رواية اغتصاب شرعي البارت العشرون والاخير من الجزء الثاني

رواية عرض مجاني

البارت التاسع عشر

للكاتب المصري محمد مالك

جميع الحقوق محفوظة
جمالات ونادر بجوار ريم يحاولان افاقتها بعد ان سقطت امام باب شقة جمالات مغشيا عليها
جمالات .. انتي يا شابه .. فوقي اومال !!
نادر .. ريم .. فوقي يا ريم
جمالات .. قريبتك خرعة اوي يا استاذ !! اومال لو اتسطت حكم زي اللي انا اتسيطه كانت جري لها ايه ؟!!
نادر .. فال الله ولا فالك يا شيخة !! اسكتي يا جمالات
جمالات .. طيب !! انتي يا شابة فوقي اومال مش كدا
ريم تستعيد وعيها .. انا فين ؟!
جمالات .. انتي فين ! وبتسهوكي ليه كدا ؟! انتي في بيتي يا حبيتي
ريم بمجرد ان تفتح عينيها تري جمالات امامها فتصاب بالرعب فتمسك في ايد نادر
نادر .. متخافيش يا ريم
ريم .. انا عايزة امشي من هنا حالا
نادر .. تمشي تروحي فين بس ؟!!
ريم .. اروح اي مكان تاني غير هنا .. ارجوك يا نادر مشيني من هنا حالا
جمالات .. مالك يا ست انتي ؟!! ما تجمدي اومال !! اول ما شفتيني وقعتي من طولك علطول !! ودلوقتي عايزة تمشي .. في ايه ؟! هو انتي خايفة مني عدم لا مؤاخذة ؟!
ريم تبكي .. نادر بليز مشيني  من هنا حالا
جمالات .. ايه بليز دي ؟! هو انتي بتشتميني يابت ولا ايه ؟!! شتيمه دي يا استاذ ؟!
نادر .. شتيمة ايه بس يا جمالات !! من فضلك هاتيلها عصير لمون
جمالات .. حاضر يا استاذ .. فكي نفسك يا شابه بلاش القفشة دي !! انتي لسة بتقولي يا هادي .. خلي ايامك تعدي اومال !!
وبعد ان تذهب جمالات لأحضار عصير الليمون
ريم .. بقي كدا يا نادر .. تعمل فيا كدا ؟!! تجيبني عند واحدة قتالة قتله وواخدة حكم اعدام وعايزني اقعد عندها كمان!!
نادر .. ما انتي لو كنتي سمعتيني للآخر ! بس للأسف سمعتيني بقول حكم اعدام وقمتي واقعة من طولك !! اسمعيني من فضلك .. جمالات فعلا كانت واخدة حكم اعدام .. بس انا في النقض جيبتلها البراءة .. فهمتي ؟!
ريم .. يعني هي دلوقتي مش عليها حكم ولا حاجة ؟!
نادر .. بقلك في النقض اخدت براءة يا ريم
ريم .. بس دي شكلها يخوف اوي يا نادر
نادر .. اهي دي بقي خلقة ربنا ومش هنقدر نعمل فيها حاجة .. بس صدقيني قلبها طيب اوي
ريم .. وهي اخدت اعدام ليه ؟!
نادر .. لا دي قصة طويلة بقي .. تبقي هي تحكيهالك لما تقعدوا مع بعض
ريم .. هو انت هتسيبني هنا لوحدي ؟!
نادر .. اومال هاقعد معاكي ؟! ريم انا عايز الامور تبان طبيعية جدا ومش عايز حد يحس ان انا علي علاقة بيكي واعرف مكانك وخصوصا اخواتك هاني وهشام
ريم .. انا عملت ايه بس ياربي عشان اتعذب بالشكل دا ؟! طب ابقي كلمني كل شوية واطمن عليا ارجوك
نادر .. حاضر يا ستي ..
ريم .. طب ناوي تعمل ايه بعد كدا ؟!
