رواية اغتصاب شرعي البارت العشرون والاخير من الجزء الثاني

رواية فريسة لأربع ذئاب 

البارت التاسع عشر

للكاتب المصري محمد مالك

جميع الحقوق محفوظة

سها عادت الي بيت ابيها ولكنها في حالة انهيار عصبي تام وقد احضرت الام لها الطبيب كي يناظرها 

الام .. خير يا دكتور طمني علي سها ؟!

الطبيب .. مخبيش عليكي .. عندها انهيار عصبي شديد !! 

الام .. يا عيني عليكي يا بنتي وع اللي جري لك !! طب والعمل يا دكتور ؟!

الطبيب .. العمل انها تبعدي عنها اي شئ ممكن يوترها او يضايقها .. انا اديتلها حقنه مهدئة ودي الروشتة اللي هتمشي عليها وابقي اشوفها كمان اسبوعين .. بس اهم شئ زي ما قلتلك تبعد تماما عن كل مصادر التوتر .. وبالشفا ان شاء الله

الام .. كتر خيرك يا دكتور .. تعبناك معانا

الطبيب .. لا ابدا .. سلاموا عليكم .

الام .. وعليكم السلام 

وبينما يخرج الطبيب من باب الشقة تدخل مي معه مباشرة وتنظر اليه مندهشة 

مي .. خير يا طنط .. سها مالها ؟!

الام حزينة .. تعبانه اوي يا مي .. الليل كله منامتش وعلي صرخة واحدة !!

مي .. ليه بس كده ؟!

الام .. انا عارفة ايه بس اللي جري لها ؟! تعالي يا بنتي اتفضلي 

مي .. هي فين ؟!

الام .. في اوضتها .. بس زمانها نايمه دلوقتي .. الدكتور لسة مديها حقنه مهدئة حالا

مي .. هو اللي خرج حالا ده دكتور ؟!

الام .. ايوه دكتور امراض نفسية .. خال سها كلمه بعد ما عرف بالحالة اللي كانت فيها .. ربنا يلطف بيها بقي !! تشربي ايه يا بنتي ؟

مي .. شاي يا طنط لو سمحتي 

الام .. طب ادخليلها اتفضلي

مي .. لا .. سيبيها نايمه براحتها انا هستني هنا ع الكنبة لحد ما تصحي 

الام .. ماشي يا مي .. لما اروح اعملك الشاي

وتجلس مي ع الكنبة وتجد امامها ع المنضدة بعض الجرائد اليومية تبدأ بتصفحهم واثناء ذلك تلمح صورة تشبه حازم تماما فيأخذها الفضول الي قراءة المكتوب اسفل الصورة فتقرأ تلك الكلمات .. يا اهل مصر الطيبين ابني رشاد خرج من بيته الصبح من حوالي ست شهور كان طالع يسعي علي اكل عيشه كالمعتاد ولحد الان مرجعش البيت ؟! من فضلكم اللي يعرف عنه حاجة او شافه في اي مكان يتصل ع الرقم ده وليه مكافأة كويسة ..

مي مندهشة بشدة .. معقول ؟! ده شبه حازم جوز سها بالمللي ؟! سبحان الله يخلق من الشبة اربعين !!

وتأتي ام سها ومعها الشاي 

الام .. الشاي يا بنتي

مي .. مرسي يا طنط .. شفتي يا طنط الصورة دي .. شبه حازم جوز سها بالظبط!! 

الام عندما تري الصورة .. ايوه والله يا بنتي عندك حق .. هو الخالق الناطق حازم جوز بنتي !!

مي .. فعلا زي ما بيقولوا يخلق من الشبه اربعين !! 

الام ..وده ماله ده ؟!

مي .. ده خرج من بيته من ٦ شهور ومرجعش لدلوقتي ؟! وامه هاتتجنن عليه !!

الام .. عندها حق يابنتي .. الضنا غالي اوي .. ربنا يطمنها عليه ويعترها فيه يا قادر يا كريم

مي .. الا قليلي يا طنط .. هي سها اتعرفت علي حازم فين ؟!

الام .. لا هي ما اتعرفتش عليه في مكان محدد .. هو انا كنا قاعدين في مرة وفجأة رن جرس الباب لقينا اربع شبان زي الورد واقفين قدام الباب ... يووووه القصة دي كل ما افتكرها جسمي بيقشعر !!

مي .. من فضلك احكيهالي يا طنط عايزة اعرفها .. انا فضولية جدا في الحاجات اللي زي دي 

الام .. وماله يا بنتي احكيلك هو احنا ورانا حاجة .. ادينا بنسلي بعض لحد ما سها تصحي من النوم 

مي .. عندك حق قولي بقي يا طنط انا سامعاكي ..

ونذهب الي حازم الذي يجلس في شقته حزينا يبدوا انه يبكي ايضا .. امامه صورة ل سها ينظر اليها بإمعان ويبدوا انه نسي شباك الصالة مفتوح وفجأة ينطلق اذان العصر فيخترق مسامع حازم فيرتجف ويرتبك بشدة ويبدوا عليه التوتر الشديد يريد ان يسد اذنيه بأي طريقة حتي لا يسمع صوت الاذان الذي يجعلة يرتجف ويتألم بشدة يذهب مسرعا وجاهدا ناحية الشباك محاولا اغلاقه وبالفعل ينجح في ذلك وبمجرد ان يغلق الشباك يتوقف عن سماع صوت الاذان ثم يحاول ان يُهدأ من روعه .. ثم ينظر الي جسدة فيجد بقع سوداء تشبه الحرق علي وجهه وبطنه وذراعيه  وكادت ان تنتشر في جميع  انحاء جسدة !! فينفعل بشده قائلا

حازم .. لا .. لا .. لاااااا

ثم يضرب الكرسي الذي امامه بقدمه فيدفعه بعيدا فيصطدم بالحائط فيتحطم من شدة الضربة ويترك اثرا كبير علي الحائط ايضا  

ونعود الي مي حيث قصت عليها ام سها ما حدث 

مي .. معقول !! غريبه اوي الحكاية ده ؟!

