيل النيابة
مازن .. عندك حق يا سيادة الرائد .. واقعة الاعتداء علي سارة في التوقيت دا
بالذات وهي كان المفروض تعترض تاني يوم ع الطب الشرعي عشان يكشف علي ايديها وان
الضرب يتركز علي ايديها اكتر بهدف تعجيزهم تماما !! دا مش صدفة ابدا ؟!.
ممتاز .. الغرض واضح يا فندم .. ان سارة متعرفش تثبت ان هي مقتلتش قاسم !!
مازن .. ومعرفتش مين اللي عمل فيها كدا ؟!
ممتاز .. للأسف لا . بس انا شاكك
في بنت اسمها عواطف .. بنت سوابق وقلبها ميت وانا متأكد ان هي اللي عملت كدا في
سارة
مازن .. حتي لو مش هي .. اللي عملت دا من جوا الزنزانه اللي هما فيها .. واللي
عملت كدا مزقوقة من حد معين طلب منها انها تعمل كدا وانها تركز جرعة الضرب علي
ايدين سارة عشان يتحطوا في الجبس والطب الشرعي ميعرفش يثبت حاجة من ادعاءات سارة
!!
ممتاز .. طب مين هو ده ؟!
مازن .. هو دا السؤال اللي لازم نعرف اجابته ؟!!..
ونذهب الي مكان مهجور ومظلم حيث تسير سيارة في جنح الظلام تضئ الكشاف
العالي حتي تري الطريق امامها .. نسمع صوت الكلاب يعلو في المكان ثم تتوقف السيارة
امام منزل مهجور ويخرج منها شخص لا نري الا قدميه التي تسير باتجاه هذا المنزل ثم
يقوم بطرق باب المنزل .. انه المنزل الذي تختبئ به بثينه
بثينه تنزعج بشدة . مين ؟! مين
اللي بره ؟!
لا احد يرد وتفتح بثينه الباب بحذر شديد .. ولكن عندما تنظر الي الارض تري
جثة حسن امام الباب فترتجف من الخوف وفجأة يظهر امامها ..... ؟؟!!!
مين الشخص دا ؟ دا اللي هنعرفة من البارت التالي بعد التفاعل والمشاركة ..
تحياتي ..
رواية اغتصاب شرعي
البارت الثاني والعشرون
للكاتب المصري محمد مالك
جميع الحقوق محفوظة
بثينه تنظر الي الشخص الذي يقف امامها وهي لا تعرفة ولكنه هو الضابط شهاب
بثينه .. انت مين ؟!
شهاب .. ازيك يا بت يا بثينه ؟!
بثينه خائفة بشدة .. انت مين ؟! ومين دا ؟!
شهاب .. يعني متعرفيش مين دا ؟! بصيله كويس طيب !!
بثينه مرتبكة .. انا معرفش مين دا ؟! انت مين وعرفت مكاني هنا ازاي ؟! وايه
اللي انت جايبه معاك دا ؟!
شهاب .. دا قتيل يا بثينه !!
بثينه .. قتيل !!
شهاب .. استهبلي بقي ؟! دا حسن ابن سيد اللي قتلتيه في شقتك يا روح امك !!
ومتلفيش وتدوري عليا عشان انا عارف كل حاجة
ثم يمسكها من شعرها
شهاب .. فاهمه ولا ايه ؟!
بثينه .. انت مين طيب ؟!
شهاب .. انا اسمي شهاب ظابط شرطة يا روح امك وعارف كويس ان انتي اللي قتلتي
الواد دا وكمان قتلتي امك معاه !! وانتي كمان اللي قتلتي الواد قاسم ابن خالتك !!
وعارف ان سيد دلوقتي بيدور عليكي زي المجنون عشان يعرف ابنه فين !! وعلي فكره هو
راح حفر تاني ملقيش الجثة التانية اللي كانت مع امك في الحفرة ودلوقتي هايتجنن
ويعرف الجثة التانية دي بتاعة مين ويا سلام لو عرف ان دي جثة ابنه وانك انتي اللي
قتلتيه !! شوفي بقي ساعتها ممكن يعمل فيكي ايه ؟!
شفتي انا عارف كل حاجة ازاي ؟! فاتعدلي معايا احسن .. تمام ؟!
بثينه ..انت عايز مني ايه ؟!
