رواية تاجر العذرية
البارت الخامس
للكاتب المصري محمد مالك
جميع الحقوق محفوظةعمر طبيب شاب تخصص جراحة من عائلة ثرية وحيد امه وابيه يعمل بنفس المستشفي التخصصي التي يملكها والده استاذ في كلية الطب مخطوب لفتاه جميلة تدعي ملك خريجة هندسة بعد قصة حب طويلة من ايام الثانوي ولكن فجأة وبدون مقدمات انقلب حاله رأسا علي عقب .. اصبح لا يطيق رؤيتها او حتي سماع صوتها بل يفكر جدياً في فسخ الخطبة منها وليس هذا فقط ما حدث له انما اصبح مكتئبا حزينا لا يرغب بالعمل يجلس معظم الوقت بمفرده يفكر في حلم يطارده لفتاه يراها في حلمه بصورة دائمه .. يحن اليها وكأنه يعرفها منذ زمن يتمني ان تكون حقيقة ويلتقي لها يوما ما وهو الان يجلس في مكتبه بالمستشفي حيث تتصل علي المحمول خطيبته ملك عدة مرات وكلما ينظر الي شاشة المحمول ويري نمرتها لا يجيب ثم يدخل عليه صديقة الطبيب ايمن
ايمن .. يا عم مجتش وقفت معانا ليه في العملية دي؟!! مش بعتلك المس هدي تقلك ؟!
عمر .. ايوا جت قالتلي ان في واحدة جت في حادثة وانكم عاوزوني بس انت عارف انا مش مركز خالص اليومين دول
ايمن .. انا نفسي اعرف مالك ؟! ايه اللي شقلب كيانك بالشكل دا ؟!
عمر .. صدقني انا نفسي مستغرب نفسي ومش عارف ايه اللي حصلي من ساعة الحلم المنيل دا !!
ايمن .. هو انت لسة الحلم دا بيجيلك ؟!!
عمر .. ايوا يا ايمن كل يوم احلم بيها بنت اللذين !! والغرابة اني مشدودلها اوي ونفسي فعلا اقابلها في الحقيقة .. بس مش عارف مكانها فين ؟!!
ايمن ..مكان ايه يا عم انت ؟!! دا مجرد حلم .. انت مخك جري له حاجة ولا ايه ؟!!
عمر .. اسكت يا ايمن انا هتجنن فعلا !!
ثم تعاود ملك الاتصال مره اخري علي محمول عمر وعمر ينظر الي المحمول ولا يبالي
ايمن .. ما ترد مالك ؟!
عمر . دي ملك خطيبتي
ايمن .. طب ما ترد عليها يا بني آدم !!
عمر .. لا ماليش نفس اكلمها خالص
ايمن .. مش معقول بجد !! دا انت مكنتش تستحمل تتأخر عليها في الرد ولو ما اتصلتش بيك في يوم انت اللي بتتصل بيها!!
عمر .. بصراحة مبقتش طايقها وبفكر افسخ الخطوبة
ايمن .. لا دانت اتجننت فعلا ؟!! عايز تفسخ خطوبتك علي ملك ؟!! مش دي يابني البنت اللي بتحبها من وانت في ثانوي وهتموت وترتبط بيها ؟!
عمر .. للأسف اه
ايمن .. اومال ايه اللي حصل خلاك تقلب عليها فجأة كدا ومش طايق حتي تسمع صوتها في التليفون ؟!! هي زعلتك في حاجة ولا ايه ؟!
عمر .. لا .. بالعكس دي كل همها ازاي ترضيني بأي طريقة !!
ايمن .. لا .. دا انت كدا عيان فعلا !! انصحك تقعد مع الدكتور مراد استاذ الطب النفسي هنا في المستشفي يشوف مالك !!
عمر .. هو الحلم مفيش غيره اللي شقلب كياني !!
ايمن .. يخرب بيته الحلم دا .. ما كلنا بنحلم يا عم انت في ايه ؟!!
عمر .. اه لو اعرف مكانها فين ؟!
ايمن .. هي مين دي ؟!
عمر . البنت اللي بتجيلي في الحلم وتمسك ايديا وانا بفضل ماشي معاها مستسلم تماما وفرحان جدا .. بس تصدق نهاية الحلم وحشة اوي !!
ايمن .. ليه يا سيدي ؟!
