عشقت زوجة ابي كاملة

رواية سفاح الكوابيس 

البارت الواحد والثلاثون 

للكاتب المصري محمد مالك

شوكت .. عنيا يا ست الكل .. حضرتك بعتيلي؟!!
سهير .. التربي دا اللي اسمه عطيه راح اعترف ولا لسة ؟!!
شوكت .. في النيابة من بدري  وزمانه اعترف بكل حاجة
سهير .. انت مالي ايدك منه الراجل دا ؟!!
شوكت .. اكيد يا ست الكل ومظبط كل حاجة معاه
سهير .. مفيش حاجة قلقاني غير كلمة مظبط دي !! وفي الاخر بلبس خزوق منك !!
شوكت .. لا متخافيش يا ست الكل انا موصي واحد هناك هيعرفني ايه اللي حصل اول ما بخرج من عند الوكيل
سهير .. مش مرتاحة .. مش عرفة ليه !!
شوكت .. ايه بس اللي قالقك ؟!!
سهير .. قلي ظبطت مع المحامية عشان جلسة طارق ؟
شوكت .. كله تمام يا ست الكل
سهير .. قلقانه اوي يا شوكت خايفة الواد يضيع مني في شربة ميه
شوكت .. هتستر ان شاء الله
سهير .. يارب .. والله ساعتها هدبح ٣ عجول وافرقهم لله .. وانت يا شوكت ليك عندي حلاوة كبيرة اوي
شوكت .. لحم كتافي من خيرك يا ستنا
وفجأة تدخل السكرتيرة
السكرتيرة .. مدام سهير .. الاستدعا دا جه من النيابة حالا .. عايزينك بكرا في النيابة
سهير .. عايزين ايه تاني مني ؟!!
شوكت .. حالا نعرف الاخبار
ونذهب الي امين الذي ما زال يرقد في المستشفي هو زوجته وذهب اليه وكيل النيابة للأطمئنان عليه
امين .. هو دا اللي حصل بالحرف
الوكيل .. معقول يا استاذ امين هو انت هتعمل زي اشرف ولا أيه ؟!
امين .. صدقني دا اللي حصل
الوكيل .. ازاي طيب ؟!!
امين .. مش عارف !!
الوكيل .. طب ولاء فين دلوقتي ؟!!
امين .. مش عارف
الوكيل .. حاجة غريبة بجد لأحسن متكنش هي وحد باعتلك حد شبهها عشان يعمل عملته ويخليك تتوه
امين .. جايز .. طب لو مش هي .. بنتي راحت فين يا عالم ؟!!
الوكيل .. علي فكرة كلامك طلع مظبوط .. سهير المغربي هي اللي ورا حادثة موت همت عبد الحكيم
امين .. واتأكدت ازاي ؟
الوكيل .. باعتالي تربي عشان يعترف علي نفسه ان هو اللي عمل كدا بعد ما اتفقت معاه علي مليون جنيه
امين .. انا كنت متأكد انها ورا القصة دي
الوكيل .. بس في حاجة غريبة .. البنت اتعرضت للأغتصاب قبل موتها بساعات !!
امين .. يبقي اكيد اغتصبوها زي ما عملوا مع بنتي !! مكنتش اعرف ان سهير المغربي بالاجرام دا !! مكنش باين عليها خالص .. وبعدين ناوي تعمل ايه ؟!!
الوكيل .. هواجه عطيه ب سهير بكرا في مكتبي
وفجاة تدخل الممرضة حزينة جدا
الممرضة .. استاذ امين .. مدام خديجة تعيش انت
امين .. ايه ؟!!
تابعوني والبارت التالي .. تحياتي ..