رواية فريسة لأربع ذئاب البارت العشرون والاخير

رواية اغتصاب شرعي

البارت العشرون من الجزء الثاني

للكاتب المصري محمد مالك

جميع الحقوق محفوظة

شهاب .. ازيك يا ساندي ؟ وحشتيني !!

ساندي مرتبكة .. شهاب ؟! انت ايه اللي فكرك بيا ؟!

شهاب .. هو انا نسيتك عشان افتكرك ؟! انتي دايما في بالي وفي قلبي كمان با ساندي .. تسمحيلي ادخل ؟

ساندي .. ليه ؟! 

شهاب .. ليه !! ايه الاسلوب ده بقي ؟! هو انتي مش واخدة بالك مني ولا أيه ؟! انا شهاب يا بت !!

ساندي .. عارفة ان سيادتك تبقي شهاب بي الظابط المحترم ابن الناس الاكابر !!

شهاب .. تريقة دي بقي ولا ايه ؟! 

ساندي .. ولا تريقة ولا حاجة .. اظن ده كان كلام حضرتك زمان !! ولا حضرتك نسيت كلامك ليا زمان ؟!

شهاب .. اه .. هو انتي لسة زعلانه مني ولا ايه ؟!

ساندي .. وازعل منك ليه ؟! هي غلطة انا غلطتها زمان وكفرت عنها خلاص ..وكل حاجة راحت لحالها ودلوقتي عايشة حياتي عادي جدا 

شهاب .. ايه نسيتيني بالسهوله ده ؟!

ساندي .. مفيش  حد بيبقي عايز يفتكر الذكريات الوحشة اللي مر بيها في حياته !!

شهاب .. ذكريات وحشة ؟! انا بقيت بالنسبة لك ذكريات وحشة يا ساندي ؟!

ساندي .. والله شوف انت عملت ايه كويس !! وبعدين انا مش عايزة افتكر صفحة طويتها خلاص من حياتي .. ايه اللي فكرك بيا بعد ٣ سنين يا كابتن ؟!

شهاب .. اشتقلك .. مرة واحدة كده حسيت اني عايز اشوفك

واثناء ذلك يدخل الي الشقة بدون ان تسمح له ساندي بالدخول ويلتفت يمينا ويسارا وكأنه يبحث عن شئ ما ثم يُكمل حديثة قائلا 

شهاب .. بس .. فقلت اجي عشان اشوفك .. شفتي بقي الفرق اللي بيني وبينك ؟! انا متستكيش ولسة بحبك وانتي نسيتيني وقلتي عليا ذكريات وحشة !! قلبك آسي اوي يا ساندي !!

ساندي .. بطل كدب بقي !! هو انت جاي بعد ٣ سنين عشان تكدب عليا تاني ؟! وبعدين اذا كان قلبي بقي آسي ف الفضل يرجعلك يا حضرت الظابط !!

شهاب يجلس علي كرسي في منتصف الصالة ثم يقول 

شهاب .. ياااه .. الشقة دي وحشتني اوي .. ذكرياتنا الحلوة كلها فيها !!

ثم يلمح الصورة التي تجمعه وساندي وابنتهما ندي فيصعق ويتغير وجهه ويبدوا انه تذكر ماذا فعل بأبنته ..

ساندي بسخرية .. فاكر الصورة دي ولا نسيتها يا كابتن ؟! عارف مين دي اللي في الصورة ؟!

شهاب لا يرد 

ساندي .. اكيد عارفها طبعا .. دي بنتك ندي .. ندي اللي انت قتلتها بإيدك وحرقت قلبي عليها !!

شهاب .. انتي لسة محتفظة بالصورة دي ؟!

ساندي .. محتفظة بالصورة !! انا صورة بنتي مغابتش لحظة عن عيني .. شايفاها قدامي في كل لحظة بتمر بيا وفي اي مكان بروحه ..

حضنها عمره ما فارقني لحظة .. كلمة ماما اللي كانت دايما تقولهالي علطول في وداني !! انا لحد الان مش قادرة اصدق ان بنتي ماتت وان اللي قتلها هو انت ابوها !! ليه قتلت بنتي ليه ؟! ليه ماسبتهاش تعيش في حضني مكناش عاوزينك ولا عاوزين منك اي حاجة !! ليه غدرت بيا وبيها .. ليه ؟!

