رواية اغتصاب شرعي البارت العشرون والاخير من الجزء الثاني

رواية عرض مجاني

البارت السابع والعشرون

للكاتب المصري محمد مالك

جميع الحقوق محفوظة

وتذهب السيدة المقنعة والتي تدعي ايضا ريم في المساء متخفية الي شقة ببرج سكني بأحد الاحياء الراقية وتركن سيارتها ثم تدخل الي البرج وفجأة نري بواب العمارة يهرول ورائها قائلا 

البواب .. رايحة فين يا ست ؟! انتي يا مدام.. استني 

وتقف السيدة ولكن لا تدير وجهها اليه والبواب غاضب ويواصل حديثة قائلا 

البواب .. انا مش بنادي عليكي يا مدام ؟! مش تردي عليا ولا فاكراها وكالة من غير بواب ؟!

السيدة تدير وجهها نحوه فيراه البواب فيرتجف خوفا ثم يبتلع ريقة ويتحدث بصوت منخفض مرتبك جدا بعد ان كان عاليا صداه يهز اركان البرج

البواب .. انا اسف يا مدام .. اتفضلي سعتك 

السيدة لا تعقب وتواصل سيرها صاعدة الي الشقة التي تقصدها وبمجرد ان تفتح ان تفتح باب الشقة نري المهندس احمد عيسي جالسا في وسط الشقة امامه طربيزة عليها زجاجة خمر وكأسان ثم ينظر اليها ويبتسم قائلا 

احمد .. وحشتيني .. تعالي يا قمر 

ونذهب الي ريم حيث دخلت الي تلك الغرفة داخل الفيلا التي اقامت بها وبدأت تنظر اليها فتلاحظ وجود عدة شاشات عرض موزعة علي جدران الغرفة الاربعة فتندهش بشدة ثم توجهت نحو مرآة التسريحة ووقفت امامها ثم اخذت تنظر لنفسها في حصرة والم وتحادث نفسها قائلة

ريم .. كان مستخبيلك دا كله فين يا ريم ؟!! استغفر الله العظيم من كل ذنب واتوب اليه .. اللهم اني لا اسألك رد القضاء ولكني اسألك اللطف فيه .. وشي تعبان اوي ومجهد !! ومحتاجة  شاور سخن وعايزة انااااام ..  

ثم تذهب لتفتح دولاب الملابس فتجد ملابس شتي من كل صنف ونوع فتتعجب 

ريم .. ايه دا ؟! الست دي زوقها شبة زوقي تمام ؟! دي الالوان اللي انا بحبها !! وكمان مقاسي بالظبط !! وبعدين بقي ؟! هي ايه حكايتها الست دي بالظبط ؟! طب وانا اتعجب  ليه ؟! ما هي قالت انها تعرف كل حاجة عني .. بس هي تعرف كل حاجة عني منين ؟! وليه مخبية وشها ؟! وايه اللي خلاها تساعدني بالشكل دا ؟! انا في حيرة بجد .. لا بقي انا مش حمل تفكير تاني انا مخي هينفجر خلاص !! انا هدخل اخد شاور وانام لأني تعبانه بجد

ثم تُخرج بعض الملابس من الدولاب وتذهب الي الحمام 

وفي صباح اليوم التالي يجلس هاني وكيل النيابة في شقته التي عاد اليها مره اخري يتصفح الجرائد ويشرب فنجان القهوة ثم تأتي زوجته ناريمان مندهشة 

ناريمان .. ايه دا .. هو انت لسة هنا ؟! ايه مش رايح الشغل ولا ايه ؟!

هاني بحزن .. لا 

ناريمان .. هو ايه حكايتك ؟! بقالك كام يوم من ساعة ما رجعت البيت وان بطلت تروح شغلك ؟!

هاني .. انا قررت اسيب الشغل خلاص 

ناريمان .. نعم !!انت اتجننت ؟! تسيب شغلك ازاي ؟! 

هاني .. هسيبة يا ناريمان .. يعني هستقيل!

ناريمان .. وتستقيل ليه ان شاء الله ؟!

هاني .. كدا يا ناريمان

ناريمان بسخرية .. اها .. انا فهمت .. انت هتستقيل عشان مش قادر ترفع عينك في زمايلك بعد الفضايح اللي عملتها اختك .. صح يا حضرة الوكيل ؟!

