رواية اغتصاب شرعي البارت العشرون والاخير من الجزء الثاني

رواية اغتصاب شرعي

الجزء الثالث

البارت الثاني

للكاتب المصري محمد مالك 

جميع الحقوق محفوظة 

عوض جالس امام ايمن خطاب وكيل النيابة 

الوكيل .. ايه بقي الكلام المهم اللي انت مش عايز تقوله غير قدام النيابة ؟!

عوض مرتبك ويبدوا انه متعب ويعرق بغزارة

عوض .. انا هقول لسيادتك كل حاجة فاكر سيادتك لما قلتلي انه لا يمكن يكون ده كلامي وان فيه حد قايلي اقول اللي انا قولته لسيادتك ده ؟!

الوكيل .. ايوة يا عوض فاكر

عوض .. سيادتك كنت صح وقتها .. انا فعلا مجتش هنا لوحدي انا .. انا .. انا ..

الوكيل .. مالك يا عوض كمل عايز تقول ايه ؟!

عوض .. ما انا هقول اهوه ياباشا .. انا .. انا 

الوكيل .. فيه ايه يا عوض ان تعبان ؟!

عوض .. مش عارف انا حاسس اني تايه ومش عارف انا عايز اقول ايه ؟! .. انا تعبان فعلا تعبان اوي .. 

ثم يلقي برأسه فجأة علي المكتب غائبا عن الوعي وايمن في قمة الدهشة

ايمن .. عوض ؟!

ونذهب الي ايهاب حيث ذهب في زيارة مفاجئة الي رضا زوجة عوض ويبدوا انه ينوي بها شرا.. شهاب يطرق الباب 

رضا .. شهاب باشا !! اتفضل

شهاب .. ازيك يا رضا ؟

رضا .. نحمده علي كل حال ياباشا

شهاب يدخل الي الشقة ويكمل حديثة قائلا

شهاب .. وعيالك عاملين ايه يا رضا ؟

رضا .. كويسين يا باشا 

شهاب .. اومال هما فين ؟!

رضا .. نايمين يا باشا 

شهاب .. طب صحيهم خليهم بتعشوا .. انا اصلي جايبلهم كباب وكفته 

رضا .. حاضر 

وتدخل رضا غرفة النوم وتصحي اطفالها 

رضا .. قوم ياض انت وهو عشان تتعشوا .. شهاب باشا جايبلكم كباب وكفته 

احد الاطفال .. بجد ياما ؟! يعني هنتعشي كباب وكفته صحيح ؟! 

رضا .. ايوة يلا قوم وصحي اخواتك 

نفس الطفل .. ياما انت كريم يارب دا الواحد مش قادر ينام من الجوع والله .. اصحي ياض انت وهو هنتعشي كباب وكفته

وتعود رضا الي الصالة مرة اخري فتجد شهاب جالسا علي الكنبة وقد اشعل سيجارته 

رضا .. خطوة عزيزة يا باشا 

شهاب .. شكرا .. امسكي يا رضا 

ثم يرمي في حجرها روزمة من المال 

رضا .. ايه دول يا باشا ؟!

شهاب .. دا تعويض بسيط .. تقدري تعملي بيه مشروع تاكلي منه انتي وعيالك 

رضا .. بس حضرتك لسة مدينا الشهرية من يومين ؟!

شهاب .. اه ما انا عارف .. دا تعويض غير الشهرية اللي انتي اخدتيها 

رضا .. ودا تعويض عن ايه سيادتك ؟!

شهاب .. عن جوزك الله يرحمه 

رضا .. عوض مات ؟!

شهاب .. الله يرحمه اخد جرعة مخدرات زيادة وهو في السجن وجابت اجله

رضا .. بس انا جوزي مش بيشرب مخدرات ؟!

شهاب .. اتعلم بقي في السجن .. ما هو السجن بعيد عنك بيعلم حاجات وحشة كتير ..

ربنا يرحمه بقي .. علي فكرة انا معنديش شهريات تاني هدفعها .. المبلغ اللي معاكي ده اعملي بيه اي مصلحة تكسبي من وراها فلوس .. وانسي انك شفتيني او قابلتيني من يوم من الايام .. مفهوم ؟!

رضا .. مفهوم ياباشا 

شهاب .. اوك .. خلي بالك من عيالك يا رضا حكم الضنا غالي اوي وربنا ما يوجع قلبك علي حد فيهم ابدا !! 

