رواية مغامرات عِلعِل وأصحابه
البارت السادس
للكاتب المصري محمد مالك
جميع الحقوق محفوظة
علعل : ليه هو ايه اللي حصل ؟!
شرشوب : بعيد عنك .. لما طلع الجبل عشان ينقذ البقرة من ايد الدب القطبي .. النفروض ان الدب أول ما يشوف جعيص جاي عليه يقوم يقول للبقرة .. عتديني اللي أنا عايزه ولا أرميكي من ع الجبل ؟! .. فتروح البقرة تقول .. أموت شريفة أحسن يا روح امك .ز فراح الدب اتنرفز .. اتاريه أتقمص الشخصية وفكر الحكاية جد .. فراح راميها صح من فوق الجبل
علعل : باه .. رمي البقرة ؟!
شرشوب : اه والله .. رماها بجد
علعل : وبعدين ؟
شرشوب : فضل تالمخرج عاد يقول ستوب .. ستوب .. والدب ولا هو أهنه .. فراح يا عيني ماسك في جعبص وقاله نفس الجملة !!
علعل : واه .. نفس الجملة اللي قالها للبقرة ؟!
شرشوب : أيوة ..
علعل : وعمل ايه جعيص على أكده ؟!
شرشوب : خلاص بقي يا علعل .. ربك ستار حليم .. عندينا ولايا بردك
علعل : يابوي اياك قصدك .....!!
شرشوب : ايوه يا علعل .. ايوه
علعل : وعايزه مينتقمش منيك .. د هانت اكجه يا راجل نكست راسه في الطين !! اكمني لما اجي اكلمه .. الاقيه حاطط راسه في الارض .. يلا ربنا يصبره
شرشوب : المهم أوصل أتغدي وبالمرة أغدي الرجالة دول وكمان الواد الحمار الغلبان ده
علعل : غداك انت والرجاله على حسابي
شرشوب : تعيش يا علعل
علعل : لا والله .. معنديش دم انا ولا ايه .. مش كفايه تعبانين وجايبلي الكشك لحد أهنه
شرشوب : باه .. ان مكناش نتعبوا لعلعل بلدياتنا عنتعب لمين عاد ؟!
علعل : تعيش يا شرشوب وعشان اكده غداكم لازمن يكون على حسابي
شروب : عارفك لما تنشف دماغك يا علعل وتصمم على حاجة يبقي لازمن تعملها .. ماشي يا واد عمي واحنا مش عنكسفوك واصل
علعل : تسلم يا واد عمي .. عارف المطهم اللي هناك ده ؟
شرشوب : ايوه مش بتاع الممبار ده ؟
علعل : ايوه .. توصل هناك انت ورجالتك وتاكل وتشبع ولما ياجي الواد يقولك الحساب .. علعل هايجي يحسبهولك في الطراوة ولبه على قفاه وسيبه وامشي
شرشوب : طب والحساب مين عيدفعه
علعل : ما انت اول ما تقوله اكده يبقي الحساب وصل طوالي
شرشوب : طب وليه البه علي قفاه عاد ؟!
علعل : باه .. بقشيش يا جدع !!
شرشوب : اه .. قول اكده عاد .. ماشي يا واد عمي راجعلك كمان شوية
ثم يشد لجام الشخص الذي يمثل انه حمار ويقول
شرشوب : حا .. حا .. واه انسيت .. الخمارة مطلعتش عازبه .. صابع رجليها مدوحس .. كانت عتمشي مع حمير قبلك يا بقف
الرجل ينهق ..
شرشوب : اكده يمشي بكل سهوله
علعل : ايه حكايته ده عاد .. كل ما تحب توقفه وتمشيه تقعده اكده وتعريله رجلك ؟!
شرشوب : ما هو ده التاني حكايته حكاية .. كان شغال كمثري في محطة القطر دياتي .. كان شغال ع القطر المكيف .. كان عازب يا ولداه وبده يتجوز .. فكان كل يوم يدور في النسوان اللي عتركب القطر على واحده تكون عازبه .. لا هي متجوزة ولا مخطوبة .. لحد ما وقع في واحده ضحكت عليه وقالتله انها عازبه وطلعت في الاخر متجوزه عرفي ست مرات !!
علعل : لا حول ولا قوة الا بالله .. صحيح اللي قال النسولن ملهاش امان .. طب ابقي خلي بالك عاد مش كل مره تسلم الجرة .. لأحسن تعري رجليك في مره ومتلحقش تغطيها!!
شرشوب : متخافش .. حركة غدر اكده ولا اكده .. عيلاقيني لفيته رفسة بلدي كيف رفسة رغده لاحمد زكي في فيلم جمبريكا .. فوتك بعافية .. بينا يا رجاله .. حا
وبعد انصراف الجميع .. علعل يحادث نفسه قائلا
علعل : يارب البلية تلعب معانا المر هدي .. مش كل مرة في دكة الاحتياط !! .. لا تقولي مشوي ولبا مقلي ده عمو علعل عيحلقلي
ثم يلتفت قيري الرجل النائم اسفل الشمسية
علعل : ايه كمان ده ؟! .. عتنطر في ليلتها الغبره دي ولا ايه .. اكيد عتنطر اومال جايبين جهاز الارصاد اهنه ليه .. وماله الترمومتر امده كيف ما يكون محصب ( يقصد الرجل النائم اسفل الشمسية وذاك لأنه نحيف جداً وقصير القامه )
ثم ينظر الي امبوبة المحلول ويقول
علعل : اه .. ده الزيبق مش واصله .. سبحات الله .. الناس بتوع الارصاد دول معندهمش رحمه واصل .. رموه اهنه ياعيني وسابوه من غير ما يشغلوه
ثم يفتح فم الرجل ويقول
علعل : ده ريقه ناشف قوي من قلة الزيبق !!
