رواية جرآة بأسم الحب
البارت السادس والعشرون
للكاتب المصري محمد مالك
جميع الحقوق محفوظةوتأتي سيارة الاسعاف لتحمل عماد الي المستشفي لتتحول ليلة العرس الي ليلة من الحزن والخوف والقلق وتذهب معه خطيبته سالي وامها عنايات وزوجة ابيه نشوي وامه رانيا والجميع في حالة من القلق الشديد ينتظران خروج الطبيب من غرفة الفحص عدا نشوي التي تعتقد انها حركة مفتعلة منه لكي لا يتم زواجه من سالي ويخرج الطبيب من حجرة الكشف وتستقبلة رانيا مباشرة
رانيا .. خير يا دكتور ابني ماله ؟!!
الطبيب .. التهاب شديد في الزايدة ولازم يدخل العمليات حالا يا اما هتنفجر في بطنه
رانيا .. ايه ؟!!
نشوي تصيبها الصدمه عند سماع كلام الطبيب
نشوي .. انت متأكد يا دكتور ان عماد عنده الزايدة ؟!!
الطبيب .. طبعا .. واضح جدا بالفحص والاشعة اللي اتعملت .. وانا طلبت انهم يجهزوا غرفة العمليات فورا .. بعد ازنكم
رانيا .. يا عيني عليك يابني .. يحصلك كدا ويوم فرحك !!
عنايات .. بسيطة ان شاء الله .. ربنا يقومه بالسلامه
سالي تنهار وتبكي حزنا وعنايات تضمها الي حضنها لتهدئتها
سالي .. انا خايفة اوي علي عماد يا ماما
عنايات .. لا يا حبيبتي متخافيش .. حالا يقوم بالسلامة
سالي .. ياااارب يا ماما
نشوي تنظر الي سالي بكل غضب ويبدوا انها لا يعجبها الحالة التي هي عليها الان بسبب لهفتها الشديدة وخوفها علي عماد
وفجأة تدخل صافي زميلة عماد في الكلية والتي تحبه بكل جنون ملهوفة ايضا وقلقة بشدة
صافي .. هو فين ؟!! فين عماد ؟!!
عنايات .. مين حضرتك ؟!!
صافي .. انا صافي زميلة عماد في الكلية .. هو فين ؟!!
نشوي .. هيدخل العمليات حالا
صافي .. عمليات !! ليه ؟!!
نشوي .. عنده الزايدة ( ثم تخفض صوتها وتقول ) عقبالك كدا ان شاء الله
صافي .. الزايدة !! يا حرام
ثم تلمح سالي بفستان الفرح الابيض فتقول
صافي .. اكيد في حد وشه وحش عليه اوي !!
سالي تلاحظ انها تقصدها بهذا الكلام فتقول لأمها
سالي .. هي بتبصلي ليه كدا ؟!!
عنايات .. انا عارفة !!
صافي .. طيب انا هفضل بقي هنا لحد ما اطمن عليه .. مقدرش امشي غير لما اشوفه واطمن عليه
سالي تغضب .. وانتي هتفضلي هنا بصفتك ايه يعني ؟! اللي هنا كلهم اهله !!
صافي .. وانا حبيبته يا ماما
سالي .. حبيبته !!
صافي .. ايوا حبيبته .. انا وعماد بنحب بعض .. هو مقالكيش ولا ايه ؟!!
سالي .. بتحبوا بعض ازاي يعني ؟!!
صافي .. مش عرفة بنحب بعض ازاي ؟!! عندك حق .. ما هو اللي زيك ميعرفش يعني ايه حب !!
سالي .. احترمي نفسك وامشي اطلعي برة
صافي .. اطلع بره !! انتي مش عرفة انا مين يا ماما ولا أيه ؟!!
سالي .. لا وميشرفنيش اني اعرف الاشكال اللي زيك خالص
صافي .. اخرصي يا معفنه
سالي .. انا معفنه ؟!! طب تعالي
ثم تنشب مشاجرة بينهما ويحاول الحاضرين انهاء هذا الشجار الا نشوي تشاهد الموقف بكل شماته وتضحك قائلة
نشوي .. ههههههه .. احسن .. قطعوا بعض يا اولاد الكلب !!
تابعوني والبارت التالي .. تحياتي ..
تعليقات
إرسال تعليق