رواية احقا تراني هكذا ؟!!
البارت الثاني
للكاتب المصري محمد مالك
جميع الحقوق محفوظةبدرية تفتش بالطو هذا الرجل المحير فتعثر علي صورة ل رشا وهي ترتدي جلباب ابيض وطرحة بيضاء ترفع يدها بالدعاء وخلفها لافته مطار القاهره الدولي
بدرية .. ايه دا يا ست رشا ؟؟!! دي صورة لحضرتك وانتي راجعة من الحجاز !!
رشا .. وريني كدا .. ايه ده؟!! الصورة دي ليا فعلا !! بس انا لا طلعت لا حج ولا عمره لحد دلوقتي ؟!!
بدرية .. اه والنبي صحيح !! جايز تكون واحده شبهك .. ما هو يخلق من الشبه اربعين
رشا تقلب الصورة فتجد مكتوب علي ظهرها باللون الاخضر عبارة ( العودة قريبا يا رشا )
رشا .. ايه ده !! شفتي المكتوب علي دهر الصورة ؟!!
بدرية .. وريني كدا
بدرية تقرأ الجملة
رشا .. هتقوليلي كمان يخلق من الاسم اربعين ؟!!
بدرية .. جايز برضوا .. ما نص بنات مصر اسمهم رشا !!
رشا .. لا يا بدرية .. الراجل دا وراه حاجة غامضة انا مش فاهماها !!
بدرية تشم ريحة الصورة
بدرية .. وتصدقي نفس الريحة الحلوة اللي بنشمها بتفوح من الكارت !!.. هي الريحة دي اسمها ايه ؟!!
رشا .. معرفش !!
ثم يدخل علي فجأة
علي .. ايه يا ست البنات .. سلامه باشا عاوز يقعد معاكي شوية تحت في الصالة
رشا .. الراجل دا رزل وقعدته تقيلة اوي علي قلبي
علي ..بس فلوسة كتيره ومبيحبش انها تبات في جيبه
رشا .. انت كل حاجة عندك الفلوس ؟!! احساسي ومشاعري ملهمش اي قيمه عندك خالص ؟!!
علي .. لو ينفعوا يتباعوا ويجيبوا اد ما بيدفع سلامه او اكتر شوية بلاش تنزلي تقعدي معاه !!
رشا .. ايه هما دول ؟!!
علي .. احساسك ومشاعرك
رشا .. للأسف .. ملهمش اي قيمه اليومين دول !!
علي .. يبقي تحطي جزمتك جوة بقك وتنزلي تقعدي مع الراجل من سكات .. فاهمه ؟!!
رشا .. فاهمه
علي .. قدامك دقيقتين واشوفك الاقيكي معاه في الصالة عشان ميقلقش بس
رشا .. يعني همك مشاعره اهوه ؟!!
علي .. لانه بيدفع وبيدفع بالعبيط كمان .. دقيقتين مفيش غيرهم
ثم ينصرف
بدرية .. ياباي .. انسان متسلط وشايف نفسه اوي !!
رشا بعصبيه .. هاتي الزفت الهدوم خليني اغير عشان الليلة دي تعدي يا بدرية
وتغير رشا ملابسها وتنزل الي الصالة لمقابلة سلامه لتجد هرج ومرج في الصالة علي غير العادة
رشا تسأل علي
رشا .. في ايه ؟!!
علي .. سلامة مات علي الطربيزة !!
رشا .. ايه ؟؟!!
ثم تلمح بعينيها هذا الرجل الغريب ينظر اليها امام باب الصالة ويبتسم بكل لطف ثم ينصرف ... ؟؟؟!!!!!
الرواية خطيرة جدا جدا والبارت التالي دمار .. تابعوني .. تحياتي
#محمد_مالك
جميلة كالعادة تحياتي لحضرتك
ردحذف