رواية لحظات مؤلمة
البارت الثاني عشر
للكاتب المصري محمد مالك
جميع الحقوق محفوظةشيرين وبوسي ومرفت وامهم في المستشفي بعد ان تم نقل نورا الي المستشفي بعد تعرضها لهذا الحادث الاليم ونورا الان في غرفة العمليات
الام .. انا عايزة اعرف ازاي وقعت من فوق ؟!
شيرين .. مش عرفة يا ماما صدقيني !! هي قبلها قعدت تقول الحقيني يا شيرين في حاجة بتشدني ناحية سور البالكونة !! وفجأة لقيتها وقعت من فوق .. حاولت امسكها مقدرتش!!
الام .. يارب الطف بيها يارب وماتوريني فيها حاجة وحشة
بوسي .. يارب
مرفت .. عندك حق يا ماما في كل كلمه قولتيها .. البيت دا مسكون فعلا !! ياريتنا ما كنا جينالك ولا زرناكي يا شيرين !!
شيرين .. طب انا ايه ذنبي بس يا جماعة ؟!!
بوسي .. مش وقت لوم وعتاب خالص !! ادعولها تقوم بالسلامة احسن
ثم يخرج الطبيب من غرفة العمليات ويبدوا عليه الحزن
الام بلهفة شديدة .. خير يا دكتور .. بنتي حالتها ايه ؟!!
الطبيب .. احنا عملنا اللي علينا صدقيني .. لكن للأسف الحالة كانت صعبة جدا !!
الام .. يعني ايه ؟!!
الطبيب .. شدوا حيلكم .. البقاء لله
ثم ينصرف
الام منهاره بشدة .. ماتت !! نورا بنتي ماتت !! لا .. لا .. بنتي ما مامتتش .. اختكم ما ما تتش يا بنات .. انا سمعاها اهوه بتنادي عليا !! بتقول انا عايشة يا ماما ماموتش !! انا عاوزة بنتي يا ناس .. هاتولي بنتي ياعالم
شيرين تبكي بشدة .. بس يا ماما كفاية ارجوكي .. ثم تضمها الي حضنها
الام .. الدكتور دا كداب!! .. انا بنتي لسة عايشة ما مامتتش
بوسي .. يعني ايه مش هشوف نورا تاني ؟!! يعني مش هتنام جمبي ع السرير زي كل يوم ؟!! نورا ماتت !! لا .. لا .. انا مش قادره اصدق
مرفت تبكي هي الاخري .. بس يا حبيبتي بس .. راحت عند الاحسن مني ومنك
ثم تضمها الي حضنها
ويأتي ضابط المباحث ويدعي هشام ..
هشام .. مساء الخير يا جماعة .. اولا البقاء لله .. وربنا يرحمها برحمته الواسعة.. انا المقدم هشام السبيتي كنت عاوز اسأل كام سؤال بخصوص الحادث اذا امكن؟
مرفت بعصبية .. وحضرتك شايف ان دا وقت مناسب عشان توجهلنا اسئله ؟!!
هشام .. انا عارف ان الوقت غير مناسب بس لازم علي الاقل اعرف ايه اللي حصل حتي لو بأختصار وبعدين نبقي نكمل المحضر
شيرين .. انا هقول لحضرتك علي اللي حصل
واثناء ما شيرين تحكي للضابط الواقعة بالتفصيل يأتي هيثم واكرامي ولا يبدوا عليهم ايه اثار حزن او قلق او اي حالة تعبر عن تأثرهم بالحادث
اكرامي .. ايه اخبارها دلوقتي يا جماعة ؟!!
الام .. ماتت يا دكتور !!
اكرامي .. يا حول الله يارب .. انا لله وانا اليه راجعون
بوسي بغضب وعصبيه .. ما هي ماتت بسببكم !!
مرفت .. بس يا بوسي مش وقته !!
هيثم .. انا كنت متأكد انها هتنتحر !! كان باين عليها جدا !! بس ملقيتش غير البالكونة بتاعة شقة اخويا وتنتحر منها !!مه الانتحار حرام بس يلا ربنا يسامحها !!
مرفت .. ايه تنتحر دي ؟!! انت بتخرف تقول ايه يا جدع انت ؟!!
الاحداث تزداد اثارة وتشويق .. تابعوني والبارت التالي بعد قليل .. تحياتي ..
مشوقة جدا جدا
ردحذفياريت جزء كمان
ردحذفروووووعة
ردحذف