هو زوجي وانت حبيبي
البارت الرابع
للكاتب المصري محمد مالك
مصطفي .. انا مش حيوان واحترم نفسكحسام .. انا هقتلك .. ثم يجذبه من قميصه ومصطفي يدفع يده بعيدا عنه
مصطفي .. نزل ايدك انت متقدرش تعمل حاجة ..
حسام يشهر مسدسه في وجه مصطفي
حسام .. لا ياروح امك .. انا اقدر اقتلك دلوقتي حالا وصدقني مش هاخد فيك دقيقة واحدة
مصطفي .. صدقني انت .. انت جبان متقدرش تعمل حاجة .. انت اخرك تخطف وتجري زي الحرامي
حسام .. انا حرامي يا ابن ال....
والد نوال .. خلاص يا حسام .. سيبه يمشي
مصطفي .. ايوا حرامي .. خطفت مني حب عمري وحلم حياتي يا اناني يا طماع
حسام .. امشي ياض غور من هنا لأني هقتلك بجد
مصطفي .. ياريت تقتلني .. عشان ارتاح من العذاب اللي انا فيه .. اقتلني يا حسام لأني طول ما انا عايش مش هخليك تتهني بنوال ابدا .. فاهم ؟
حسام يشتد غيظه .. يبقي انت اللي نويت علي عمرك .. اطلع برة يا حقير
مصطفي يرفض الخروج ونوال تقلق عليه من حسام
نوال .. امشي يا مصطفي ارجوك .. كفاية كدا
مصطفي .. حاضر .. ثم ينصرف وحسام ينظر بغيظ وغضب شديدين ل نوال
حسام .. الواد جاي يعمل ايه هنا يا نوال ؟!! انطقي
نوال .. معرفش
حسام .. وانتم ازاي تسمحوله يدخل هنا .. انتم ايه معندكمش دم ولا غيرة ؟!!
عطيات .. احفظ ادبك .. احنا منعرفش انه جاي .. فجأة لقيناه داخل علينا وعمك من ساعتها وهو بيطرده بره
حسام .. ما هو باين ؟!! انتو ناقص تجيبوله شاي وتضايفوه كمان !!
والد نوال .. عيب اوي الكلام دا يابني .. انت مشوفتنيش انا كنت بكلمه ازاي
حسام .. وانتي يا ست هانم .. خايفة عليه اوي فبتقليله من فضلك امشي يا مصطفي؟!! طب ورحمة امي وابويا لأمسحة من علي وش الدنيا يا نوال مش هخلي ليه ذكري
نوال .. بطل بقي .. هو انت فاكر نفسك مين ؟!! اتقي ربنا يا اخي
حسام .. انتي اللي مفروض تتقي ربنا في جوزك وتصوني عرضه وشرفه
نوال .. اخرص .. انا اشرف من اي انسانه تعرفها
حسام .. ههههه.. بأمارة ايه ؟!! تهديدك المستمر ليا بالخيانة لو مطلقتكيش !! ولا ده ..ثم يرمي لها المحمول الخاص بها
والد نوال .. ايه ده ؟!! ماله التليفون دا يابني ؟!!
حسام .. افتح الواتس وشوف الفيديوهات الرومانسية اللي بيبعتها المحروص لبنتك
والد نوال .. فيديوهات ايه دي ؟!!
نوال .. دي فيديوهات قديمه لما كنا مخطوبين ل بعض .. يعني قبل ما اعرفك اصلا
حسام .. والفيديوهات دي بيبعتهالك ليه دلوقتي وانتي ست متجوزة ؟!! قصده بيها ايه غير انه يفكرك بالماضي اللي اصلا منستهوش
نوال .. ايوا منستهوش يا حسام ومش هنساه .. مصطفي حبي الاول والاخير
والد نوال يصفعها بالقلم .. اخرصي يا سافلة .. مصطفي دا ماضي وانتهي والمفروض حبك وقلبك يكونوا لجوزك اللي انتي شايلة اسمه
نوال .. وانا مخنتوش لحد الآن ومحافظة علي اسمه وشرفه مش عشانه لا .. عشان انا بنت متربيه واعرف ربنا كويس وبقلها للمرة المليون طلقني يا حسام بالمعروف .. اعتقني لوجه الله .. العيشة مش بالعافية
حسام .. مش هطلقك يا نوال وهقتل عشيقك ده عشان ترتاحي
عطيات .. اخرص قطع لسانك .. انا بنتي متعرفش الكلام ده
والد نوال .. ليه بس يابني الاهانات دي ؟!!
حسام .. اسمع يا عمي بنتك لو معقلتش ورجعت لصوابها وشالت الواد الحقير ده من دماغها نهائي وكمان تطلب من اني اسامحها عن كل اللي فات .. انا هدفعكم كلكم التمن غالي .. وغالي اوي اوي
ثم ينصرف واثناء انصرافة يتصل بمدير اعماله لينفذ ما طلب منه .. واثناء خروج مصطفي من منزله ليلا .. تتوجه سيارة مسرعة لتصطدم ب مصطفي بقوة فتلقي به علي الجانب الاخر فيسقط مصطفي فاقدا للوعي غارقا في دمه وينزل الذي صدمه ليمسك بمحمول مصطفي الذي تلون بلون الدم ويرسل رسالة عبر الواتساب الي نوال قائلا .. انا دفعت تمن حبي ليكي خلاص .. الوداع يا نوال .. ادعيلي بالرحمة ... ثم يمسح التليفون بمنديل قماش ويتركه بجوار مصطفي .. نوال تقرأ الرسالة ويجن جنونها وتتصل ب مصطفي ولا يجيب فيزداد قلقها وتوترها فتضطر الي ترك المستشفي والذهاب مسرعة الي منزل مصطفي لتفاجأ بأن سيارة الاسعاف قد حملت مصطفي وسط تجمع من الناس .. نوال تقترب من احد هؤلاء المجتمعين وتسأل في قلق شديد
نوال .. هو في ايه ؟!!
الرجل يجيب .. دا واحد نازل من بيته وعربيه جاية بسرعة قامت ضرباه .. ينتقم منه ربنا البعيد .. نوال تهرول مسرعة الي سيارة الاسعاف فتشعر انه مصطفي .. قلبها يحدثها بذلك فتقترب من السيارة وتنظر الي الوجه المغطي بالدماء وتمعن النظر فتكتشف انه مصطفي ثم تصرخ وتقول .. مصطفي ..
الاحداث اشتعلت تابعوني والبارت الخامس ..جميع الحقوق محفوظة للكاتب المصري محمد مالك.
تعليقات
إرسال تعليق