رواية جرآة بأسم الحب
البارت الحادي والعشرون
للكاتب المصري محمد مالك
جميع الحقوق محفوظةومنذ ما حدث بين عماد ونشوي فهو يتجنبها تماما ولا يتحدث معها مطلقا ونشوي تلاحظ ذلك حتي تستوقفة ذات مره وهو صاعد علي السلم الي غرفته وكانت هي في طريقها لأسفل لتسأله ما به
نشوي .. ايه مالك ؟!!
عماد .. مالي !! ما انا كويس قدامك اهوه
نشوي .. حساك متغير من ساعة اخر مره كنا فيها مع بعض في اوضة النوم !!
عماد .. وطي صوتك الشغالين يسمعوكي !!
نشوي .. عادي .. ميهمنيش !!
عماد .. لا دانتي مستبيعه بقي !!
نشوي .. جدااااا
عماد .. طب بعد ازنك عاوز اطلع اوضتي
نشوي .. مش قبل ما تقلي مالك .. متغير من ناحيتي ليه كدا ؟!!
عماد .. مش متغير ولا حاجة يا نشوي !!
نشوي .. عملت ايه في موضوع جوازك من بنت عمتك ؟!! لغيت الموضوع دا ولا لا ؟!!
عماد .. اظن ميخصكيش حاجة زي دي ؟!!
نشوي .. لا يخصني .. واحسنلك تشيل فكرة الجواز دي من دماغك خالص
عماد .. نعم !! هو حضرتك مش عاوزاني اتجوز ابدا ولا ايه ؟!
نشوي .. ايوا
عماد .. انتي بتستهبلي اكيد !! ما انتي اتجوزتي اهوه .. حد كان منعك ؟!!
نشوي . كان المفروض تمنعني وتقف قصاد الدنيا كلها عشان ما اتجوزش من حد غيرك !! لكن انت استسلمت وسيبتني اغرق لوحدي
عماد .. اظن انتي مش صغيره وعرفة مصلحتك فين كويس !! محدش فرض عليكي حاجة !!
نشوي .. لا .. اتفرض عليا ومكنش قدامي اي اختيار تاني وانت عارف الكلام دا كويس .. انا اتجوزت من ابوك عشان انقذ ابويا من الضياع
عماد .. اديكي قلتي .. تنقذي ابوكي من الضياع .. واظن مصلحة ابوكي هي مصلحتك بالظبط .. يعني انتي فضلتي مصلحة ابوكي عن كل شئ كان بينا يا نشوي !! يبقي انا كمان من حقي اشوف مصلحتي فين
نشوي .. انت نمت معايا ليه ؟!!
عماد .. من فضلك اوعي عاوز اطلع اوضتي
نشوي .. ما هو انت مش تاخد غرضك مني وبعد كدا تقلي سلام!! لا يا حبيبي .. دا انا اهد الدنيا كلها علي دماغي وعلي دماغك .. فاهم ؟!
عماد .. اوعي
ثم يصعد الي اعلي ورد فعل علي وجه نشوي ثم تأتي الخادمة صفاء
صفاء .. احضرلك الفطار يا ستي ؟
نشوي .. مش عاوزة زفت .. امشي غوري من وشي
صفاء .. حاضر ..
ثم تتصل امها علي المحمول
نشوي .. الو .. ايوا يا ماما .. صباح الخير
الام .. صباح النور يا حبيبتي .. اخبارك عاملة ايه ؟
نشوي .. زي الزفت !!
الام .. ليه بس ؟!؟ حد مزعلك في حاجة ؟!
نشوي .. انا نفسي زعلانه من نفسي !!
الام .. وزعلانه ليه من نفسك بس ؟!!
نشوي .. عشان سمحتلكم تعملوا فيا كدا !! انكم تحافظوا علي مستواكم الاجتماعي والمادي علي حساب حياتي ومشاعري وقلبي .. وانا الوحيدة اللي بدفع التمن دلوقتي ومحدش حاسس بالنار اللي جوايا !!
الام .. انتي ليه بتعذبي نفسك بالطريقة دي ؟!؟ وكأننا رميناكي في النار !! انتي متعرفيش ان اي بنت مكانك تتمني الحياه اللي انتي عايشاها دلوقتي !!
نشوي .. من وجهة نظركم انتم انها حياه واني انا عايشة !! لكن بالنسبة لي انا ميته بالحيا!! وانتم السبب !!
الام .. خلاص كان ابوكي البنك يحجز عليه ويدخل السجن عشان ترتاحي يا نشوي !!
نشوي .. ارتاح !! لا يا امي مش مهم انا ارتاح .. المهم تكونوا انتم ارتحتوا !!
ونذهب الي صفاء حيث تقوم بترتيب غرفة نوم نشوي وتحادث نفسها وتقول
نشوي .. كل شوية شتيمه واهانه .. زي ما اكون بقيت الملطشة في البيت دا !! انا مش عرفة هي حاطاني في دماغها ليه ؟!! مش كفاية المصايب اللي هي عملاها!! انا مش عرفة ليها عين ازاي تكلمني بالبجاحة دي بعد كل اللي شفتوا بعنيا !! فعلا اللي اختشوا ماتوا
ثم تلمح في الارض كارت الميموري الذي سجلت عليه نشوي لقائها ب عماد ويبدوا انه قد سقط منها علي الارض
صفاء .. ودا ايه دا كمان ؟!! دا كارت ميموري !! يلا اهو جه في وقته .. انا محتاجة كارت في التليفون بتاعي .. احسن من عنيها برضوا!!
تابعوني والبارت التالي .. تحياتي ..
تعليقات
إرسال تعليق