رواية اغتصاب شرعي البارت العشرون والاخير من الجزء الثاني

رواية عرض مجاني 

البارت السادس والعشرون

للكاتب المصري محمد مالك

جميع الحقوق محفوظة

ريم .. ايه دا ؟!! دي انا !!

السيدة ترتبك فجأة .. ايوا دي انتي 

ريم .. وانتي معلقة صورتي ليه في رقبتك ؟! 

السيدة .. عادي 

ريم .. لا مش عادي .. انتي ايه حكايتك بالظبط انا عايزة افهم ؟! فجأة كدا طلعتيلي وانقذتيني من اخويا حسام وعايزة تساعديني وجايباني هنا في فيلا طويلة عريضة عشان استخبي فيها .. انتي بتعملي دا كله ليه ؟!!

السيدة .. قلتلك مبحبش الاسئلة الكتير وكل حاجة هتعرفيها في وقتها زي ما اتفقنا .. المهم دلوقتي متحاوليش انك تظهري ابدا عشان محدش يعرف انك هنا 

ريم .. اوك .. بس انا لو احتجت اي شئ او حصل اي حاجة هوصلك ازاي 

السيدة .. ابقي كلميني في النمرة دي .. للضرورة بس فاهمه ومترنيش رنه طويلة .. مجرد ميسد وانا اللي هتصل بيكي .. ومتقلقيش لو اتأخرت عليكي وما اتصلتش في وقتها لأني ممكن مقدرش اتصل بيكي في ساعتها .. بس الاكيد اني هاكلمك وياريت بلاش تتصلي من خطك دا ..  ما اضمنش يكون متراقب ولا حاجة .. ابقي كلميني من الشريحة دي اضمن 

ريم .. كل دا خايفة ان الحكومة تعرف مكاني ؟!

السيدة .. صدقيني في  ناس اخطر عليكي من الحكومة !! المهم خلي بالك من نفسك ولو فيه جديد انا هكلمك 

ريم .. طيب حاجة اخيرة وبلاش كلمة مقدرش اجاوبك دي!!

السيدة .. قولي 

ريم .. ممكن اعرف اسمك ؟

السيدة تبتسم .. اسمي ريم 

ريم .. يااه .. علي اسمي يعني ؟!

السيدة .. ايوا 

وفجأة يتصل علي تلك السيدة شخص ما .. السيدة ترتبك عند رؤية نمرته علي شاشة المجمول 

السيدة ل ريم  .. هس خالص مش عاوزاكي تتكلمي  .. الو

الشخص .. انتي فين ؟!

السيدة .. في مشوار كدا 

الشخص .. ايوا فين يعني ؟!

السيدة .. بشتري علاج من الصيدلية 

الشخص .. طيب تعاليلي بسرعة عايزك

السيدة .. حاضر

السيدة التي تتدعي ان اسمها ريم تغلق الخط وتقول ل ريم 

السيدة .. لازم امشي دلوقتي حالا .. خلي بالك يا ريم .. اوعي حد يحس بيكي 

ريم .. متقلقيش .. ربنا يسترها ان شاء الله

السيدة .. طيب .. الفيلا كلها تحت امرك وفوق في اوضتي هتلاقي هدوم وغيارات كتير كلها مقاسك .. والتلاجة في المطبخ  مليانه اكل يكفيكي شهر  ..  المطبخ من هنا .. خديلك شاور بقي واتعشي وحاولي تنامي ومش عايزاكي تفكري في اي حاجة 

ريم .. طيب انا ممكن اكلم ماما اطمنها عليا ؟! اكيد دلوقتي قلقانه عليا جداا 

السيدة .. مفيش مشكلة بس من الشريحة الجديدة ومتعرفهاش انتي فين ومتطوليش في المكالمة .. دقيقة مش اكتر وخليها تمسح النمرة من عندها بعد المكالمة علطول 

ريم .. اوك 

السيدة .. سلام 

ريم .. مع السلامة

ونذهب الي حسام الذي ينظر ل امه ونادر ابن خالته في دهشة شديدة

حسام .. ايه في ايه ؟!

نادر .. مفيش 

حسام .. بتعيطي ليه يا امي ؟!

الام .. مفيش يا حبيبي 

حسام .. اها .. بقي كدا ؟! فين ريم يا نادر ؟!

نادر .. ريم ! وانا ايشعرفني ؟!

حسام .. انت هتستعبط يابني  ؟! 

نادر .. ايه يا حسام في ايه ؟! بتكلمني ليه بالطريقة دي ؟! 

حسام .. عشان بستهبل عليا حضرتك !! انطق يا نادر وقلي فين ريم 

نادر .. معرفش وبطل اسلوبك دا !!

حسام .. بقلك ايه انا عفاريت الدنيا بتتنطط في وشي .. قلي وديت ريم فين احسنلك ؟!

نادر .. تصدق خفت انا منك !! حسام بطل اسلوب الهمجية دا والتهديد في الكلام ولاحظ ان كان ممكن ارد علي الاسلوب اللي انت واخوك عاملته بيه امي لما هجمتوا علي شقتنا .. لكن انا احتراما وتقديرا لخالتي سكت 

حسام .. لا قلبك ابيض !! كمل جميلك بقي وقلي فين ريم ؟

نادر .. بقلك معرفش مكانها!!

حسام .. متعرفش مكانها ازاي وانا سامعك في التليفون وانت بتقول انك في المطار وملقيتهاش !!

نادر .. اديك قلت اهوه .. رحت المطار وملقيتهاش .. اعرف مكانها ازاي بقي ؟!

حسام .. لا يا ناصح .  هي لما مشيت من المطار جت علي هنا وانا كنت نايم في الاوضة دي ولما صحيت كانت امي مشيتها بسرعة عشان ماشوفهاش فنزلت وراها اجري ولقيتها اخدت تاكسي مشيت وراها لحد ما وصلت بيت خالتي !!

نادر .. وانت رحت عند خالتك وقلبت الشقة عاليها واطيها انت واخوك .. لقيتها ؟!

حسام غاضب بشدة .. بقلك ايه يا نادر قلي فين ريم وبلاش تستفزني اكتر من كدا لأني انا ليا طرقي اللي تخليك تعترف وتقول مكانها فين 

نادر .. انت اتجننت باين عليك !! انت فاكرني مجرم قدامك في القسم وهتقررني ولا ايه ؟!وحياتك ما تعرف تعمل حاجة معايا

حسام .. بقي كدا ؟!!

ثم يٌشهر مسدسه ويصوبه في وجه نادر

الام منزعجة .. حسام .. انت هتعمل ايه ؟!

ونذهب الي ريم حيث صعدت الي اعلي تبحث عن الغرفة التي بها الملابس التي اخبرتها بها تلك السيدة وتحاول فتح الغرف ولكنها تجدها مغلقة جميعها عدا غرفة واحدة فتفتح بابها وتضئ مصباح الغرفة وبمجرد ان تتقدم للداخل تري شئ صادم ؟؟!!! 

تابعوني والبارت التالي بعد التفاعل والمشاركة ... تحياتي ..