عشقت زوجة ابي كاملة

[١١/‏٧ ٣:٠٦ م] 😍: رواية اغتصاب شرعي

البارت الثامن من الجزء الثاني

للكاتب المصري محمد مالك

جميع الحقوق محفوظة

ممتاز يُجيب علي مازن وفي نبرة صوته حزن والم شديد

ممتاز .. الو 

مازن .. ايوا يا ممتاز .. عملت ايه ؟!

ممتاز .. معملتش حاجة !!

مازن .. يعني ايه معملتش حاجة ؟!انت مش قايل بنفسك اديني فرصة ٤٨ ساعة وانا هاجيبلك دليل برآتي لحد عندك ؟! ال ٤٨ ساعة عدوا يا سيادة الرائد .. فين بقي الدليل ؟!

ممتاز .. دليل برآتي ضاع خلاص !!

مازن .. يعني ايه مش فاهم ؟! وضح كلامك من فضلك

ممتاز .. يعني بثينه ماتت خلاص ؟!

مازن .. بثينه ؟! تقصد بثينه محمود اللي ادعت عليك انك خطفتها وعذبتها واغتصبتها ؟!

ممتاز .. ايوا هي

مازن .. ودي ازاي تكون دليل برآتك وهي خصم ليك وصاحبة الادعاء ضدك ؟!.

ممتاز .. بثينه اعترفت بكل حاجة وكنت جايبها لحد عندك عشان تسمع الحقيقة بنفسك .. بس للأسف وانا جاي في الطريق .. مجهول ضرب عليها نار وماتت !!

مازن .. وانت اجتمعت بيها فين يا ممتاز ؟! بثينه بقالها يومين مش في بيتها ولا حد يعرف عنها حاجة ؟! ممتاز اوعي تكون انت اللي عملت كدا ؟!

ممتاز غاضب .. قصدك ايه؟!

مازن .. قصدي انك ممكن تكون حاولت تخليها تيجي عندي وتتنازل عن المحضر المحرر منها ضدك ولما رفضت ....

ممتاز يقاطعه .. قتلتها ؟! لا يا باشا اطمن مش انا اللي قتلتها .. 

مازن .. طب من فضلك تعالي عندي دلوقتي حالا 

ممتاز .. ليه ؟!

مازن .. ليه يعني ايه ؟! متنساش ان فيه محضر محرر ضدك وتقرير الطب الشرعي اثبت ادانتك والمفروض دلوقتي انك تكون في الحبس الاحتياطي .. وانت لما قلت سيبني ٤٨ ساعة وانا هاجيبلك دليل برآتي .. انا وافقت لأني وثقت فيك ولأنك صديق عزيز قبل اي شئ .. لكن اللي انا عملته دا علي مسؤليتي الشخصية يا ممتاز .. من فضلك زي ما وثقت فيك واديتلك الفرصة انك تثبت برآتك ياريت تقدر دا ومتعرضنيش للمسائلة القانونية 

ممتاز .. حاضر .. انا جاي يا مازن 

مازن .. تمام .. وانا مستنيك

ونذهب الي يس والد سارة حيث تم القبض عليه وجاري التحقيق معه في سرايا النيابة ..

وكيل النيابة .. قلي يا حج يس ايه حكاية الجثة اللي لقيناها عندك في البدروم بتاع بيتك دي ؟!

يس .. معرفش يا باشا !!

الوكيل .. متعرفش ازاي يا راجل يا طيب ؟! هو مش دا البدروم بتاعك اللي في قلب بيتك ؟!

يس .. ايوا يا باشا 

الوكيل .. طيب .. يعني اي حاجة فيه تخصك انت وتبقي بتاعتك ؟! ولا انت متعود تشيل حاجة جيرانك وحبايبك عندك في بيتك ؟!

يس .. لا سعتك .. كل اللي في البدروم حاجتي انا ما عدا الجثة اللي لقيوها العمال دي !! انا معرفش عنها حاجة 

الوكيل .. هو فيه حد بينزل البدروم دا غيرك ؟!

