صرخات متتالية
#مقدمة_الرواية
روجان اشرف طالبة بكلية الاثار بالفرقة الثانية .. فتاه متفوقة ومجتهدة وعلي قدر كبير من الجمال .. من اسرة ميسورة الحال .. والدها بالمعاش وكان يعمل طبيب بيطري بمديرية الطب البيطري ولدية مزرعة عجول واغنام .. اما الام فهي بكالوريوس تجارة ولا تعمل .. روجان عندها اخت واحدة اصغر منها بسنتين اسمها مي في ثانوية عامة .. في ليلة من الليالي روجان كانت سهرانه في اوضتها بتذاكر عشان كان عندها امتحان تيرم الصبح ودخلت عليها مامتها شايلة صينية عليها كوباية لبن وساندوتشات ...
الام .. انتي لسة بتذاكري يا حبيبتي ؟!!
روجان .. اعمل ايه بس يا ماما ؟! عندي امتحان مهم بكرا
الام .. طيب .. ربنا يوفقك يا حبيبتي .. انا عملتك كوباية لبن وكام ساندوتش .. يلا بقي سيبي اللي في ايدك وكلي الاول
روجان .. والله يا ماما انتي حاسة بيا .. انا فعلا جعانه جدااا !!
الام .. طب وساكته ليه يا حبيبتي ؟! مانادهتيش عليا ليه وانا كنت اعملك ساندوتشات
روجان .. بصراحة يا ماما .. محبتش اتعبك .. قلت كفايه عليها شغل البيت النهار كله
الام .. بردوا دا كلام يا روجان ؟! يا حبيبتي ان مكنتش اتعب عشانكم انتوا اتعب عشان مين ؟!
روجان .. ربنا يخليكي ليا يا ست الكل
الام .. ويوفقك انتي واختك يارب واشوفكم كدا في اعلي المراكز ومتجوزين ومبسوطين ومتهنيين كمان
روجان .. يااارب يا ست الكل ..
الام .. يلا بقي كلي الساندوتشات واشربي اللبن ولو عزتي اي شئ اندهي عليا انا لسة سهرانه شوية يعني مش هنام دلوقتي .. سامعه ؟!!
روجان .. ماشي يا ست الكل
وتغادر الام الغرفة وتبدأ روجان بتناول الطعام وتشرب الحليب الذي احضرته لها امها وبعد اقل من دقيقة تشعر روجان بدوار مفاجئ واحست ان الغرفة تدور بها .. فأنزعجت بشدة واخذت تنادي علي امها
روجان .. ماما .. ماما الحقيني انا دخت فجأة .. الحقيني يا ماما
الام للأسف لم تحضر .. ربما لم تسمعها مع انها اخبرتها انها لو احتاجت اي شئ تنادي عليها !! روجان تحاول النهوض من فوق الكرسي الذي كانت تجلس عليه وبعد ان قامت اختل توازنها وسقطت علي الارض شبه فاقدة للوعي وفجأة تفتح الام وتنظر اليها وتنادي علي زوجها والد روجان قائلة
الام .. اشرف تعالي بسرعة .. البنت اغمي عليها !!
ويأتي اشرف مسرعا وعندما ينظر الي ابنته الفاقدة للوعي يبتسم فرحا قائلا
اشرف .. طب كويس اوي .. مكنتش اعرف ان النقط دي مفعولها سريع اوي كدا ؟!!
الام .. بقلك ايه اوعي بنتي يجرالها حاجة ؟! انا مش هسامحك ولا هسامح نفسي ابدا !!
اشرف .. قلتلك متخافيش .. ايدك بس معايا نشيلها من علي الارض ..
في تلك اللحظة كانت روجان شبه فاقدة للوعي ولم تفقد وعيها تماما واستمعت لهذا الحوار الذي دار بين ابيها وامها ولكنها لم تستطيع فعل اي شئ لأنها كانت تفقد السيطرة علي جسدها نتيجة المخدر وبمجرد ان حملها ابواها فقدت الوعي تماما ودخلت في غيبوبة ...
المشهد الثاني .. روجان في سيارة الاسعاف وبجوارها امها وزجها مصطفي مرشد سياحي .. روجان تستعيد وعيها وتنظر حولها في تعجب شديد
روجان .. انا فين ؟!
مصطفي ماسكا بإحدي يديها
مصطفي .. متخافيش يا حبيبتي .. احنا قربنا نوصل المستشفي خلاص
روجان .. انت مين ؟!
مصطفي مندهشا .. انا مين ازاي ؟! انا جوزك يا حبيبتي
روجان .. جوزي ؟!!
روجان تنظر الي بطنها المتمددة قليلا فتدرك انها حامل ثم تنظر الي امها وهي تقول
روجان .. ايه دا ؟! هو في ايه ؟! بطني مالها كدا منفوخة ليه ؟!
الام تضحك .. هههههه .. منفوخة عشان فيها بيبي .. حالا تفش بعد ما البيبي ينزل بالسلامة
روجان مستنكرة .. بيبي ؟!! ازاي ؟!
روجان تحاول النهوض ومصطفي يمنعها
مصطفي .. لا ياحبيبتي بلاش حركة مش كويس عشانك
روجان .. ابعد عني انا معرفكش .. انت مين اصلا ؟! وبيبي ايه اللي في بطني دا ؟! هو في ايه يا ماما فهميني ؟!
الام .. لا حول ولا قوة الا بالله .. شكل الحالة رجعتلها تاني يا مصطفي ؟! استهدي بالله يا بنتي مش وقته خالص . انتي داخلة علي ولادة ولازم اعصابك تبقي هادية
روجان .. ولادة ايه وزفت ايه ؟! انا مش فاهمه حاجة خالص ؟!!
الرواية في قمة الغموض والابداع تابعوني والرواية كاملة علي مدونتي ( مدونة مالك الزعيم ) ولو في تفاعل ومشاركة الرواية هتنزل كاملة انهاردة .. ورابط المدونة بالاسفل
https://mymohamedmalk.blogspot.com
أنا عاوزه اكمل رواية للنهايه فعلا زهقت
ردحذف