شهاب .. انسي الحكاية دي بقي .. البنت دي كانت غلطتك انتي وكان لازم تدفعي تمن غلطتك !!

ساندي .. عندك حق !! بس علي فكرة مش بنتي بس هي كانت غلطة .. لا .. انا علاقتي بيك من البداية كانت غلط .. مكنش المفروض اني اوافق علي جوازي منك مع اني كنت وقتها متأكدة ان غرضك مش شريف وان ورقتين العرفي دول مجرد خدعة منك عشان تعرف تطلني !!

شهاب .. انسي اللي فات يا ساندي ده مش موضوعنا دلوقتي .. انا جاي في موضوع تاني خالص 

ساندي .. جاي عايز ايه ؟!

شهاب يلمح اعقاب سجائر ماليبوروا في طفاية علي المنضدة امامه فيمسك احداها قائلا

شهاب .. ايه ده ؟! هو انتي بتدخني ولا ايه ؟! 

ساندي ترتبك .. وانت مالك ؟! شئ ميخصكش !!

شهاب .. علي رأيك .. شئ ميخصنيش .. بس خلي بالك التدخين ضار بالصحة .. مش انا اللي بقول .. دي منظمة الصحة العالمية هي اللي بتقول علي فكرة  

ساندي .. ممكن من فضلك تقلي جاي هنا ليه ؟!

شهاب .. اه .. هاقلك طبعا .. انا يا ستي جاي عشان اااا .... 

اثناء ذلك شهاب ينظر في كل مكان في الشقة بحثا عن شئ ما ثم ينهض من علي كرسية ويتوجه ناحية الغسالة الفول اوتوماتيك ثم يفتح باب الغسالة ويُخرج منها بنطلون ممتاز والذي كان يرتدية اثناء تعرضه لطلق ناري في قدمه حيث توجد عليه اثار دم ممتاز 

شهاب .. ايوه .. انا جاي هنا بقي عشان ده !!

ثم ينظر الي ساندي ويبتسم ابتسامه خبيثة وماكرة وساندي ترتبك وتقلق 

ساندي .. انا مش فاهمه حاجة علي فكرة ؟!

شهاب يقترب منها .. لا انتي فاهمه كل حاجة وعارفة انا قصدي ايه كويس .. ف بلاش تلفي وتدوري عليا احسنلك !!

ساندي .. انا مش فاهمه انت عايز ايه بالظبط ؟!

شهاب .. بنطلون مين ده يا بت ؟!

ساندي لا تجيب 

شهاب .. اجاوبك انا لأني عارف ان الاجابة تقيلة اوي علي لسانك !! .. ده بنطلون ممتاز 

ساندي .. ممتاز مين ؟! انا معرفش حد بالاسم ده خالص !!

شهاب .. انتي هتستعبطي يا بت ؟! بقلك ايه يا ساندي بلاش تلفي وتدوري عليا قلتلك عشان انتي عارفة كويس اني لو اتغابيت معاكي ايه اللي هيحصلك كويس !! فتعاليلي في العدل احسنلك عشان متتعبيش معايا !!

ساندي .. انت عايز مني ايه يا شهاب ؟!

شهاب .. عايز اعرف الواد ده بيعمل ايه هنا عندك ؟! 

ساندي .. تقصد مين انا مش فاهمه ؟!

شهاب يمسك شعرها بقوة وساندي تتألم

ساندي .. اه .. سيب شعري انت اتجننت ؟!

شهاب .. لا.. لحد الان انا عاقل جدا .. بس ما اضمنش بقي نفسي كمان دقيقتين.. جايز اتجنن بجد واخليكي تحصلي بنتك الله يرحمها !!

ثم يُشهر مسدسه في وجهها وساندي تنظر الي المسدس وهي في قمة الرعب 

شهاب .. ايه .. هتتكلمي ولا اقري الفاتحة علي روحك ؟! .. طيب يبقي اقري الفاتحة احسن .. بسم الله الرحمن الرحيم .. الحمد لله رب العالمين ..الرحمن الرحيم .......

ساندي تقاطعه .. استني .. انا هاتكلم خلاص ..

شهاب فرحا بشدة 

شهاب .. يلا قولي ..