هاني يشعر ان ناريمان تسخر منه .. ايوا يا ناريمان بالظبط كدا

ناريمان .. وهتأكلنا انا وبنتك منين بقي ان شاءالله بعد ما حضرتك تستقيل ؟!

هاني .. احنا محوشين مبلغ كويس هشوف مشروع مناسب وهعمله

ناريمان .. مشروع زي ايه ؟! هتفتح محل فول وطعمية ولا محل حلاقة ؟! 

هاني .. بطلي سخرية بقي !! انتي ايه مبتحسيش ابدا ؟! حرام عليكي يا شيخة الواحد مش ناقص بدال ما تقفي جمبي وتهوني عليا ؟!

ناريمان .. ياخويا دا انا اللي عايزة اللي يهون عليا الوكسة اللي انا فيها !! سيادة المستشار عايز يستقيل من شغلة عشان في الاخر يعمل مشروع ويا نجح يا منجحش !! 

هاني .. اومال عايزاني اعمل ايه بس ؟! انا مش قادر ابص في وش حد خالص حتي المجرمين اللي بحقق معاهم مش قادر ابص في وشهم وانا بسألهم بحس في نظراتهم السخرية والاهانه !!

ثم تأتي هايدي ابنتهما من المدرسة حزينة جدا تضع حقيبتها علي المنضدة وتتأفف غضبا

 هاني .. مالك يا هايدي في ايه ؟! حد ضايقك في المدرسة ؟!

هايدي .. علي فكره انا مش هروح المدرسة دي تاني

ناريمان .. ليه ؟!

هايدي .. واحدة حقيرة انهارده فضلت تتريق انهاردة وتقولي في واحدة صحبتنا عمتها ربنا يحفظنا عمها اللي هيقبض عليها وباباها اللي هيحقق معاها تقوم ترد عليها واحدة تانية حقيرة زيها وتقول زيتهم في دقيقهم وهاتك يا ضحك رحت اتعصبت عليها ومسكتها مسحت بيها بلاط المدرسة 

هاني .  غلط يا هايدي

هايدي .. طب انا ما استحملتش الكلام دا يابابا .. الكلام واجعني جامد ومقدرتش امسك نفسي 

الام .. وحصل ايه بعدها ؟!

هايدي .. رحنا كلما عند مدير المدرسة والمدير قالنا متجوش بكره الا ومعاكم ولي امركم 

هاني .. شفتي بقي ؟! عشان اللي انتي عملتيه دا غلط وميصحش لأنك ممكن تتفصلي من المدرسة بتصرفك دا

هايدي .. عادي .. كدا كدا انا مش رايحة المدرسة تاني .. بعد ازنكم

ناريمان .. يا خراب بيتك يا ناريمان .. جوزك عايز يستقيل وبنتك مش عايزة تروح المدرسة تاني!! .. الله يحرقك يا ريم علي اليوم اللي شفتك فيه .. هي طالعة لمين بالظبط ؟! هو في حد في عيلتكم كان كدا وانا مش عرفة ؟!

هاني يغضب بشدة .. انتي بتقولي ايه يا سافلة ؟!

ناريمان .. انا اللي سافلة ؟! ولا اختك اللي ملقيتش حد يربيها ولا حتي يلمها لحد ما لبستكم الطرح وجابتلكم العار.. ولسة !!

هاني .. انتي انسانه مريضة فعلا !!

ناريمان .. وانت مش راجل  

هاني .. انا مش راجل يا حقيرة انتي ؟!

ثم يصفعها علي خدها بقوة فتسقط علي الارض فترتطم رأسها برجل المنضدة فيسيل منها الدم وتغيب عن الوعي 

هاني منزعجا .. ناريمان !! 

ونذهب الي ريم التي تستيقظ من نومها العميق علي صوت شاشات التلفاز العالي لتشاهد نفسها في عرض مجاني وفيلم اباحي اخر ولكن تلك المره مع نادر ابن خالتها ..

ريم منزعجة بشدة .. لا .. لا .. لاااااااا

الاحداث بلغت ذروتها واشتعلت كثيرا فأنتظروني والبارت التالي .. تحياتي