عشقت زوجة ابي كاملة

رواية جرآة بأسم الحب

البارت الحادي عشر 

للكاتب المصري محمد مالك

جميع الحقوق محفوظة
وتخرج نشوي من غرفة نومها لتجد عماد خارج غرفته واقفا في الممر يتحدث في المحمول تقف دون ان يراها لتسمع ما يقول
عماد .. قتلك يا صافي ماليش نفس اخرج انهارده !! لا ياستي مش عايز اروح الديسكو .. ولا حتي السينما .. يا صافي مش عايز اروح اي مكان !! .. ايوا عايز اقعد في البيت لوحدي انا حر من فضلك !! .. بطلي غلاسه بقي سلام ..
عماد يغلق الخط وينزل الي الاسفل .. نشوي تتغير معالم وجهها ويبدوا استاءت بشدة لسماع هذا الحوار الذي دار بين صافي وعماد .. وينزل عماد الي مائدة الافطار وخلفة نشوي مباشرة
نشوي .. صباح الخير
عماد .. صباح النور
نشوي .. باباك سافر انهارده الصبح ؟!!
عماد .. عارف .. قالي الصبح قبل ما يمشي
نشوي .. وقالك انت كمان !! شكله كدا قال للبيت كله ما عدا انا !!
عماد لا يرد ويتناول طعامه
نشوي .. انت كنت بتتكلم مع مين في التليفون وانت فوق من شويه ؟!!
عماد .. دي صافي زميلتنا في الكلية
نشوي .. صافي !! مش دي البنت المايعة اللي شايفة نفسها شوية عشان باباها وزير !!وهي اصلا ملهاش تلاتين لازمة
عماد .. دا رأيك فيها وانتي حره في رأيك !!
نشوي .. ليه هو انت مش رأيك كان زي رأيي يا استاذ ولا دلوقتي اتغير  ؟!!
عماد .. في ايه يا نشوي ؟!!
نشوي .. اصله اشمعني دلوقتي بقيت تكلمها ؟!! اها ؟!  .. وانت في الاول مكنتش طايقها .. وطول عمرها بتلف عليك وانت مكنتش مديها ريق حلو ابدا !! مع انها كانت عرفه ومتأكده اننا بنحب بعض وكنا متفقين علي الجواز
عماد .. اديكي قلتي..  كنا !! لكن دلوقتي الوضع اتغير
نشوي .. يعني ايه ؟!! قصدك تقول ان الجو خلي ليها خلاص ؟!! بعد ما عرفت اني اتجوزت ابوك !! لا دا بعدك انت وهي
عماد .. انتي ليه مأڤوره الموضوع كدا ؟!! كل الحكاية انها ساعة ما شافتني في الكليه ولقيتني مضايق شوية ومش في المود زي عادتي .. حبت تتطمن عليا وكان نفسها تخرجني من المود اللي انا فيه بأي طريقة.. بس
نشوي .. يا سلام !! ومن امتي بقي اللي اسمها صافي دي كان بينك وبينها كلام لدرجة انها تتجرأ وتتصل عليك وعايزة تغير مودك الوحش؟!
عماد .. اظن كتر خيرها يعني ان امري يهمها
نشوي .. طبعا كتر خيرها اوي!! .. ما طول عمرها امرك يهمها ومفيش حاجة في الدنيا شغلاها غيرك وعايزة تتودد ليك باي طريقة والظاهر ان حضرتك فتحتلها السكة !!
عماد .. وايه يعني ؟!!
نشوي .. وايه يعني !! قصدك ايه ؟!!
عماد .. قصدي اننا حُرين .. تتودد ليا .. اتودد ليها .. شئ يخصني انا وهي وبس
نشوي .. طب وانا مبقتش اخصك خلاص ؟!
عماد .. انتي بقيتي تخصي حد غيري
نشوي .. واذا كان غيرك دا انا مبحبوش اصلا ومش طايقاه واني ما زلت بحبك انت
عماد .. اظن اتكلمنا في الموضوع دا مليون مره قبل كدا وقلتلك ان اللي بينا راح وانتهي ومش هينفع يرجع تاني
نشوي .. اللي بينا ماراحش ولا انتهي يا عماد!!  علي الاقل من ناحيتي انا .. فاهم ؟!!
ثم تنهض وتترك مائدة الطعام وتنصرف ثم تعود له مره اخري وتقول
نشوي .. ولعلمك .. مش هسمح لاي واحدة تقرب منك غيري .. مهما كان التمن
ثم تتركه وتنصرف ورد فعل علي وجه عماد ويضرب علي الطربيزة بيده تعبيرا عن شدة غضبه ثم يمسك بالتليفون المحمول ويتصل ب صافي
عماد .. الو .. ايوا يا صافي .. خلاص انا موافق نروح مع بعض الديسكو انهارده .. اوك اجهزي وانا هعدي عليكي بالعربية .. باي
ونذهب الي المطبخ حيث تتحدث الخادمه صفاء مع عم سعيد السفرجي
سعيد .. انتي بتقولي ايه يا مهبوله انتي ؟!!
صفاء .. اقسم بالله هو دا اللي حصل ياعم سعيد .. شفتهم بعنيا الاتنين دول اللي ياكلهم الدود وهما حاضنين بعض في اوضة الست هانم
سعيد .. ان شاء الله ياكلهم الدود يا شيخه عشان تبطلي تشوفي خالص بعد كدا !!
صفاء .. بتدعي عليا ليه بس يا عم سعيد ؟!!
سعيد .. انا مش قلتلك يا بت انتي خليكي في حالك وكلي عيش وملكيش دعوه بأي حاجة بتحصل في البيت دا خالص ؟!!
صفاء .. ايوا .. بس اللي انا شفته دا عيب اوي وميصحش وحرام كمان !!
سعيد ..وهو ايه اللي حصل عشان عيب وميصحش وحرام كمان ؟؟! اخ وحضن اخته ... فيها ايه دي يا مخ ضلم ؟!!
صفاء .. بس المنظر اللي انا شفته دا مبيقلش ابدا ان دا حضن اخ لأخته !! دول كانوا شابطين في بعض ولا اتنين حبيبة بقالهم زمن ما اتلاقوش !!
سعيد .. يشبط فيكي اتوبيس يكون سواقه اعمي عشان ارتاح منك يا شيخه.. يابت اتهدي وبطلي هبل لاتودي نفسك في ستين داهيه .. الكلام دا يخرب بيوت يا بت العبيطه !!
صفاء .. حاضر خرصت اهوه .. طب وهعمل ايه في البروش الالماظ اللي كل ما تشوفني تسألني عليه ولا كأني سارقاه؟!!
سعيد .. دورتي عليه كويس ؟!!
صفاء .. قلبت عليه القصر كله ومالوش اثر !!
سعيد .. نجهز الغدا وهطلع ادور معاكي تاني وان شاء الله نلاقيه .. اخرصي بقي وشوفي شغلك
صفاء .. انكتمت اهوه
وفي المساء واثناء ما عماد يكون خارج القصر حيث قد ذهب للقاء صافي داخل صالة الديسكو تتسلل نشوي الي غرفته ومعها ملابس داخليه لها .....؟؟؟!!!
الاحداث اشتعلت واصبحت اكثر اثارة ومتعه .. تابعوني والبارت التالي .. تحياتي ..