ونذهب الي مازن وكيل النيابة حيث يجلس في شرفة منزله حزينا بائسا وتدخل اليه زوجته وهي تحمل له القهوة وتدعي ايناس

ايناس .. القهوة يا مازن 

مازن .. شكرا يا ايناس 

مازن يشعل سيجارة ويبدوا  انه بدأ يدخن كثيرا في الفترة الاخيرة وايناس تلاحظ ذلك

ايناس معترضة .. مش كفاية سجاير بقي ؟! طول النهار سجاير وقهوة ومفيش اكل خالص !! في ايه يا مازن مالك ؟! انت مكنتش كده ؟!

مازن .. مضايق اوي يا ايناس من اللي حصل !!

ايناس .. تزعل مني لو اتكملت معاك بصراحة ؟

مازن .. انا عمري ما ازعل منك يا ايناس .. وانتي عارفة كده كويس 

ايناس .. مكنش المفروض تآمن للأسمه ممتاز ده !! كان المفروض تطبق القانون وتحبسه ما دام مٌدان قدامك !!

مازن .. عندك حق .. بس انا اتصرفت بدافع انساني .. بدافع الصداقة اللي بيني وبينه .. دا ممتاز عشرة عمري يا ايناس وبعدين انا عارفة كويس وعارف اهله .. دا شخصية جميلة واخلاقة عاليه جدا .. وانا بصراحة مش مصدق لحد دلوقتي انه ممكن يرتكب الجرايم دي كلها .. معقول ممتاز الضابط الملتزم يتحول في يوم وليلة لمجرم خطير ؟!

ايناس .. طب اديك اهوه وثقت فيه .. هو عمل ايه بقي ؟! خان ثقتك وضرك كمان في شغلك ويا عالم بقي هيحصل ايه بعد كده ؟! 

رد فعل علي وجه مازن

ونذهب الي السيد ايمن خطاب وكيل النيابة حيث تجلس امامه زينب ام سارة وقد امر بالافراج عنها من سرايا النيابة .

وكيل النيابة .. امرنا نحن ايمن خطاب وكيل النائب العام بأخلاء سبيل السيدة زينب عبد السلام محمد من سرايا النيابة وذلك بعد ان حضر الفاعل الحقيقي الي سرايا النيابة واقر امامنا بارتكابه للجريمه وقتله للضحايا محل التحقيق مع سبق الاصرار والترصد ومحاولته الصاق التهمه بالمذكورة بأفتعاله امور كيدية الغرض منها اضلال العدالة علي ان يتم اخلاء سبيلها بضمان محل اقامتها ما لم تكن مطلوبة في قضايا اخري واقفل المحضر في ساعته وتاريخة .. مبروك يا مدام زينب

زينب فرحه .. الله يبارك فيك يا باشا .. الف حمد والف شكر ليك يارب ..

ونذهب الي عوض الذي يجلس بالزنزانه ويبدوا انه ندم علي ما فعل واعترافه بقتل حسن وسيد وعطيات ام بثينه ويدور حوار في داخلة قائلا

عوض .. انا ايه اللي هببته ده ؟! انا كده لبست ٣ قضايا قتل مع اني ما قتلتش غير واحد بس !! منك لله يا شهاب بي انت السبب في اللي انا فيه دلوقتي !! معقول هيوفي بوعده معايا وهاخد حكم مخفف ؟! اما انا صحيح حمار !! حكم مخفف ازاي وانا معترف بقتل ٣ بني آدمين .. ده لو لقيوا عقوبه اعلي من الاعدام هيطبقوها عليا !! ومين عطيات دي كمان !! شكله هو اللي قاتلها عليا النعمه !! وعامل نفسه عبيط !! اه يا ابن اللذين يا شهاب .. عملت عملتك ولبستها انا في الاخر .. لا وحيات امي ما هضيع لوحدي ابدا .. لازم تشيل معايا الليلة .. ما انا اصله مينفعش اتعدم لوحدي وانت عايش حياتك عادي كده !!

ثم ينهض مسرعا نحو باب الزنزانه ويصرخ مهللا وهو يقول 

عوض.. افتحوا الباب عايز اقابل وكيل النيابة .. عندي كلام مهم عايز اقوله .. افتحوا الباب ابوس ايديكم

ونذهب الي سارة حيث ذهبت ليلا الي احد الشوارع وانتظرت الي جانب الطريق  واخذت تنظر يمينا ويسارا وفجأة يأتي اليها ممتاز بسيارته وهو متنكرا ويقول ..

