رواية امرأة للمرح فقط
البارت الخامس عشر
للكاتب المصري محمد مالك
جميع الحقوق محفوظةحاتم مرتبك .. احم ..انا مش متذكر بصراحة اذا كنت كلمته او لا !!
بلال .. معقول تبقي مش فاكر حاجة زي دي ؟!!
حاتم .. صدقني سعتك مش فاكر بجد ولو حتي كنت كلمته انا مش فاكر كلمته عشان ايه !!
بلال .. لنفترض انك مش فاكر فعلا اذا كنت كلمته او لا .. بس تليفون ابراهيم مبيكدبش وبيقول انك كلمته فعلا والمكالمة واردة عنده بالتاريخ والوقت اللي انا قلتلك عليهم !! طيب انت بتقول ان دت شخص بلطجي وسوابق وانت بسم الله ما شاء الله راجل موظف محترم .. يا تري لما هتتصل بشخص زي دا هيكون عشان ايه مثلا ؟!!
حاتم .. ما انا قلت لسيادتك مش فاكر حاجة خالص عن الموضوع دا !!
بلال .. ما انا عارف يا حاتم !! انا مش بسألك دلوقتي .. احنا بس بنتوقع مع بعض الاجابة النموذجية للسؤال .. راجل محترم سيره وسلوكه سليم بيتصل بواحد بلطجي سكته دايما شمال يبقي عايز منه ايه يا تري ؟!!
حاتم مرتبك ولا يُجيب
بلال .. ايه معندكش اي توقعات ؟!
حاتم .. انا مش عارف سعتك اقول ايه يعني ؟!
بلال .. اها .. طيب .. المنطق بيقول ان لما اي حد فينا يتصل بواحد بلطجي يبقي اكيد عايزه في حاجة مش كويسة !! صح ولا ايه ؟!
حاتم منزعج .. لا يا باشا انا طول عمري راجل نضيف وماشي دوغري وعمري ما امشي غلط ابدا لو علي رقبتي !!
بلال .. اهدي مالك ؟! دا مجرد تخمين يا حاتم !! وطبعا لكل قاعدة شواذ .. انا عارف انك انسان محترم وعمرك ما تفكر تعمل حاجة غلط ابدا .. مش كدا ولا ايه ؟؟!!
رد فعل علي وجه حاتم
ونذهب الي رجاء عمة سوسن حيث قصت عليها قصتها ورجاء في غاية الدهشة
رجاء .. معقول يا بنتي الكلام اللي انتي بتقوليه دا ؟!! دا ولا حكاية الف ليلة وليلة ؟!
سوسن .. هو دا اللي حصل يا طنط !!
رجاء .. بقي حاتم يسلط عليكي اربعة بلطجية عشان يغتصبوكي !! هو اتجنن ولا ايه ؟!
سوسن .. اكيد اتجنن طبعا لما يقبل ان يتعمل في مراته حاجة زي دي!!
رجاء .. بس اكيد فيه سبب يخليه يعمل كدا !!
سوسن .. مفيش سبب في الدنيا يخلي راجل عنده نخوه يعمل في مراته اللي هي عرضه حاجة زي دي !!
رجاء .. عندك حق يابنتي وعلي رأي المثل يا عشرة بالمعروف يا فراق بالمعروف
سوسن .. وانا طلبت منه كتير انه يطلقني وهو كان رافض لمجرد العند معايا مش اكتر..
رجاء .. انا مش عرفة ليه انتي مكنتيش بتقبلي الجدع دا خالص ؟!! بالرغم انه انسان محترم وماشوفناش منه حاجة ابدا !! بس طبعا بعد اللي عمله دا .. نزل من نظري جدا واحتقرته كمان
سوسن .. المهم دلوقتي انا مش اروح فين ولا اعمل ايه ؟!! وخايفة اروح القسم اقلهم علي اللي حصل مش هيصدقوني طبعا !!
رجاء .. دا اكيد مش هيصدقوكي !! ما انا قلتلك ان اللي انتي حكتيه دا ولا الف ليلة وليلة !! طيب متعرفيش الكاميرا راحت فين ؟!!
سوسن .. ما هي دي الحاجة الوحيدة اللي تثبت برآتي وصحة كلامي ..لأنها سجلت كل حاجة حصلت في الاوضة .. بس انا اتلفت عليها وانا خارجة بس ملقتهاش !! مش عرفة اختفت ازاي فجأة كدا !! ومن غير الكاميرا محدش طبعا هيصدقني وانا في نظرهم كدا متهمه !!
رجاء .. قطعتي قلبي يا بنتي !! خليكي قاعدة معايا هنا لحد ما نشوف حل في المصيبة دي .. متخافيش يا بنتي تبات نار تصبح رماد .. وربك قادر ينجيكي من الورطة دي
سوسن متأثرة .. يارب يا عمتوا ياارب
ثم يأتي زوج رجاء ويحمل في يده جورنال وعندما يري سوسن يُصدم وينزعج بشدة ..
ماذا فعل تابعوني والبارت التالي .. تحياتي..
يااااريت حضرتك تكمل لأن الرايه متوقعه من فتره وبكده بننسي احداث الروايه
ردحذففين باقى رواية امراءة للمرح فقط واشكر حضرتك على المجهود العظيم فىالروايات
ردحذففيييييين تتمة الرواية ...ايه الهبل ده
ردحذف