رضا تنظر الي اولادها وقد ادركت ان شهاب يلمح بأنه يستطيع ان يؤذيهم .. شهاب ينظر اليها نظرة ذات معني ثم ينصرف ورضا تنظر الي الطعام الذي احضرة شهاب حيث سيبدأ الاولاد في تناولة تجري مسرعة نحو الطعام وتقول

رضا .. استني يا بني انت وهو اوعي حد ياكل حاجة من الاكل ده 

ثم تمسك بالطعام وترميه في الشارع

احد الاطفال .. ايه ده ياما انتي بترمي النعمه في الشارع ؟!

رضا .. انا هاجبلكم غيرة .. ابوكم مات يا ولاد !!

العيال تبكي والام ايصا تبكي 

رضا .. فوضت امري اليك يارب .. حسبي الله ونعم الوكيل .. حسبي الله ونعم الوكيل

ونذهب الي ممتاز حيث ذهب سافر الي محافظة اخري ووصل الي منطقة ريفيه متنكر يرتدي طاقية ونظارة شمس ثم يتوجه الي منزل احدي السيدات وتدعي ام رباب .. ثم يطرق الباب وهو براقب الشارع فتفتح له فتاه صغيرة تدعي حنان عمرها لم يتجاوز ١٥ عام وتتحدث باللهجة الصعيدية

ممتاز .. سلاموا عليكم

حنان .. وعليكم السلام .. مين حضرتك ؟!

ممتاز .. الحاجة ام رباب موجودة ؟!

حنان .. ايوه موجودة .. انت مين ؟!

ممتاز .. قليلها واحد معرفة  وعايز يقابلك 

حنان .. طيب استني عندك 

ممتاز .. حاضر .. بس بسرعة من فضلك 

وتذهب حنان لتخبر امها بأن ع الباب رجل يريد مقابلتها .. ام رباب تعجن الدقيق كي تصنع الخبز ..

حنان .. امي .. امي .. 

ام رباب .. فيه يا بت .. مالك مسروعه ليه اكده ؟!

حنان .. في راجل واقف ع الباب وبيقول انه معرفة وعايز يقابلك ؟!

ام رباب .. معرفة وعايز يقابلني ؟! اسمه ايه ده ؟!

حنان .. مش راضي يقول علي اسمه !!بس باين عليه مش من اهنه .. لغوته لغوة بحاروه !!

ام رباب .. من بحري تقصدي ؟!

حنان .. ايوة

ام رباب .. انا منعرفوش حد في بحري !! لما اقوم اشوف مين .. تعالي اقعدي مطرحي ولتي العجين ده بدال ما انتي قاعدة اكده لا شغله ولا مشغله .. وسيبي التلفون اللي في يدك ده اللي خرب عقلك !!

حنان .. يوه ياما عاد .. علطول سامه بدني اكده بحديتك الماسخ ده ؟!

ام رباب .. انا حديتي ماسخ يا بت عسران ؟! طب ورحمة اختك رباب لاكون مربياكي من اول وجديد .. هاتي التلفون اللي في يدك ده 

حنان .. عايزة التلفون ليه عاد ؟!

ام رباب .. هاتي بقلك التلفون

حنان .. خديه 

ام رباب .. ابقي قابليني لو مسكتيه تاني .. اترزعي يلا ولتي العجين اللي في الماجور ده

حنان .. يووووه بقي 

ام رباب .. اخرصي يا بت لأكتم حسك 

ثم تتوجه نحو الباب وتنظر الي ممتاز وتقول .. 

ام رباب .. انت مين يا ولدي وتعرفني منين عاد ؟!

ممتاز يلمح ٣ سيارات شرطة تأتي نحوه مسرعة وصوت سارينة الشرطة يهز المكان ويجعل اهل المنطقة يفرون هربا .. ممتاز يدفع السيدة العجوز ويغلق الباب بسرعة

ام رباب .. انت ازي تتهجم علي بيتي اكدة ؟! انت اتجنيت ولا ايه ؟!

ممتاز ينزع القبعه والنظارة السوداء فتظهر ملامح وجهه لتلك السيدة

ام رباب مندهشة .. ممتاز باشا ؟!

ممتاز يشعر بالشرطة تقترب نحو الباب فيرتجف من الخوف ...

ونذهب الي نور حيث دخلت الي غرفة ممتاز وفتحت الدولاب واخذت تبحث عن الصندوق الذهبي كما اخبرها اخيها ممتاز فوجدته فعلا ثم حملته بعد ذلك وجلست علي السرير وقامت بفتح الصندوق 

نور مندهشة .. ايه ده ؟!

يتبع .....