ممتاز .. سارة .. اركبي بسرعة 

سارة تعرف انه ممتاز فتركب السيارة بسرعة وينطلق بعدها ممتاز ليذهب الي مكان بعيد عن اعين الناس كي يتحدث الي سارة

سارة .. انا مش مصدقة نفسي اني قابلتك انهارده ؟! بجد مقابلتك ليا انهارده هونت عليا حاجات كتير اوي

ممتاز .. وانا كمان لما شفتك انهارده حسيت ان روحي المعنوية ارتفعت وجزء كبير من همومي رحل عني .. 

سارة تبتسم خجلا .. بجد ؟!

ممتاز .. واهو بسمتك دي بقي خلت الجزء الباقي من همومي خلع وقال يا فكيك !! انا دلوقتي بقيت رجل بلا هموم .. هههههه

سارة .. يارب فعلا يريح قلبك ويزيح عنك كل همومك

ممتاز .. يارب .. سارة انتي حاجة جميلة اوي .. تصدقي انتي من ساعة ما ظهرتي في حياتي وانا حاسس بأختلاف كبير 

سارة .. وياتري للأحسن ولا للأوحش ؟!

ممتاز .. اكيد للأحسن طبعا .. سارة انا بجد فرحان اني قاعد معاكي دلوقتي وبنتكلم كمان مع بعض 

سارة .. وانا كمان .. المهم قولي اخبارك ايه ؟!

ممتاز .. اخباري اكيد عارفاها من الجرايد ومن التليفزيون .. ما اصل اليومين دول مبقاش وراهم سيرة غيري وكأن ممتاز هو المجرم الوحيد في مصر !!

سارة .. شدة وهتزول ان شاء الله 

ممتاز .. انا السؤال اللي محيرني دلوقتي ليه شهاب بيعمل معايا كده ؟! ليه بيكرهني اوي كده وعايزة يدمرني بأي شكل من الاشكال مع اني طول عمري بحبه وواقف في ضهره ؟!

ويتصل والد ممتاز علي شهاب ..ويرد شهاب قائلا..

شهاب متعجبا .. ياااااه .. كنت منتظر المكالمة دي من زمان اوي ؟!

والد ممتاز .. انت عايز ايه من ممتاز يا شهاب ؟!

شهاب .. عايز ايه ؟! عايز ادمره طبعا .. عايز اخليه يقضي بقية عمره في السجن وهو مكسور وذليل والخزي والعار بيطاردوه في كل مكان !! وعايز اشوفك وانت بتبكي بدموع الحسرة والندم عليه ومش قادر تعمله حاجة !!

والد ممتاز .. انت عارف كويس اني ممكن امحيك من الوجود تماما .. بس انا مش عايز اعمل كده معاك 

شهاب غاصب .. انت متقدرش تعمل حاجة .. انت اضعف مما تتصور .. لأنك لو كنت تقدر تعمل حاجة مكنتش سكت الفترة دي كلها لأنك عارف ومتأكد انا ممكن ارد عليك ازاي !!

والد ممتاز .. بلاش تستنفذ صبري معاك يا شهاب ؟!

شهاب .. اعتبره نفد خلاص ووريني هاتقدر تعمل ايه .. يا والدي العزيز ؟؟!!!

والد ممتاز يغلق الخط ولن يملك الا ان تفيض عيناه دمعا وحزنا علي ما يحدث وشهاب في الناحية الاخري يبتسم ويشعر بنشوة الانتصار ...

ونذهب الي مازن وكيل النيابة حيث قد وصل بسيارته الي منطقة شعبية فترجل عن سيارته واخذ ينظر الي احد المنازل القديمة ثم صعد الي المنزل واخذ يطرق باب احدي الشقق فتفتح الباب امرأة عجوز ترتدي جلباب اسود يبدوا علي وجهها الحزن الشديد .. انها والدة تامر المصري الذي توفي في حادث سيارة بعد ان توجهه الي مازن واخبره بأن سارة بريئة ولم تقتل احد وان لديه الدليل علي ذلك واعطاه فلاشة واكتشف بعدها ان الفلاشة بها فيلم كارتون ل توم وجيري ..

المرأة العجوز .. اي خدمة يا بي ؟!

