رواية اغتصاب شرعي البارت العشرون والاخير من الجزء الثاني

رواية تاجر العذرية 

البارت الثاني عشر

للكاتب المصري محمد مالك

جميع الحقوق محفوظة
ويعود بسيوني الي شقته الخاصة ونراه يجلس علي كرسيه الهزاز حزين مهموم  ويبدوا انه يفكر في امر ما يدخن السجائر كالعادة يبدوا انه ينظر الي شئ ما ويركز النظر اليه انه كلبه النافق حيث وضعه علي الارض امامه وظل ينظر اليه ثم قام وتناول زجاجه بها سائل ما وقام بفتحها ووضع قليل من هذا السائل علي قطنه واخذ يمسح بتلك القطنه علي رأس الكلب وارجله الاربعه ثم بعد ذلك قام وتوجه ناحية درج الكوميدينو وقام بفتحه واخرج منه ظرف ابيض به مجموعه من الصور وجميعها عليها علامة اكس بالاحمر .. واخذ يقلب فيهما .. وهم عباره عن صورة لأخيه علاء ومجموعة صور  ل فردوس وازواجها الاربعة وصورة تجمع والدية وتلك الصورة بالتحديد وقف عندها قليلا واخذ ينظر اليها قليلا ثم بعد ذلك صورة ل فردوس هي وعمر ويبدوا انها في ليلة العرس حيث ترتدي الفستان الابيض الجميل وعمر يرتدي بدلته السوداء ولكن من اين اتي بتلك الصورة وعمر وفردوس لم يتزوجا بعد ؟!! هذا ما سنعرفة في سياق الرواية .. بسيوني ترك جميع الصور ما عدا تلك الصورة اخذها واحضر علبه بلاستيك صغيره بداخلها قطع من القطن .. انه القطن الذي كان يمسح به جسد فردوس ثم يمسك بعد ذلك مشرط جراحة وينظر الي الكلب ويبدوا انه ينوي علي فعل شئ ما ؟!!
ونذهب الي الدكتور نصر والد عمر حيث نراه هو الاخر حزين ومندهش من افعال عمر يجلس مع زوجته الدكتورة ناريمان في الصالة يتناولان كوبا من الشاي
ناريمان .. وبعدين يا نصر ناوي تعمل ايه مع ابنك ؟!!
نصر .. مش عارف يا ناريمان !! انا لحد الان في ذهول ومش عارف ابنك بيتصرف كدا ليه ؟!!
ناريمان .. انا كمان مستغربة من اللي بيعمله عمر دا !! ومش لاقية سبب مقنع يخلية يسيب بنت زي ملك عشان يرتبط ببنت ميعرفهاش قبل كدا !!
نصر .. بيقولك انه اتعرف عليها في الحلم !! ههههه .. لا يمكن يكون كلام ناس عاقلة ابدا !!
ناريمان .. طب ابنك مصمم يرتبط بيها .. ايه الحل بقي ؟!
نصر .. مش موافق طبعا !! دي متجوزة اربعة قبلة وبعدين شكلها وهي واخوها كدا ميريحش ابدا .. انتي ما شفتيش بيتكلم ازاي ولا بيتعامل ازاي !! انسان غريب الاطوار فعلا .. دول مش هما المستوي اللي احنا نقبل بيه يا ناريمان انتي نسيتي انا ابقي ايه وانتي تبقي ايه ؟!
ناريمان .. هرجع واقلك ابنك مصمم عليها وراسه والف سيف يتجوزها !!
نصر .. يضرب دماغه في الحيط مش هوافق يعني مش هوافق
ناريمان .. لا ارجوك .. انا مش عاوزك تدخل في تحدي معاه .. انت نسيت اللي جري لأخوه عادل الله يرحمه بسبب العند والتحدي اللي بينكم ؟!! انا مش عايزة الموضوع يتكرر تاني مع عمر .. انا معنديش غيره يا نصر !!
نصر .. يعني عايزاني اوافق يا ناريمان عشان ما ادخلش في تحدي مع ابنك ؟!
ناريمان .. احنا نحاول نقنعه بالراحة ولو صمم .. يبقي نصيبة كدا بقي .. ما باليد حيلة وهو ادري بمصلحته واحنا طبيعي هنسأل عنهم لو كويسين خلاص وبعدين دا بيقول ان البنت لسة عذراء يعني تعتبر ما اتجوزتش بردوا .. ولا ايه رأيك ؟!!
رد فعل علي وجه نصر
ونذهب الي عمر حيث يقوم بالكشف علي فردوس بعد ان تم نقلها الي غرفة عادية بعد تماثلها للشفاء
عمر .. لا احنا بقينا زي الفل خالص
فردوس .. يعني ممكن اروح البيت خلاص يا دكتور ؟
عمر .. ايه زهقتي مننا ولا ايه ؟!.
