كرهت كوني انثي
حسناء السيد فتاه عشرينية حاصلة علي بكالوريوس فنون جميلة وتعمل في شركة للدعاية والاعلان .. مخطوبة من اسلام امير محاسب بشركة الكهرباء وفي نفس الوقت يبقي ابن عمها .. حسناء وحيدة امها وابوها .. ابوها متوفي من سنتين وقاعدة مع امها ست كبيرة صاحبة مرض عندها سكر وضغط وكمان خشونة في المفاصل .. حسناء من اسرة متوسطة الحال قاعدة في بيت قديم بالهرم .. ابوها كان شغال امين مخزن في شركة بترول وطلع معاش قبل ما يتوفي بسنة عشان كده ام حسناء بتقبض معاش محترم بيكفي مصاريف البيت وبيفيض كمان .. حسناء فرحها كمان شهر وخلاص اسلام كان قرب يخلص الشقة دهانات وتشطيب اللي طبعا هتكون عش الزوجية اللي هيجمعهم هو وحسناء .. لكن طبعا محدش فيهم كان يعرف ان القدر كان ليه رأي تاني خالص ...
سعيد مفتاح شاب ثلاثيني خريج صنايع يعمل ميكانيكي بورشة الحاج محمود .. شاب مستهتر اخلاقه مش كويسة بيشرب مخدرات وطول ما هو قاعد في الورشة ولا ع القهوة عنية ع البنات اللي رايحة واللي جاية ومفيش واحدة بتسلم من لسانه وكلامه الجارح .. سعيد عنده اخت اسمها شيماء دبلوم تجارة قاعدة في البيت مستنية العدل زي ما بيقولوا
امه وابوه ميتين .. وهو اللي بيصرف علي اخته .. سعيد كان عنده صديق اسمه صلاح سواق تاكسي من سنه تقريبا .. ميختلفش عنه كتير وزي ما بيقولوا الطيور علي اشكالها تقع والبيض الفسدان يدحرج علي بعضه .. صلاح ده كان عنية من اخت سعيد وكان دايما بيتردد ع البيت عشان يشوفها .. غرضه مكنش كويس طبعا بس شيماء مكنتش مدياله ريق حلو دايما صداه وعطياله علي دماغة .. وفي مرة سعيد وصلاح كانوا قاعدين ع القهوة وكانوا بيشربوا حشيش كالعادة وتقريبا كده صلاح زعلان اوي وسعيد مُصر يعرف صاحبه زعلان ليه ...
سعيد .. مالك يا جدع انت شايل طاجن ستك ليه علي دماغك ؟!
صلاح .. اسكت يا سعيد .. انا حزين حزن ما ليه اول من اخر !!
سعيد .. حزين ؟! وحزين ليه بقي ان شاء الله ؟! امك ماتت ولا ايه ؟!
صلاح .. صدقني لو امي ماتت مش هحزن الحزن اللي انا فيه دلوقتي !!
سعيد .. لا اصيل ياض .. طب قلي ايه سبب الحزن اللي انت فيه ده يمكن اقدر افك عنك ولا حاجة
صلاح .. يعني عاجبك الحال اللي انا فيه ده الواحد بقي عنده ٣٢ سنه ومش عارف يتجوز والاسم شغال ١٢ ساعة في اليوم جوه علبة السردين مبيونش حتي في عز جهنم اللي احنا فيه ده !!
سعيد .. ههههه .. هو ده اللي مزعلك ؟! طب ما الحال من بعضه يا صحبي
صلاح .. حال بقي يحزن بجد .. هو احنا هنفضل لأمتي ع الحال ده ؟! ده احنا قربنا ندخل ع الاربعين يا جدع ولسة معملناش حاجة !!
سعيد .. قول يا باسط تلقاها هاصت ان شاء الله .. نصيحة مني بلاش تفكر في موضوع الجواز ده خالص عشان متتعبش احسن
صلاح .. يعني هنفضل عمرنا كله من غير جواز؟!
سعيد .. لو تعبان البت هناء موجودة
صلاح .. يا عم بقلك عايز اتجوز تقوم تقولي البت هناء ؟!
سعيد .. ما انت هتعمل ايه في الجواز اكتر من اللي بتعمله مع البت هناء ما تصحصح معايا اومال يا عم صلاح ؟!
صلاح .. لا انا زهقت من البت دي خلاص .. بقت مقرفة كده وملهاش طعم
سعيد .. وماله نشوف غيرها .. اهو التجديد مطلوب برضوا
صلاح .. بصراحة انا عيني هتطلع علي واحدة ونفسي اطولها بأي شكل
سعيد .. مين دي وانا اجيبهالك لحد عندك زاحفه علي ركبها ؟!
سعيد .. لا بلاش تعرف احسن .. عشان لو عرفت هتجيب رقبتي انا مش هتجيبها هي !!
سعيد .. يعني ايه مش فاهم ؟!
صلاح .. شكل سيجارة الحشيش اشتغلت في نافوخي وهاهرتل بكلام مالوش لازمة !! بقولك ايه قوم نلف بالتاكسي شوية نشم هوا
سعيد .. يلا بينا يا سيدي
صلاح .. يلا .. الحساب يا هاني
هاني .. ايوه جاي
ويستقل سعيد وصلاح التاكسي وينطلقلا بالسيارة وفي الطريق يقابلون حسناء اثناء عودتها من عملها بالشركة
صلاح .. ولا يا سعيد .. شايف الموزة دي ؟!
سعيد .. يخرب بيت كده .. دي صاروخ جامد اوي !!
صلاح .. اهو انا نفسي ادوق من النوع ده !! اف.. الواحد جسمه بقي ولعه!!
سعيد .. بقلك ايه قرب منها كده نعمل مناوره ونشوف دنيتها ايه..
صلاح .. حبيبي .. اموت انا في شغل المناورات بتاعتك يا سعيد ..
ويقترب صلاح بالسيارة من حسناء وهنا كانت المفاجأة ؟؟!!
تابعوني وباقي الرواية كاملة بعد التفاعل الكبير اوي ومشاركة البوست في ثلاث مجموعات ..
#محمد_مالك
هي رواياتك كلها جميلة لكن ان تقول انها كاملة ثم تضع جزءا فقط وتنتظر التفاعل كما هو الحال مع بقية الروايات التي بعضها نسيناها فارجوا ان تكون عند حسن ظننا بك والا فستفقد متابعيك هناك روايات متعددة لم تكملها مثل الخفاش والتي قبلها لخظة ضعف ورواية اغتصاب بحضور اعمى ولا ننسى تاجر العذرية نتمنى ان تكملهم وشكرا على كل رواياتك
ردحذفجميله بس حضرتك قولت أن الرواية كامله فين بقى
ردحذفمش هيكمل حاجة بيقول كلام و خلاص
حذفالسلام عليكم ورحمه الله وبركاته
ردحذفحضرتك عامل ايه يآرب تكون بخبر وبصحة جيده فين باقى الروايات المتعلقة احنا نسينا الأحداث شكراً لحضرتك
ياريت تكمل باقي الروايات لو سمحت الخفاش ولحظه ضعف واغتصاب والشاهد اعمي وسفاحا من ابي وتوأم الشر
ردحذففين باقي الروايات القديمه
ردحذفمفيش مصداقية عندك على فكرة خليت حتى التعليقات قلت جدا عشان يتوعد تنزل باقى الروايات و مبتعملش كده بقى مشكوك فى كلامك
ردحذف