عشقت زوجة ابي كاملة

رواية اغتصاب شرعي 

البارت التاسع من الجزء الثاني

للكاتب المصري محمد مالك

جميع الحقوق محفوظة

سارة بدهشة وتوتر .. شهاب بي ؟!

شهاب .. ايه مالك .. اتخضيتي ليه كدا ؟! متخافيش انا جاي في زيارة ودية .. ممكن ادخل ؟

سارة مترددة .. اتفضل 

ويدخل شهاب فتراه زينب ام سارة فتسأل في تعجب 

زينب .. مين دا يا سارة ؟!

سارة .. دا شهاب بي يا ماما .. ظابط في السجن اللي انا كنت فيه !!

زينب تنزعج .. ظابط !! في ايه تاني يابني ؟! سارة من ساعة ما خرجت بكفالة من النيابة وهي قاعدة في البيت .. والله ما خرجت منه ابدا ؟! 

شهاب .. مالكم يا جماعة .. قلقانين ليه كدا بس ؟! انا جاي بصفة ودية مش بصفة رسمية .. ممكن اشرب فنجان قهوه من ايدك يا ساره لحد ما اتكلم مع طنط في الموضوع اللي انا جاي عشانه

زينب متعجبه .. طنط !! روحي يا سارة اعملي فنجان قهوة للباشا 

سارة .. قهوتك ايه يا شهاب بي ؟!

شهاب .. سكر زيادة .. زيك كدا يا جميل .. ههههه

سارة .. هروح اعمل القهوة 

زينب .. اتفضل يابني انا تحت امرك

شهاب .. شكرا جزيلا .. بصي يا طنط بدون مقدمات ومن غير لف ولا دوران .. انا هادخل في الموضوع علطول 

زينب .. اتفضل 

شهاب .. بصراحة انا معجب ب سارة جدا .. جدا .. جدا .. ويشرفني اني اطلب ايديها للجواز

الام مندهشة .. ايه ؟!

شهاب .. مالك يا طنط وشك جاب الوان ليه ؟!

زينب مرتبكة ومصدومة في نفس الوقت .. لا ابدا يا فندم .. انا بس اتفاجأت !!

شهاب .. عندك حق .. هي مفاجأة فعلا .. بس اكيد مفاجأة سعيدة .. ولا ايه يا طنط ؟!

زينب .. بصراحة يا فندم ....

شهاب مقاطعا .. ياريت بلاش كلمة يا فندم دي .. احنا خلاص هنبقي اهل ونسايب .. قليلي يا شهاب

زينب ما زالت مرتبكة ومندهشة لا تصدق ما قاله شهاب 

زينب .. اصل حضرتك ..

شهاب مقاطعا .. تؤتؤ .. وبعدين؟! .. هو مكنش يا فندم يبقي حضرتك .. في ايه ياام سارة ارفعي التكليف اومال !!

زينب .. مقدرش ارفع التكليف .. لساني ميطاوعنيش .. وبعدين احنا فين وحضرتك فين ؟!!

شهاب .. يا ستي كلنا ولاد تسعه .. وبعدين الحب ميعرفش لا طبقات ولا رسميات ولا حتي ظابط من مسجون !! .. دي مشاعر واحاسيس بتتولد جوانا من غير ميعاد ولا استئذان !! وانا بصراحة نمت وصحيت ولقيتني فجأة كدا بحب سارة !! وليل ونهار بفكر فيها ونفسي فعلا اني ارتبط بيها واكمل معاها مشوار حياتي 

زينب .. ايوا يابني .. بس دي لسة جوزها متوفي مبقالهوش شهر .. يعني هي لسة في شهور العدة

شهاب .. وماله شهور العدة مسيرها تخلص يا حماتي !!

زينب .. حماتك ؟!

شهاب .. ايوا حماتي .. ولا تحبي اقلك يا زينب علطول كدة من غير تكليف ؟ ههههههه

زينب .. اللي تشوفه يابني

شهاب .. قلت ايه بقي ؟

ثم تأتي سارة وهي تحمل صينية عليها فنجان من القهوة وكوب من الماء

سارة .. القهوة يا فندم 

شهاب مازحا ..هههههه.. يافندم ؟!!  فهميها يا حماتي بقي اننا خلاص بقينا اهل .. والبساط بقي احمدي 

سارة .. يعني ايه مش فاهمه ؟!

شهاب .. يعني من انهارده تقليلي يا شهاب وبس 

زينب .. الباشا جاي يطلب ايدك يا سارة 

سارة تسقط من يدها صينية القهوة فتقع علي بنطلون شهاب

شهاب منزعجا .. ليس بس كدا يا بنت الناس وسختي البنطلون ؟! 

سارة .. انا اسفة مقصدش

شهاب .. ولا يهمك يا عسل .. دا حتي بيقولوا دلق القهوة خير .. ولا ايه يا حماتي ؟!

زينب .. اه ؟!

شهاب .. في ايه مالكم بتبصوا لبعض كدا ليه ؟!

زينب .. لا ابدا مفيش حاجة 

شهاب .. هتقوليلي اتفاجأتي انتي كمان ؟!