بثينه .. هاعوز من واحدة زيك ايه
يعني ؟! اكيد عايزك في مصلحة وسخة وهتنفذيها كمان .. فاهمه ؟! ولا تحبي اتصل ب سيد
يجي يشوف جثة ابنه وهي عندك هنا ؟! ومتقدريش تقولي مش انا اللي قتلته !! وخصوصا
بعد ما لقي تليفونه جوة شنطتك !! ولو
اتلائمتي بردوا انا معايا دليل ادانتك .. السكينة اللي انتي قتلتي امك
والواد دا بيها واللي عليها بصماتك .. عندي .. وكمان عندي كل الادلة اللي بتثبت انك
انتي اللي قتلتي قاسم ابن خالتك ومش سارة زي ما انتي بتقولي البنت المسكينة اللي
انتي شيلتيها جريمتك !! شفتي ازاي بقي انا عارف عنك كل حاجة يا بُث بُث !!
رد فعل علي وجه بثينة
ونذهب الي ممتاز الذي يجلس حائرا في البالكونة وتدخل اليه امه ومعها صينيه
عليها فنجانان من الشاي
الام .. الشاي يا ممتاز
ممتاز .. شكرا يا امي تسلم ايديكي
الام .. مالك يابني سرحان في ايه ؟! ووشك حزين ومهموم كدا ليه ؟!
ممتاز .. مفيش يا امي شوية مشاكل في الشغل !!
الام .. انت بقيت بترهق نفسك جامد في الشغل يابني ؟! ودا علي حساب صحتك !!
ممتاز .. خلاص يا امي مفيش ارهاق تاني بعد كدا ؟!
الام .. ليه يا ممتاز حصل ايه ؟!
ممتاز .. وقفوني عن العمل وحولوني للتحقيق
الام .. يا ساتر يارب!! .. ليه يابني ايه اللي حصل ؟!
ممتاز .. موضوع كدا حصل في الشغل وماليش اي ذنب فيه !! بس انا متأكد ان
ربنا هيظهر الحق قريب
الام .. طب ما قلتش ليه يابني لباباك عشان يعرف ايه الموضوع ويكلم حد مسئول
يساعدك
ممتاز .. من فضلك يا امي ابعدي بابا عن الموضوع دا خالص !! انتي عارفاني في
شغلي بالذات بحب اعتمد علي نفسي
الام .. ايوا يا ممتاز يا حبيبي .. بس انت في مشكلة دلوقتي وبتقول انهم وقفوك
عن العمل !! يعني مشكلة كبيرة ولازم باباك يدخل عشان يساعدك قبل ما الموضوع يتطور
يابني ولا حاجة !!
ممتاز .. لا يا امي متخافيش .. هو لو اتطور زي ما انتي بتقولي .. يبقي
هيتطور لصالحي ولصالح البنت المسكينة دي اللي اسمها ساره
الام .. هي لسه البنت دي مخرجتش من السجن ؟!
ممتاز .. للأسف الادلة كلها ضدها ومازن بيقول ان لو موصلش للقاتل الحقيقي
خلال فتره قليلة هيضطر انه حول القضية لمحكمة الجنايات !!
الام .. ربنا يفك ضيقتها يابني لو فعلا مظلومة
ممتاز .. مظلومة يا امي .. والله مظلومة .. انا متأكد من دا كويس ومازن نفسه
اللي بيحقق في القضية متأكد زيي تمام .. بس المشكلة ان الادلة كلها بتقول ان سارة
هي اللي قتلت .. ولحد الان مش عارفين نوصل للقاتل الحقيقي !!.
الام .. سبحان الله .. يا ما في الحبس مظاليم !! طب هتعمل ايه في موضوع سها
مراتك ؟!
ممتاز .. مالها يعني ؟!
الام .. مش ناوي تردها لعصمتك يابني وترجع بيتك ؟!
ممتاز .. ماما احنا اتكلمنا في الموضوع دا مليون مره وقلتلك اني خلاص انا
مش ناوي ارجع ل سها دي تاني !! انا فعلا مبسوط كدا ؟!
الام . . طب هي عملت ايه بس عشان تطلقها !! دي بتحبك اوي يا ممتاز !!
ممتاز .. بتحبني !! اشك بصراحة !! اولا دي انسانه مستفزة دايما ومبتقدرش
اللي انا بعمله عشانها .. ثانيا انا مبقتش طايقها لا هي ولا اخوها وخصوصا بعد ما
وقف ضدي واتبلي عليا عشان يدمرني في شغلي !! دا شهد ضدي بالباطل يا امي وسلط عليا
بنت مجرمة عشان تتبلي عليا وتعملي شوشرة ؟!
