رواية اغتصاب شرعي #الجزء_الاول #كامل

رواية ذئب في الكواليس 

البارت الثلاثون

الجزء الاول

للكاتب المصري محمد مالك

ويعود الضابط عماد وبصحبته الضابط يس الي مديرية الامن حيث تم التحفظ علي الدكتورة ابتسام لحين عودته ثم يدخل مكتبه فجأة فيجد ابتسام تعبث بالمحمول فيخطفه من يدها قائلا
عماد .. بتعملي ايه يا دكتورة ؟!! بتمسحي الفيديوهات مش كدا ؟!!
ابتسام .. فيديوهات ايه ؟!!
عماد يتصفح فيديوهات الجهاز فيجد فيديو تم تصويره من داخل شقة حيث توجد جثتين ياسمين وهند علي السرير ويلاحظ وجود للدكتورة ياسمين معلقة علي الحائط فيدرك فورا انها شقتها
عماد .. فين جثتين ياسمين وهند يا دكتورة ؟!!
ابتسام .. معرفش الظابط زميلك بيقول انهم اختفوا من المشرحة !!
عماد .. هما اتسرقوا من المشرحة عشان التعبير يكون دقيق .. بس اتسرقوا راحوا فين ؟!!
ابتسام .. وانا مالي بتسألني ليه ؟!!
عماد .. هتعرفي بعد شوية بسألك ليه .. هاتها يا ياسين ؟!
ابتسام .. انت موديني علي فين ؟!!
عماد .. هتعرفي لما نوصل هناك ..
ونذهب الي فريد الموجود داخل الحجز وقد اصبحت حالته النفسية سيئة للغاية وقد كبُرَ شعر رأسة وذقنه ونراه يحادث نفسة من الداخل ..
فريد .. عليا النعمة ما انا فاهم حاجة .. هو اللي بيحصل دا ؟!! هو انا عملت كدا ولا اتهيألي اني عملت كدا !! بس ازاي متهيألي يا جدعان ؟!! دا انا عملت كدا فعلا .. بس اواي يحصل اللي حصل وتفضل زي ما هي ....؟؟!! حاجة تجنن بجد .. جايز يكون اتهيألي اني عملت معاها كدا عشان علطول بفكر فيها ؟! طب والفيديو بتاع الاغتصاب والقتل .. حقيقي ولا مش حقيقي ؟!! واللي كلمني ونفس صوتي دا يطلع مين ؟!! دا نفس صوتي بالظبط !! الله يحرق الحشيش وسنينه .. اكونش انا عملت الحاجات دي كلها فعلا وانا تحت تأثير المخدر ؟!! يمكن .. لا يمكن ازاي ؟!! .. هو انت هتلبس نفسك مصيبة ولا أيه يا فريد عشان شوية بنات مش تمام ابوهم معرفش يربيهم .. وبعدين طيب ؟!!
ثم يأتي احد الاشخاص المحتجزين لأستفزازه ويدعي ابوزند
ابوزند.. ايه يا عم ما تعبرنا امال ؟!!
فريد متعجبا .. اعبرك ازاي عدم لا مؤاخذة ؟!!
ابوزند .. يعني سيجارة كدا نعفر .. برشامة كدا تعدل الدماغ
فريد .. ادي يا عم سيجارة ومستوردة كمان .. عفر يا سيدي
ابوزند.. كمل جميلك وقب بشريط برشام
فريد .. مش معايا يا سيدي وحل عن دماغي وحيات ابوك حكم انا دماغي دلوقتي فيها مليون شاكوش نازلين خبط ورزع من قلة الحشيش
ابوزند.. اها .. ما انت اديك اهوه بتشرب حشيش !! امال بتقول مش معايا برشام ليه ؟! ولا انا مش مصدقك .. شكلك معاك برشام ومش راضي تقب بيه .. انا هفتشك
فريد .. ولا تفتشني ولا حاجة .. خد يا عم اهوه شريط برشام زي الفل
ابوزند .. هات .. احسن من عينك وهات كمان علبة السجاير دي خليني اعزم علي الرجالة
فريد .. لا فنجري بصراحة
ابوزند .. بتقول ايه ياض ؟!!
فريد .. ولا حاجة بصراحة .. خد يا عم علبة السجاير اهه
يأخذها ابو زند ثم ينصرف
فريد محادثا نفسة .. غبي .. دا شريط برشام منع حمل يا دغف!!
ونعود الي عماد ويس حيث قد اصطخبا ابتسام الي شقتها
عماد .. افتحي يا دكتورة
ابتسام متعجبة .. دي شقتي !!
عماد .. ما انا عارف انها شقتك .. افتحي من فضلك
ابتسام .. ايوا .. بس اعرف انت جايبني ليه شقتي ؟!!
عماد .. هتعرفي لما ندخل جوة .. افتحي من فضلك عشان مكسرش الباب
ابتسام تفتح الباب ويجري عماد بسرعة نحو الغرفة التي ظهرت بالفيديو ويضئ مصباح الغرفة فيجد جثتي ياسمين وهند
عماد .. ايه دا بقي يا دكتورة ؟؟؟!!!!
تابعوني والجزء الثاني من البارت الاخير من الرواية..تحياتي 
#محمد_مالك