نادر .. ناوي ابدأ من أول الخيط عشان اوصل للحقيقة
ريم .. معني كدا انك مصدقني يا نادر ؟
نادر يصمت ولا يجيب
ريم .. سكت ليه ؟! انت مصدقني يا نادر ولا لا ؟!
نادر .. مصدقك يا ريم .. الا مكنتش ساعدتك بالشكل دا
ثم تأتي جمالات ومعها كوب من عصير الليمون
جمالات .. اللمون يا شابة .. اشربي
ريم تمد يدها لتأخذ الكوب وهي ترتجف خوفا وتنظر ل نادر
نادر .. اشربي اللمون يا ريم
ريم تأخذ الكوب وترتشف منه رشفة واحدة
ريم .. ايه دا !! اللمون دا حمضان !
جمالات . . الموجود بقي عندك اعتراض يا شابة ؟!
ريم .. لا
جمالات .. طب اشربي العصير
ريم خوفا .. حاضر
نادر ينظر الي ريم ويري مدي خوفها من جمالات ويبتسم وريم في شدة الغيظ من نادر ريم .. بتضحك ؟! طيب يا نادر
جمالات .. اشربي العصير
ريم .. حاضر بشرب اهوه
ونذهب الي الضابط هشام الذي بجلس في غرفته وتدخل عليه امه لتطلب منه ان ينهض ليتناول الغداء
الام .. مش هتقوم تتغدي يا حبيبي الاكل حاهز خلاص ؟
 هشام .. لا شكرا
الام مندهشة .. يابني انت ما حطتش لقمة في بطنك من صباح ربنا !! وعمال تحرق في سجاير من ساعة ما صحيت !!
هشام بعصبية واضحة .. قلتلك مش عايز اكل سيبيني في حالي بقي !!
الام .. طب وبعدين يا هشام .. ولما تجري لك حاجة دلوقتي انا اعمل ايه ؟!
هشام .. خايفة عليا اوي ؟!
الام بتعجب شديد .. ودي قلها تقولها يا هشام ؟!! اومال لو مكنتش اخاف عليك هاخاف علي مين يا بني ؟!
الام .. انتي لو انا اهمك بجد هتقليلي فين مكان ريم !!
الام .. صدقني يابني معرفش هي فين
هشام .. طب احلفي كدا
الام .. والله العظيم ما اعرف اختك فين !!
هشام .. معقول !! امي اللي حجت بيت ربنا مرتين بتحلف كدب !!
الام .. استغفر الله العظيم يا ربي.. ليه بس كدا يابني ؟! علي اخر الزمن تقول عليا كدابة !!
هشام .. عشان انتي عرفة مكانها فين .. امي ابوس ايدك قليلي ريم فين
الام .. ولما تعرف مكانها وبعدين ؟!!
هشام .. هقتلها طبعا
الام .. يعني انت فاكر ان انا لو اعرف مكان اختك هقلك بعد ما سمعت الكلمة دي ؟!!استهدي بالله يابني ومتخليش شيطانك يتحكم فيك .. اللي انت عايز تقتلها دي اختك يا هشام !!
هشام .. اختي اللي جابتلي العار ولوثت سمعتنا وشرفنا
الام ..لا اختك متعملش كدا .. فيه حاجة غلط يابني
هشام .. غلط !! بعد اللي شوفناه بعنينا جاية تقليلي فيه حاجة غلط ؟! ريحيني يا امي وقليلي ريم فين مكانها ؟!
الام .. انا حلفت يابني اني معرفش مكانها وصدقني لو اعرف مكانها مش هقلك برضوا !! ربنا يهديك يا هشام .. فوضت امري ليك يارب
ثم تتركه وتنصرف ورد فعل علي وجه هشام ..
تابعوني والبارت التالي .. وكل عام وانتم بخير ورمضان كريم ..


الام ..