مازن .. انتي الحاجة ام تامر المصري الله يرحمه ؟

المرأة .. ايوه انا .. مين سعتك ؟

مازن .. انا اسمي مازن وكيل نيابة

المرأة .. اتفضل يا باشا 

ويدخل مازن وينظر الي المنزل من الداخل فيجده بسيطا جدا يدل علي ان اصحابه فقراء 

مازن .. اولا انا جاي اعزيكي في ابنك تامر 

المرأة .. تسلم يا باشا 

.. ربنا يكرم اصلك ويكفيك كل شر

مازن .. ثانيا انا كنت عايز اسألك كده كام سؤال .. انا عارف ان الظرف غير مناسب بس الموضوع مهم جدا وجايز يكون له علاقة بالحادث اللي حصل لأبنك

الام .. انا تحت امرك يا باشا 

مازن يلمح صورة معلقة ع الحائط ل تامر ويبدوا انها صورة من حفل زفاف حيث يرتدي بدلة فرح وبجوارة فتاه ترتدي فستان زفاف .. مازن يقترب من الصورة فتتضح له اكثر فيفاجأ بأن العروس هي بثينه

مازن .. ايه ده ؟! هو ابنك كان متجوز من البنت اللي اسمها بثينه ؟!

المرأة .. ايوه يا باشا .. كانت مراته 

رد فعل علي وجه مازن

مازن .. اتجوزها ازاي دي كانت بتقول انها كانت مخطوبة من ابن خالتها اللي اسمه قاسم ؟! 

الام .. الله يحرقة مطرح ما راح ويحرق سيرته البعيد !! هو حد بهدل ابني ولخبط كيانه غيره اللي ما يتسمي ده هو ومعاه بنت الحرام دي كمان ( تقصد بثينة ) !!

مازن .. لا .. وضحي اكتر من فضلك !!

الام .. تامر ابني كان عنده محل موبيلات كبير في ش عبد العزيز وكان محتاج بنت تقعد في المحل اهو تبيع للزباين زي ما كل المحلات بتعمل وقتها كان صحبه وحبيبه هو الملعون اللي اسمه قاسم .. لما قاله في مرة اني محتاج بنت تقعد في المحل قام قايلة علطول انا هاجيبلك بثينه بنت خالتي بنت غلبانه وامينه وحركه وهتعرف تلاغي الزباين.. قاله ماشي .. هاتها .. وجت فعلا تاني يوم عشان تشتغل في المحل.. وقتها ابني كان عيان بعيد عنك .. عنده فشل كلوي وكان بيغسل ٣ مرات في الاسبوع .. عشان كده مكنش بيروح المحل كتير عشان ظروفه الصحية .. عشان كده اعتمد علي صاحبتنا ده اعتماد كلي في ادارة المحل لا والغريب انه لقي من اول يوم ايراد المحل بقي تمام وبقي اضعاف اضعاف فقال بس البت دي فعلا حركة ووشها حلو .. اتاريها كانت حرباية وهو مش واخد باله .. فضلت تلف وتدور عليه لحد ما وقعته فيها فجالي في مرة وقالي ياما انا ناوي اتجوز البت بثينه .. بصراحة انا فرحت انه هيتجوز بعد ما كان صارف نظر عن الموضوع ده خالص بسبب مرضة ولما كنت افاتحه في الجواز كان يقولي وانا مين ترضي بيا يامي وانا راجل عيان وفي اي وقت ممكن اموت ؟! المهم اتجوزوا ويوم الدخلة سمعها بتتكلم مع قاسم ابن خالتها في التليفون وكانت بتقوله كلام غريب .. ان الخطة ماشية تمام !!  واقفت تتجوز ابني عشان تلطش المحل اللي حيلته بعد ما يموت وانها لا طايقاه ولا عايزاه ولا عمرها كانت هتوافق بواحد زي ده ابدا !! كلامها وجع تامر اوي واكتشف ساعتها انها متفقة مع ابن خالتها عليه !!

وان جوازها منه طمع في المحل بتاعة مش اكتر 

مازن .. هو المحل كان ملك ابنك؟

الام .. ايوا يا بيه كان ملك تامر وطبعا عشان قاسم كان عارف ان المحل ملك تامر وان تامر كان عيان بمرض مزمن قام مستغل فرصة ان تامر محتاج بنت تقعد في المحل وقام جايب البنت دي اللي اسمها بثينه عشان تلف علي ابنه وتقوم تتجوزه وهي عارفة انه عيان وممكن يموت في اي لحظة تقوم تورث هي المحل !!

