رواية اغتصاب شرعي البارت العشرون والاخير من الجزء الثاني

رواية احقا تراني هكذا

البارت الثاني والعشرون

للكاتب المصري محمد مالك

جميع الحقوق محفوظة
وبعد تردد تمسك رشا بالكيس ثم تفتحه وتنظر الي ما بداخلة مره اخري فتُخرج علبة البخور وتقرأ البيانات التي عليها ولكن تفاجأ انه غير مدون عليها اية بيانات فتتعجب ثم تفتحها وتُخرج عودا منها وتقربه الي انفها وتشتم رائحته فتعجب بها كثيرا ثم تأتي بولاعة السجائر وتقوم بإشعال عود البخور ولكن تلاحظ انه كلما اشتعل العود يعود لينطفئ مره اخري تكرر المحاولة عدة مرات ولكنه ينطفئ في كل مره مما يثير غضبها ثم تقول
رشا .. يوووووه .. ايه الحكاية ؟!! مش عاوز تولع ليه ؟!! عنك ما ولعت
ثم تتركه جانبا وتمسك بالساعة فتنظر اليها وتقول
رشا .. حتي الساعة مش شغاله !! بس شكلها جميل اوي
ثم تقوم بوضعها علي معصمها الايمن فتفاجأ بأن الساعة بدأت تعمل بمجرد ان وضعتها علي يدها فتندهش بشدة ثم تخلعها من يدها فتتوقف عن العمل ثم تقوم بارتدائها مرة اخري فتعود للعمل من جديد
رشا .. مش معقول !!
ثم تقوم بضبط عقارب الساعة بعد ان استقرت علي يدها ولكنها تلاحظ كلما حاولت ضبطها علي التوقيت الحالي عادت العقارب لتقف علي الساعة الثانية عشر من تلقاء نفسها وكأنها تريد ان تحسب الوقت من تلك الساعة .. رشا تعيد ضبطها مرة اخري ولكن العقارب تعود الي وضعها السابق علي الساعة الثانية عشرة
رشا .. وبعدين بقي ؟!! دي بايظة دي ولا أيه ؟!! اركني دلوقتي عشان ماتعصبنيش !!
ثم تتركها هي الاخري جانبا ثم تنظر فتري المصحف الجيب تتردد في حمله ولكنها تقرر ان تمسكة ربما لأول مره في حياتها تفتح المصحف لتقع عيناها مباشرة علي قول الله تعالي .. قل يا عبادي الذين اسرفوا علي انفسهم لا تقنتوا من رحمة الله ان الله يغفر الذنوب جميعا انه هو الغفور الرحيم .. صدق الله العظيم
رشا تتنهد ويبدوا انها تأثرت بتلك الاية ولمعت عيناها ثم قالت
رشا .. استغفر الله العظيم يارب
لتفاجأ بعد ذلك بأن ملابسها مبتلة بالماء وكأن جردل ماء سقط فوق رأسها ثم تلمح سجادة الصلاة مفرودة علي الارض ناحية القبلة فترتجف من الخوف
رشا .. ايه اللي فرد السجادة دي ؟!! والمية دي جاتلي منين ؟!!
ثم تسمع صوت دُش المياه يعمل وتسمع صوت جريان المياه تنهض من علي السرير وتتوجه ناحية الحمام في حذر وخوف شديد تنظر بطرف عينيها فتجد ان الدش يعمل والمياه تخرج منه ساخنه
رشا .. الدش دا اشتغل لوحدة ازاي ؟!!
ثم تستشعر حرارة المياه بيدها فتجدها ساخنه
رشا .. دي المية سخنه !! ازاي والسخان مش شغال اصلا ؟!!
ثم تلمح وجه امها في المرآة المعلقة علي حائط الحمام ترتدي ابيض في ابيض ولكنها حزينة جدا
رشا .. ماما !!
الام تحدثها قائلة ..
الام .. اغتسلي يابنتي .. اغتسلي من ذنوبك ربنا يهديكي !!
رشا تقترب من المرآة بلهفة قائلة
رشا .. ماما .. وحشتيني خالص
وبمجرد ان تصل الي المرآة تختفي صورة امها فتتعجب بشدة
رشا .. ماما !!
وفجأة يُطرق باب الشقة بشدة فيتوقف جريان الماء بالدش من تلقاء نفسة فتتعجب رشا من ذلك ثم تتوجه نحو باب الشقة لتري من الطارق .. رشا تنظر من العين السحرية ثم تقول
رشا .. مين ؟!
علي .. افتحي يا رشا انا علي
رشا تفتح الباب فتجد علي غاضبا بشدة
علي .. حمد الله ع السلامة يا وش المصايب!!
رشا تنظر ل علي نظرة تحمل غضب ودهشة
علي .. ايه متبصيش !!..ما هي كل حاجة بانت خلاص ووضحت!!
رشا .. ايه هي دي اللي بانت ووضحت ؟؟!! انت تقصد ايه ؟!
علي .. قصدي انك بومه وفقر وشوم ومفيش مكان رجلك تحل فيه الا لما تحصل فيه مصيبة !! حرقتي القصر بصاحبة يا رشا بالمعازيم كمان !!
رشا .. انت بتقول ايه ؟!! انا مالي انا ؟!
علي .. مالك !! مالك ازاي بس ؟!!المهم انا جاي اسألك علي ثروت .. انتي عملتي ايه ثروت لما كان عندك هنا ؟!!
رشا .. ايه ؟!!
علي .. بقلك ايه متستهبليش وحيات امك !! وقليلي عملتي ايه في الراجل بالظبط لما كان عندك هنا بعد نص الليل ؟!!
رشا .. هو ثروت كان عندي هنا فعلا ؟!! يبقي انا مكنتش بحلم ولا حاجة !!
علي .. بتحلمي ؟!! لا انتي بتستهبلي مش بتحملي !! انطقي يا بت عملتي ايه في الراجل بالظبط ؟!! اخر مكالمة بيني وبينه انه وصل البيت عندك هنا وكان طالع الشقة عندك
رشا .. هو دخل ازاي الشقة ؟!
علي .. انا اديتله المفتاح اللي كان معايا .. الراجل كان هيتجنن عليكي ومهانش عليا اسيبة يتعذب من النار اللي جواه
رشا .. هتفضل عمرك وسخ وواطي !!
علي .. لا والنبي !! تكونيش مفكراني الشيخ الشعراوي يا بت وانا مش عارف !! ما انتي عرفة اني صايع وماليش مبدأ وابيع ابويا عشان الفلوس !! الفلوس اللي نضفتك وعملتك بني آدمة يا بت نجار المسلح !! والفضل يرجع ليا.. ولا نسيتي ؟!
رشا .. لا منسيتش يا علي
علي .. يبقي تنطقي وتقولي ليه عملتي في الراجل كدا ؟!! يخرب بيتك دا انتي جبارة يا شيخة تقطعي للراجل العضو بتاعة يا مفترية !!
رشا .. اية ؟؟؟!!!!
تابعوني والبارت التالي .. تحياتي ..