رواية سفاح الكوابيس
البارت الثلاثون
للكاتب المصري محمد مالك
جميع الحقوق محفوظةوما وال عطية ابو السعود التربي يجلس امام وكيل النيابة للتحقيق معه
عطيه .. سيادتك انا شغال تربي زي ما قلت لحضرتك .. امبارح وانا قاعد في الحوش جالي استاذ شوكت
الوكيل .. شوكت دا مدير اعمال سهير المغربي ؟!
عطية .. ايوا سيادتك .. جالي وقالي انت طاقة القدر افتحتلك يا عطية ومن غير مناسبة!! فقلتله طاقة القدر ايه اللي هنفتحلي يا شوكت بي ؟!! انا راجل فقري هعيش فقري وهموت فقري .. قالي لا خلاص هتودع الفقر وهتنسي شغلتك دي خالص .. قلتله ازاي يعني .. راح قالي هتعترف انك قتلت همت بنت المستشار عبد الحكيم وهديلك مليون جنيه .. انا بصراحة اتخضيت في الاول وقلت ازاي اعترف علي نفسي بتهمه كبيرة زي دي ؟!! فقالي متخافش هنقوملك اكبر محامين في البلد واخرك خمس سنين سجن وهتخرج بعدهم عشان تبدأ حياه جديدة كلها هنا وسعادة .. طمني بكلامه وبعد ما قعدت مع نفسي وفكرت في الموضوع قلت ما انا كدا كدا مديون ومش لاقي اللضا ومهدد برضوا بالسجن بسبب الشيكات اللي عليا .. خلاص يبقي اخد الفلوس واسدد ديوني واعملي حتة مشروع ليا ولعيالي واسيبني بقي من الشغلانه اللي تعر دي .. بس حفظوني اقول ايه واديني جيت لسعتك
الوكيل .. يا ولاد اللذين !! يعني هما فعلا ورا اللي حصل ل همت !! طيب يا سهير يا مغربي وانتي شوكت بتاعك دا .. بقلك ايه يا عم عطية عندك استعداد تواجهم بكلامك دا ؟!!
عطية .. ما بلاش يا بي دي ناس مفترية واديهم طايلة بدال ما يعملوا فيا حاجة ولا يؤذوا العيال وامهم
الوكيل .. متخفش انت من انهارده في حمايتي انا شخصيا
عطية .. مادام كدا .. خلاص اواجهم وامري لله وربنا يكفينا شر الحرام
الوكيل .. برافوا يا عم عطية برافو
ثم يأتي تليفون للوكيل من امين الشحات
الوكيل .. الو .. ايوا يا استاذ امين تحت امرك
امين .. ايوا يا سيادة الوكيل .. ولاء ظهرت
الوكيل .. ظهرت !! ظهرت امتي وكانت فين ؟!!
امين .. ظهرت امبارح في الشقة وكانت لابسة لبس غريب زي المرأة القط اللي بنشوفها في الافلام الاكشن ضربتني انا وامها واحنا دلوقتي في المستشفي
الوكيل .. في المستشفي !! ايه الكلام اللي انت بتقوله دا يا استاذ امين؟!!
امين .. ليك حق تستغرب اذا كنت انا نفسي مستغرب من اللي حصل !!
الوكيل .. لا انا لازم اجيلك حالا وكمان عشان ابشرك بالجديد
امين .. تشرف سعتك
الوكيل .. مع السلامة يا استاذ امين
وبعد ان يغلق الخط يرن موبيل امين مرة اخري والمتصل مجهول
امين .. الو
المجهول .. استاذ امين ازيك ؟
امين .. مين معايا ؟!!
المجهول .. مش مهم تعرف مين معاك .. المهم انت الاسطوانه اللي انت لقيتها جوة شقتك القديمة مع هدوم بنتك عجبتك ولا لا ؟!!
امين .. انت مين ؟!!
المجهول .. قلتلك مش مهم تعرف انا مين .. انا هبلغك رسالة ولو منفذتهاش الفيديو بتاع بنتك اللي انت اتفرجت عليه هيتشير علي كل مواقع التواصل الاجتماعي
امين .. يبقي انت اللي اعتديت علي بنتي يا حيوان انا هوديك في ستين داهية
المجهول .. اسمع وماتقاطعنيش .. ملف طارق فرويز موجود علي مكتبك دلوقتي هتقراه كويس وبعد بكرا اشوفك في المحكمة وانت بتترافع عنه ولو ما جتش يبقي فضحت نفسك وفضحت بنتك معاك .. سلام..
تابعوني والبارت التالي .. تحياتي ..
رووووعة يا ريت نكملها للاخر النهاردة او تنزل كمان كام حلقة لو سمحت
ردحذف