يس .. لا سعتك .. البدروم طول عمره مقفول ومليان كراكيب عدم لا مؤاخذة وماتفتحش الا لما اجرته مخزن لمحل ادوات كهربائية عندنا في الشارع

الوكيل .. اها .. عايز تقول ان البدروم دا محدش دخله من فتره طويلة ؟!

يس .. ايوا يا باشا .. البدروم بقاله سنين ياما مقفول وما اتفتحش غير لما جيت انضفه 

الوكيل .. فيه حد غيرك معاه مفتاح البدروم ده ؟!

يس .. لا ياباشا

الوكيل .. متأكد ؟!

يس .. ايوا سعتك متأكد .. اصل عدم لامؤاخذة دي حاجة جوة بيتي مش معقول حد هيفتح ولا هيدخل غير بعلمي

[١١/‏٧ ٣:٥٢ م] 😍: الوكيل .. اه .. بس كلامك كدا معناه انه مفيش حد هيقدر ينزل البدروم غير لما يرجعلك انت الاول لأن المفتاح معاك انت ؟!

يس .. تمام كدا 

الوكيل .. تمام كدا ؟! تمام كدا ازاي وانت لسه قايل ان الجثة اللي لقيوها في قلب بيتك دي متعرفش عنها حاجة ؟!

يس .. ما انا فعلا معرفش عنها حاجة يا فندم !! 

الوكيل .. متعرفش عنها حاجة ازاي بقي وانت لسه قايل حالا ان مفيش حد يقدر ينزل البدروم ابدا لأن المفتاح معاك انت وبس؟! متحيرنيش معاك يا حج يس؟!

يس .. والله انا اللي محتار يا باشا ومش عارف دي جثة مين ودخلت عندي ازاي ؟!

الوكيل .. انت فيه خصوم بينك وبين حد ؟!

يس .. لا ياباشا .. انا طول عمري راجل مسالم وفي حالي ومن المخبز للبيت ومن البيت للمخبز

الوكيل .. طب قلي تصورك كدا .. الجثة دي تكون نزلت البدروم عندك ازاي؟!  مع العلم ان مفتاح البدروم معاك انت وبس زي ما انت بتقول  ؟! 

يس .. صدقني مش عارف !!

الوكيل .. برضوا ؟! طب والسكين اللي لقيوها عندك جوة كرتونة مش بتاعتك ؟!

يس .. لا مش بتاعتي ومعرفش دي كمان جت ازاي عندي ؟!

الوكيل .. يعني انت متعرفش حاجة خالص عن الجثة ولا حتي عن السكينة اللي لقيوهم عندك ؟!

يس .. والله ما اعرف اي حاجة عنهم 

ثم يطرق العسكري باب المكتب

الوكيل .. ادخل

العسكري .. مدام فتحية يا فندم

الوكيل .. خليها تدخل

وتدخل فتحية ام حسن طليقة سيد زوج سارة بنت يس تبكي بحرقة 

الوكيل .. تعالي يا ست فتحية 

عندما يراها يس يندهش بشدة ..

الوكيل .. اه قوليلي .. هو ابنك ؟!

فتحية .. ايوة هو حسن ابني يا باشا

الوكيل .. زي ما توقعت !!.. طبعا عارفها يا حج يس 

يس .. مش واخد بالي عدم لا مؤاخذة 

الوكيل .. دي الست فتحية ام حسن ابن المرحوم سيد زوج بنتك سارة 

يس .. اه فتكرت .. كنت شفتها مره قبل كدا 

الوكيل .. الست دي كانت عملت بلاغ بأختفاء ابنها حسن من حوالي ١٥ يوم واديت طبعا مواصفاته واتعمل بحث عنه ولكن للأسف لم يتم العثور عليه .. لنفاجأ بعد كدا انه يتم العثور عليه في البدروم بتاع بيتك ؟!

فتحية .. حسبي الله ونعم الوكيل فيك يا بعيد .. يكوي قلبك علي اعز ما ليك زي ما كويت قلبي علي ابني !! ليه حرام عليك عملك ايه عشان تقتله ؟! صدقت بنتك الكدابة الفاجرة لما قالتلك انه كان عايز يعتدي عليها ؟! تقوم تمكرله وتستغل طيبته وتستدرجه عندك في بيتك عشان تقتله يا مفتري !! وترميه في قلب البدروم بتاعك لحد ما يعفن وريحته تطلع !! انت ايه منزوع من قلبك الرحمه اوي كدا ؟! منك لله يا شيخ .. الهي ينتقم منك يا بعيد

يس .. انا مش فاهم حاجة ؟! قتل ايه اللي بتتكلم ام حسن دا ؟!

