رواية جرآة بأسم الحب
البارت العاشر
للكاتب المصري محمد مالك
جميع الحقوق محفوظةوفي الصباح تستيقظ نشوي لتجد جمال قد غادر السرير وليس بجوارها تتثائب وتتمطع ثم تطرق الخادمه صفاء باب الغرفة
نشوي .. ادخل
صفاء .. صباح الخير يا ستي
نشوي بأستياء واضح .. اهلا
صفاء .. احضرلك الفطار يا ستي ؟!!
نشوي .. ليه هو سيدك جمال مش بيفطر تحت ؟!
صفاء .. سيدي جمال خرج من بدري
نشوي .. ليه الساعة كام ؟!!
صفاء .. الساعة ٨ يا ستي
نشوي .. راح الشركة بدري اوي يعني !!
صفاء .. لا هو تقريبا ما راحش الشركة .. هو سافر بورسعيد عنده بضاعه هناك هيخلصها من الجمرك.. هو قالي اقول لسيادتك كدا
نشوي .. وهو مقاليش بنفسه ليه انه مسافر ؟!!
صفاء .. احضر لسعتك الفطار ؟
نشوي .. لا .. روحي انتي
صفاء .. حاضر
نشوي .. استني
صفاء .. نعم
نشوي .. لقيتي البروش ؟!!
صفاء .. بروش ايه يا سيتي اللي عماله كل شوية تسأليني عليه دا ؟!! انا معرفش حضرتك قلعتيه فين اصلا !!
نشوي .. بقي كدا .. دا اخر كلام عندك ؟!
صفاء .. مش عرفه ليه حضرتك محسساني بطريقة كلامك دا اني سرقته !!
نشوي .. ما جايز تكوني عملتي كدا فعلا !!
صفاء .. لا من فضلك .. كله الا اتهام فظيع زي دا!! .. انا ليا في القصر دا خمس سنين وعمري ما مديت ايدي علي حاجة مش بتاعتي ابدا .. انا بنت ناس كويسين ومش جاية حضرتك من الشارع
نشوي .. ماشي يا بنت الناس الكويسين هنشوف !! اتفضلي مع السلامه
وتخرج صفاء من الغرفة وتتصل نشوي ب جمال بالمحمول
نشوي .. صباح الخير يا جمال .. ايه حكاية السفر المفاجئ دا ؟!
جمال .. معلش يا حبيبتي .. بضاعة مهمه وصلت ورحت اخلصها بنفسي
نشوي .. طب مش كنت تصحيني وتعرفني انك مسافر بدال ما تقول للشغاله وهي اللي تقولي !!
جمال .. محبتش اقلقك يا حبيبتي .. ع العموم مش هغيب كتير .. هما يومين وراجع ان شاء الله.. هتوحشيني يا قلبي
نشوي .. وانت كمان .. خلي بالك من نفسك
جمال .. اكيد .. ولو عزتي حاجة عندك عماد موجود .. خلي بالك من نفسك .. سلام
نشوي .. سلام
وبعد ثوان يرن تليفون نشوي والمتصل امها وتدعي انهار
نشوي .. الو .. اه يا ماما ازيك؟
انهار .. انا كويسة يا حبيبتي .. انتي ايه اخبارك ؟؟
نشوي .. يعني
انهار .. مالك يا حبيبتي شكلك مش مبسوطة ؟؟!!
نشوي .. اكمنك جيتي انتي وبابا وسألتوا عليا من ساعة ما اتجوزت !! زي ما تكونوا ما صدقتوا تخلصوا مني !!
انهار .. معلش يا حبيبتي اديكي شايفة الظروف اللي بنمر بيها .. ع العموم انا هجيلك انا وبابا انهارده
نشوي .. مستنياكوا .. وبابا عامل ايه دلوقتي ؟؟!!
انهار .. اهوه سدد ديونه وبيحاول يبدأ من جديد .. البركة في جمال جوزك وقف جمبه ربنا يكرمه
نشوي .. اظن اخد المقابل ل ده !! يعني معملش حاجة ببلاش
انهار .. قصدك ايه يا نشوي ؟؟!
نشوي .. قصدي ان ساعد بابا بالفلوس قصاد جوازي منه .. يعني لو مكنتش اتجوزته مكنش ساعد بابا من اصله !!
انهار .. المهم ان ساعده وخلاص
نشوي .. المهم ان ساعده وخلاص !! فعلا هو دا المهم عندكم !! ومش مهم اي حاجة تانيه !! طيب يا ماما انا مستنياكي انتي وبابا .. سلام ..
تابعوني والبارت التالي بعد قليل .. تحياتي ..
تعليقات
إرسال تعليق