مازن .. وبعدين ؟! كملي 

الام .. بعد ما سمع المكالمة بتاعتها شئ طبيعي جدا انه يتعصب ودمه يغلي في عروقة فراح عشان يواجهها بالكلام .. تقوم السافلة بكل بجاحة تعترف بكل حاجة وتقله احمد ربنا اني رضيت بيك وقامت شاتماه شتايم كتير ووحشة اوي .. فقام ضاربها بالقلم علي وشها .. من فُجرها طلعت بقميص النوم في الشارع وجري علي بيت ابوها .. تاني يوم تامر طلقها وقطع علاقته نهائي ب الملعون اللي اسمه قاسم .. بعدها بكام يوم اتفاجأ بعسكري جاي ع البيت وعايزه في القسم وراح معاه .. اكتشف هناك ان الهانم رافعة عليه قضية متهماه بتبديد العبشة وعايزة منه المؤخر ونفقة متعة !!

مازن .. وهو بدد عبشتها ليه ؟!

الام .. وهي اصلا دخلت بحاجة !! ورحمة ابني ما دخلت بحاجة خالص !! حتي هدومها هو اللي مشتريها !! دي قايمه اتكتبت سوري كده وهو عشان طيب وغلبان قام ماضي عليها ما هو مكنش يعرف انها تعبان وناوية علي غدر !! كل ده مهموش اللي همه انه اكتشف ان الهانم قالت انه دخل عليها وهو مقربش منها خالص !! اتاريها كانت علي علاقة بالكلب ده اللي اسمه قاسم وانها كانت ناوية تخدع ابني وتلبسه العمه !!

مازن .. وعمل ايه بعد كده ؟!

الام .. ولا حاجة .. ابني كان تعبان والمرض هاده وهي كانت فاجرة ومستقوية بعيد عنك فقام دافع فلوس كتير اوي عشان تحل بعيد عنه بس بصراحة بعد اللي حصل ده كان دايما بيفكر انه ينتقم منها ويفضحها فضيحة كبيرة اوي !!بس انا كنت بقله سيبك منها يابني اهي غارت بعيد عنك وراحت لحالها واحمد ربنا انك عرفتها علي حقيقتها بدرظي محدش كان عارف ايه كان ممكن يحصل بعد كده !!مش جايز تقتلك في يوم من الايام ؟! .. ما هي فاجرة وتتوقع منها اي شئ !! بس برضوا كان مُصر انه ينتقم منها بأي طريقة !!يوووه انا كنت هنسي !! .. ثواني يا بيه بعد اذنك يا بيه 

مازن .. اتفضلي 

مازن ينظر الي صورة زفاف تامر وبثينه ويبدوا انه يفكر في امر ما

ثم تعود الام ومعها فلاشة وتعطيها ل مازن

الام .. امسك يا بيه 

مازن .. ايه ده ؟!

الام .. والنبي ما اعرف ايه ده ! عدم لا مؤاخذة انا ست جاهلة يا بيه .. بس تامر قالي يا امي لو جرتلي حاجة ادي البتاعة دي ل مازن بيه وكيل النيابة !!

مازن .. اكيد فيها حل اللغز !! يبقي زي ما توقعت تماما .. ابنك مات مقتول يا حاجة !!

الام .. مقتول ؟! طب مين اللي قتله ؟! 

مازن .. قريب اوي هاتعرفي مين اللي قتله .. سلاموا عليكم 

رد فعل علي وجه الام

ونذهب الي زينب حيث عادت الي منزلها بعد قرار الافراج عنها ..زينب تطرق باب الشقة وسارة تفتح الباب 

سارة .. ماما !! وحشتيني اوي يا حبيبتي .. حمد الله ع السلامة 

ثم يتعانقان 

زينب .. وانتي كمان وحشتيني اوي يا بنتي 

سارة .. خرجتي امتي يا ماما ؟!

الام .. النيابة افرجت عني انهارده الصبح بعد ما القاتل الحقيقي راح واعترف بعملته 

سارة .. اخيرا الحق ظهر !!

الام .. عقبالك يابنتي ما تظهر الحقيقة وتاخدي برآة في القضية بتاعتك 

سارة .. تعالي اتفضلي يا ماما 

الام تدخل وتجلس علي كرسي الانترية وتقول 

الام .. ياااااه .. كان عندي احساس اني ما هشوف بيتي تاني !!

