رواية اغتصاب شرعي البارت العشرون والاخير من الجزء الثاني

رواية تاجر العذرية

البارت السابع عشر

للكاتب المصري محمد مالك

جميع الحقوق محفوظة
بسيوني يذهب ليقابل شخص ما يدعي ادهم البلعوطي في مقر شركته للأستيراد والتصدير  وهو من كبار رجال الاعمال ويقابل السكرتيرة مي ..
بسيوني .. الباشا موجود ؟
مي .. في انتظارك .. اتفضل
بسيوني .. طب خدي اطفي السيجارة دي .. عشان الباشا بيكره ريحة السجاير اوي !! ومينفعش اطفيها في الارض .. ولا اطفيها في الارض عادي ؟!!
مي مندهشة ومستنكره في نفس الوقت
مي .. هات
بسيوني .. شكرا
ثم يدخل لمقابلة ادهم .. المكان ملئ بالدخان الكثيف حيث يشعل ادهم اعواد كثيرة من البخور في كل مكان ويلاحظ بسيوني ذلك فيتعجب بشدة
ادهم .. اهلا اهلا بسيوني .. مستنيك من الصبح يا راجل .. تعالي اقعد
بسيوني .. ايه يا باشا الريحة الفظيعة دي ؟!
ادهم .. دا بخور هندي معتبر !!
بسيوني .. ايوا بس الريحة جامدة اوي وتخنق !!
ادهم .. وماله .. خلي الشياطين تطلع تجري من هنا
بسيوني .. طب يلا بينا بسرعة يا باشا
ادهم .. يلا بينا فين ؟!
بسيوني .. نطلع نجري انا وانت ؟!
ادهم .. ههههههه .. لا حلوة منك دي يا بسيوني
بسيوني .. بصراحة انا مستغرب سعتك !! مبتطقش ريحة السجاير وقادر تطيق الريحة اللي بتخنق دي !!
ادهم .. عشان دي بخور والتانية سجاير !! وانا اصلا بكره السجاير واللي بيشربوها كمان !!
بسيوني .. ربنا يعز سعتك يا باشا وانا اللي كنت فاكر ان ليا معزه عندك !!
ادهم .. لا لا متفهمنيش غلط .. انت بره الليلة دي خالص وانت عارف معزتك عندي كويس
بسيوني .. اكيد يا باشا .. ربنا يعز مقدارك
ادهم .. طيب .. نتكلم بقي في المهم
بسيوني .. أأمر سعتك
ادهم .. احنا لحد دلوقتي ماشيين كويس اوي
حسب الخطة تمام ..
بسيوني .. ايوا كل حاجة ماشية زي ما احنا حاسبين تمام
ادهم .. تمام .. كدا فاضل اتنين وساعتها هيبقي مبروك عليك ١٠ مليون دولار ..
بسيوني .. هانت خلاص
ادهم .. بس انت عارف طبعا ان اهم شئ اختك تفضل عذراء لحد اخر لحظة والا كدا هنخسر كل المجهود اللي فات
بسيوني .. لا من الناحيه دي اطمن
ادهم .. تمام بس عايز اقلك ان اخر اواحد هيكون اصعب واحد فيهم كلهم
بسيوني .. مش فاهم ؟!
ادهم .. حليها لوقتها المهم ركز انت مع الواد المهندس دا .. خد .. عشان المصاريف
ثم يعطيه روزمتان من الدلارات عليها صورة ل فردوس و المهندس مروان عليهما علامة اكس .. بسيوني ينظر اليهم ويلاحظ الصورة
بسيوني .. تمام .. يدوم يا باشا .. المهم .. مش ناوي تجاوب علي سؤالي ؟!
ادهم .. اللي هو ؟!
بسيوني .. اللي هو سعتك انت ليه بتعمل كدا مع اختي فردوس ؟! ايه الغرش عدم لا مؤاخذة ؟!
ادهم .. قلتلك اني هجاوبك علي سؤالك بس بعد ما تخلص اللعبة خالص
بسيوني .. ماشي يا باشا .. سلام
ادهم .. مع السلامة يا بسيوني
وبعد ان ينصرف بسيوني نري ادهم يفتح درج مكتبه ويخرج رزمة من الدولارات عليها صورة بسيوني ثم يضع عليها علامة اكس بالقلم الاحمر ثم يضعها في الدرج مره اخري
ونذهب الي المستشفيات حيث نري العقيد نادر يدخل مسرعا الي المستشفي ثم يقابل احد الاطباء الذي يخبره قائلا
نادر .. خير يا دكتور ؟!
الطبيب .. المريض فاق من الغيبوبة يا فندم ويقدر يتكلم
نادر .. كويس اوي ..
ثم يتوجها نحو حجرة المريض ويفتح الطبيب الباب
الطبيب .. اتفضل يا فندم
ويدخل نادر وينظر الي المريض ويبتسم فرحا قائلا ..
نادر .. حمد الله علي سلامتك يا علاء ..
تابعوني والبارت التالي .. تحياتي ..