رواية اغتصاب شرعي البارت العشرون والاخير من الجزء الثاني

الرحم الملعون

#مقدمة_الرواية

لبني فريد دكتورة اطفال زي القمر عندها ٢٨ سنة من اسرة غنية جداا والدها راجل اعمال معروف وامها استشاري نساء وتوليد وعندها مركز تخصصي للنساء والولادة .. لبني وحيدة امها وابوها للأسف بعد ما ولدتها امها بسنه جالها بعيد عن السامعين ورم خبيث في الرحم اضطرت طبعا انها تستأصلة بعملية جراحية وتاخد جلسات كيماوي بعدها عشان المرض اللعين ميرجعلهاش تاني والحمد لله المرض فعلا مرجعلهاش تاني بس طبعا اتحرمت من انها تخلف تاني .. عشان كدا لبني دي كانت اغلي حاجة في الدنيا بالنسبة لأمها وابوها .. بيحبوها حب خيالي وطلباتها كانت دايما مجابة لأنها طبعا بنتهم الوحيدة واللي مفيش اعز منها في الدنيا دي كلها .. في يوم قرر فريد والد لبني انه يشتري قصر كبير مهجور اصحابة ماتوا من سنين طويلة والوريث الوحيد للقصر دا مهندس شاب اسمه سامي عايش في امريكا من زمان ونزل مصر بعد ما قرر يبيع القصر دا لأنه كدا كدا مش ناوي يرجع مصر تاني وعايش في امربكا مع مراته الامريكانية وابناءه الاتنين ولد وبنت .. المهم نزل سامي مصر وعرض القصر للبيع وبالفعل سمسار العقارات عرض القصر علي فريد واعجب بيه جداا وقرر انه يشترية وخصوصا لما لقي سعره زهيد جداا مقارنة بأسعار السوق .. مكنش يعرف وقتها ان سامي كان عايز يخلص من القصر دا بأي تمن لأنه كان مشؤوم بالنسبة له وحصلت فيه جريمة بشعة لأبوه وامه وماتوا فيه مقتولين والقاتل مجهول ؟!! بعدها سافر امريكا مع عمته وعاش هناك وبعد ما كبر واصبح مهندس كبير هناك قرر يبيع القصر لأنه فعلا مكنش ناوي يرجع مصر تاني واشتري فريد القصر وانتقل هو واسرته عشان يعيشوا فيه وكان معاهم خادمه اسمها فيفي .. طبعا القصر كان مليان تراب وفيفي جابت اختها من البلد عشان تنضف معاها القصر الطويل العريض دا ..وبالفعل نضفوا القصر وخلوه زي الفل وبالليل اخت فيفي جت تروح صرخت في الجنينة مرة واحدة ؟!! فريد طلع جري من اوضته عشان يشوف ايه الحكاية .. لقي اخت فيفي واقعة في الارض وغرقانه في دمها وبتلفظ انفاسها الاخيرة .. ولما سألوها مين اللي عمل فيكي كدا شاورت علي اختها فيفي وقالت ان هي اللي عملت فيها كدا !! فيفي كانت هاتتجنن ساعتها لأنها مش هي اللي عملت كدا طبعا ؟! وازاي اختها تتهمها بحاجة معملتهاش ؟!! مع انهم كانوا بيحبوا بعض اوي وبيخافوا علي بعض جداا ؟!! ومين القاتل الحقيقي ؟! اللي طعنها حوالي ٥٠ طعنه بدون رحمه ؟!! اسئلة كتير كانت في عقل فيفي بس للأسف مكنش ليها اجابة والاغرب ان لما اتقبض عليها تقرير المعمل الجنائي اثبت ان البصمات اللي علي السكين هي بصمات فيفي !! مع ان فيفي لا شافت السكين ولا لمستها ؟! حاولت تبرأ نفسها بكل الطرق لكن للأسف الجريمة كانت لابساها واتقبض علي فيفي واتقدمت للمحاكمة بتهمة القتل العمد مع سبق الاصرار والترصد !! ودي كانت اول علامة دلت علي ان القصر دا ملعون ؟!! وان فيه حاجات بتحصل فيه ملهاش مبرر .... بعدها لبني دخلت في حالة اكتئاب لما شافت جثة اخت فيفي مقتوله في جنينة الفيلا ومكنتش مصدقة ان فيفي تعمل كدا في اختها ؟!! وكرهت القصر واتشأمت منه خالص .. وكان نفسها تسيب القصر دا بأي طريقة لكن للأسف باباها رفض تماما ..

