رواية اغتصاب شرعي البارت العشرون والاخير من الجزء الثاني

رواية اغتصاب شرعي

الجزء الثالث

البارت السادس

للكاتب المصري محمد مالك

جميع الحقوق محفوظة

وتعود سارة الي المنزل فتجد الاب ينتظرها ويبدوا انه غاضب جدا 

يس .. انتي كنتي فين يا سارة ؟!

سارة مرتبكة .. كنت ااا .. كنت بشحن باقة الموبيل

يس .. كل الوقت ده عشان تشحني باقة موبيلك ؟! 

سارة .. اصل المحل كان زحمة 

يس .. طيب .. بس تاني مرة لما تلاقي محل الموبيلات زحمه مش لازم تستني امشي والباقة تبقي تتشحن براحتها بعدين 

سارة .. حاضر .. بعد اذنكم 

واثناء توجه سارة الي غرفتها يرن تليفون يس والمتصل شهاب .. يس لا ينوي ان يرد علي التليفون .. سارة تقف مندهشة عندما تجد ابيها لا يجيب..

سارة .. مين بيتصل يا بابا ؟! شهاب صح ؟!

يس .. ايوة

سارة .. طب ما ترد عليه  

يس .. لا .. انا ماليش نفس ارد ع التليفون خالص انهارده

سارة .. لا .. من فضلك ترد وياريت كمان تفتح المايك عشان اعرف بس عايز من حضرتك ايه !!

يس .. مايك ايه يا بنت اللي انا افتحه ؟! انتي مالك انتي ؟!

سارة .. من فضلك يا بابا ترد ع التليفون .. عايزة اعرف شهاب عايز منك ايه ؟! 

يس .. وهيكون عايز مني ايه يعني ؟! اكيد هيسألني عن طلب الجواز منك 

سارة .. خلاص رد عليه وريحه وقله معنديش بنات للجواز

يس .. بعدين هبقي اكلمه واقله حاضر

سارة .. لا كلمه دلوقتي حالا وقدامي كمان

سارة .. في ايه يا بنت ؟! هو امر ولا ايه ؟!

سارة .. لا مش امر يا بابا .. دا رجاء من حضرتك عشان تريحني وترتاح انت كمان 

يس .. انا مش تعبان عشان ارتاح !!

سارة .. لا تعبان .. وسبب تعبك هو شهاب .. وايه اللي بينك وبينه انا مش عرفة ؟!

يس .. وانتي عرفتي ازاي ان سبب تعبي هو شهاب ؟! بتخمني مع نفسك كده ؟!

سارة .. لا مش بخمن مع بنفسي يابابا .. انا متأكده ان فيه حاجة بينك وبين شهاب وهي سبب الحالة اللي حضرتك فيها دلوقتي !! 

يس .. واتأكدتي ازاي بقي ؟!

سارة .. انا رحتله 

يس .. رحتيله فين ؟!

سارة .. رحتله شقته 

يس .. رحتيله شقته !! من غير ما اعرف ؟! وبتكدبي عليا وتقولي كنتي في محل الموبيلات .. اه يا سافلة 

ثم يصفعها بالقلم علي خدها 

يس .. انتي ازاي تعملي حاجة زي دي ؟! تروحي لراجل غريب ....

يس يصمت عند تلك الجملة ويبدوا انه بدأ يراجع نفسه في كلمة غريب ..ثم يكمل قائلا 

يس .. ورحتيلة ليه ؟!

سارة .. رحت عشان اقله يبعد عننا ويسيبنا في حالنا وان مهما عمل عمري ما هاقبل اتجوزه

يس .. وقالك ايه ؟!

سارة .. قالي روحي قولي لأبوكي ان زعلان منك وانك لو مصالحتوش بكرة هايعيط !!

بس بعد سماع تلك الجملة يتوجه نحو الكرسي ويجلس عليه 

سارة .. انا عايزة اعرف هو يقصد ايه بكلامه ده ؟! ايه الحكاية يا بابا فهمني ؟! شهاب بيهددك بحاجة ؟!

يس .. وانا بعمل ايه وحش عشان يهددني بيه ؟!

سارة .. طب فيه ايه ؟! دا كان بيتكلم معايا بكل ثقة وكأنه عارف  ان اللي في دماغه هيتنفذ بكل تأكيد !! انت اديته وعد مثلا انه هيتجوزني ؟!

يس لا يرد 

سارة .. رد عليا يا بابا وريحني ابوس ايدك .. انت وعدت شهاب بالجواز مني ؟!

يس .. يا بنتي انا .... انا نازل اقعد ع القهوة شوية 

يس ينصرف ورد فعل علي وجه سارة

ونذهب الي ايمن خطاب وكيل النيابة حيث يجلس مع مازن وكيل النيابة ..

مازن .. ايه رأي سيادتك في الفلاشة ؟

ايمن .. جت في وقتها بصراحة .. البنت فعلا طلعت مظلومة وملهاش علاقة بقتل قاسم 

مازن .. دا كان احساسي من البداية .. وفعلا بثينه هي اللي قتلت قاسم والصقت التهمة ب سارة 

ايمن .. سيادتك تعرف ان في واحد اسمه رمضان يبقي جوز الصول انصاف اللي كانت شغالة في السجن مع ممتاز واتوفت فجأة في مكتب المأمور وطلب مني طلب غريب جدا !!

مازن .. ايه هو ؟!

