رواية تاجر العذرية
البارت العشرون ( الجزء الخامس )
للكاتب المصري محمد مالك
جميع الحقوق محفوظةويعود بسيوني الي منزل والديه مع بداية الصباح عليه اثار تراب الصحراء بعد قام باحراق اخيه وصهره احياء في بركة من ماء النار وفجأة تدخل عليه فردوس
فردوس .. صباح الخير يا بسيوني
بسيوني غاضبا.. صباح النور مش المفروض تخبطي ع الباب قبل ما تدخلي ؟!!
فردوس .. صدقني خبطت ع الباب اكتر من مره بس لقيتك مردتش عليا فقلقت عليك اكتر عشان كدا فتحت الباب ودخلت عشان اطمن عليك .. انت كويس يا بسيوني ؟!
بسيوني .. انا زي العفريت قدامك اهوه !!
فردوس .. طب الحمد لله .. اصل الليل كله برن عليك وانت مبتردش !!
بسيوني .. اه .. يبقي ما اخدتش بالي من التليفون معلش
فردوس .. ولا يهمك يا حبيبي المهم اني اطمنت عليك ..
ثم تلاحظ اثار تراب ورمال علي ملابسة
فردوس .. ايه دا يا بسيوني .. هدومك كلها تراب !! هو انت كنت فين ؟!
بسيوني .. اه ما انا كنت لسة هاحطهم في الغسالة .. انتي عايزة حاجة يا فردوس ؟!
فردوس .. ما انا قلتلك اني قلقلت عليك لما قعدت ارن طول الليل علي تليفونك وانت مردتش
بسيوني .. تمام .. واديكي اطمنتي عليا اهوه .. سيبيني بقي عشان عايز انام شوية
فردوس .. حاضر .. هو مفيش اخبار عن علاء ؟!
بسيوني .. يادي السيرة اللي تغم النفس ع الصبح .. لا مفيش اخبار عن سي زفت
فردوس .. بسيوني انت متضايق من حاجة ؟!
بسيوني .. لا يا فردوس سيبيني بقي عايز اتخمد
فردوس .. حاضر
ثم تتركه وتنصرف ودموعها تتساقط علي خدها بسبب معاملته القاسية معها .. بسيوني يجلس علي السرير ويشعل سيجارة يسحب منها نفس واحد ويحادث نفسة قائلا
بسيوني .. وبعدين بقي اللعبة دي مفربتش تخلص ولا ايه ؟! انا زهقت
وفجأة يرن التليفون المحمول والمتصل المجهول
بسيوني .. الو
المجهول .. معلش بتصل بيك بدري اوي بس فيه حاجة مهمه لازم تعرفها
بسيوني .. ايه هي ؟!
المجهول .. اختك انهارده هتفقد عذريتها
بسيوني .. انت بتقول ايه ؟! انت اتجننت .. هتفقد عذريتها ازاي وجوزها لسة مدوب جتته في مية النار !! ما انت اللي مدبر كل حاجة يا عم انت !!
المجهول .. للأسف فيه موقف هيحصل لاختك هيخليها تفقد عذريتها ايه هو انا مش عارف!!
بسيوني .. يعني ايه مش عارف؟! انت مش المفروض بتعرف كل حاجة ؟! فهمني ايه الحكاية بالظبط
المجهول .. كل اللي اقدر اقولهولك انك تنجز بسرعة وتنهي المهمه لان فيه حد معانا ع الخط ناوي يدمر كل حاجة
بسيوني .. انت بتكلمني ليه بالالغاز كدا ؟! مين دا اللي عايز يدمر كل حاجة وانا اقتله واشرب من دمه
المجهول .. معرفش .. اول مره يبقي الطالع عندي مش واضح وفيه غموض كتير وبصراحة مش مطمن
بسيوني .. لا والنبي !! والمفروض بقي حضرتك انا اعمل ايه في الحالة دي ؟!
المجهول .. تحافظ عليها بقدر الامكان ومتخرجش لوحدها ابدا ومتسيبهاش كمان لوحدها حتي لو جبت طقم بودي جاردات يحموها
بسيوني .. وانت ايه خلاص بقيت شرابة خرج مش قاضي مصلحة خالص
المجهول .. انا خدمتك كتير اوي ولسة ياما هاخدمك .. لكن انا ليا حدود يا بسيوني
بسيوني .. مش ببلاش يا روح امك .. انت بتاخد حقك ناشف بعد كل عملية وبالدولار كمان
المجهول .. اهدي يا بسيوني عشان تعرف تفكر
بسيوني .. اهدي ايه بس يا عم انت ؟! هو انت بعد ما تحرق دم اهلي تقلي اهدي .. اقفل السكة .. غور يا عم بقي ..
بسبوني يغلق الخط ويبدوا انه في قمة الغضب نتيجة تلك المكالمة
بسيوني ..يخرب بيتك يا اخي .. وبعدين بقي ؟!!
وفجأة يسمع بسيوني فردوس تصرخ بصوت عال فينزعج بشدة ويذهب مسرعا الي غرفتها ليري شئ صادم ؟؟؟!!!!
تابعوني والبارت التالي .. تحياتي ..
فين باقى القصه تعبتنا معاك
ردحذفالبارت الاخير هينزل ايمته
ردحذفالمشكله ننتظر كثير علشان تنزل البرت الثاني.تعبانا من مثر الانتظار
ردحذفاخلص ياحاج ونزل البارت الاخير من تاجر العذريه
ردحذفكل مره تقول الاخير ونستنى بالشهر وتكتب جزء بسيط ياريت تخلصها باه مللنا
ردحذفالرواية جميلة نتمنى ان تطلعنا على النهاية ورمضان كريم
ردحذفانا كتبها بقالي حوالي ٣ شهور لحد ما زهقت وبنسي اللي فات كل شوايه تقول الاخير ونعد سنه نستني مينفعش كدا
ردحذفانا قرياها بقالي حوالي ٣ شهور لحد ما زهقت وبنسي اللي فات كل شوايه تقول الاخير ونعد سنه نستني مينفعش كدا
ردحذفياريت باقي القصه فعلا نسيت أحداث كتير بسبب تباعد الأجزاء خستره المجهود الرائع ده يضيع كده
ردحذف