رواية اغتصاب شرعي البارت العشرون والاخير من الجزء الثاني

رواية تاجر العذرية

البارت السادس عشر

للكاتب المصري محمد مالك

جميع الحقوق محفوظة
فردوس وبسيوني ونصر وناريمان في المستشفي الخاص التي يملكها نصر والجميع في قلق تام عدا بسيوني الذي يجلس بعيدا عنهم يراقب الموقف من بعيد والجميع ينتظر خروج طاقم الاطباء من حجرة الكشف التي يوجد بها عمر ... ويخرج ثلاثة اطباء ومعهم ايمن صديق عمر ويبدوا عليهم مظاهر الحزن الشديد
نصر يسأل كبيرهم .. ابني مات !! صح يا دكتور كميل ؟!
كميل .. البقية في حياتك يا دكتور نصر .. شد حيلك
الخبر كالصاعقة علي مسامع ناريمان ..
ناريمان تبكي الما .. لا متقلش كدا ابني ما ماماتش !! ابني عايش يا نصر
نصر يحتضن ناريمان لتهدئتها ويسترسل حديثة قائلا
نصر .. طب ايه سبب الوفاه ؟!
كميل .. التشخيص العام .. هبوط حاد في الدورة الدموية .. بس واحنا بنفحصه لقينا فيه اثار دم خارج من بقه !! عشان نعرف سبب الدم دا ايه عملنا اشعة علي البطن لقينا ان تليف شديد في الكبد !!
نصر .. بس انا ابني طول عمره صحته كويسة !! ومكنش بيكتشي من اي شئ .. وحضرتك استاذ جهاز هضمي وعارف ان اي مريض بيوصل لمرحلة تليف الكبد بيبقي فيه اعراض مصاحبه ل دا !! والتليف اصلا مبيحصلش في يوم وليلة !! زي ما حضرتك عارف
كميل .. والله يا دكتور نصر دا اللي بتقوله الاشعة!! عمر كان مريض بتليف الكبد ودا سبب كافي طبعا لحدوث الوفاة
نصر .. ازاي دا حصل ؟! انا ابني رياضي طول عمره وصحته زي الفل !! دا حتي ايمن كان اقرب واحد ليه .. هل في مره يا ايمن عمر قالك انه بيشتكي من حاجة او لا حظت مثلا انه تعبان في يوم ؟!
ايمن .. لا يا دكتور .. بالعكس عمر كان نشيط جدا جدا وعمره ما قال انه تعبان من اي حاجة !! هو مفيش غير الفتره دي اللي كان بيحلم فيها بالمدام بأستمرار كان علطول سرحان ومكسل حبتين !! انا مندهش فعلا !! معقول كان تعبان ومش حاسس؟!!
ناريمان تنظر ل فردوس نظرات تحمل في طياتها الغضب تود ان تفتك بها
ناريمان .. انتي السبب !! انا مش عرفة انتي طلعتيلنا من انهي داهية يا فقرية انتي !!
فردوس متأثرة .. وانا عملت ايه بس يا طنط ؟!
ناريمان .. قتلتي ابني الوحيد !! قتلتية بفقرك زي ما قتلتي الاربعة اللي قبله !! المفروض مكناش وافقنا علي جوازك منه ابدا مهما حصل !! وادي النتيجة !! ابني ضاع مني يا نصر زي ما اخوه ضاع قبله !! انا عايزه ولادي ارجوك .. هاتلي ولادي يا نصر ارجوك
نصر .. اهدي يا ناريمان مش كدا !! وانتي واقفة ليه امشي اطلعي بره يلا .. مش عايز اشوف وشك تاني ابدا
فردوس .. انا ماليش ذنب يا جماعة طيب !! انا عملت ايه بس حرام عليكم !! كفاية اللي انا فيه !!
بسيوني يأتي اليهم مسرعا يُلقي السيجارة علي الارض ويسحقها بقدمه  ..
بسيوني .. في ايه يا عم الحج ؟!
نصر.. عم الحج !! اسمي الدكتور نصر يا بني آدم انت !!
