رواية اغتصاب شرعي البارت العشرون والاخير من الجزء الثاني

رواية احقا تراني هكذا 

البارت السابع عشر

للكاتب المصري محمد مالك

جميع الحقوق محفوظة
وتظل رشا حتي طلع الصباح جالسة علي الارض وظهرها متكئاً علي الحائط اسفل شباك غرفة نومها حزينة مُحبطه ومندهشة ودموعها لا تكاد تجف حتي يُطرق جرس باب الشقة فتجفف دموعها بيدها وترتدي الروب وتذهب لتفتح باب الشقة تنظر من العين السحرية فلم تري احدا تسأل وتقول
رشا .. مين ؟!
لا احد يجيب وتكرر السؤال ولكن ايضا لا احد يجيبها فتقرر ان لا تفتح الباب وتبتعد عنه بضع خطوات حتي يعود جرس الباب ليرن مره اخري فتعود رشا لتنظر من العين السحرية فلم تجد احدا !! تتعجب بشدة وتسأل نفس السؤال
رشا .. مين اللي بره ؟!!
لا احد بجيب فتقرر ان تفتح باب الشقة لتري من الطارق فلا تجد احدا خلف الباب حتي تلمح في الارض امام الباب ظرف اخضر جذاب اللون ورائحته ذكيه جدا فتأخذه وتدخل الي الشقة وتغلق الباب خلفها ثم تهم بفتح الظرف فتجد بداخلة اسطوانه CD فتعجب بشدة
رشا .. دي اسطوانه CD يا تري جواها ايه الاسطوانه دي ؟!! ومين اللي باعتها ؟!
ثم تتوجه نحو جهاز DVD لتقوم بوضع الاسطوانه بداخلة وتشغيلها حتي يظهر هذا المشهد علي شاشة التليفاز امامها ..
تظهر رشا بوجه عبوس حزين وكأنها تبكي بشدة... دموعها ليست كالمعتاد بل انها قطرات من الدماء .. نعم تراها تبكي دما وكأنها تسير فوق حبل رفيع ممتد بين جبلين تريد ان تعبر الي الجبل الاخر حيث تجلس امها واباها يرتديان ملابس بيضاء جميلة ووجوهما مشرقة ونضرة يرفعان ايديهما الي السماء والتي تبدوا صافية وكأنها في وضح النهار  وكأنهما يدعون الله بكل توسل وخشوع وكل ذلك ورشا تحاول عبور هذا الحبل الرفيع الذي يهتز اسفلها بشدة فتكاد تسقط داخل بركه من النيران الملتهبه وخلفها تجد علي وبدرية ووجوه اخري تعرفهم هي انهم من زبائنها ابناء الليل وعشاق المتعه الحرام كانوا يرتدون ملابس سوداء ووجوهم عابسة قبيحه كل واحد منهما في رقبته طوق حديدي يتصل بسلسلة كبيرة مثبته في صخر الجبل تعلوهم سماء تكسوها الغيوم الشديدة ويبدوا انها في ليل حالك السواد  .. تراهم يحاولون منعها من الوصول الي الجانب .. يهزون الحبل اسفلها بكل قوة يريدون ان تسقط في تلك البركة المشتعله وهي تحاول ان لا تسقط وفجأة تراها تقف وتلتفت اليها وكأنها تنظر اليها من داخل شاشة التلفاز ورشا تشاهد ذلك وهي في غاية الدهشة والخوف الشديد .. فقد ظلت تنظر اليها وكانها تقول لها انتي السبب وتحملها مسئولية هذا الموقف الرهيب !! حتي تسقط بعد ذلك داخل تلك البركة المشتعله وابتعلتها النيران الملتهبة المتعطشة .. ثم بعد ذلك تري آيات الله مكتوبة وتسمع صوت عذب وكأنه صوت من السماء يهز كيانها بقوة وهو يتلو قول الله تعالي .. قل يا عبادي الذين اسرفوا علي انفسهم لا تقنتوا من رحمة الله ان الله يغفر الذنوب جميعا انه هو الغفور الرحيم .. ثم ينتهي عرض الفيديو ..
رشا .. مش معقول !! .. دي انا !! هو ايه اللي بيحصل دا !!انا بحلم ولا دي حقيقة ؟!! انا هتجنن يا ربي .. هتجنن !!
ثم يرن جرس الباب فتذهب رشا لتفتح الباب وتنظر من العين السحرية فتجد الطارق بدرية فتفتح الباب
رشا .. بدرية !!
بدرية تسلم عليها وتقبلها وهي تقول
بدرية .. قلبي عندك يا حبيبتي شدي حيلك
رشا .. تعالي ادخلي يا بدرية
بدرية ..ربنا يرحمها يارب .. ان شاء الله في الجنة ونعيمها.. شدي حيلك يا حبيبتي
رشا .. تصدقي بسمة اختي منعتني ادخل اشوف امي لآخر مره في حياتي واودعها !!
بدرية .. ازاي تعمل كدا ؟!! مش من حقها طبعا!!
رشا .. قالتلي دي وصية امك !! ولما حاولت ادخل بالعافية رفعت عليا السكين وهددتني اني لو قربت ناحية الاوضة هتقتلني !! وبالفعل عورتني في ايدي لما صممت اني ادخل اشوفها
بدرية تري الجرح في يدها فتحزن وتتعجب
بدرية .. دي اتجننت دي ولا أيه ؟!! كنت طلبتي الشرطة يا حبيبتي في ساعتها وكانوا جم وخلوكي دخلتي علي امك غصب عنها هي واللي يتشددلها وكان اتعملها محضر تعدي كمان!!
رشا .. محضر ايه بس يا بدرية ؟!! دي اختي مهما كان وبعدين انا مش عاوزة شوشرة وانتي عرفة موضوع زي دا لو وصل للصحافة والاعلام مش هخلص وكل واحد وكلمته
بدرية .. عندك حق برضوا ودول ما يصدقوا جنازة عشان يشبعوا فيها لطم والحبة اللي اد كدا يخلوها اد كدا !! معلش .. ربنا يرحمها يا حبيبتي
رشا .. وبعدين امبارح الفجر حصلت حاجة غريبة اوي ومش عارفة اذا كانت دي حلم ولا حقيقة
بدرية .. حاجة ايه يا ست رشا خير !!
رشا .. قبل ما احكيلك .. جرس الباب رن من شوية قبلك بربع ساعة فقمت فتحت وملقتش حد ع الباب .. بس لقيت ظرف اخضر جواه سيديهايه فقلت اشوف جواها ايه ولما شغلتها ظهرلي فيلم غريب اوي مخليني مش قادرة اتلم علي نفسي لدلوقتي !!
بدرية .. فيلم ايه كفالله الشر ؟!
رشا . روحي شغليه .. الاسطوانه جوا الجهاز انا مطلعتهاش
بدرية .. نشغله وماله .. استر يارب
وبمجرد ان تقوم بدرية بتشغيل ال DVD يشتعل الجهاز فجأة ويحترق
رشا .. الحقي يا بدرية الجهاز ولع ؟؟!!!!
تابعوني والبارت التالي .. تحياتي ..