الام .. معقول !! ممتاز يعمل كدا مع جوز اخته ؟!
ممتاز .. ومع ابوه كمان !! دا انسان واطي وانتهازي ومعندوش لا شرف ولا ضمير
وخسارة فعلا انه يكون ظابط شرطة .. بس مش هسيبه .. انا وراه والزمن طويل ومسيره
يقع لأن اللي زي دا اكيد عامل مصايب كتير !!
ونذهب الي سارة التي استعادت وعيها وبدأت تسترد صحتها وعافيتها
الطبيب .. لا احنا بقينا فل اوي .. حمد الله ع السلامة
سارة .. الله يسلمك .. بس انا حاسة ان ايدي بتوجعني اوي ومش قادره احرك
صوابعي خالص !!
الطبيب .. معلش .. واحدة واحدة وهتبقي زي الفل ان شاء الله .. واحمدي ربنا
انها جت لحد كدا .. انا عن نفسي قلت البنت دي لا يمكن تعيش .. بس سبحان الله ..
ربنا دايما بيخلف الظنون وكتبلك عمر جديد
ثم يدخل ممتاز وعندما يري سارة استعادت وعيها فيفرح بشدة
الطبيب .. اهلا سيادة الرائد .. اهي فاقت اهه عشان تبطل قلق بقي !! كل شوية
يسأل عليكي ان مكنش يجي هنا يببقي بالتليفون .. صدعني والله .. ههههه .. اسيبكم
بقي عشان لو حبيت تسألها عن حاجة .. بس ياريت مطولش يا يا سيادة الرائد
ممتاز .. حاضر يا دكتور
ثم ينظر الي سارة مبتسما ويقول
ممتاز .. حمد الله ع السلامة
سارة .. الله يسلمك
ممتاز .. ها .. قوليلي بقي .. مين اللي عمل فيكي كدا ؟!
سارة .. عواطف!!
ممتاز .. انا كنت متأكد ان هي اللي عملت كدا
سارة .. بس انا مش عارفة هي ليه عملت فيا كدا ؟! انا ماعمللتلهاش حاجة خالص !! لقيتها مره واحدة كدا
قامت عليا زي المجنونة ونزلت فيا ضرب علي جسمي وراسي وايديا .. وكانت بتضرب علي
ايديا جامد اوي !!
ممتاز .. هي ضربتك بإيه بالظبط ؟!
ساره .. مش عرفة هي حتة حديدة كدا زي ما تكون ماسورة مروحة !!
ممتاز يبدوا انه تذكر شئ ما فيندهش ويصمت عن الكلام لبرهه
سارة .. انا متشكرة لحضرتك اوي انك انقذتني في الوقت المناسب.. انت بجد
انسان عظيم !!
ممتاز .. لا شكر علي واجب يا سارة .. اهم حاجة شدي حيلك وبلاش تيأسي .. ان
شاء الله قريب هتظهر برآتك
سارة .. ازاي بس ؟! دي حتي ايدي اللي كنت بقول ان هي دليل برآتي الوحيد اهي
عجزت اهه !! انا هتجنن بجد هي ليه عملت فيا كدا ؟!
ممتاز .. بس انا عارف هي عملت ليه كدا !!
ونذهب الي سيد والد حسن حيث ينام علي السرير بجوار احدي زوجاته وتدعي رانيا
رانيا غاضبة .. لما اقوم البس هدومي !! اظاهر مفيش فايدة ؟!
سيد .. سامحيني يا رانيا اصل بالي مشغول ع الواد وعقلي مش فيا !!
رانيا .. بالك اللي مشغول بردوا ولا انت اللي باين عليك كبرت يا حج ؟!
سيد .. فشر .. كبرت ايه يا بت دا انا اصبي من ايها شاب !!
رانيا .. فين بس يا حج ؟!
سيد .. يا بت بقلك بالي مشغول ع الواد حسن وهتجنن واعرف الواد مختفي فين ؟!
رانيا .. تلاقيه سارح مع واحدة هنا ولا هنا !!
سيد .. لا انا ابني مش بتاع الحاجات دي
رانيا بسخرية .. هههههههه .. نعم يا اخويا!! .. دا ابنك ابو الحاجات دي
واسألني انا
سيد .. اسألك انتي ؟! هو انتي تعرفي حاجة عن الواد ومخبياها عني يا بت ؟!
