رواية احقا تراني هكذا
البارت الخامس والعشرون
للكاتب المصري محمد مالك
جميع الحقوق محفوظةويتم نقل رشا بواسطة سيارة الي المستشفي وبعد غيبوبة دامت شهر كامل تستعيد رشا وعيها لتجد نسمة ومنه اختاها بجوارها
رشا .. انا فين ؟!
نسمه تفرح لأن اختها استعادت وعيها .. رشا انتي فقتي ؟!! الف حمد الله ع السلامة
منه تكون نائمه علي الكرسي ونسمه توقظها
نسمه .. منه منه .. قومي رشا فاقت
منه .. ايه !! رشا .. ازيك يا حبيبتي ؟!! الحمد لله انك فقتي ورجعتي لوعيك تاني .. احنا كنا خلاص هنفقد الامل .. بس الحمد لله ربنا جبر خاطرنا .. الف حمد والف شكر ليك يارب
رشا .. انا فين ؟!
منه .. انتي هنا في المستشفي يا حبيبتي
رشا .. مستشفي !! هو ايه اللي حصل ؟!!
نسمة .. عملتي حادثة بالعربية !!
رشا .. حادثة !! اها .. بدرية وعلي .. هما فين .. جري لهم حاجة ؟!!
منه .. للأسف الاتنين ماتوا يا رشا
رشا مصدومة .. ماتوا !!
منه .. بعد الحادثة علطول العربية ولعت وهما اتحرقوا جواها
رشا .. فعلا انا زي ما يكون اتهيآلي بعد الحادثة علطول العربية انفجرت قدامي !!
نسمة .. يا ستي في ستين داهية .. مش دا علي الفاشل الصايع اللي كان السبب في الطريق اللي انتي مشيتي فيه وخلي امك تموت بحسرتها عليكي !! دا غير الجُرس والفضايح !!
منه .. حرام يا نسمه دول اموات ومتجوزش عليهم غير الرحمه دلوقتي
نسمه .. يا ستي بلاش قرف بقي !! علي فكرة احنا لولا الحادثة دي مكناش هنكلمك ابدا .. بس طبعا مينفعش نعرف ان اختنا عملت حادثة ومنقفش جمبها .. والحمد لله انك قمتي بالسلامة .. تلاتين يوم واحنا بنتعذب
رشا .. تلاتين يوم !! ليه هو انا ليا تلاتين يوم ؟!!
منه .. ايوا يا رشا .. انتي في غيبوبة من ساعة الحادثة والحادثة دلوقتي مر عليها تلاتين يوم !! بس العجيب جدا انتي مش كنتي معاهم جوا العربية ؟!! ازاي بقي خرجتي منها وهما فضلوا فيها لحد ما ولعت بيهم ؟!! انتي خرجتي ازاي يا رشا ؟!!
رشا تتذكر ان هناك شخص قد حضر بسيارته وقام بأخراجها من السيارة ووضعها علي جانب الطريق واسقاها ماء من زجاجة كانت معه
رشا .. هو نور !!
نسمه .. مين نور دا ؟!!
رشا .. دا واحد طلعلي فجأة وانقذني من مصايب كتير كانت هتحصلي !!
نسمه .. دا واحد تعرفيه يعني ؟!
رشا .. لا.. ولا عمري شفته قبل كدا !! ومعرفش اذا كان جن ولا انس !!
نسمه تنظر ل منه بدهشة شديدة ظنت ان رشا تخترف بالحديث
نسمة .. ايه ؟!!
ثم يدخل الطبيب للأطمئنان علي رشا وتخبره منه بأنها قد فاقت
منه بفرح شديد .. رشا فاقت يا دكتور !!
الطبيب .. اها .. طيب دا شئ جميل جدا ..
ثم يقوم بفحص عينيها وسماع نبض القلب بالسماعة
الطبيب .. وريني عينك كدا .. كويس .. قليلي بقي حاسة بأي الم في اي حته في جسمك
رشا .. لا
الطبيب .. طيب انتي عرفة ان دول اخواتك ؟
رشا .. ايوا
الطبيب .. طب عرفة اساميهم ايه ؟
رشا .. ايوا دي نسمه ودي منه
الطبيب .. كويس جدا .. الحمد لله مفيش فقدان للذاكرة ولا حاجة
رشا .. انا كويسة يا دكتور ؟!!
الطبيب .. انتي كويسة جدا جدا .. كل اللي عندك شوية كدمات وجروح بسيطة في جسمك نتيجة الحادثة ودي بالعلاج هتخف ان شاء الله .. مع ان المفروض حادثة زي اللي انتي اتعرضتيلها دي ان مكنتش تكون سبب لوفاتك علي الاقل خالص كانت سببتلك عاهة مستديمه !! لكن سبحان الله انتي اللي حصل معاكي دا معجزة .. حمد الله علي السلامة ..
الطبيب يغادر الغرفة ورد فعل علي وجه رشا ..
تابعوني والبارت الاخير من الرواية .. تحياتي .. ملك الروايات الكاتب والسيناريست المصري محمد مالك.
جميله
ردحذففين البارت الجديد
ردحذف