رواية هو زوجي وانت حبيبي
البارت الثالث
للكاتب المصري محمد مالك
نوال .. مصطفي ؟!!والد نوال.. انت ايه اللي جابك هنا ؟!!
مصطفي يجري مسرعا نحو نوال يجثو علي ركبتيه ويمسك بيدها ثم يقول وهو في حالة من القلق والحزن الشديد ..
مصطفي .. انتي كويسة يا نوال ؟ عمل ايه فيكي المجرم ده ؟!!
والد نوال محاولا ابعاده عنها .. ايه حيلك !! ابعد عنها .. انت مش سامعني ؟!! بقلك ايه اللي جابك هنا ؟!!
مصطفي .. جاي اطمن علي حبيبتي
والد نوال .. حبيبتك !! دا انت بجح اوي وسافل كمان .. امشي اطلع برة لأحسن اطلبلك البوليس
مصطفي .. لتاني مرة بتقلي امشي اطلع برة ؟!! اول مرة قلتها وانا عندك في بيتك بعد ما بعتلي عشان تديلي شبكتي بعد ما فسخت خطوبتي علي نوال عشان تجوزها للواطي اللي عايشة معاه دلوقتي ولما سألتك انت ليه عملت كدا قلتلي انا حر اجوزها للي يعجبني وطردتني من بيتك ومع ذلك معرفتش تطردني من قلبها ولا تخرجها من قلبي وادي النتيجة بنتك تعبانه ومتهانه وعايزة تتطلق
والد نوال .. امور عائلية متخصكش وامشي اطلع برة لأن لو جوزها لو جه وشافك هنا مش هيحصل كويس .. اللي بينك وبين بنتي انتهي من زمان
مصطفي .. اللي بيني وبين نوال عمرة ما ينتهي بالعكس كل يوم بيعدي بيزيد شوقنا وتمسكنا ببعض اكتر من اللي قبله
والد نوال .. انت بتتكلم ازاي كدا ؟!! انت ناسي انها علي ذمة راجل ؟!!
مصطفي .. قصدك علي ذمة ذئب بشري مفترس وعمره ما هيكون راجل
والد نوال .. لا انت زودتها اوي !! امشي اخرج بره حالا
مصطفي .. حاضر يا عمي انا خارج .. بس زي ما قلتلك مش هتقدر تخرج حب نوال من جوة قلبي ولا هتقدر تخرج حبي من قلبها .. والمهزلة دي مش هتستمر كتير صدقني .. زمان دخلت من الباب وطلبت ايديها منك .. دلوقتي انا مستعد ادخل من اي مكان عشان نوال ترجع لحضني تاني وخليك فاكر كلامي دا كويس .. خلي بالك من نفسك يا نوال
واثناء خروجه يتقابل ب حسام !!!!
حسام .. انت !! انت بتعمل ايه هنا يا حيوان ؟!!
الاحداث اشتعلت وكل ما يكون في تفاعل ومشاركة هكبر البارت .. تحياتي الكاتب المصري محمد مالك.
تعليقات
إرسال تعليق