سارة .. الحمد لله يا ماما .. ربنا دايما بيقف جمب المظلوم وبينصره

الام .. ونعم بالله .. اومال فين ابوكي ؟!

سارة .. ابويا قاعد في اوضته لا بيكلم حد ولا بيشوف حد !!

زينب .. ليه ؟! مش معقول يكون حزين عليا يعني ؟!

سارة .. بلاش الكلام ده بقي يا ماما !!

ثم يخرج يس من غرفته وجهه حزين بائس وذقنه طويلة يتوجه نحو الصالة ثم يجلس علي الكرسي بجوار زينب وكأنه لا يراها ثم يقول ل سارة 

يس .. اعمليلي فنجان قهوة والنبي يا بنتي عندي صداع هيطير دماغي !!

سارة .. حاضر يا بابا 

زينب مندهشة .. ايه هو ده ؟! هو انت عامل نفسك مش شايفني ولا ايه يا راجل انت ؟!

يس .. ايه !! زينب ؟! هو انتي خرجتي امتي من السجن ؟!

الام .. خرجت من شوية النيابة افرجت عني انهارده الصبح 

يس .. طيب 

الام .. ايه طيب دي ؟! مفيش حمدالله ع السلامة يا راجل انت ؟! ولا انت زعلان اني خرجت بالسلامة ؟! باين عليك كنت عايزني ما اخرجش ابدا من الورطة دي !! اه .. ما انت طول عمرك عايز تخلص مني بأي طريقة!!

يس غاضب .. يوووه .. رجعنا للنقار وحرقة الدم !! هو انتي يا ست انتي مبتتهديش ابدا ؟! كل اللي حصلك ده ولسة فيكي حيل تتخانقي ؟!

زينب .. يا راجل استحي علي دمك حتي ما كلفت خاطرك وجيت تاخدني من قدام مديرية الامن ؟!

يس .. وانا اعرف منين بقي انهم هيطلعوكي برآة انهارده ؟! هاشم علي دهر ايدي ولا ايه بس ؟! ارحمني برحمتك يارب !!

زينب .. ما انا رنيت عليك كتير انت وبنتك وتليفوناتكم مقفولة مش عرفة ليه ؟!

تأتي سارة ومعها القهوة

سارة .. معلش يا ست الكل انا قافلة تليفوني عشان فيه حد غلس مش مبطل رن عليا اليوم كله !! طهقني في عيشتي

الام .. وانت قافل تليفونك ليه ؟! هربان انت كمان من واحدة غلسة مطهقاك في عيشتك ؟!

يس .. يوووه .. انا مش فايقلك يا زينب  .. انا اللي فيا مكفيني .. انا هاقوم ادخل اوضتي .. هاتيلي يا بنتي القهوة اطفحها في الاوضة !!

الام .. تطفحها !! طيب يا اخويا

سارة .. ما كفاية بقي يا ماما حرام عليكي !!

الام .. اخرسي يا بت .. هو سبب البهدله دي كلها اللي احنا فيها !! من ساعة ما جوزك اللي اسمه سيد ده واحنا من ساعتها والمصايب نازلة علينا ترف من كل حته !! راجل مادي ووحش !!

ونذهب الي نور اخت ممتاز والتي تحاول الاتصال علي شهاب عدة مرات ولكنه لا يجيب 

نور مندهشة .. لا ده مش موضوع مشغول بقي !! انت بتتهرب مني ولا ايه يا شهاب ؟! دي تبقي وقعتك سودا لو بتتهرب مني فعلا !!

رد فعل علي وجه نور

ونذهب الي سها اخت شهاب حيث نراها تجلس في غرفة نومها تدخن سيجارة وتشرب فنجان من النسكافيه وتقلب في الجرائد فتقع عيناها علي خبر صادم جعلها تنتفض فجأة

سها .. ايه ده !! ازاي ده حصل ؟! 

ثم تتصل بأخيها شهاب وشهاب لا يرد 

سها .. اف يا شهاب رد بقي يا اخي ؟!

شهاب يرد ويبدوا انه في حالة لاتمكنه من الرد حيث يبدوا انه بصحبته فتاه 

شهاب .. الو .. ايوه يا سها

سها .. انت فين ومش بترد عليا ليه بسرعة ؟!

شهاب مرتبك .. انا .. انااا في شقتي 

سها .. في شقتك !! اه .. طيب فهمت خلاص !! انت قريت المكتوب في الجرايد انهارده ؟!