رانيا ترتبك .. لا يا اخويا انا معرفش حاجة صدقني .. بس دا شاب والشباب في
السن دا بتبقي دايره ورا البنات
حسن .. الا ابني .. انا حسن ابني متربي احسن تربية .. دا البت سارة كانت
بتشاغله عشان ينام معاها وهو رفض وجه وقالي الكلام دا بنفسه عشان احرص منها
الملعونة دي
رانيا .. ان متأكد ان هي اللي كانت بتشاغلة مش العكس ؟!
سيد .. قصدك ايه يا بت ؟! عليا الطلاق شكلك عارفة حاجة عن الواد ومخبياها
عني ؟! في ايه يا بت ؟!
رانيا .. مفيش يا اخويا لما اقوم البس هدومي مفيش فايدة .. ياعيني علي بختك
الاسود يا رانيا يا بنت ذكية !! المره الوحيدة اللي في السبوع بتشوفي فيها جوزك ..
يبقي حاله كدا !!
سيد .. يابت اقعدي جمبي رايحة فين ؟! دلعيني كدا يمكن ربك يريد واعمل حاجة
!!
رانيا .. يا اخويا بلا وكسة !! بقالك ساعة نايم جمبي بدلع فيك وبهنن فيك ..
دا لو ميت كان صحي بلا نيلة اوعي كدا شيخ ؟!
سيد .. والله بقيت تريقة علي آخر الزمن يا سيد !! يا تري انت فين يا حسن ؟!
وانتي يا بثينه غطستي فين يا بت الكلب انتي ؟؟!!
ونذهب الي شهاب الذي ينام هو الاخر بجوار بثينه علي السرير وبعد ان قضي
وقتاً ممتعاً معها يقوم بإشعال سيجارة ليدخنها
بثينه مندهشة .. ما انت ياباشا طلعت ليك في الوساخة انت كمان اهوه ؟!
شهاب ينظر اليها نظرة حادة .. اخرسي يا بت
بثينة .. حاضر .. بس جامد يا باشا !!
شهاب .. بقلك ايه .. عرفتي هتعملي ايه كويس ؟!
بثينه .. تصدق نسيت ياباشا ؟!
شهاب .. ايه ؟!!
بثينه .. ما انت ليك هيبة بردوا يا باشا تنسي الواحد اسمه !! طب ما تيجي
نعيد من اول وجديد واهو التكرار يعلم الشطار .. مش بيقولوا كدا بردوا يا باشا ؟!
ثم تضع رأسها علي كتفه ويدها علي صدره
شهاب .. بقلك ايه يا بت .. انا حيلي اتهد يا روح امك !! وبعدين الكلام انا
بقوله مرة واحدة بس ولازم يتحفظ من اول مره .. فاهمه ولا هتتعبيني معاكي ؟!
بثينه .. لا يا باشا .. هو انا اقدر اتعبك بردوا ؟! دا انا خدامتك واللي
تؤمرني هنفذه علطول
شهاب .. يعني عارفة هتعملي ايه كويس ؟!
بثينه .. عارفة يا باشا
شهاب .. يعني منسيتيش زي ما قلتي ؟!
بثينه .. لا مش ناسية .. بس بصراحة كنت عاوزاك تراجع معايا .. يمكن اكون
ناسية حاجة كدا ولا كدا
شهاب .. ايه يا بت السهوكة اللي انتي فيها دي ؟! اتلمي يا بت
بثينه .. حاضر هاتلم .. بس هو ليه حضرتك عايزني اعمل كدا ؟! هو حضرتك عايز
تنتقم منهم ولا ايه ؟!
شهاب .. مايخصكيش يا روح امك .. انتي تنفذي اللي بقلك عليه وبس !
بثينه .. حاضر يا باشا .. طب والجثة اللي برة دي هتعمل فيها ايه ؟! دا سيد
لو عرف اني قتلت ابنه هيقطعني حتت !!
شهاب .. متخافيش يا بت انا هاخفيها بمعرفتي وطول ما انتي في العدل معايا
يبقي انتي في امان ومحدش هيقدر يمسك بسوء ابداا .. وعايزك ترجعي بيتك عشان سيد كدا
هيشك فيكي
بثينه .. ارجع !! ارجع ازاي بعد ما سيد لقي المحمول بتاع ابنه في شنطتي
؟!!.. هقله ايه لما يسألني .. محمول ابنه في شنطتي كان بيعمل ايه ؟! وبعدين سيادتك
بتقول انه راح حفر تاني وملقيش جثة ابنه ؟! دا معناه انه بيشك فيا اني قتلت ابنه
؟!
