رواية سلاسل جهنم
البارت الثاني
للكاتب المصري محمد مالك
جميع الحقوق محفوظةويتم اقتياد زينب الي مكان مجهول عباره عن عنبر كبير جداا كأنه عنبر مستشفي فتستيقظ فتجد نفسها داخل هذا العنبر وبجوارها ناس آخرين يبدوا انهم كانوا مخدرين مثلها رجل واربعة نساء يستيقظون جميعهم في لحظات متقاربة جدا وينظرون الي المكان الذي هم فيه فيندهشون ثم ينظرون الي بعضهم البعض وكأنهم جميعا ينتظرون احدا منهم يتكلم ويخبرهم اين هم الآن .. ولكن الجميع في حيره وصمت وتبدا زينب بالسؤال
زينب .. انا فين ؟! وانتوا مين ؟!
هدي دكتوره مخ واعصاب فتاه ثلاثينية ليست متزوجة
هدي .. نفس السؤال اللي كنت هسألة انا كمان !! انا فين وانتوا تطلعوا مين ؟!
فترد عليهم سهير ممرضة عشرينية متزوجه ولديها طفل عمره ثلاثة اشهر
سهير .. واضح اننا كلنا بيدور جوانا نفس السؤال ؟!
شهير دكتور عظام اربعيني متزوج وليس لديه اولاد
شهير .. الواضح اننا مخطوفين يا جماعة ؟! انا اتاخدت من قدام باب المستشفي وانا مروح !!
هدي .. وانا كمان نفس الموضوع اتخطفت من قدام باب العيادة بتاعتي !!
يارا ممرضة عشرينية متزوجه ولديها بنت عمرها عام
يارا .. وانا كمان اتخطفت من قدام باب المستشفي وانا رايحة النبطشية بتاعتي !!
سهير .. وانا كمان !!
زينب .. احنا تقريبا كلنا مخطوفين !! طب ليه ؟! ويطلعوا مين اللي خطفونا دول ؟؟!!
شهير .. مش عارف
فاتن ممرضه عشرينية ليست متزوجة تلمح باب زجاجي فتنهض من علي السرير التي تنام عليه وتتوجه بسرعة نحو هذا الباب تعتقد انه باب للخروج فتفاجأ بانها غرفة عناية مركزة وبداخلها ثلاث رجال موضوعين علي الاجهزة
فاتن .. يا جماعة الحقوا دا فيه عناية مركزة هنا !!
ويُسرع الجميع نحو تلك الغرفة
زينب .. فعلا دي غرفة عناية مركزة !! بايننا في مستشفي يا جماعة ؟!
هدي .. معقول المكان اللي احنا فيه دا يكون مستشفي ؟!
زينب .. اكيد.. العناية ملهاش مكان تاني غير المستشفي !! بس مين دول اللي علي الاجهزة ؟!
شهير ..لو دي مستشفي فعلا !! احنا هنا عشان ايه؟؟ وليه جابونا هنا بالطريقة دي ؟!
زينب .. حضرتك بتشتغل ايه ؟
شهير .. انا دكتور
هدي .. وانا كمان دكتوره
سهير .. وانا ممرضة
يارا .. وانا زيها ممرضة
فاتن .. وانا شرحه
زينب .. وانا دكتوره .. بس غريبة !! احنا كلنا تقريبا بنشتغل في نفس المجال .. اللي هو الطب !!
شهير .. فعلا !! حاجة غريبة
زينب .. يبقي اكيد وجودنا مع بعض مش مجرد صدفة !!
هدي .. تقصدي ايه ؟!
زينب .. مش عرفة !! انا تفكيري مشوش ومش قادره اصدق الموقف اللي احنت فيه دا خالص !!
شهير .. المفروض حد يجي يفهمنا احنا هنا عشان ايه بالظبط
ثم يلمح باب حديدي فيدرك انه باب العنبر فيتوجه نحوه ويقوم بطرق الباب بقوة وهو يقول بصوت عالي وعصبية شديدة
شهير .. انتوا يا جماعة ياللي بره حد يجي يفهمنا احنا هنا بنعمل ايه !! حد يرد عليا!! .. انتوا يا يا جماعة ياللي بره ردوا عليا يخرب بيوتكم !!
ثم يُفتح الباب ويدخل رجل طويل ضخم مفتول العضلات يبدوا كأنه لاعب كمال اجسام ثم يتحدث بغضب قائلا
الرجل .. ايه يا ريس .. ايه الدوشة اللي انت عاملها دي ؟!
تابعوني والبارت التالي من الرواية .. تحياتي.
بتنزل اجزاء جديده لروايه جديده ما تكمل الروايات الى سايبها الاول
ردحذفجميله اوي اوي
ردحذفبلاش تاخير علينا ياااريت وفين البارت التاسع عشر من تاجر العذرية في إنتظاره بالاشتياق
ردحذفبدنا الاجزاء الاخيرة من الروايات
ردحذف