شهاب .. وانا من امتي بقري جرايد يا سها؟!! ما علينا .. ايه بقي المكتوب وخلاكي متعصبة بالشكل ده ؟!

سها .. الداخلية فصلت ممتاز ؟!

شهاب .. اها .. هو ده الخبر اللي نرفزك بالشكل ده ؟!

سها .. هو انت عارف ؟!

شهاب .. ايوه عارف طبعا وبعدين ما يتفصل ولا يغور في ستين داهية احنا مالنا ؟!

سها .. احنا مالنا ازاي ؟! هو عمل ايه اصلا عشان يتفصل من شغله ؟! كل المصايب اللي هو فيها دي بتخطيط منك انت ؟! هو انت نسيت ولا ايه يا شهاب ؟! وبعدين انت قلتلي انك هتقرص ودانه مش اكتر عشان يرجعلي تاني واديك ضيعته خالص وبرضوا مرجعش !!

شهاب .. سها انا مش فاضيلك دلوقتي .. كلميني كمان ساعتين ؟!

سها غاضبة بشدة .. مشي الوسخة اللي جمبك دي وكلمني يا شهاب عشان انا مبقتش فاهمه حاجة !!

شهاب يرتبك .. طيب طيب .. سلام دلوقتي ..

وبعد ان يغلق شهاب الخط يقول للفتاه التي بجوارة 

شهاب .. معلش يا حبيبتي .. اصل اختي طول عمرها غلسة .. هو احنا وصلنا لحد فين ؟!

وفجأة يرن جرس الباب 

الفتاه منزعجة .. يووووه .. وبعدين بقي في الغلاسة اللي مش هتخلص انهارده ؟!

شهاب .. هههههه .. حظك كده بقي .. لما اقوم اشوف مين .. خليكي زي ما انتي متتحركيش من مكانك 

ويذهب شهاب ليفتح الباب ويفاجأ ب نور امامه

شهاب مرتبك .. نور !!

نور .. ايه مبتردش علي تليفوناتي ليه يا كابتن ؟!

شهاب مرتبك .. ما انا اصلي .. اااا .. 

نور .. مالك مرتبك ليه كده ؟! هو انت فيه حد معاك جوة ؟!

شهاب .. حد !! .. حد مين ؟! لا مفيش حد جوة .

نور .. انت متأكد ؟!

شهاب .. فيه ايه يا نور انتي بتشكي فيا ولا ايه ؟!

نور .. بصراحة اه .. انت مش مظبوط اليومين دول وبصراحة انا بدأت اشك .. بعد اذنك كده 

شهاب .. رايحه فين ؟!

نور .. داخلة جوة .. ايه عندك مانع ولا حاجة ؟!

شهاب .. لا معنديش .. اتفضلي 

وتدخل نور وتنظر في كل مكان داخل الشقة ثم تتوجه نحو غرفة النوم وشهاب يمنعها 

شهاب .. انتي رايحة فين بالظبط ؟!

نور .. عايزة اشوف اوضة النوم .. اوعي من سكتي يا شهاب 

شهاب .. لا .. اوضة النوم لا 

نور .. ليه بقي .. في ايه في اوضة النوم ومش عايزني اشوفه يا شهاب .. اوعي من سكتي يا شهاب

وفجأة تخرج الفتاه من غرفة النوم وتظهر نفسها ل نور وهي تقول 

الفتاه .. في ايه يا شهاب ؟! هو انت بتتخانق ولا ايه ؟! ايه ده !!مين دي يا شهاب 

نور لا تصدق .. سافل بجد 

ثم تنصرف وشهاب ينادي قائلا 

شهاب .. استني يا نور انتي فهمتي غلط .. هو انتي ايه اللي خرجك من الاوضة بس ؟! ما انا قايلك متتحركيش من مكانك ؟!!

ونذهب الي مازن الذي يجلس في شقته حيث قام بتشغيل الفلاشة علي جهاز الكمبيوتر وفي انتظار عرض ما عليها وفجأة يظهر فيديو يعرض ما دار داخل شقة بثينه عندما اتت اليها سارة وقتلت وقتها بثينه قاسم ..

مازن فرحا .. اخيرا الحقيقة بانت !!

مازن ينزع الفلاشة من جهاز الكمبيوتر وينطلق مسرعا ..

الي اللقاء والجزء الثالث من الرواية .. تحياتي ..