الام .. هو ده اللي حصل يابنتي والله 

وفجأة يسمعان صوت سها وهي تصرخ فينطلقان مسرعين ناحية غرفتها 

الام منزعجة بشدة .. سلامتك يا بنتي اهدي يا سها

مي .. مالك يا حبيبتي فيه ايه ؟! 

سها .. تعبانه اوي يا مي .. حاسة ان جسمي كله بيتنفض من الخوف .. شوفي ايدي بتترعش ازاي ؟!

مي .. معلش يا حبيبتي عشان اعصابك تعبانه شوية .. حالا تبقي زي الفل 

سها .. انا زعلانه منك اوي يا مي !!

مي .. زعلانه مني انا ؟! ليه يا سها انا عملت ايه ؟!

سها .. الراجل النجار اللي انتي بعتيهولي عشان يكسر باب الشقة .. بعد ما جه واشتغل في الباب قام ساب كل حاجة ومشي من غير حتي ما يفتح الباب !!

مي .. هو مرحش عندك اصلا يا سها ؟!.

سها .. ايه ؟! ازاي ؟! دي جه عندي علطول بعد ما كلمتيني وقالي ان اسمه حسانين النجار وجاي من طرفك وبالفعل قعد يكسر شوية في الباب !!

مي .. لا يا سها محصلش .. عم حسانين ما اتحركش من المكان اللي هو فيه .. استأذن من الناس اللي كان عندهم ومرضيوش انه يمشي من قبل ما يخلص الشغل .. وانا بعد ما كلمني حاولت اتصل بيكي لكن نمرتك مجمعتش خالص !! 

سها .. اومال مين ده اللي كان عندي ؟! انا لقيت هدومه وعدة الشغل بتاعته قدام الباب وفعلا الباب كان باين عليه ان فيه نجار جه وبدأ يكسر فيه !!

مي .. معرفش بقي مين ده ؟! بقلك ايه يا سها .. انتي لما حازم اتقدملك قالك ان هو عميل عندنا في البنك وانه شافك هناك؟!

سها .. اه .. وبلاش تجيبي سيرته قدامي ارجوكي عشان بيعصبني جدا !!

مي .. معلش اتحملي بقي عشان فيه حاجة مهمه وانا بجد بقيت متلخبطة !!

سها .. حاجة ايه دي ؟!

مي .. اولا انا ما اعتقدش ان حازم عميل عندنا في البنك انتي عارفة ان ملفات العملا كلهم عندي انا 

سها .. اه عارفة

مي .. عشان كده ما اظنش  ان عندنا عميل في البنك بأسم حازم اصلا !!

سها .. ازاي ؟! ده قالي انه عميل قديم ومميز في البنك بتاعنا وقالي كمان انه يعرفك واتعامل معاكي كتير ،؟!

مي .. انا ؟! لا ابدا محصلش !!

سها .. ازاي ده بقي ؟! يعني حازم كداب ؟! 

مي .. بقلك ايه .. هو قالك بيشتغل ايه بالظبط ؟!

سها .. قالي انه رجل اعمال عنده شركة استيراد وتصدير 

مي .. عنوان الشركة دي فين ؟!

سها .. معرفش مكانها بصراحة .. وما اهتمتش ان اسأله عن مكانها !!

مي .. يا سلام ؟! في واحدة تتجوز واحد من غير ما تعرف بيشتغل ايه وتسأل عنه كمان في مكان شعلة ؟! ما جايز يطلع انسان مش كويس او ممكن يكون كداب !!

سها .. ماما بقي كانت مستعجلة خايفة يفوتني القطر واعنس !!

مي .. لا غلط طبعا .. ده جواز يا جماعة ولازم تبقي كل حاجة عن الانسان اللي هترتبطي بيه وتعيشي معاه بقيت حياتك !! طب شوفي الصورة اللي في الجورنال دي ؟! مش شبه حازم بالظبط ؟!

سها .. ايوه شبهه جدا كمان !!

مي .. لا والغريب بقي انه اختفي من ٦ شهور ودا تقريبا مدة جوازك من حازم 

سها .. فعلا .. احنا متجوزين بقالنا ست شهور 

مي .. طب اقري التاريخ اللي خرج فيه الراجل ده ومرجعش بيته لدلوقتي هتلاقيه نفس التاريخ اللي حازم اتجوزك فيه ؟!

سها .. مش فاهمه ؟! انتي تقصدي ايه ؟!

مي .. بقلك ايه يا سها .. انا لازم اروح واقابل ام الراجل ده واشوف ايه حكاية ابنها ده وبعد كده هاقلك انا اقصد ايه بالظبط !!

وتذهب مي لمقابلة ام هذا الشاب المختفي لتفاجأ بشئ صادم ؟؟!!

ايه هو ؟؟!! دا اللي هنعرفة من الحلقة الاخيرة واللي هتكون كبيرة جداا جداا .. تابعوني ..