ايمن .. انه عايز يخرج جثة مراته ويعرضها ع الطب الشرعي .. قال ايه شاكك ان الوفاه غير طبيعية وانها ماتت مقتولة !!

مازن .. مقتولة ؟!

ايمن .. لا وايه .. حكالي كلام غريب جدا يستدعي البحث بكل جدية للتأكد هل اذا كان صحيح ولا لا 

مازن .. قال ايه بالظبط ؟

ايمن .. اسمع يا مازن باشا

ونذهب الي سها التي تجلس في غرفتها والدموع في عينيها تقلب في صور البوم زفافها ويبدوا انها حزينه علي فراق ممتاز وفجأة يرن التليفون المحمول الخاص ب سها والمتصل سيدة مجهولة 

السيدة .. مدام سها ؟

سها .. ايوة مين حضرتك 

السيدة .. انا فاعل خير .. عايزة اقول لحضرتك ان اخوكي شهاب باشا بيلعب بيكي وانه استغلك زي ما استغل ناس كتير عشان ينتقم من ممتاز ويدمر حياته 

سها .. مين اللي بيتكلم ؟!

السيدة .. انا واحدة عارفة عنك كل حاجة وعارفة اد ايه بتحبي ممتاز وعارفة كمان ان اخوكي استغل حبك ده عشان يضر ممتاز بكل الطرق بحجة انه باللي بيعمله ده هيرجعه لحضنك تاني .. لكن للأسف .. اخوكي بيضحك عليكي وكل همه ان يقضي علي ممتاز مش يرجعه لحضنك زي ما هو واهمك !! شهاب خدعك للأسف زي ما خدع كل اللي حواليه .. وفي حاجة كمان .. شهاب هو سبب طلاقك من ممتاز 

سها .. انتي بتقولي ايه ؟!

السيدة .. زي ما بقلك كده .. شهاب هو سبب كره ممتاز ليكي وهو اللي اجبره علي انه يطلقك ولو مش مصدقاني .. انا عندي الدليل 

سها .. ايه هو ؟!

ونذهب الي السيد اللواء حيث يجلس مع النقيب سالم 

اللواء .. ايه ده ؟! انا مش مصدق اللي في الملف ده ؟! معقول كل الجرايم دي ارتكبها اللي اسمه شهاب ده؟! ده ولا خط الصعيد 

سالم .. ده اللي اتحريت قدرت توصله سعتك .. وما خفي كان اعظم !!

اللواء .. تستصدر امر من النياية بسرعة بالقبض علي الضابط شهاب ومواجهته بكل الجرايم دي 

سالم .. تمام يا فندم

سالم يغادر المكتب ورد فعل علي وجه سيادة اللواء ويعود ليستكمل قرآة ملف جرائم شهاب 

ونذهب الي نور حيث صعدت الي عيادة دكتور قلب واوعيه دموية في برج ما  ثم توجهت نحو الريسبشن وقالت للفتاه

نور .. مساء الخير

الفتاه .. مساء النور

نور .. لو سمحتي عايزة منك خدمة وياريت تساعديني فيها لو سمحتي

الفتاه .. تحت امرك يا فندم .. لو محتاجة كشف مستعجل مفيش مانع

نور .. لا انا مش جاية اسأل علي كشف

الفتاه .. طب حضرتك عايزاني اساعدك ازاي ؟!

نور .. الست اللي في الصورة دي جت كشفت هنا قبل كده عايزة اعرف اسمها وعنوانها لو سمحتي 

القتاه تنظر الي الصورة ويبدوا انها عرفتها

نور .. ايه مش عرفاها ؟!

الفتاه .. انا متهيآلي دي صورة مريضة هنا في العيادة بس دي صورة ليها وهي صغيرة اوي ؟!!

نور .. يبقي كده زي ما توقعت هي اللي انا شفتها هنا في العيادة.. محتاجة بقي اعرف اسمها ايه وساكنه فين

الفتاه .. ليه ؟!

نور .. من غير ليه .. هتخدميني في الموضوع ده ولا لا ؟!

الفتاه .. انا نفس اخدم حضرتك والله بس دي بيانات مرضي ومينفعش اطلعها لأي حد وخلاص .. الدكتور لو عرف هتبقي مشكلة وممكن يمشيني من العيادة خالص.. حضرتك كده هتقطعي عيشي !!

نور .. اولا محدش هيعرف .. وانا مش هقول لحد .. امسكي 

الفتاه .. ايه دول 

نور .. دي حاجة بسيطة مقابل الخدمة اللي انتي هتعمليها

الفتاه .. يا فندم ميصحش كده !! انتي فاهماني غلط علي فكرة !!

نور .. لا فاهماكي صح .. واخلصي بقي .. الموضوع ابسط مما تتصوري .. لأن بيكي من غيرك هاعرف اللي انا عاوزاه .. يبقي استفادي بالفلوس احسنلك .. قلت ايه ؟!

رد فعل علي وجه الفتاه 

ونذهب الي فيلا شهاب حيث الوقت متأخر جدا وبالتحديد الساعة الثالثة فجرا وصلت سيارة سيارة جيب دفع رباعي وخلفي سيارة نصف نقل محملة برجال يبدوا من هيئتهم انهم صعايدة مدججين بالسلاح .. يخرج قائدهم من السيارة وهو ينظر الي فيلا شهاب ثم يعطيهم الاشارة كي يقتحموا الفيلا ..

يتبع ...