رواية اغتصاب شرعي #الجزء_الاول #كامل

رواية لغز لا يقبل الحل 

للكاتب المصري محمد مالك

جميع الحقوق محفوظة

بينما كان الشارع مزدحم تماما وحرارة الشمس اصبحت حارقة والساعة تقترب من الثانية بعد الظهر كانت عواطف تستقل الاتوبيس ذاهبه الي عملها بأحد المستشفيات الخاصة في طب العيون حيث تعمل ممرضه هناك وفجأة يتوقف الاتوبيس وتصعد امرأة يبدوا انها حامل متعبه وتتألم قليلا ملابسها تبدوا مبلله من شدة العرق وكان يجلس بجوار عواطف شاب ثلاثيني عندما رأها لا تستطيع الوقوف قام من مكانه وعرض عليها الجلوس ..
الشاب .. اتفضلي اقعدي يا مدام
السيدة .. شكرا كتر خيرك .. اه يانا
عواطف .. شدي حيلك امال .. ربنا يقومك بالسلامة
السيدة .. مش باين ياختي حاسة اني هموت !!
عواطف .. ليه بعد الشر ؟!! انتي في شهرك الكام دلوقتي ؟!
السيدة .. انا خلاص علي ولاده
عواطف .. تقومي بالسلامة يارب .. ولد ولا بنت ؟!!
السيدة .. صدقيني مش عرفة ولد ولا بنت !!
عواطف .. ازاي هو انتي مش متابعة عند دكتور ؟!!
السيدة .. هو دكتور واحد ياختي !! قولي دكاتره !!
عواطف .. طيب ما دمتي بتابعي عند دكتور اكيد بيكشف عليكي بالسونار واكيد قالك نوع الجنين !! دا بيتعرف من الشهر الثالث !!
السيدة .. ايوا كشفت كتير بالبتاع دا اللي اسمه السونار .. بس محدش منهم قدر يحدد نوعه !!
عواطف .. غريبة!!
السيدة .. انا ميهمنيش اعرف نوعه ايه .. انا كل اللي يهمني اخلص من العذاب اللي انا فيه .. بقالي تسع شهور بموت في اليوم ميت مره !! دا مش حمل يا ناس .. دا موت بالبطئ !!
عواطف .. هانت .. هو اول عيل ليكي ولا عندك قبله ؟!!
السيدة .. اول عيل .. وان عشت ان شاء الله هيبقي اخر عيل .. انا تعبت خالص
عواطف .. اجمدي امال .. هي دايما الولادة البكرية بتبقي صعبه شوية
السيدة .. انا اللي استاهل كل اللي بيجرالي .. انا اعترضت علي امر ربنا
عواطف .. ازاي مش فاهمه ؟!!
السيدة .. اصل انا بقالي عشر سنين من ساعة ما اتجوزت محصلش حمل كشفت ياما واخدت علاج ياما وبرضوا مفيش نصيب .. اسكت وارضي بأمر ربنا !! لا اسكت ازاي ؟!! قامت واحدة جارتي اسمها هنديه وديتني عند واحد عملي حجاب وقالي اعملي واحد اتنين تلاته .. انا نفذت كلامه بالحرف الواحد وحملت .. بس ياريتني ما حملت ..
فجأة تشعر بألم شديد وتصرخ بشدة
عواطف .. مالك؟!!
السيدة .. شكلي هولد ولا ايه ؟!!
عواطف .. طب تعالي اوديكي مستشفي بسرعة .. اقف يا اسطي علي جنب بسرعة
الاتوبيس يتوقف ولكن السيدة لا تستطيع التحرك من مكانها .. نزيف شديد وجسدها يرتجف بالكامل واصبح باردا وعيناها توقفت عن الحركة
عواطف .. يا مدام !! قومي معايا اوديكي المستشفي .. حد يساعدني يا جماعة من فضلكم ..
السيدة توقفت عن الحركة والصراخ تماما ويبدوا انها ماتت وفجأة يُسمع صوت صراخ طفله علي ارضية الاتوبيس
عواطف .. ايه دا ؟!! دي ولدت !! سبحان الله
الكمثري غاضب .. يعني حبكت تولد هنا ؟!!
احد الركاب .. ايه يا عم مالك فيه ايه ؟!! ساعتها جت دلوقتي هتعترض علي امر ربنا ولأ أيه ؟!!
الكمثري .. يا عم لا بعترض ولا حاجة !! الف مبروك يا سيدي يتربي في عزكم جميعا .. فوقوها بقي خلونا نشوف اكل عيشنا !!
عواطف .. الست ماتت ؟!!
الكمثري .. ماتت !! يادي اليوم اللي مش فايت .. انا كنت اصطبحت بوش مين انهارده ؟!
نفس الراكب .. ايه يا عم مالك ؟!! بتقلك ماتت  .. هو انت كمان هتعترض علي الموت ؟!!
الكمثري .. في ايه يا عم الحج !! هو انت حاططني في دماغك ليه ؟!!
الراكب .. عشان شايفك عمال تعترض علي امر ربنا !!
الكمثري .. يا عم ولا تزعل نفسك اديني خرصت اهوه .. بطل يا سطي العربية بقي واتصلولنا بالاسعاف يا اخوانا ... هونها يارب
عواطف .. طب يا جماعة حد يجيب شوية ميه ولا حاجة ننضف البنت دي !!
الكمثري .. وكمان هتنضفيها هنا ؟!!
نفس الراكب .. ايه يا عم الحج !!.....
الكمثري يقاطعه .. بقلك ايه يا ابويا اطلع من دماغي ابوس ايدك واتفضل انزل يلا الاتوبيس ركن خلاص .. يلا يا جماعة
اتفضلوا انزلوا الاتوبيس مش طالع دلوقتي لحد ما تيجي  الاسعاف .. حالنا وقف خلاص !!
نفس الراكب .. ايه يا عم الحج دي الارزاق بتاعة ربنا هي الست كانت عرفة يعني انها هتولد هنا وتموت هنا كمان !!
الكمثري .. يا عم انت واقفلي ليه ع الكلمة ؟!! انت تعرف المرحومة ولا أيه ؟!!
الراكب .. ولا عمري شفتها .. بس في حاجة اسمها انسانية باين عليك متعرفهاش !!
الكمثري .. يا عم انا راجل عديم الانسانية والمروءة والشهامة كمان  .. انت مال اهلك ؟!
الراكب .. احترم نفسك ومتغلطش يا راجل انت لأحسن وديني اهزقك
الكمثري .. ولا عشرة زيك يقدروا يهزقوني
عواطف .. انتوا واقفين تتخانقوا .. حد يتصل بالاسعاف بسرعة البنت تعبانه اوي ونبضها ضعيف !!
الرواية في قمة الروعة .. تابعوني علي مدونتي مدونة مالك الزعيم .. تحياتي الكاتب والسيناريست المصري محمد مالك.