شهاب .. هو بيشك فيكي اه .. وراح حفر عشان يتأكد .. ومتأكدش !! وطول ما هو
مش متأكد من حاجة عمره ما هيئذيكي ابدا !!
بثينه .. طب ارد اقله ايه لما يسألني ؟! وبعدين انا هربت من شباك الحمام
بعد ما شفته وهو بيفتش في الشنطة ومطلع منها المحمول بتاع ابنه ؟! هاقله هربت ليه
لما يسألني ؟! سيد دا مش سهل وان مكنتش اقنعه ممكن فعلا يتأكد اني عملت في ابنه
حاجة وساعتها مش هيرحمني !!
شهاب .. متخافيش انا مرتب كل حاجة وهقلك تقولي ايه وتتصرفي ازاي !
ونذهب الي يس وزينب والدا سارة حيث يجلسا في الصالة ويس يتناول طعام العشاء
زينب .. ماقولتليش يا يس هتعمل ايه في موضوع سارة ؟!!
يس .. وانا اللي هعمل يا زينب بردوا ؟! اومال المحامي بس شغلته ايه ؟!
زينب .. ايوا مقالكش البت هتطلع برآة ولا لا ؟!
يس .. الراجل شغال وبيسعي وربنا يسهل .. انتي بس ادعيلها يا زينب
زينب .. ارجع واقول انت السبب !! البت كانت وردة مفتحه .. دلوقتي انطفت
ودبلت وهي لسة في عز شبابها ؟!!
يس .. وانا مالي ؟! انا اللي قلتلها تروح عند البت المشبوهه دي وتقعد عندها
؟! من غير حتي ما نعرف ؟!
زينب .. لا مقولتلهاش يا سيد .. بس انت اللي طردتها من بيتك عشان ترجع للي
ما يتمسي دا تاني ؟! وقبل دا كله انت اللي جوزتها ليه وانت عارف انه متجوز ياما
وديله وسخ
يس .. اهو اللي حصل بقي
زينب .. انا نفسي هو لما كان هنا اخر مره وقعد يهددك ان هيحكيلي كل حاجة ..
كان يقصد ايه بالظبط ؟!
يس .. ميقصدش حاجة يا زينب
زينب .. لا يقصد يا سيد .. بدليل انك كنت واقف في صف بنتك في الاول لكن ما
بعد جه هنا وهددك وبرقلك عنيه اتنفضت واتقلبت علي بنتك ٣٦٠ درجة !!
يس .. انا محدش يقدر ينفضني يا زينب !!
زينب .. لا اتنفضت يا سيد وخفت وكشيت في جلدك كمان !! اوعي تكون تعرف واحدة
كدة ولا كدا من ورايا وهو عارف بالحكاية دي
يس .. اللهم طولك يا روح .. اللي يعرفك يا زينب يكره صنف الحريم تماما ..
فأطمني من الحتة دي متقلقيش
زينب .. اومال ايه اللي يعرفة عنك ومخليه كاسر عينك بالطريقة دي ؟! تكونش
بتبيع مخدرات وانا مش عارفة !!
يس .. وادي اللقمه يا زينب عشان ترتاحي !! عليا الطلاق ما انا واكل ..
اتهدي بقي يا شيخة حرام عليكي !!
ثم ينهض ويدخل الي غرفته وزينب تقول لنفسها
زينب .. والنبي تلاقيك شغال في الاثار وانا مش عرفة !!
ونذهب الي اخت ممتاز الدكتورة نور والتي تخرج من المستشفي التي تعمل بها في
ساعة متأخرة من الليل بعد ان انهت عملها واثناء توجهها الي سيارتها لتركبها تجد
الاطارات فارغة من الهواء
نور مندهشة بشدة .. معقول الاربع عجلات نايمين ؟! طب هروح البيت ازاي انا
بقي دلوقتي ؟!
وفجأة يظهر امامها تاكسي فتشاور له
نور .. تاكسي .. المعادي لو سمحت ؟
السائق .. اتفضلي
وتركب نور وعلي مسافة بضع مترات يتوقف التاكسي في منتصف الشارع ليركب
بجوارها من ناحية اليمين واليسار رجلان ملثمان
نور .. في ايه ؟! انتوا مين ؟!