بسيوني .. اهدي يا عم علينا شوية !! واتكلم بالراحة والنبي
نصر .. ايه يا عم دي ؟! اسمي الدكتور نصر بقلك!!  انت مبتسمعش ولا مبتفهمش ولا انت ايه بالظبط ؟! وامشي يلا اطلعوا بره
بسيوني .. دكتور علي نفسك انت هتهددني ولا ايه ؟! ايه العالم دي ؟! مالكم داخلين في البت اختي شمال ليه ؟! زي ما تكون هي اللي قتلته !! عمره لحد كدا وفينيش !! انتوا ناس مش مؤمنه باين عليكم ولا ايه ؟!
نصر .. انا عمري ما كنت اتوقع اني اناسب واحد زي زيك ابدا !! لكن للأسف ابني الله يرحمه هو اللي اجبرني علي كدا
بسيوني .. الله يرحمه يا سيدي !! وبعدين انت تطول تناسب ناس زينا !! انت مستقل بينا ولا ايه يا دكتور ؟! لا ما اسمحلكش شوف انت بتكلم مين ؟! دا انا بسيوني يا عم الحج !!
نصر .. بره با حيوان .. امشي اطلع بره عشان ما اندهش الامن يرموك بره انت واختك .. بره
بسيوني .. انا مش هرد عليك عشان مقدر الموقف اللي انت فيه .. والبقية في حياتك يا دوك .. يلا يا فردوس .. متبكيش اومال يا بت .. بكره ربنا هيعوضك باللي احسن منه !!
نصر .. فعلا .. عالم زبالة !!
وقضت فردوس ليلة حزينة مؤلمة لا تصدق انها اصبحت ارملة للمرة الخامسة علي التوالي وفي الصباح اصرت اصرار رهيب ان تذهب الي المقابر لزيارة ابيها وامها ووافق بسيوني علي الفور دون تردد بل شجعها علي ذلك وقام بتوصليها الي المقابر بسيارته واستأذن منها بعد ذلك لكي ينصرف حتي يقضي بعض اشغاله وهناك لم تعرف فردوس تحديد مكان الحوش بالضبط فتتعجب من ذلك
فردوس .. يا تري فين الحوش بتاعنا ؟! معقول اكون نسيت مكانه !!
ثم تشاهد حوش مفتوح يبدوا لها كأنه الحوش الذي يرقد فيه جثمان ابواها تتقدم الي الداخل فتشاهد رجل يقف امام مقبره ويتحدث بصوت حزين انه المهندس مروان النجار صاحب شركة النجار للمقاولات العامة واعمال البناء حيث اتي لزيارة قبر زوجته التي ماتت منذ ثلاث سنوات
مروان .. ٣ سنين دلوقتي مروا علي وفاتك من ساعة الحادثة !! مروا عليا وكأنهم ٣٠ سنه !! انا تعبان جدا من بعدك !! رحتي وسيبتيلي احساس فظيع بالالم والوحدة!! وحشتيني اوي !!
فردوس تقترب منه في دهشه وهي تسمع ل هذا الحوار المؤثر ثم تقول
فردوس .. حضرتك مين ؟!
مروان يلتفت لها مندهشا
مروان .. حضرتك اللي مين يا فندم ؟!
فردوس .. انا بنت صاحب الحوش دا .. بابا وماما مدفونين هنا !!
مروان .. لا واضح ان حضرتك تقصدي حوش تاني غير دا !! لأن دا الحوش بتاعي انا ومراتي بقي هي اللي مدفونه فيه !!
فردوس تشعر بالخجل الشديد .. بجد ؟!! انا اسفه جدا .. واضح اني غلطت في الحوش .. بعد ازنك
مروان .. ثانية من فضلك
فردوس .. نعم
مروان .. هو احنا اتقابلنا قبل كدا ؟!
فردوس .. لا ميتهيآليش !! انا اول مرخ اشوف حضرتك .. ليه ؟!
مروان .. حاسس اني اعرفك من زمان اوي !!
فردوس .. تصدق وانا كمان عندي نفس الشعور !!
الاحداث اشتعلت واصبحت اكثر اثارة وغموض .. تابعوني والبارت التالي .. تحياتي ..