رواية جرآة بأسم الحب
البارت التاسع
للكاتب المصري محمد مالك
جميع الحقوق محفوظةوتعود نشوي الي قصر زوجها بعد اداء الامتحان الشفوي ويبدوا عليها الغضب والعصبية الشديدة
صفاء الخادمة .. احضرلك الغدا يا ستي ؟
نشوي .. مش عايزة زفت
صفاء .. طب اعمل لحضرتك فنجان نسكافيه ؟
نشوي .. مش عاوزه الزفت دا كمان وامشي غوري من وشي
صفاء .. كل شوية غوري غوري !! حاضر اديني غورت
نشوي .. خدي هنا
صفاء .. نعم
نشوي .. لقيتي البروش بتاعي ؟!!
صفاء .. طب وانا الاقيه فين دلوقتي يا ستي ؟!! قلبت اوضة حضرتك وملقتوش !!
نشوي .. قدامك لحد الليل ولو البروش مظهرش .. انا هطلعه بنفسي .. فاهماني ؟!! امشي من قدامي
صفاء .. حاضر .. طب وانا مالي بس ياربي !!
ثم يدخل عماد من باب القصر ويلمح نشوي تجلس في الصاله ولكن لا يعيرها اي اهتمام ويصعد مباشرة الي غرفته ولكن نشوي تستوقفه
نشوي .. عماد
عماد .. نعم
نشوي .. ايه طالع فوق علطول ولا كأنك شايفني ؟!!
عماد .. عايزه ايه يا نشوي ؟!!
نشوي .. عملت ايه في الامتحان ؟
عماد .. ولا حاجة .. مجاوبتش طبعا !!
نشوي .. وانا كمان مجاوبتش خالص !!
عماد .. مع انك قلتي انك مذاكرة المادة !!
نشوي .. بالفعل ذاكرتها .. لكن مش فاكرة ولا كلمه من اللي ذاكرته !!
عماد .. غريبة !! اول مره متجاوبيش في امتحان مع انك من اوائل الدفعة !!
نشوي .. لأني مخي مشغول بيك ومش قادرة اركز في اي حاجة تانية غيرك ..يا عماد انا بموت كل يوم بالبطئ !! وانت مش هامك عذابي والمي ؟!!
عماد .. قلتلك مليون مره مش في ايديا حاجة اعملها.. واذا كان علي الالم والعذاب .. انا بتعذب وبتألم اكتر منك مليون مره!!
نشوي .. يا بني آدم افهم انا بحبك انت ومش عايزه اكون لحد غيرك
عماد بغضب شديد .. ما دمتي بتحبيني ومش عاوزة تكوني لحد غيري .. اتجوزتي ابويا ليه يا نشوي ؟!! ليه كسرتي قلبي بأيدك ؟!! ليه سيبتيني غرقان في بحر من الالم والحزن والحسره ومش لاقي بر !!!!
نشوي .. غلطت واستاهل ضرب الجزمة
عماد .. للاسف فات وقت الندم خلاص !! انا دلوقتي بيني وبينك حواجز وسدود مستحيل نعديها !! انتي خلاص بقيتي مرات ابويا يعني اتحرمتي عليا شرعا .. فاهمه ؟!! يعني حتي لو اتطلقتي مش هينفع نتجوز ابدا !! شفتي بقي اننا خلاص مبقيناش ننفع لبعض !! انسيني لأني بجد بحاول فعلا اني انساكي
نشوي .. ويا تري هتقدر تنساني يا عماد؟!!
عماد .. اكيد .. لأن دا هو الحل الوحيد .. للأسف مفيش حل تاني !!
ثم يتركها وينصرف ورد فعل علي وجه نشوي
نشوي .. عماد .. انا هدمرك صدقني لو فكرت فعلا انك تنساني وتتخلي عني .. فاهم يعني ايه هدمرك ؟!!
عماد لا يجيب ويصعد الي غرفته ونشوي في قمة الغضب
وفي المساء تجلس نشوي في السرير ويأتي اليها جمال يجلس بجوارها
جمال .. وحشتيني يا قلبي
ثم يحاول يقبلها ونشوي تمنعه فيندهش لرد فعلها
جمال .. مالك يا نشوي ؟!!
نشوي .. من فضلك يا جمال مخنوقة ومضايقة خالص ومش طايقة حتي نفسي!!
جمال .. ليه ؟!!
نشوي .. محلتش في امتحان انهارده ودي اول مره تحصلي من ساعة ما دخلت الكلية !!
جمال .. ولا يهمك يا حبيبتي .. تتعوض المره الجاية .. ومش مهم تركزي في امتحان الصبح .. اهم شئ تركزي في الامتحان اللي انا هعملهولك دلوقتي
جمال يحاول ان يقبلها مره اخري ونشوي تمنعه
نشوي .. جمال .. قلتلك مخنوقة !!
جمال .. طب انتي مخنوقة انا ايه ذنبي تحرميني منك انهارده ؟! دا انا حتي مقدرش ابعد عنك ليلة!!
نشوي باشمئزاز واستنكار شديد .. كلامك دا محسسني انك متجوزني عشان مزاجك وبس ؟!!
جمال .. وفيها ايه يا حبيبتي .. انتي مش مراتي حلالي ؟!!
نشوي .. مراتك .. بس المفروض ان العلاقة اللي بينا متحصرهاش في الجنس وبس !! لأن بكدا هنبقي عاملين زي الحيوانات !!
جمال .. انا منكرش ان الجنس دا شئ مهم في حياتي وبضعف جدا قدام الجمال والرقة وخصوصا لما يجتمعوا في واحده زيك .. ببقي زي البركان في قلبه نار مبتنطفيش ابدا !!وعايز كل شوية يرمي الحمم اللي جواه عشان يهدي ويخمد
نشوي .. ايه الكلام الغريب اللي انا بسمعه دا ؟!! ايه بركان وحمم وكلام مالوش اي معني !! هو انت متعرفش تقول كلام حب ابدا ؟!! متعرفش تكون رومانسي ؟!!
جمال .. بعرف علي اد ما اقدر .. هو انا عرفت الرومانسية غير لما شفتك يا عمري .. دا انا حاسس اني بقيت شاعر من اول لحظة شفتك فيها !! تحبي اقلك قصيدة شعر غزل فيكي ؟!!
نشوي .. اتفضل قول
جمال .. طب ما تيجي نطفي النور ونطلع السرير وانا هسمعك احلي شعر غزل في حياتك
نشوي .. اها .. طب لو قلتلك ان عندي ظروف انهارده هتقولي برضوا الشعر ؟!!
جمال .. ظروف !! تقصدي...... ؟!!
نشوي .. ايوا
جمال .. لا خلاص نأجل الشعر بعدين .. ظروف !!! انا طالع انام تصبحي علي خير ...
تابعوني والبارت التالي .. تحياتي
تعليقات
إرسال تعليق