احدهم يقول .. هس ولا كلمة ..
ثم يضع منديل به مخدر علي انفها ونور تقاوم بشدة ولكنها تستسلم في النهاية
وتنام ...
وفي الصباح وبينما ممتاز جالسا في غرفته يتصفح بعض المجلات يرن التليفون
المحمول الخاص به والمتصل نور
نور منهارة .. الحقني يا ممتاز انا اتخطفت ؟!
ممتاز .. ايه !! بتقولي ايه يا نور ؟!
نور .. بقلك خطفوني يا ممتاز .. الحقني ارجوك .. انا خايفة اوي !!
ممتاز .. طب اهدي يا نور وقليلي انتي فين ؟!
نور .. انا في مكان كدا زي ما يكون مخزن خردة !! انا سمعتهم بيقولوا
العنوان ع فكرة !!
ممتاز .. طب قولي بسرعه وانا هاجيلك علطول
وفي الصباح نري بثينه بملابس ممزقة ويبدوا عليها اثار ضرب وتعذيب وفي حالة
انهيار تام تدخل الي مقر النيابة العامة وتطلب مقابلة مازن وكيل النيابة ويسمح لها
بالمقابلة وبمجرد ان تدخل الغرفة تبكي بشدة وتقول
بثينه .. الحقني يا باشا .. ممتاز بي خطفتي وعذبني واغتصبني ؟؟؟!!
الاحداث اشتعلت اكثر فأكثر تابعوني والبارت التالي .. تحياتي..
رواية اغتصاب شرعي
البارت الثالث والعشرون
للكاتب المصري محمد مالك
جميع الحقوق محفوظة
مازن .. تعالي هنا قربي
بثينه .. حاضر يا باشا
مازن .. مين اللي بهدلك بالشكل دا ؟!
بثينه .. ما انا قلت لسيادتك حالا ياباشا !! ممتاز بي اللي عمل فيا كدا
مازن .. ممتاز بي مين ؟!
بثينه .. الرائد ممتاز ياباشا .. هو اللي بهدلني بالشكل دا واغتصبني كمان
ياباشا .. انا عايزة اتعرض ع الطب الشرعي سعتك .. انا عايزة حقي يا باشا .. انا في
عرض سيادتك
مازن .. الرائد ممتاز ابو الفضل عمل فيكي انتي كدا ؟!
بثينه .. ايوا ياباشا انا مش هتبلي عليه يعني !!
ويجلس مع مازن وكيل النيابة النقيب سالم الذي باشر التحقيقات بنفسه في قضية
مقتل قاسم عماد الدين قبل احالتها الي النيابة ومن بين من حقق معهم بثينه توفيق
سالم .. مش انتي بثينه توفيق ابن خالة الولد اللي اتقتل دا اللي اسمه قاسم
؟!
بثينه .. ايوا انا يا باشا
سالم .. والرائد ممتاز ابو الفضل هو اللي ضربك وبهدلك كدا ؟!
بثينه .. واغتصبني كمان ياباشا .. حط تحت كلمة اغتصبني دي ١٠٠ خط سعتك
مازن .. والرائد ممتاز عمل فيكي ليه كدا ؟!
بثينه .. عايزني اجي لسيادتك واعترف علي نفسي زور اني انا اللي قتلت قاسم ابن خالتي!!
سالم .. وممتاز باشا عايزك تعملي ليه كدا يا ؟!
بثينه .. عشان عايز يخرج حبيبة القلب من السجن !!
مازن .. تقصدي مين ؟!
بثينه .. هي فيه غيرها يا باشا ؟! المجرمة اللي قتلت ابن خالتي .. سارة يس
يا باشا!!
مازن .. وعايز يخرجها ليه من السجن ؟!
بثينه .. ما انا لسة قايلة لسعتك يا باشا .. ما هي عدم لا مؤاخذة سارة دي
تبقي حبيبة ممتاز باشا
سالم .. يا سلام !! وانتي بقي عرفتي المعلومة الخطيرة دي منين ؟!
بثينه .. هو اللي قالي كدا وهو بيغتصبني .. المهم دلوقتي الحقوني ابوس
ايديكم دا صورني فيديو وهو بيغتصبني وقالي لو مرحتش النيابة وقلت اني انا اللي
قتلت قاسم هايشير الفيديو وهيفضحني .. ابوس ايدك يا باشا الحقه قبل ما يشير
الفيديو .. استر عليا يا باشا وهاتلي حقي من الذئب البشري دا .. دا بهدلني يا باشا .. بهدلني وربنا !!
