رواية اغتصاب شرعي البارت العشرون والاخير من الجزء الثاني

رواية احقا تراني هكذا 

البارت الثامن عشر 

للكاتب المصري محمد مالك

جميع الحقوق محفوظة
بدرية .. يا ساتر يارب .. الجهاز ولع لوحده !!
رشا .. انا هتجنن من الحاجات اللي بتحصللي دي !!
بدرية .. ولا تتجنني ولا حاجة .. جهاز واتحرق .. في داهية ..
رشا .. طب دي الاسطوانه جواه .. كنت عايزاكي تشوفيها !!
بدرية .. بقلك ايه يا ست الكل .. ما تفكك بقي من كل الحاجات دي اللي هتخلي عقلك يطير !! وخليكي في شغلك احسن
رشا .. مبقاش ليا نفس للشغل خالص يا بدرية !!
بدرية .. بالعكس .. الشغل الحاجة الوحيدة  اللي هتخليكي متفكريش في الحاجات دي خالص
رشا .. انا اموت واعرف ايه سبب اللي بيحصللي دا ؟!! اكونش اتلبست وانا مش حاسة ؟!!
بدرية .. يا ساتر يارب !!اتلبستي ايه بس ؟!! بلاش الكلام دا
رشا .. امال ايه بس اللي بيحصل دا ؟!!انا عقلي هيطير يا بدرية !! انا بقيت اشوف حاجات ومش عرفة اذا كانت حلم ولا حقيقة !!
بدرية .. اسمعي كلامي بس .. ركزي في شغلك وانتي هتلاقي الحاجات دي بعدت عنك لوحدها
رشا .. عندك حق .. انا فعلا مش لازم اهتم باللي بيحصل دا .. لأني بكدا ممكن اتجنن فعلا !!
بدرية .. الف بعد الشر عليكي .. بقلك ايه .. ما تسافري تغيري جو؟
رشا .. اسافر ؟!!
بدرية .. ايوا سافريلك اسبوع كدا في اي مكان تريحي اعصابك فيه وبالمره تستعيدي نشاطك من اول وجديد
رشا .. فكره برضوا .. طب رأيك اسافر فين ؟
بدرية .. ايه رأيك لو تروحي لبنان ؟
رشا .. لبنان !! جميلة لبنان
بدرية .. هو في اجمل من بيروت وسحر بيروت ؟!
رشا .. خلاص .. احجزيلي علي اول طياره ل لبنان
بدرية .. وبالمرة في حفلة كدا صاحبها كان عاوزك تحييها
رشا .. مين دا ؟!!
بدرية .. امير الاشقر .. فاكراه ؟!
رشا .. ايوا فاكراه .. جه عندنا الصالة كذا مره
بدرية .. لا .. ومن اشد المعجبين بيكي كمان
رشا .. ودا عامل حفلة بمناسبة ايه ؟!
بدرية .. بمناسبة عيد ميلاده
رشا .. بدرية .. انتي عرفتي منين ان امير الاشقر عامل حفلة عيد ميلاد ؟!
بدرية ترتبك .. ايه ؟!.. اصل ااااا
رشا .. اصل ايه يا بدرية ؟! انطقي
بدرية .. هو كلمني بصراحة لأنه ضاعت منه نمرتك وطلب مني ابلغك انه عاوزك تحيله حفلة عيد ميلاده اللي عاملها في القصر بتاعة بعد بكرا في بيروت
رشا .. اها .. عشان كدا قلتي اسافر لبنان !!يعني الحكاية مش اني اغير جو ولا حاجة .. انتي اتفقتي علي شغل من ورايا يا بدرية !!
بدرية .. انا !! والله ما حصل ..انا مردتش عليه اصلا لا ب اه ولا ب لا ..  القرار قرارك وانتي حره .. بس انا رأيي يعني رزق وجالك .. حرام تقولي لا !! وبعدين دا ايديه فرطه اوي وبيدفع بالعملة الصعبة !!
رشا تنظر لها في تعجب شديد .. اها .. بقي كدا ؟!!
ونذهب الي علي حيث اتصلت عليه زوجة ثروت وتدعي انغام تبلغه انه لم يعود الي المنزل منذ ليلة امس
انغام .. الو .. ازيك يا استاذ علي ؟!!
علي .. اهلا اهلا بست الكل .. أأمريني خدامك ؟
انغام .. متعرفش ثروت جوزي راح فين ؟!!
علي .. ثروت !! لا .. هو مش عندك في البيت ؟!
انغام .. لا دا من ساعة ما خرج امبارح بالليل مرجعش لحد دلوقتي !!
علي .. دا انت كنت مفكره عندك في البيت وواخد ريست وقافل موبيلة كمان !!
انغام .. هو فعلا تليفونه مقفول من ليلة امبارح !!
علي .. ايوا ما انا رنيت عليه كذا مره فلقيته مقفول .. قلت بس اكيد قفل موبيلة عشان يرتاح شوية في البيت !!
انغام .. لا دا من ساعة ما خرج مرجعش لدلوقتي !!انا قلقانه عليه اوي ؟!
علي .. ههههه .. في ايه يا ست الكل .. هو ثروت دا يتقلق عليه برضوا ؟!! دا يتخاف منه مش عليه يا مدام !!
انغام .. اصل اول مره يبات بره البيت ومبقاش عرفة هو فين وكمان تليفونه يتقفل فجأة كدا !!
علي .. لا متقلقيش .. حالا تلاقيه قدامك .. بس يمكن يكون هنا ولا هنا والغايب حجته معاه
انغام .. طب لو اتصل بيك خليه يكلمني ضروري ربنا يخليك
علي .. من عنيا يا مدام
انغام .. مع السلامة
علي .. في حفظ الله يا هانم
ثم يغلق الخط ويحادث نفسه متعجبا
علي .. هيكون راح فين الجدع دا ؟!!
ثم نذهب الي دورية شرطة اثناء مرورها في الشارع في ساعة متأخرة من الليل حيث تلاحظ وجود صندوق خشب بجانب الرصيف يهتز بقوة فيلاحظ ذلك ضابط الشرطة داخل السيارة فيطلب من السائق ان يتوقف
الضابط .. استني يا حسن
ثم ينزل الضابط من السيارة ويتوجه هو والامين ناحية الصندوق في حذر شديد
الضابط متعجبا .. ايه الصندوق دا ؟!!
الامين .. مش عارف سيادتك !!
الضابط .. شايف .. الصندوق بيتحرك !!
الامين .. فعلا بيتحرك !!
الضابط .. يا تري جواه ايه الصندوق دا ؟!!
الضابط يهم بفتح الصندوق
الامين .. بتعمل ايه سعتك ؟!
الضابط .. هفتح الصندوق
الامين .. ازاي سعتك ؟!! ما جايز يكون دا كمين والصندوق جواه متفجرات احنا بلغ المديرية افضل وهما يتصرفوا
الضابط يسمع صوت شخص يتألم من داخل الصندوق
الضابط .. سامع ؟! دا فيه حد بينازع جوا الصندوق !! دي فيه روح جوا .. انا لازم افتح الصندوق
الامين .. يا باشا بلاش مخاطره !!
الضابط .. بقلك فيه روح جوا الصندوق .. ما يمكن قتيل جوا مش نلحقه ؟!! خليك انت بعيد يا ايمن
الامين .. لا انا هفضل جمب سعتك
الضابط .. بقلك ارجع عند العربية يا ايمن .. يلا
وبعد ان يبتعد ايمن يقوم الضابط بفتح الصندوق ليجد شئ صادم جدااا ..؟؟؟!!!
تابعوني والبارت التالي .. تحياتي ..