فردوس .. لا مش قصدي حضرتك بالتحديد .. بس انا فعلا زهقت من قعدتي هنا
عمر .. عامةً ممكن نستني يومين كمان وبعد كدا ممكن تخرجي ان شاء الله
فردوس .. طيب الحمد لله
عمر .. المهم انا كنت عايز اتكلم معاكي في موضوع كدا
فردوس .. اتفضل تحت امرك
عمر .. بس انا بصراحة محرج شوية
فردوس .. اها .. قصدك حساب المستشفي ؟! لا عادي قول الحساب ولما يجي بسيوني انا هقله عليه وهو هيدفعه
عمر .. لا حساب ايه ؟!! مش قصدي كدا خالص
فردوس .. طب حضرتك عايز تتكلم في ايه تاني ومحرج ؟! اتفضل من غير احراج
عمر .. بصراحة يا فردوس انا معجب بيكي جدا وكنت ااااا .. وكنت اااا
فردوس .. كنت ايه ؟! قول يا دكتور
عمر .. كنت عايز ارتبط بيكي .. ايه رأيك ؟!
فردوس مندهشة بشدة .. ايه !! حضرتك عايز ترتبط بيا انا ؟!
عمر .. اها
ونذهب الي بسيوني الذي ذهب بسيارته الي مكان بعيد في الصحراء ثم خرج منها وخلع الجاكت وشمر اكمامه ثم اخرج من شنطة العربية فأسا واخذ يحفر في الارض .. ثم بعد ذلك احضر الكلب النافق من شنطة العربية ويبدوا عليه اثار خياطة علي بطنه ثم وضع الكلب في الحفره ونظر اليه قليلا وقد دمعت عيناه حزنا ثم اخذ يهيل عليه التراب
ونذهب الي عمر الذي عاد الي منزلة فرحا مهللا ورأي دادا نوال تقوم بتنظيف المنزل فسألها
عمر .. ماما فين يا دادا ؟
نوال .. في اوضتها فوق يا دكتور
عمر يعتلي سلالم الطابق الاعلي مسرعا ويكاد ان يسقط بعد تعرقلت قدماه بسبب سرعته ويطرق باب الغرفة حيث تجلس امه علي السرير تتصفح بعض المجلات
ناريمان .. ادخل
عمر .. صباح الفل يا احلي ام في الدنيا
ناريمان .. صباح النور .. ايه اللي جابك بدري كدا يا عمر ؟
عمر .. اشتقتلك يا ست الكل فقلت اجي املي عنيا وقلبي منك وابوس ايدك الكريمة دي
ثم يقبل يدها والام مندهشة
ناريمان .. عمر بلاش بكش !! وهات من الاخر
عمر .. دايما فاهماني يا امي !!
ناريمان .. اللي ربي خير من اللي اشتري يابني .. وانت ابني وانا عارفاك .. حبتين البكش دول مبيطلعوش غير لما تكون وراك مصلحة
عمر .. بصراحة يا امي انا مبسوط اوي انهارده
ناريمان .. يارب دايما يا عمر .. بس ايه بقي سبب انبساطك يا تري ؟!
عمر .. انا طلبت ايد فردوس ووافقت .. وافقت يا ماما
ناريمان مندهشة ويبدوا انها ليست مبسوطة .. اها .. طيب يا بني
عمر .. مالك يا ماما ؟! واضح انك مش مبسوطة لما سمعتي الخبر دا ؟!!.
ناريمان .. لا مبسوطة اكيد .. بس عايزة اقلك يا عمر انت فكرت كويس في موضوع الارتباط بالبنت دي ؟ دا جواز يا عمر مش لعب عيال !!
عمر .. فكرت وقررت خلاص يا ماما .. البنت كويسة جدا صدقيني والله لو شفتيها قلبك هيرتاح لها علطول
ناريمان .. ع العموم باباك بدأ يسأل عنهم ويارب يكونوا ناس كويسة
عمر .. ان شاء الله يا ماما انا متأكد ان اهل فردوس ناس كويسين جدا كمان
ونذهب الي فردوس حيث عادت الي منزلها بعد ان تم شفائها وهي الان في غرفتها ومعها بسيوني
بسيوني يقبلها في رأسها
بسيوني .. الف حمد الله ع السلامه يا حبيبتي
فردوس .. الله يسلمك يا بسيوني .. اومال فين علاء !!
بسيوني .. للأسف علاء لسة مرجعش البيت لدلوقتي ؟!
فردوس .. مش معقول !! بس انت قلتلي في المستشفي انه رجع خلاص !!