ثم تبكي بكاء مصطنع
سالم .. بس يا بت اسكتي خالص !! مش عايز اسمع صوتك ده .. بعد اذنك طبعا يا
مازن ياباشا
مازن .. لا ولا يهمك يا سالم باشا
سالم .. تعالي يا بت قربي هنا .. (ثم يصرخ في وجهها) بقلك قربي هنا !!
بثينه تقترب منه اكثر وهي ترتجف من الخوف .. نعم يا باشا
سالم .. بقي ممتاز باشا ضربك وقطعلك هدومك بالشكل ..
بثينه تقاطعة .. واغتصبني يا باشا !!
سالم .. واغتصبك يا ستي ولا تزعلي وكمان صورك فيديو وقالك لو مرحتيش
النيابة وقلتي انك انتي اللي قتلتي قاسم ابن خالتك هايشير الفيديو ؟!
بثينه .. ايوا ياباشا .. والنعمه الشريفة دا اللي حصل !!
سالم .. من غير ما تحلفي بس !! انا يا ستي هاعمل نفسي مصدقك!! .. طيب
الكلام دا حصل امتي ؟!
بثينه .. امبارح بالليل سعتك
سالم .. والاغتصاب كان امتي ؟!
بثينه .. بردوا بالليل يا باشا
سالم .. بالليل !! اومال طب شرعي ايه اللي انتي عاوزة تتعرضي عليه !! دا
اكيد اثار الاغتصاب راحت .. دا لو كان في اغتصاب من اصلة !!
بثينه .. طب وانا ايه ذنبي ياباشا ؟! ما انا ما عرفتش اهرب منه غير الصبح
وهو نايم ؟!
مازن .. يعني انتي هربتي منه مش هو اللي سابك تمشي ؟!
بثينه .. لا ياباشا .. انا هربت منه الصبح وهو نايم .. ما اصله قعد يغتصبني
الليل كله بدون رحمه بعدها نام زي القتيل .. قمت انا اخدت بعضي وهربت
سالم .. يا سلام ؟! فيلم هندي دا ولا ايه يابت ؟!
بثينه .. مش مصدقني ولا ايه ياباشا ؟!
سالم .. لا بصراحة
بثينه .. طب انا عرفة المكان اللي اغتصبني فيه وزمانه نايم هناك دلوقتي ..
تعالي معايا يا باشا وشوف بنفسك
مازن .. روح معاها يا سيادة النقيب
سالم .. ماشي يا باشا .. يلا يا بت بس ورحمة امي لو طلعتي كدابه وان كل دا
هجص لأعلقك !! بينا يا ماما .. استني يا بت عندك ؟؟!!!
سالم لاحظ حاجة خطيرة ودي اللي هتكون السبب في برآة ساره من التهمه الملفقة
ليها ظلم.. يا تري لاحظ ايه ؟!! لو عايز ادخل علي المدونة دلوقتي عشان تقرأ البارت
اللي بعده .. احداث مثيرة جداااا .. والرابط بالاسفل
https://mymohamedmalk.blogspot.com
رواية اغتصاب شرعي
البارت الرابع والعشرون
للكاتب المصري محمد مالك
جميع الحقوق محفوظة
سالم .. استني يابت عندك
بثينه .. فيه ايه يا باشا ؟!
سالم.. انتي بتقولي انه قعد طول الليل يغتصب فيكي ؟!
بثينه .. ايوا ياباشا .. وبدون رحمة سعتك زي الديب السعران اللي ما صدق
ولقي فريسة عشان ينهش في لحمها !!
سالم .. اها .. متوحش فعلا !! طب وانتي دلوقتي حاسة بإيه ؟!
بثينه .. قرفانه من نفسي اوي سعتك وعايزة الارض تنشق وتبلعني
سالم .. لا مسكينة !! طب مفيش الم في بطنك .. نزيف مثلا جالك ؟!
بثينه .. لا ياباشا .. ربنا ستر الحمد لله
سالم .. طب الحمد لله .. يلا بقي عشان توريني المكان اللي ممتاز باشا اعتدي
عليكي فيه !!
بثينه .. يلا يا باشا
ويذهب سالم مع بثينه الي شقة مفروشة بمنطقة وسط البلد ويقف سالم امام الشقة
ومعه بواب العمارة
سالم .. هي دي الشقة ؟!