الوكيل .. قلي يا حج يس .. انت فعلا اتصلت قبل كدا بنسيبك الحج سيد وقلتله في التليفون انك هتربي ابنه وتدفعه التمن غالي اوي ؟!

يس .. ايوا يا فندم الكلام دا حصل فعلا .. بس دا كان بسبب مشكلة حصلت 

الوكيل .. ايه هي المشكلة دي ؟!.

يس .. دي مشكلة حصلت وسيد كان لسة متجوز البنت مبقالوش يومين .. جه ابنه عندها البيت ومعاه تلاته اصحابة وكان عايز عدم لا مؤاخذة يغتصبها واحنا رحنا فعلا لقينا البنت هدومها كلها متقطعه وفي حالة انهيار فظيع

فتحية .. محصلش دا كداب .. دي بنته الفاجرة اللي كانت بتلف ع الواد لما لقيتوه شباب مش زي ابوه الراجل العجوز وكانت عايزاه ينام معاها ولما الواد رفض عشان يصون عرض ابوه قامت متبلية عليه 

يس .. احترمي نفسك يا ست انتي !! انا بنتي متربية احسن تربية يا باشا ومش سارة بنتي اللي تعمل حاجة غلط ابدا 

الوكيل .. مش بنتك برضوا متهمه حاليا في قضية قتل ؟!

يس .. بنتي بريئة يا باشا .. والنيابة افرجت عنها امبارح بكفالة 

الوكيل .. بس ليها قضية طبعا في المحكمة ؟!

يس .. ايوا .. بس ان شاء الله هتاخد برآة انا بنتي مظلومة ياباشا !! انا بنتي متعملش حاجة وحشة ابدا انت لو سيادتك شفتها هتلاقيها زي النسمة الهادية 

فتحية .. بنتك انت زي النسمة الهادية ؟! دي شيطانه ملعونة زيك !!

الوكيل .. من فضلك يا مدام فتحية بلاش غلط لو سمحتي 

فتحية .. اعذرني يا باشا .. انا مأهورة علي ابني .. المجرم دا قتل صنايا وهو لسة في عز شبابه 

يس .. يا باشا .. انا مقتلتش حد صدقني ؟! دي مشكلة حصلت واحنا خلاص سكتنا وبعدها سيد جه عندي البيت واتصافينا .. والكلام اللي انا قلته ل سيد في التليفون .. كلام عادي ساعة غضب .. اي اب مكاني هيقول كدا واكتر من كدا كمان ؟!

الوكيل .. هانشوف يا حج يس .. اكتب عندك .. امرنا نحن عادل مهران رئيس النيابة بحبس المتهم يس محمود عيسي اربعة ايام علي ذمة التحقيق علي ان يراعي التجديد له في الميعاد كما امرنا بسرعة عمل تحريات المباحث للوقوف علي ملابسات الحادث وسرعة موافاتنا بتقرير المعمل الجنائي وتقرير الطب الشرعي للصفة التشريحية للجثة المعثور عليها .. واقفل المحضر في ساعته وتاريخة 

رد فعل علي وجه يس ..

ونذهب الي سارة وامها زينب حيث يجلسا في شقتهما وقد اصابهم الحزن الشديد بسبب ما حدث ل يس وفجأة يرن جرس الباب وتذهب سارة لتفتح الباب لتجد الضابط شهاب ماثلا امامها .. يخلع نظارته السوداء ثم يبتسم قائلا 

شهاب .. مساء الفل .. ازيك يا سارة ؟

رد فعل علي وجه سارة ...

#يتبع_بعد_قليل

#البارت_التاسع 

قومي بوضع ٢٠ ملصق لضمان وصول اشعار اليكي بالبارت الجديد .. ولا تنسي المشاركة .. تحياتي 

#محمد_مالك