بسيوني .. كان لازم اقلك كدا عشان متنشغليش عليه وتقلقي اكتر وتعبك يزيد ومتخفيش
فردوس .. عشان كدا مجاش يزورني في المستشفي !! لأنه لو رجع فعلا وعرف باللي حصلي كان جالي المستشفي علطول .. طب مسألتش عنه في المستشفيات جايز يكون تعبان ولا حاجة ؟!
بسيوني .. صدقيني يا فردوس .. دورت عليه في كل مكان يخطر علي بالك وللأسف فص ملح وداب !!
فردوس .. يعني ايه ؟!! مش هشوف علاء تاني ؟! لا دا انا اموت بجد !!
بسيوني .. بعد الشر عليكي يا حبيبتي متقوليش كدا .. ان شاء الله هيرجع .. انا عندي احساس كبير انه هيرجع قريب
فردوس منهاره وتبكي حزنا ..
فردوس .. ارجوك يا بسيوني دور عليه تاني .. اعمل اي حاجة عشان تعرف هو فين .. انا مقدرش اتصور حياتي من غير علاء .. ارجوك
بسيوني يضمها الي حضنه قائلا
بسيوني .. اهدي بس يا حبيبتي انتي لسة تعبانه !!
فردوس .. انا عايزة اشوف علاء .. ارجوك
بسيوني.. حاضر يا فردوس هدور عليه تاني
نري في عينيه المكر والخداع
وتمر الايام ويوافق نصر علي زواج عمر من فردوس بعد ان تأكد انهم من عائلة طيبة رغم انه غير مقتنع بذلك تماما لأنهم عائلة دون المستوي ولكن ما باليد حيلة فليس لديه خيار آخر فأبنه عمر عنيد جدا وهو لا يريد ان يدخل معه في مجادلة معه ممكن ان يصبح بعدها خاسرا ويخسر ابنه الوحيد للأبد ويدفع عمر ربع مليون جنيه مهرا ل فردوس ويقيم لها حفل زفاف في ارقي فنادق القاهره وفي يوم الزفاف تستيقظ فردوس من نومها منزعجة فقد حلمت حلما مزعجا فأخذت تصرخ حتي حضر بسيوني
بسيوني .. مالك يا فردوس ؟!!
فردوس .. حلمت حلم وحش اوي !!
بسيوني .. امسكي اشربي
فردوس تمسك كوب الماء وهي ترتعش خوفا وترتشف منه رشفه واحدة
بسيوني يأخذ منها الكوب ويقوم بتهدئة روعها
بسيوني .. اهدي
فردوس .. حلم وحش اوي يا بسيوني !!
بسيوني .. حلمتي بأيه ؟!
فردوس .. حلمت ان اخويا علاء جه هنا البيت وكان متعور جامد وهدومة كلها مليانه دم وكان ماسك في ايده مسدس وعمال يبص يمين وشمال ويقلي هو فين ؟!! قلتله مين دا وايه اللي عمل فيك كدا ؟! قالي بقلك بسيوني فين ؟! فجأة لقيتك طالع من الاوضة وهو شافك ف قام رافع المسدس ناحيتك وقعد يضربك بالنار اكتر من مره ومع كل رصاصة داخلة جسمك انت بتضحك بطريقة هيستيرية وانا مستغربه وعمالة اصرخ !! حلم فظيع يا بسيوني
بسيوني .. اهدي دا مجرد كابوس .. وعاوزك تروقي كدا انهارده فرحك يا ست البنات
فردوس .. كان نفسي علاء يكون موجود انهارده
بسيوني .. يعني لما بيكون موجود بيحضر فرحك اوي ؟!! بلا نيلة
 وتتم مراسم الزفاف ويعود عمر وزوجته الي مسكن الزوجية ثم نري بسيوني يجلس في شقته الخاص قلقا بعض الشئ يدخن السجائر بشراهه شديدة ثم يمسك بالمحمول ويتصل علي المجهول قائلا
بسيوني .. ايه الاخبار ؟!
المجهول .. ساعتين وهديك التمام
بسيوني .. طيب انا منتظر ..
ثم يغلق الخط ونراه يمسك بجرو صغير جدا كان يجري نحوه ثم يحمله ويقبله ويلاعبه قائلا
بسيوني .. ايه يا كميلة انتي .. زعلان علي بابا صح ؟! عندك حق !! بس صدقني اللي خلف ما ماتش!! واللي كان بيعمله ابوك انت هتعمل احسن منه ...ثم يضمه الي صدره بكل حب ..
تابعوني والبارت التالي .. تحياتي ملك الروايات .. الكاتب والسيناريست المصري محمد مالك.