بثينه .. ايوا هي يا باشا
سالم للبواب .. الشقة دي بتاعة مين يا ريس ؟!
البواب .. دي شقة مفروشة سعتك صاحبها مهاجر المانيا وانا بأجرهاله مفروش
لحد ما يرجع بالسلامة .. ومعايا تفويض رسمي بكدا
سالم .. اها .. ومين اخر واحد اجر منك الشقة دي ؟!
البواب .. هو انا لسة مأجرها مفيش اسبوع لواحد افندي كدا ... اسمه ؟! اسمه
ايه ياض يا عوضين ؟! .. ايوه .. اسمه ممتاز .. ظابط شرطة
بثينه .. شفت يا باشا .. عشان تصدقني سعتك !!
سالم .. فيه عقد بالكلام دا ؟!
البواب .. عقد ايه بس يا باشا .. بقول لسيادتك ظابط شرطة .. وبعدين لما
جالي عشان يأجرها قالي انا عاوزاها اسبوعين بالكتير .. قلت خلاص مادام اسبوعين
يبقي ملهوش لزوم نكتب عقود
سالم .. لا ناصح !! هو في حد جوة ؟!
البواب .. والله ما عارف سعتك .. ارن الجرس ونشوف يا باشا
ويرن البواب جرس الباب ولا احد يجيب
البواب .. شكله مفيش حد في الشقة سعتك..
بثينه .. لا موجود جوة .. انا متأكدة انه نايم جوة يا باشا .. اصله ياباشا
ليلة امبارح شرب خمرة كتير اوي لحد ما بقي سكران طينة .. وبقول لسيادتك كان نايم
زي القتيل .. خمرة بقي واغتصاب طول الليل ..
وعشان يفوق محتاج لبعد العصر يا باشا
البواب يقلق .. اغتصاب ؟!! يا ساتر يارب .. هو فيه ايه يا باشا ؟!
سالم .. معاك مفتاح تاني للشقة دي ؟!
البواب .. ايوا معايا ياباشا
سالم .. طب افتح الباب
البواب .. حاضر .. استر ياللي بتستر يا رب
ويفتح البواب الباب .. ويدخل سالم الي داخل الشقة ليجد ممتاز نائما ع
السرير بالملابس الداخلية وحولة زجاجات خمر فارغة وملابس داخلية ل بثينه ..
بثينه .. شايف يا باشا الاندر وير بتاعتي اهه !!
سالم .. سيادة الرائد !! ممتاز باشا .. اصحي يا فندم !! هات ميه يابني
البواب .. حاضر يا باشا
ويُحضر البواب زجاجة مياه ويملأ سالم فمه بالمياه وينثرها في وجه ممتاز
فيفيق ..
ممتاز .. ايه دا ؟!
سالم .. اصحي يا باشا وفوق
ممتاز .. انا فين ؟!
سالم .. انت في شقتك يا باشا ؟!!
ممتاز .. شقتي؟!! هو انا ايه اللي حصلي بالظبط ؟! .. نور اختي خطفوها !!
سالم .. بتقول نور اخت سعتك خطفوها ؟!
ممتاز .. ايوا .. هي كلمتني في التليفون وقالت انهم خطفوها !! وقالتلي انها
هنا .. في الشقة دي ؟! واول ما جيت هنا حسيت ب حد جه من ورايا وضربني علي دماغي!!
هو فين المحمول بتاعي ؟! تليفوني فين ؟!
سالم ينظر ل بثينه في غيظ شديد .. اها .. بقي الحكاية كدا ؟!! حمد الله ع
السلامة يا باشا
بثينه .. في ايه يا باشا ؟! سعتك بتبصلي كدا ليه ؟! متصدقوش يا باشا .. دا
كداب دا جابني واغتصبني غصب عني ياباشا .. ولا عشان ظابط زيك يا باشا .. هتضيعوا
حق الغلبانه اللي زيي !! لا دا انا اطلع ع المحامي العام واحكيله اللي حصل !!
ممتاز .. هو في ايه ؟! انا مش فاهم حاجة ؟!
سالم .. الهانم بتقول ان سيادتك خطفتها وضربتها وعذبتها... وكمان اغتصبتها
!!
ممتاز مندهش.. ايه ؟!
تابعوني والجزء الثاني من الرواية واحداث شيقة ومثيرة .. تحياتي ملك
الروايات الكاتب والسيناريست المصري محمد مالك .
تعليقات
إرسال تعليق