رواية اغتصاب شرعي البارت العشرون والاخير من الجزء الثاني

زوجة لأربعة توآم 

البارت الثالث 

للكاتب المصري محمد مالك

جميع الحقوق محفوظة
شهيره .. مش معقول ابدا تكون انت نفس الشخص اللي جالي امبارح بالليل يطلب ايدي ؟! علي فكره انت انسان مريض وانصحك تروح لدكتور نفسي .. وكمان احب اقلك ان طابك مرفوض .. بعد ازنك
وبعد ان تغادر مكتب فارس تلمح الشماته في عين سوزي
سوزي .. هههههه .. هتوحشينا والله .. ابقي زورينا بقي متقطعيش مره واحده
شهيره .. يا شيخة اتنيلي
وبعد ان تنزل شهيره في الشارع تنتظر تاكسي يأتيها فارس يستقل سيارته الزرقاء ويرتدي بدلة زرقاء وقميص اسود ويقف امام شهيره
فارس .. انسه شهيره ..
شهيرة متعجبة .. ايه دا !! هو انت جيت من هنا ازاي ؟! هو انا مش سايباك فوق ؟! وايه دا كمان ؟! هو انت غيرت هدومك امتي ؟! مش دي البدلة اللي كنت لابسها من شوية !!
فارس.. انسة شهيرة من فضلك اركبي عايز اتكلم معاكي شوية
شهيرة .. تتكلم معايا في ايه بقي ؟! انت مش طردتني من الشركة ؟!
فارس .. انسة شهيرة .. ارجوكي تركبي لو سمحتي
شهيره .. اللهم طولك يا روح .. حاضر .. اديني ركبت اهوه .. اتفضل بقي عايز تقول ايه
فارس .. تعالي الاول اعزمك ع الفطار ونتكلم براحتنا .. اوك ؟!
شهيرة .. اوك ماشي
فارس يبتسم لها فرحا ثم ينطلق بالسيارة الي كافيتريا شاعرية ع النيل وبعد ان يصلا الي الكافيتريا
فارس .. ايه رأيك بقي في المكان دا ؟
شهيرة .. مكان جميل بصراحة
فارس .. لا وشاعري كمان .. هنا متلاقيش كل واحد ومعاه حبيبته .. بصي كدا حواليكي مفيش طربيزة الا وعليها واحد وواحدة وقاعدين مع بعض قاعدة كلها رومانسية
شهيرة .. اها .. طيب قلي بقي حضرتك عايزني في ايه ؟!
فارس ..جايبك هنا مخصوص وبعد اللي انا قلتهولك دا ولسة مفهمتيش ؟!
شهيرة .. لا للأسف انا مبقتش فاهماك خالص ؟!
فارس .. انا بحبك يا شهيرة
شهيرة .. نعم !! هو انت مش لسة طاردني حالا من الشغل ؟! بعد ما بهدلتني كمان قدام موظفين الشركة كلهم !! ومسحت بكرامة اللي جابوني الارض!!
فارس .. معلش اعذريني .. اصلي مشدود شوية اليومين دول
شهيرة .. لا بجد .. انت انسان غريب فعلا!!
فارس .. خلاص بقي المسامح كريم وعشان اصالحك يا ستي .. انا عينتك السكرتيرة الخاصة بتاعتي .. ايه رأيك ؟!
شهيرة .. السكرتيرة الخاصة بتاعتك كمان !! مكان سوزي صح ؟
فارس .. ايوا
شهيرة .. اذا كان كدا .. ماشي انا موافقة
فارس .. يعني صافي يا لبن ؟
شهيرة تبتسم .. حليب يا قشطة
فارس .. طيب الحمد لله .. المهم بقي عايز اعرف ردك علي الطلب بتاعي ؟!
شهيرة .. قصدك موضوع الجواز ؟
فارس .. اها
شهيرة .. مع اني من شوية كنت مضايقة منك خالص وكنت خلاص لغيت فكرة اني ارتبط بواحد زيك تماما !! لكن ما دام صالحتني بقي .. انا موافقة
فارس فرحا .. يا عسل انت .. تسلملي يا قمر .. بجد انا هطير من الفرحة
شهيرة .. للدرجة دي ؟!
فارس .. واكتر بكتير صدقيني
شهيرة .. مع اني مستغربة حبك المفاجئ دا اللي ظهر فجأة كدا بدون مقدمات .. لكن انا كمان فرحانه ونفسي اطير من الفرحه
فارس .. اوعدك انك معايا هتعيشي اجمل ايام حياتك والسعادة الحقيقية هتعرفيها وانا جمبك .. والابتسامه الحلوة دي مش هتفارق وشك طول ما انتي في حضني
شهيرة .. بجد ؟
فارس .. اها
شهيرة .. يعني  هتنسيني الالم والحزن والهم اللي مش عايزين يفارقوني ابدا وبقوا ملازميني زي ضلي !!
فارس .. اكيد يا شهيرة
ثم ينظر في الساعة ويرتبك فجأة ويقول
فارس .. بعد ازنك ادخل الحمام
شهيرة .. اتفضل
بعدها يحدث شئ صادم ؟؟؟!!!
تابعوني والبارت التالي .. تحياتي ..