رواية السر الدامي
البارت السابع
للكاتب المصري محمد مالك
جميع الحقوق محفوظةوتذهب سلوي وامها نبيلة الي طبيبة امراض النساء والتوليد الدكتوره .. مي اسلام وبعد ان قامت مي بفحص سلوي اخبرتهم بالاتي
نبيلة .. خير يا دكتوره .. في حمل ؟
مي .. في حمل ان شاء الله
نبيلة وسلوي تغمرهم السعادة وينظران لبعضهما البعض وهم يبتسمان
سلوي .. الحمد لله ياما انت كريم يارب ..
مي .. حامل في شهر تقريبا .. بس طبعا نوع الجنين دا لسة بدري عليه
سلوي .. مش مهم عندي خالص يكون ولد او بنت اللي بجيبة ربنا كويس وكفاية انه من ريحة منير الله يرحمه
مي .. تمام .. المطلوب منك دلوقتي راحة تامه اول ٣ شهور مع العلاج دا بأنتظام واشوفك كمان اسبوعين ولو في اي استفسار او امر طارئ الرقم عندك في الروشته
سلوي .. مرسي جدا يا دكتوره
مي .. الف مبروك
نبيلة .. الله يبارك فيكي يا قمر انتي .. مش قلتلك يا سلوي الدكتوره مي وشها حلو دايما وهتفرحنا انهارده
مي .. شكرا ليكي تسلمي .. مع السلامه
وتعود نبيلة وسلوي الي المنزل حيث ينتظرهم مصطفي والد سلوي
مصطفي .. خير يا بنتي ؟!!
سلوي .. طلعت حامل يا بابا
مصطفي .. طب الف مبروك يا بنتي .. ربنا يتمملك علي خير وتقومي بالسلامة .. لما ادخل بقي اكلم المحامي عشان كدا اعلام الوراثة هيتأجل لحد ما تولدي بالسلامة
سلوي .. انا مش مصدقة يا ماما اني حامل !!
نبيلة .. علي اد ما انا فرحانالك يا بنتي .. علي اد ما انا حزينة ان ابنك هيتولد يتيم
سلوي .. ربنا ينتقم من اللي قتل منير غدر
نبيلة .. ربنا موجود يابنتي وقادر ياخد بطاره من اللي عملوا فيه كدا
سلوي .. بس لو اعرف مين اللي عمل فيه كدا ؟!! وعشان ايه ؟!!
ثم تتذكر الرجل الملثم الذي رأته في الشقة وسألها عن الملف والبنت .. سلوي تحادث نفسها من الداخل
سلوي .. يا تري ملف ايه اللي كان بيسأل عنه ؟!! والبنت دي تطلع مين ؟!!
وفجأة يتصل عم هريدي بواب العماره التي بها شقة منير
سلوي .. ايوا يا عم هريدي
هريدي .. الحقي يا ست هانم .. طلعت اجيب طلبات للشقة اللي قصادكم لقيت باب شقتك مفتوح.. دخلت جوة لقيت الشقة عاليها واطيها !! وزي ما يكون حرامية كسروا الباب ودخلوها
سلوي .. تاني ؟!! طيب يا عم هريدي خليك قدام الشقة ومتلعبش في اي حاجة .. انا جاية علطول
نبيلة .. خير يا بنتي
سلوي .. كسروا الشقة تاني يا ماما
نبيلة .. ما انا قلتلك من المره اللي فاتت بلغي البوليس !!
سلوي .. انا فعلا لازم ابلغ البوليس
الاحداث اشتعلت .. ماذا حدث؟؟ تابعوني والبارت التالي .. تحياتي ..
رووووعة
ردحذف