رواية تاجر العذرية
البارت الاول
للكاتب المصري محمد مالك
جميع الحقوق محفوظةالليلة هي ليلة زفاف فردوس علي عريسها الرابع وهي الآن تتزين في غرفتها كأي عروس ليلة عرسها حيث ارتدت الفستان الابيض الجميل ووضعت تاج ابيض جميل فوق رأسها وحولها صديقاتها وحيرانها من الفتيات يساعدنها فرحين بها مهللين لها وتفف في الخلف عمتها انتصار ودموع الفرح في عينيها وتقول لها احدي صديقاتها المقربات وتدعي اميمه
اميمه .. ايه يا بنتي دا !! الفستان احلو يعني لما انتي لبستيه ؟!!
فردوس .. يا سلام !! الفستان اللي حلو بردوا ولا انا اللي احلويت لما لبست الفستان ؟!!
اميمة .. يا بنتي انتي قمر واي حاجة عليكي بتنطق !!
فردوس .. تسلميلي يا ميمي عقبالك يارب
سارة .. سارة يتمم علي خير يا فردوس وعقبالنا يارب
احدي الفتيات وتدعي فرح تقوم بقرص فردوس في احدي ركبتيها
فردوس .. اه رجلي !! ايه دا ؟!
سارة .. بقرصك في ركبتك عشان احصلك في جمعتك .. هههه
فردوس .. دا انتوا هريتوني قرص في رجليا !! يخرب بيوتكم .. هتموتوا اوي ع الجواز يا بنت انتي وهي ؟!!
سارة .. اشمعني انتي يعني ؟! ولا احنا ملناش نفس نفرح زيك ؟!!
اميمة .. بس سيبك انتي الفستان هياكل منك حته .. انتي اموره اوي يا فردوس
فردوس بحزن واسي .. بجد ؟!! بس مليش حظ يا ميمي !!
اميمه .. قصدك في جوازاتك اللي فاتت ؟
فردوس .. ايوا
اميمه .. دا نصيب يا فردوس .. دول ماتوا موتة ربنا وانتي مؤمنه وعرفة ان لكل اجل كتاب .. انسي بقي انهارده فرحك يابت وتعالي بصي علي نفسك كدا في المرايا
تتوجه فردوس لتقف امام المرآة وتنظر الي نفسها وتعجب بالفستان بشدة ولكن فجأة تري الفستان قد اصبح لونه اسود داكن فترتجف فتشعر بها اميمه التي كانت تقف بجوارها مباشرة
اميمة .. مالك اتنفضتي ليه كدا ؟!
فردوس .. مش عرفة شفت الفستان فجأة بقي لونه اسود !!
اميمة .. اسود ايه بعد الشر !! دا ابيض زيك يا جميل
فردوس .. مش عرفة قلبي مقبوض ليه يا ميمي ؟!!
اميمة .. ليه طيب ؟!!
فردوس .. مش عرفة
فردوس تحس من داخلها فجأة ان اخيها علاء يبكي في غرفته الما وحسرة
فردوس .. علاء !!
اميمة .. ماله علاء ؟!
فردوس تترك الفتيات وتتوجه مسرعة نحو غرفة علاء اخيها وتنادي عليها سارة
سارة .. رايحة فين يا بنتي؟!! .. تعالي البسي الجزمة ولا هتقعدي في الكوشة حافية ؟!!
فردوس تصل الي غرفة علاء وتفتح الباب دون استئذان فتجد علاء يبكي وهو يمسك بصورة تجمع والدية فيمسح دموعه عندما يراها
علاء .. فردوس !!
فردوس .. علاء انت بتبكي ؟!
علاء .. لا مش ببكي يا حبيبتي
فردوس .. لا .. ان بتبكي يا علاء .. وبعدين انت ماسك ليه في ايدك صورة بابا وماما ؟!!
علاء .. مفيش .. عادي يعني
فردوس .. لا مش عادي طبعا .. انت ايه اللي فكرك بيهم دلوقتي ؟!! يا علاء انا فرحي انهارده !! وانت قاعد هنا حابس نفسك في اوضتك وعمال تبكي !! نفسي اعرف مالك ؟! في ايه جواك ومش عاوز تقوله ؟!! مخبي عني ايه يا علاء ؟!
علاء .. مفيش يا فردوس مفيش !! كل الحكاية اني انا افتكرت بابا وماما
فردوس .. لا مش دي الحقيقة .. انا كل مره بتجوز فيها انت بتكون في الحالة دي .. قاعد في اوضتك ونازل عياط !! حتي فرحي مبتحضرهوش !! قلي انت مش عايزني اتجوز طيب ؟!
علاء .. لا طبعا .. ازاي ؟!!
فردوس .. طب مالك بس ؟!! علاء انت اقرب واحد لقلبي اقرب ليا من اخوك بسيوني وانت عارف انا بحبك اد ايه
علاء .. وانا كمان بحبك يا فردوس
ثم يضمها الي حضنه بكل حب وحنين اخوي
فردوس .. علاء في ايه ؟!! انا صدري مقبوض ومش مرتاحة .. قلي في ايه ؟!!
علاء بحزن واسي .. بلاش الجوازة دي يا فردوس ارجوكي
فردوس .. ليه ؟!! العريس مش عاجبك طيب ؟!!
علاء يهز رأسه بمعني لا اي انه لا يقصد ذلك
فردوس .. طب ايه الحكاية اتكلم يا علاء ارجوك .. هيموت زي اللي قلبه صح ؟!!
علاء لا يجيب ولكن دموعه تجيب بدلا منه
فردوس .. ايه مجاوبتش يعني ؟!! هيموت يا علاء ولا لا جاوبني من فضلك .. سكوتك دا معناه اه !!
علاء .. بلاش الجوازة دي يا فردوس
فردوس بعصبية شديدة .. طب قلي ليه بدال ما انت واقف تعيط زي العيال الصغيرة !
علاء .. مقدرش
ثم يعطيها ظهره فتلف هي لتصبح موجهه لها وجها لوجه
فردوس .. يعني ايه متقدرش ؟! انت في ايه بالظبط ؟!! انت مخبي عني ايه يا علاء ؟!!
علاء .. انا ....
ثم يدخل اخيهم بسيوني يقاطعه
بسيوني .. انتي هنا وانا بدور عليكي ؟!! يلا عشان تكملي لبسك العريس وصل تحت وسيبك من الدرويش دا !!
ثم ينظر ل علاء نظره ذات معني ويقول
بسيوني.. ايه مش ناوي تحضر فرح اختك يا درويش ؟!!
علاء .. لا
بسيوني .. براحتك يلا يا فردوس
فردوس تنظر ل علاء نظره عتاب وغضب لأنه رفض ان يفصح عن ما بداخلة وتقول
فردوس .. ماشي يا علاء!!
بسيوني .. سيبك منه دا .. دا خلاص ادروش وبقي عايش مع اهل المدد
فردوس.. يلا يا بسيوني
وانتهت مراسم الزفاف وذهبت فردوس مع زوحها الي منزل الزوجية لتحدث كارثة ؟؟!!
تابعوني والبارت التالي .. تحياتي
#محمد_مالك
تعليقات
إرسال تعليق