ثم يشاهده يُشخر وهو نائم
علعل : وعيطلع في الروح كمانيت !! .. لما نلحق نوصله الزيبق قبل ما يبوظ خالص .. يلا ما هو كله لينا بردك
ثم يمسك بطرف الخرطوم ويقول
علعل : ومكانه فين عاد ؟!
ينظر خلف الرجل
علعل : لع ده مش ترمومتر اطفال .. يبقي يتحط اهنه ( ويشاور على انف الرجل ) ثم يحاول ادخال طرف الخرطوم في انف الرجل فيستيقظ الرجل فجأة ويدعي زقلط
زقلط عندما يري علعل
زقلط خائف ويرتجف : ايه ده .. عشماوي .. حرام عليك د هانا لسة مقرية فتحتي
علعل : عشماوي مين ياض .. شايفني معلق دبورة؟!
زقلط : ده شكلي كنت بحلم !!
علعل : جاتك نيلة في حلمك اللي عيودي المشنقة
زقلط : وانت مين انت ؟!
علعل : متخافش دقيقتين وتبقي شغال اكسبريس
ثم يحاول لن يضع طرف الخرطوم في انفه
زقلط : اوعي ايدك يا حمار
علعل : باه .. هما الجماعة الصينين دول عيخمونا ولا ايه
زقلط : ليه ؟
علعل : باعتين لينا ترمومتر عيتكلم مصري
زقلط : تاني هيقولي ترمومتر !! يا جاهل في ترمومتر بايدين ورجلين وبيتكلم كمان ؟!
علعل : اللي خلاهم عيزرعوا القلب والكبد كيف المحصول عيصتعصي عليهم حتة ترمومتر زي الروبيت وبعدين عمال تغلط من الصبح وانا ساكتلك وكله عشان ميقولوش اتعديت على ممتلكات حكومة
زقلط : ما انت اصلك بتنرفزني .. هو انت تعرف اقري
علعل : واه .. شايفني اياك معلق ختم في رقبتي .. د هانا خريح اداب يا روح امك
زقلط : طب اقري اليافطه دي
علعل : دكتور حمادة اخصائي بواسير العواطلية
زقلط : عليك نور .. دي عيادة الدكتور حماد هوانا بقي التمرجي بتاعة
علعل : تمرجي !!
ثم ينهال عليه بالضرب
علعل : وعمال تشتمني من الصبح وكمان فاكرني جاهل
زقلط : بقلك اوعي ايدك يا حمار انت
علعل : عتغلط تاني ياض .. وانا فاكرك ترمومتر وانت اخرك شفاط مطبخ
ثم يدخل هشام فجأة فيري علعل يتشاجر مع زقلط فيضع كيس عدة الحلاقة على الارض ويتوجه مسرعا نحوهم ..
هشام : ايه ده .. صلوا ع النبي يا جماعة .. كفايه يا علعل .. الواد هيموت في ايدك
زقلط : يا لهوي ياما
هشام : مالك ؟!
زقلط : مناخيري بتطلع ميه!!
هشام : هي كانت بتطلع حاجة غير كده ؟!
زقلط : بتطلع هوا طبعا
هشام : تيوه صحيح ... هو انت عملت فيه ايه يا علعل ؟!
علعل : عملتله ايه يعني .. ماسورة المجاري عنديه بلاستيك .. هبشاها بيدي انكسرت فطفحت عاد .. ميركبله ماسورة نحاس ما دام عيضرب كتير
هشام : وده منظر واحد يتحمل حتي صاموله صفيح جوه جسمه ؟!
زقلط : انتوا فاكرني محطة مجاري يا غبي انت وهو ؟!
علعل : سامع يا هشام غطا الكابانيه ده عيغلط ازاي ؟ّ
هشام : معلش يا علعل ميعرفكش .. ممكن نتعرف ع الاستاذ
زقلط : انا زقلط يا سيدي تمرجي الدكتور حماده الاخصائي الكبير اوي اوي في بواسير العواطلية . . وده الفرع الوحيد للعياده بتاعته
علعل يضحك بسخرية : ههههه .. اسمك زقلط .. اكيد امك كان عندها زغطه وهي عتولدك !!
هشام : لا مؤاخذه يعني .. هو اهلك ملقيوش غير الاسم التحفه ده ويسموك بيه ؟!
علعل : اعزره يا هشام .. ما هو ما اتولدش كيف ما اتولدنا احنا
هشام : اومال اتولد ازاي ؟!
يتبع ...
تعليقات
إرسال تعليق