سارة .. اكيد طبعا اتفاجأت ومش مصدقة اصلا الكلام اللي انا بسمعه دا .. هو حضرتك متأكد انك جاي عشان تطلب ايدي انا ؟!

شهاب .. هههه .. طبعا 

سارة .. بس انا متهمه في قضية قتل ومهددة بالسجن  في وقت ؟!

شهاب .. لا من الناحية دي اطمني .. انا متأكد انك بريئة وزي ما قلتلك قبل كدا ان مستعد اني اساعدك واقف جمبك لحد ما تظهر برآتك 

سارة .. وحضرتك اتأكدت ازاي اني بريئة ؟!

شهاب .. مجرد احساس قوي جوايا وشوية شواهد كدا هبقي اقلك عليها بعدين .. دا بعد طبعا ما نكتب الكتاب 

سارة .. اشمعني انا يا شهاب بي ؟! حضرتك بسم الله ما شاء الله ظابط وجينتلمان ومن عيلة كبيرة واي بنت تتمناك من غير حتي ما تفكر 

شهاب .. عارف .. بس مش مهم مين يتمناني .. المهم انا بتمني مين وبحب مين .. 

سارة .. بس حضرتك مش شايف ان الظرف غير مناسب لطلب زي دا ؟! اولا انا جوزي لسة متوفي وفي شهور العدة .. وبعدين طلعتلنا مصيبة تاني من تحت الارض ومش عارفين سببها ايه وبابا اتقبض عليه ويا عالم مصيره هيكون ايه ؟!

شهاب .. لا متقلقيش .. اطمني من الناحية دي كمان .. بابا ان شاء الله هيرجع بيته معزز مكرم .. دا وعد مني بس طبعا بعد ما اسمع موافقتك 

سارة .. موافقتي علي ايه ؟!

شهاب .. علي جوازي منك يا سارة !!

سارة .. لا مش موافقة طبعا 

شهاب مصدوم وغاضب .. نعم ؟!

سارة .. بقول لسيادتك اني مش موافقة .. انا خلاص صرفت نظر عن الجواز نهائي وعايزة اكمل تعليمي .. انا لسة قدامي احلام كتير نفسي احققها

شهاب .. اه .. وياتري احلامك دي هتعرفي تحققيها وانتي جوة السجن ؟!

سارة .. قصدك ايه ؟!

شهاب .. قصدي ان انا دخلت البيت من بابه وطلبتك في الحلال يا بنت الناس .. وعقلك في راسك زي ما بيقولوا 

زينب .. بقلك ايه يابني .. الاصول انك تطلبها من ابوها .. ف ياربت تأجل الموضوع دا لحد ما ربنا يفك كربه ويخرج بالسلامه وابقي اطلبها منه .. دي الاصول ومحدش يزعل من الاصول 

شهاب .. وماله .. بس ده لما يخرج بقي ان شاء الله .. ابقي اجي ساعتها واطلبها منه .. سلام 

شهاب ينصرف ورد فعل علي وجه سارة وامها

ونذهب الي مازن وكيل النيابة والضابط سالم .. حيث يبدوا علي مازن الغضب الشديد

مازن .. شوفت .. اهو مجاش ؟!

سالم .. معقول يكون ناوي يهرب ؟!

مازن .. دا لو فعلا هو اللي قتل بثينه يبقي عمره ما هيجي هنا ولا هيسلم نفسه!! ياريتني ما كنت سيبته يمشي 

سالم .. بس انا ما اعتقدش ان ممتاز يقتل بثينه !!

مازن .. طب لو مش هو اللي قتلها مجاش سلم نفسه ليه ؟! وقفل موبيلة ليه ؟! دا كدا ناوي يهرب فعلا !!

سالم .. طب وناوي تعمل ايه ؟!

ونذهب الي ممتاز حيث وصل بسيارة ملثما هو ومجموعة من المجرمين اسفل فيلا شهاب ..

ممتاز .. هي دي الفيلا

احد المجرمين .. متأكد سعتك انها في اوضتها دلوقتي ؟!

ممتاز .. ايوة نور الاوضة والع اهوه .. زمانها دلوقتي بتشرب فنجان النسكافيه وبتقلب في المجلات .. خد مفتاح باب الفيلا اهوه وانت عارف هتعمل ايه بعد كده

احد المجرمين .. عارف يا باشا .. 

ممتاز .. يلا بسرعة قبل ما اخوها يجي 

المجرم .. تمام يا باشا .. يلا بينا يا رجالة 

وبعد خروج مجموعة المجرمين من السيارة .. ممتاز يقول لنفسه

ممتاز .. ماشي يا شهاب الكلب .. العين بالعين والسن بالسن والبادي اظلم .. وانت اللي ابتديت !!

ايه اللي حصل بعد كدا ؟ 

.. تابعوني والبارت التالي .. ادعموني ب عشرين ملصق ولا تنسوا مشاركة البوست في ٣ مجموعات حتي استمر في نشر باقي القصة .. تحياتي .. ملك الروايات .. الكاتب والسيناريست المصري محمد مالك.