عمر .. واحنا ماشيين فجأة بقع في حفره كبيرة وببقي سامعها وهي بتعيط عليا من الخوف وكدا .. بس اللي مجنني فعلا اني انا المفروض حلمت الحلم دا اكتر من مره يعني خلاص عرفت ان فيه مثلا حفره في الحته دي .. الحلم بيتكرر كل يوم وبردوا بقع في نفس الحفرة !!مش المفروض ابقي خلاص اخدت بالي ؟!!
ايمن مندهش.. بعد ازنك
عمر .. رايح فين ؟!!
ايمن .. اشوف الدكتور مراد فين
عمر .. ليه ؟!!
ايمن .. اديلة فكره عن حالتك الصعبة دي عشان يلحقك قبل ما تتجنن وتجنني معاك !!
ونذهب الي فردوس حيث تطرق باب الغرفة علي اخيها بسيوني
بسيوني.. ادخل
وتفتح فردوس باب الغرفة وتشم رائحة شديدة للسجائر تملأ جو الغرفة
فردوس .. ايه ريحة السحاير دي ؟!
بسيوني .. فردوس ! تعالي يا حبيبتي .. ايه اللي مصحيكي لدلوقتي ؟!
فردوس بأسي وحزن .. مش قادرة انام خالص يا بسيوني من ساعة وفاة عبد النبي ومنظره وهو في بانيو الحمام غرقان مش عاوز يروح من بالي خالص !!
بسيوني .. يا ستي كلنا هنموت
فردوس .. بسيوني ممكن اسألك سؤال ؟
بسيوني ..طبعا يا فردوس اتفضلي
فردوس .. انت بتحبني صح ؟!
بسيوني .. اكيد طبعا ودا سؤال يتسأل بردوا ؟!
فردوس .. طب ليه دايما احساسي انك اسي كدا وقلبك حجر ؟!! متزعلش من كلامي ارجوك
بسيوني .. هههههه .. لا انا مزعلش منك ابدا يا فردوس .. بس عاوز اقلك ان احساسك دا غلط .. لأني اكتر واحد بحبك وخايف عليكي .. انتي اختي يا فردوس
فردوس .. طب انت ليه اسي دايما مع علاء مع ان علاء طيب جدا وحساس ؟!!
بسيوني .. علاء دا عايش في دور الدروشة مش حاسس بالغابة اللي احنا عايشين فيها
فردوس .. بس دا مش سبب يخليك تعامله بالطريقة الفظه دي ؟!! انت دايما بتهينه وبتقلل من شأنه ودي شئ بيضايقني بصراحة
بسيوني .. خلاص يا حبيبتي اوعدك مش هعامله وحش تاني عشان خاطرك
فردوس .. وعد ؟!!
بسيوني .. وعد
فردوس .. طب ممكن برشامة بقي من اللي كنت بتديهالي زمان عشان اعرف انام ؟!
بسيوني .. بس كدا .. اتفضلي يا ستي .. بس اوعي تتعودي عليها
فردوس .. لا .. انهاردة بس وفي حاجة كمان
بسيوني .. ايه هي؟
فردوس .. ممكن انا علي دراعك انهاردة زي ما كنت بعمل زمان .. فاكر ؟
بسيوني .. طبعا فاكر
فردوس .. طب خلاص انام علي دراعك انهاردة وبعد ما انام ابقي شيلني ووديني اوضتي زي ما كنت بتعمل معايا زمان عشان انا خايفة اوي والله
بسيوني .. لا يا حبيبتي متخافيش طول ما انا جمبك
وبالفعل تأخذ فردوس حبة المهدئ وتنام علي ذراع بسيوني بعد ان احست بالامان حيث يحملها بعد ذلك الي غرفتها ويراه علاء ثم يضعها علي سريرها ثم ينظر اليها بكل خبث وبعدها يغلق باب الغرفة ويخرج زجاجة من جيبة بها سائل ثم يفتح الزجاجة ويأخذ من السائل ويمسح بمنديل ورقي علي جبينها وذراعيها ورجليها ثم ينظر اليها برهه وكأنه يفكر في امر ما وبعد ذلك يفتح باب الغرفة ينوي المغادرة ليجد علاء ينظر من فتحة بالباب كان يراقب ما يحدث بالداخل ؟؟!!
تابعوني والبارت التالي .. تحياتي ملك الروايات الكاتب المصري محمد مالك .
فين التكمله
ردحذف