رواية اغتصاب شرعي البارت العشرون والاخير من الجزء الثاني

رواية زوجة لأربعة توآم

البارت الثاني

للكاتب المصري محمد مالك

جميع الحقوق محفوظة
وبعد ان ينصرف فارس الدهشة لم تفارق شهيرة ثم تسألها اختها لبني عن هذا الشخص
لبني .. مين دا يا شهيره؟!
شهيرة .. دا استاذ فارس صاحب الشركة اللي انا بشتغل فيها
لبني .. ودا جاي هنا عايز منك ايه ؟!
شهيرة .. جاي يطلب ايدي !!
لبني .. يطلب ايدك !! ليه ؟! عايز ايديكي يعمل بيها ايه ؟!!
تسمع الحوار اختهم الوسطي نيره فتفرح وتزغرد
نيره .. يطلب ايديها يا غبيه يعني عايز يتجوزها !!
شهيرة .. هس .. انتي بتزغرطي ليه دلوقتي ؟!
نيره .. ايه فرحنالك !! الف مبروك يا حبيبتي ..
ثم تزغرد مره اخري
شهيره .. اسكتي بقي يخرب بيتك .. قلتلك متزغرطيش اومال !!
نيره .. انتي مش عايزاني ازغرط ليه ؟!! اها .. فهمت .. المفروض اني اصوت في حاله زي دي .. طيب .. يا لهوووووي
شهيرة .. يخرب بيتك يا شيخه .. ربنا رازقني بأختين بسم الله ما شاء الله .. واحده غبية والتانية هبلة !!
لبني .. طيب هي المفروض نعمل ايه في الحالة دي ؟! نزغرط ولا نصوت ؟!
شهيره .. لا متعملوش حاجة .. اسكتوا خالص انا لسة اصلا موافقتش عليه
لبني .. بس فيه حاجة غريبة انا لاحظتها .. هو كان جاي يطلب ايدك ولا كان جاي يتعدم ؟! اصله كان لابس بدله حمرا شبه بدلة الاعدام بالظبط !!
شهيره .. ما هي دي الحاجة اللي انا مستغرباها فعلا !! هو ليه كان لابس البدلة دي ؟! وبعدين جايب معاه ورد كله احمر !! لا والاغرب بقي طول القعدة كان مرتبك وعرقان وعنيه في الارض زي البت المستحية !! مع انه في الحقيقة بجح جدااا وسافل كمان وعنيه يندب فيها رصاصة !!
نيره .. يمكن استقام عشان ناوي يتجوز .. ربنت هداه يعني
شهيرة..لا انا مش مرتاحة بصراحة حاسة ان في حاجة غلط !! يكونش اتجنن يا بنات ؟!
وفي الصباح تذهب شهيره الي عملها بالشركة كالمعتاد ولكنها تصل متأخره هذه المره لأنها ظلت مستيقظة طوال الليل تفكر فيما حدث تلك الليلة وزيارة فارس العجيبة وبمجرد وصولها تقابلها احدي زميلاتها وتدعي سوزي
شهيرة .. صباح الخير
سوزي .. صباح النور .. اتأخرتي ليه انهارده ؟!
شهيرة .. معلش بقي .. كنت سهرانه طول الليل !! ونمت وش الصبح
سوزي .. دا استاذ فارس قالب عليكي الدنيا وقال اول ما توصل خليها تجيلي المكتب علطول .. روحيله بقي عشان تستلقي وعدك يا شوشو
شهيره .. ومالك فرحانه ليه كدا زي ما تكوني شمتانه فيا يعني ؟!
سوزي .. بصراحة اه .. ببقي فرحانه اوي لما استاذ فارس بيتعصب عليكي ويهزقك وبنبقي  قاعدين كدا سامعينه وهو نازل فيكي تهزيق واحنا منشكحين ع الاخر
شهيرة .. طب اوعي من وشي يا منشكحة !! وابقي شوفي بقي المره دي اذا كان هيهزقني ولا هيتغازل فيا !! بعد ازنك يا سوزي انا داخله ل فارس
سوزي .. فارس حاف كدا ؟! اسمه استاذ فارس يا بت انتي !!
شهيرة .. الواد فارس كمان اذا كان عاجبك .. اوعي من وشي يا بتاعه انتي
سوزي مندهشة .. دي اتجننت دي ولا ايه ؟!
وتدخل شهيره مكتب فارس حيث يرتدي بدلة بيضاء جميلة وكرافت سوداء ويبدوا انه في قمة الغضب
فارس .. ايه دا انتي ازاي تدخلي عليا كدا من غير ما تخبطي الباب الاول ؟!
شهيره .. اسفة .. نسيت
فارس .. طب امشي اطلعي بره وخبطي ع الباب ومتدخليش غير لما اقلك ادخلي .. يلا يا استاذه متتنحيش كدا !!
شهيره مندهشة من رد فعل فارس .. حاضر
ثم تخرج وتطرق باب المكتب ويأذن لها فارس بالدخول
فارس .. ادخل
وتدخل شهيره
فارس .. نعم .. عايزه ايه ؟!!
شهيره .. حضرتك اللي عاوزني !!
فارس .. اها .. افتكرت .. انتي اتأخرتي ليه انهارده ؟!
شهيرة .. معلش .. سهرت شوية امبارح
فارس .. سهرتي !! اها .. اكيد طبعا كنتي قاعده ع الشات وهاتك يا كلام مع الشباب المراهقين اللي زيك!!
شهيره .. ايه دا ؟! ايه الكلام دا ؟! لا حاسب حضرتك انا ما اسمحلكش !! انت ازاي تكلمني بالطريقة دي ؟!
فارس .. ايه .. مش عاجبك يا بت ولا ايه ؟!
شهيرة ..وايه يا بت دي كمان ؟! هو في ايه بالظبط اللي يشوفك امبارح ما يشوفكش انهارده !! ايه الحكاية يا فارس
فارس .. فارس !! من غير استاذ !! دا انتي وقعتك سودا انهارده .. امشي اطلعي بره ومتجيش الشركة دي تاني .. انتي مرفوده .. سامعه .. مرفوده
شهيرة .. انت بتتكلم جد ؟!
فارس .. اومال بهرج معاكي ؟! انتي مين اصلا عشان اهرج معاكي ؟! انتي نسيتي نفسك ولا ايه ؟! امشي اطلعي بره يلا
شهيره .. يخرب بيتك !!
فارس .. انتي بتقولي ايه ؟!!
تابعوني والبارت التالي .. تحياتي ..