رواية اغتصاب شرعي البارت العشرون والاخير من الجزء الثاني

رواية ذئب في الكواليس 

البارت الثلاثون الجزء الثاني والثالث
للكاتب المصري محمد مالك
جميع الحقوق محفوظة
ويعود الضابط يس والضابط عماد الي مديرية الامن وبصحبتهم الدكتورة ابتسام والتي اصبحت في ذهول شديد وصدمة قوية لا تصدق ان جثتي ياسمين وهند في شقتها
يس .. اه يا دكتورة .. قليلي بقي خطفتي ليه جثتين البنات ووديتيهم شقتك ؟!! ايه كنتي بتخططي ترميهم في النيل ولا تحرقيهم ولا كنتي هتدفنيهم في مكان بعيد في الصحر ؟ !!
ابتسام .. صدقني يا فندم انا معرفش ازاي جثتين البنتين وصلوا لشقتي !! انا هتجنن صدقني !!
يس .. يعني ايه متعرفيش يا دكتورة وصلوا ازاي لشقتك ؟!! يعني هتكون مثلا الروح دبت فيهم تاني وقاموا سايبين المشرحة وراحوا علي شقتك وناموا كمان علي سريرك وبعدين رجعوا ماتوا من جديد ؟!!
ابتسام .. لا طبعا !!
يس .. طب ايه الحكاية بالظبط ؟!.. اتكلمي يا دكتورة وخلصيني انا تعبت بجد من ام القضية دي !!
ابتسام .. صدقني معرفش ازاي دا حصل !! بس اكيد فيه حد اخد الجثتين من المشرحة ووداهم الشقة عندي .. مفيش تفسير تاني غير كدا حضرتك
يس .. اها .. طيب .. مين الحد دا بقي ؟!
ابتسام .. معرفش .. ما انا لو اعرف مين هو هقول لسيادتك علطول
عماد .. طيب انا معاكي للنهاية ولنفرض ان فيه حد فعلا اخد الجثتين من المشرحة اشمعني وداهم شقتك بالتحديد ؟!!
ابتسام .. اكيد عشان يبعد الشبهه عنه واصابع الاتهام تروح ناحيتي انا
يس .. واشمعني انتي بالتحديد ؟!!
ابتسام .. معرفش !! بس دا اكيد حد يعرفني كويس
يس .. هو فيه حد معاه مفتاح شقتك غيرك ؟!!
ابتسام .. ايوا .. طليقي الدكتور سعودي
يس .. وانتم متطلقين من امتي ؟!
ابتسام .. من حوالي سنتين وشوية
يس .. فيه بينكم مشاكل بعد الطلاق ؟!
ابتسام .. ايوا .. ورافعة عليه كذا قضية
عماد .. كذا قضية !! ليه ؟!!
ابتسام .. اولا عشان واخد مني ولادي بالعافية مع انهم المفروض قانوناً يكونوا في  حضانتي انا حاليا .. ثانيا عشان ماضي علي ايصال امانه بقيمة  ٥ مليون جنية ومدفعش المبلغ لدلوقتي
يس .. والخمسة مليون جنية دول بتوع ايه ؟!!
ابتسام .. دول تمن الارض بتاعتي .. انا كنت ورثاها عن المرحوم بابا وهو اشتراها مني بالأجل عشان يبني عليها مستشفي استثماري كبير وفوجئت بعد كدا انه بيماطل ومش عايز يديني حق الارض فرفعت قضية طبعا بإيصال الامانه اللي معايا
يس .. اها .. يعني استنتج من كدا ان اللي اخد جثتين هند وياسمين ووداهم شقتك هو جوزك الدكتور سعودي ؟؟!!
ابتسام .. طب وهو هيعمل كدا ليه ؟!!
يس .. اولا عشان يشوه سمعتك وميبقاش ليكي الحق في حضانة ولادك .. ثانيا عشان يورطك في قضية كبيرة جدا كرد فعل منه وانتقام منك عشان القضايا اللي انتي رفعاها ضده !!
ابتسام .. ايوا .. بس انا متوقعش ان سعودي يفكر بالاسلوب الدموي دا !! معقول !! ممكن سعودي يعمل كدا فعلا ؟!!
يس .. كل شئ جايز الزمن دا !!
ابتسام .. بس هو ميعرفش ياسمين وهند ومالوش اي علاقة بيهم !! انا هتجنن والله !!
يس .. دا انا اللي قربت اروح الخنكة بسبب القضية دي !! روح يا عم عماد هاتلي الدكتور سعودي نشوف حكايته ايه .. عرفة عنوانه يا دكتورة ؟!!
ابتسام .. ايوا
ونذهب الي فاروق الروبي والد الاربع فتيات حيث يقضي الان داخل سجن تري عقوبة بالسجن لمدة سبع سنوات بعد قتله ابنته مني ونراه في زنزانته حزينا منطويا علي نفسة لا يحادث احدا مطلقا ودائما ما يحاول سجين يدعي عبد الهادي ان يتقرب اليه ويتحدث معه ولكنه يرفض ان يتحدث الي حد
عبد الهادي .. ايه يا استاذ فاروق .. هتفضل كدا قاعد مع نفسك ومش عاوز تكلم حد ابدا ؟!!
فاروق ينظر له ولا بجيب
عبد الهادي .. بس انت كدا هتتعب وايام السجن صعبه اوي وطويلة ولو مكناش نهون علي بعض فيها هنموت من الحزن والاهر !!
فاروق لا يرد ولا يبالي للحديث
عبد الهادي .. طب مش عاوز تقلي انت جيت هنا ليه ؟!! .. اصل مش معقول تكون عامل جريمة !! وشك بيقول انك راجل محترم ومش وش اجرام عدم لا مؤاخذة .. انت اكيد جاي هنا ظلم .. صح ؟!!
فاروق يُصرّ علي عدم التحدث معه
عبد الهادي .. براحتك .. انا حبيت اهون عليك بس
ثم ينهض من جواره ولكن فجأة فاروق يصرخ بشدة وينهار من البكاء قائلا
فاروق .. انا تعبت .. تعبت .. تعبت خلاص ومش قادر استحمل
عبد الهادي يواسيه .. فيه ايه يا استاذ فاروق ؟!! صلي علي النبي اومال
فاروق .. انا لازم اقول علي كل حاجة .. لازم اقول الحقيقة
ثم يجري مسرعا نحو باب السجن ويطرق الباب بكلتا يديه وهو يصرخ قائلا
فاروق .. افتح الباب عايز اقابل المأمور .. فيه كلام مهم عايز اقوله .. افتح الباب ابوس ايديك انا بتعذب .. بتعذب يا ناس!! .. بتعذب يا خلق!! ... بتعذب ااااااه ؟؟؟!!!
كدا فاضل جزء واحد ودا اللي هنكشف فيه لغز الرواية تابعوني بعد قليل .. تحياتي ملك الروايات الكاتب المصري محمد مالك .