رواية سفاح الكوابيس
البارت السادس عشر
للكاتب المصري محمد مالك
جميع الحقوق محفوظةوتذهب سهير مسرعة الي المكان الذي يُحتجز به همت ابنة المستشار عبد الجليل حيث تجد هناك شوكت والحارس علي همت
سهير مصدومة .. ماتت ازاي ؟!!
شوكت .. زي ما حضرتك شايفة .. قطعت شرايين ايديها بحتة الصفيحة دي
سهير .. وبعدين ايه العمل يا شوكت ؟!!
شوكت .. مفيش حل غير احنا نتخلص من جثة البنت ولا من شاف ولا من دري
سهير .. الله يخرب بيتك يا طارق اديك لبست مصيبة تاني
شوكت .. ولا مصيبة ولا حاجة ان شاء الله.. هو حد يعرف انها عندنا ؟!
سهير تنظر له وكأنها تفكر في كلامة وتقول
سهير .. للأسف هو دا الحل الوحيد .. طب هتتخلص منها ازاي ؟
شوكت .. سيبي الحكاية دي عليا انا يا ست الكل .. روّحي سيادتك البيت واتعشي ونامي وانتي مطمنه ع الآخر
سهير .. اكل ازاي !! وازاي يجيلي نوم وانا في مصيبة زي دي !! ابوها زمانه قالب عليها الدنيا
شوكت .. ما يقلب الدنيا زي ما هو عايز .. ويبقي يقابلني لو عتر علي شعرايا واحدة منها
سهير .. البنت صعبانه اوي يا شوكت .. منظرها يقطع القلب .. البنت ملهاش ذنب ابدا .. انا اللي معرفتش اربي ابني
شوكت .. طيش شباب ومسيره يعقل
سهير .. طيش ايه وزفت ايه ؟!! دا هيودي نفسه في ستين داهية
شوكت .. اتفضلي حضرتك انتي دلوقتي عشان الحق اتخلص من الجثة قبل ما يطلع النهار ..
سهير .. طب ابقي رن عليا وقلي عملت ايه
شوكت .. عنيا حاضر
ونذهب الي ولاء ابنة آمين والتي تمكث في غيبوبة داخل احد المستشفيات الالمانية والابوان في غاية القلق والخوف من مصير ابنتهم المجهول
آمين .. وبعدين يا خديجة .. رابع يوم انهاردة والبنت لسه في غيبوبة ؟!!
خديجة .. البنت ضاعت خلاص يا آمين
آمين .. بعد الشر يا شيخة .. فال الله ولا فالك.. ليه بتقولي كدا بس ؟!!
خديجة .. امال انت عايزني اقول ايه ؟!! البنت غايبة عن الدنيا والدكاتره مش عارفين يعملولها حاجة .. حتي الدكتور الاجنبي احتار في حالتها .. يبقي كدا البنت خلاص راحت من بين ايدينا واحنا واقفين نتفرج عليها ومش قادرين نعمل حاجة !!
آمين .. يا حول الله يارب .. اللهم اني لا اسألك رد القضاء ولكني اسألك اللطف فيه
ثم يأتي اشرف المترجم بعد ان ذهب الي الطبيب لمعرفة اخر مستجدات حالة ولاء
آمين متلهفا .. خير يا اشرف .. الدكتور قالك ايه ؟!
اشرف .. مفيش جديد يا استاذ آمين .. عمل تحاليل لهرمونات الجسم كلها وطلعت كلها سليمة لدرجة ان الدكتور مستغرب وبيقول انه اول مرة يشوف حالة بالشكل دا !!
آمين .. والحل يعني ؟! بنتي ملهاش علاج هنا خلاص ؟!!
اشرف .. الدكتور بيقول انها ممكن تفوق وترجع لوعيها في اي لحظة زي ما حصل قبل كدا
آمين .. وان فاقت ما هي هترجع وتغيب عن الوعي تاني !! انا عاوز علاج لبنتي يا ناس .. معايا فلوس متلتلة ومش عارف اعالج بنتي .. استغفر الله العظيم يارب.. بص يا اشرف روح قله لو مفيش علاج لبنتي عنده هنا انا اوديها بلد تاني .. انا اعمل اي حاجة عشان بنتي تخف حتي لو اخد من جسمي وادالها
اشرف .. حاضر هقله
ونذهب الي سهير المغربي حيث تجلس في منزلها وهي في قمة القلق والخوف والحيرة ايضا تنتظر علي احر من الجمر ان يتصل بها شوكت ويخبرها بما فعل وفجأة يتصل بها شوكت
سهير .. ايه يا شوكت عماله ارن عليك مديلي غير متاح ؟!
شوكت .. معلش يا ست الكل .. كنت في منطقة مفهاش شبكة
سهير .. طب قلي عملت ايه ؟!!
شوكت .. تمام .. دفنا المرحوم وصلينا عليه الجنازة كمان ما ندفنه عشان يبقي اخد حقة
سهير تتنفس الصعداء .. الحمد لله .. بس اهم شئ جثتها متظهرش بعد كدا ولا حد يعتر فيها ؟!!
شوكت .. عيب يا ست الكل دا انا شوكت دراعك اليمين
سهير .. طيب .. وعايزاك تشمشم من بعيد واشوف اهلها عاملين ايه دلوقتي وبيتصرفوا ازاي
شوكت .. حاضر .. عشان كمان في فكرة خطرت في بالي هتنفعنا اوي
سهير .. فكرة ايه ؟!!
شوكت .. يلزمها قعدة يا ست الكل
سهير .. خلاص اشوفك بكرا في الشركة وقلي بتفكر في ايه .. خلاص انا حاشة اني هقع من طولي من القلق وقلة النوم
شوكت .. قلت لسيادتك اطمني ونامي خلاص
سهير .. انا فعلا عاوزة انام .. يلا سلام
شوكت .. تصبحي علي خير يا ست الكل
سهير .. وانت من اهله
ونعود الي آمين وحديجة اللذان يمكثان بأحد الفنادق القريبة من المستشفي التي ترقد بها ابنتهما حيث يكون آمين داخل الحمام يستحم وعند خروجه من الحمام تخبره زوجته بشئ صادم جدا ؟؟؟؟؟!!!!
تابعوني والبارت التالي واحداث ممتعة وشيقة كالعادة .. تحياتي ..
#محمد_مالك
اكيد قالها ان ولاء فاقت وسابت المستشفي تااني
ردحذفاحداث شيقة جدا بانتظار الحزء التالي
ردحذف