عشقت زوجة ابي كاملة

رواية السر الدامي 

البارت السادس

للكاتب المصري محمد مالك

جميع الحقوق محفوظة
نبيلة .. مالك يا بنتي في ايه ؟!
سلوي .. مش عرفة يا ماما شكلي واخدة برد في معدتي ولا أيه ؟!!
نبيلة .. معقول !!
سلوي .. معقول ايه ؟!
نبيلة .. معقول تكوني حامل ؟!!
سلوي .. ايه !! حامل !! معقول دا احنا مقعدناش مع بعض غير ليلة واحدة  ؟!!
نبيلة .. بتحصل كتير يا بنتي
سلوي .. طب يارب يا ماما اكون حامل بجد .. علي الاقل يكون عندي ابن من ريحة منير
نبيلة .. ويا سلام بقي لو جه ولد يبقي هيقش كل الميراث بتاع منير ومحدش هيورث مليم من بره
سلوي  .. يا ماما انا متفرقش معايا الامور دي خالص .. كل واحد بياخد رزقه اللي مكتوبلة عند ربنا
نبيلة .. ونعم بالله يابنتي .. لازم نروح للدكتوره عشان نطمن عليكي ويارب تقلنا خبر يفرحنا
سلوي .. طب مش لما نخلص الاول من النطع اللي لازقلي تحت البيت ؟!!
نبيلة .. طيب مستنيه ايه .. كلمي الرائد عصمت خليه يشوف حكايته ايه
سلوي .. اديني هكلمه
ثم تتصل بالرائد عصمت بالمحمول
سلوي .. الو .. سيادة الرائد عصمت ؟ انا سلوي مصطفي مرات المرحوم منير .. اهلا بحضرتك .. معلش لو هتقل عليك انا ملاحظه اني في شخص غريب مرابط تحت البيت ومنين ما بتحرك بلاقيه ورايا ملازمني زي ضلي !! لا معرفوش ومتكلمتش معاه خالص .. انا خايفة بصراحة ومش عرفة مين دا وعاوز ايه ؟!! هتعبك انا اسفة .. اوك حاضر مع السلامة
ثم تغلق الخط
نبيلة .. قالك ايه
سلوي .. هيجي بنفسه ويشوف مين دا
نبيلة .. انسان زوق اوي ربنا يحفظه
ويأتي الضابط عصمت بسيارة الشرطة ويخرج من السياره وخلفة رجاله  ويري هذا الشخص الواقف امام المنزل فيتوجه نحوه مسرعا
عصمت .. انت مين يلا وواقف هنا ليه ؟!!
الرجل يرتبك .. انا .. انااا .. انا
عصمت .. انت لسه هتنونو ! بطاقتك يلا
الرجل .. اتفضل يا باشا
عصمت .. اسمك محروص !! شغال ايه يلا
الرجل .. سمسار عربيات يا باشا
عصمت .. وواقف هنا بتعمل ايه ؟!!
الرجل .. مستني زبون عاوز يفرجني علي عربيه عشان يبيعها
عصمت .. واسمه ايه الزبون دا وساكن فين ؟!!
الرجل .. اسمه .. اسمه .. اسمه عماد وساكن هنا في الشارع
عصمت .. ساكن هنا يعني ؟!! طب رن عليه خليه ينزل يكلمني .. اصل انا بدور علي عربيه لقطة ويمكن تعجبني عربيته فأشتريها
الرجل .. ما اهو اصل تليفونه مقفول
عصمت .. يا راجل !! طيب تعالي معايا
الرجل .. علي فين يا باشا
عصمت .. عازمك في مكتبي علي كوباية شاي وبالمره اقلك علي مواصفات العربية اللي انا عاوزها
الرجل .. طب وعماد ؟!!
عصمت .. هو مش عماد تليفونه مقفول ؟!!
الرجل .. ايوا
عصمت .. خلاص يبقي فلسع منك يا حلو .. هاتوه
الرجل .. لا مفلسعش ولا حاجة سيادتك .. هو انت واحدني علي فين يا باشا .. يا باشا اسمعني طيب
ونبيلة وسلوي يقفان في البالكون يراقبان الموقف وهم في غاية الفرح ...
تابعوني والبارت التالي .. تحياتي ..