وتدخل ام لبني الدكتورة سامية غرفة لبني التي تجلس حزينة مكتئبة 

الام .. مالك يا لبني قاعدة في اوضتك ليه من الصبح ؟!! مش تنزلي تقعدي معانا وانا وباباكي ؟!

لبني .. تعبانه شوية يا ماما 

الام منزعجة .. سلامتك يا حبيبتي .. مالك بتشتكي من ايه ؟!

لبني .. لا انا مش تعبانه عضويا .. انا تعبانه نفسيا !!

الام .. ليه كدا يا حبيبتي ؟! بعد الشر عليكي يا لبني .. ايه اللي تاعبك نفسيا يا لبني ؟!

لبني .. واللي حصل دا قليل يا ماما ؟! انا لحد الان مش قادرة انسي منظر البنت وهي مقتولة في الجنينة !! وكمان مش قادرة اصدق ان فيفي تعمل كدا في اختها ؟!!

الام .. ولا انا كمان يا لبني والله ؟! بس اللي حصل بقي !! واهي المجرمة دي هتاخد جزاءها ان شاء الله 

لبني .. بس فيفي طيبة جداا وبتحب اختها اوي ودايما كانت تقلي ان ملهمش غير بعض في الدنيا بدليل انها اتبرعتلها بكلية من عندها بعد ما جالها فشل كلوي عشان اختها تعيش !! طب ازاي كانت عايزة اختها تعيش وتديها حتة من جسمها وفي الاخر تقتلها بالطريقة البشعة دي ؟!

الام .. العلم عند الله يا بنتي !! وبعدين احنا مش هنوقف حياتنا ونفضل نفكر في اللي حصل الوقت كله ؟! متخليش اللي حصل دا يأثر عليكي بالسلب يا لبني 

لبني .. انا فعلا اكتأبت من اللي حصل دا يا ماما .. اول مرة اشوف انسان مقتول قدامي بالصورة دي .. واللي هايجنني ان الاتنين اخوات وبيحبوا بعض اوي ؟!!

الام .. لبني عشان خاطري انتي مأكلتيش حاجة من الصبح .. قومي بقي عشان تتعشي معانا ولا انا وباباكي مواحشناكيش ؟!

لبني .. لا طبعا .. هو انا اقدر ؟! انتي وبابا اغلي حاجة عندي 

الام .. وانتي نور عنينا اللي احنا بنشوف بيه يا قلبي 

ثم تقبلها في جبهتها .. 

لبني .. طب عشان خاطري نمشي من هنا 

الام .. تاني يا لبني ؟! ما احنا اتكلمنا في الموضوع دا وباباكي رفض!! .. يلا بقي قومي عشان تنزلي معايا 

لبني .. طب انزلي انتي وانا هنزل وراكي علطول .. بس اغسل وشي كدا وافوق 

الام .. اوك .. مستنياكي .. يلا باي 

لبني .. باي 

وتدخل لبني الحمام لتغسل وجهها وتحدث كارثة ؟؟؟!! 

الرواية في قمة الاثارة والغموض والابداع .. لقرآة الجزء التالي تابعوني علي مدونتي مدونة مالك الزعيم.. تحياتي ملك الروايات الكاتب والسيناريست المصري محمد مالك.