عشقت زوجة ابي كاملة

رواية سفاح الكوابيس

البارت الخامس عشر 

للكاتب المصري محمد مالك

ويذهب امين مسرعا الي المنزل ليجد ابنته ولاء قد دخلت في غيبوبة مره اخري
امين .. مالها ولاء يا خديجة ؟!!
خديجة .. معرفش .. قالتلي تعبانه وعاوزة انام .. سيبتها انام .. حبيت اصحيها عشان تتغدي مش راضية تصحي
امين يحاول ايقاظها .. ولاء .. ولاء .. اصحي يا بنتي .. ولاء
خديجة .. يا مصيبتي السودا .. بنتي دخلت في غيبوبة تاني ؟!!
امين .. فال الله ولا فالك يا شيخة .. حالا تفوق
خديجة .. تفوق ازاي بس !!دا انا بقالي ساعة بصحيها مش راضية تصحي
امين .. انا هطلب الاسعاف
وبالفعل تأتي الاسعاف ويتم حمل ولاء الي احد المستشفيات الخاصة الاخري وتسمي مستشفي القدس .. حيث صاحبها الدكتور عنتر وهو علي علاقة وطيدة بآمين الشحات ويتم اجراء الفحوصات اللازمة
امين .. خير يا دكتور عنتر
عنتر .. غيبوبة فعلا .. بس مش عارف ايه سببها !!
امين .. دي تاني مره تدخل في غيبوبة وبرضوا اسمع جملة مش عارفين ايه سببها !! امال مين بس المفروض يعرف ؟!!
عنتر .. اهدي بس يا آمين .. المفروض احنا بس الطب في حاجات بيقف عندها عاجز ومكتوف الايدي لأن دي بالنسبة لنا حالة نادرة مش في الكتب اللي درسناها .. ع العموم اطمن جميع اعضاء الجسم شغالة بكفاءة عالية
امين .. انا عايز بنتي تفوق يا عنتر .. عايز اعرف ايه سبب اللي بيحصلها دا ؟!! انا هسفرها بره
عنتر .. دا كمان رآيي .. في دكتور الماني مشهور جدا في امراض المخ والاعصاب اسمه الدكتور  جون .. لأني انا ارجح ان سبب المشكلة دي يكون المخ لو حابب اكلمك المستشفي بتاعته هناك
امين .. اكيد وبسرعة من فضلك
خديجة .. عيني عليكي يابنتي
عنتر .. اطمنوا يا جماعة خير ان شاء الله
وبالفعل يتم حجز اول طيارة علي المانيا وتسافر ولاء وامها وابيها الي مستشفي هذا الطبيب النابغة ومعهم مترجم يدعي اشرف  .. لتخضع ولاء لفحوصات وتحاليل واشعات علي مستوي عالي ليخبرهم الطبيب بعدها
آمين .. هو بيقول ايه يا اشرف ؟
اشرف .. الدكتور بيقول ان الفحوصات والتحاليل كلها سليمة وخصوصا المخ .. الدكتور مش شايف فيه اي مشاكل
آمين .. طب الحالة اللي هي فيها دي سببها ايه ؟!!
اشرف يسأل الطبيب بالالمانية والطبيب يجيب
اشرف .. الدكتور بيقول احتمال يكون في خلل في هرمونات الجسم وخصوصا هرمون النوم .. دا احتمال وجايز يكون في سبب تاني هيبان بالملاحظة
آمين .. يا مسهل يارب
ونذهب الي سهير حيث تجلس في منزلها حائره تفكر في مخرج من المأزق الذي وضعها فيه طارق وفجأة يتصل بها شوكت ليخبرها بخبر صادم
سهير .. الو عايز ايه يا سي زفت ؟!!
شوكت .. خبر وحش يا ست الكل
سهير .. في ايه تاني ؟! قول يا جلاب المصايب
شوكت .. همت انتحرت
سهير .. همت !! همت بنت المستشار ؟!!
شوكت .. ايوا
سهير .. انتحرت ازاي يا منيل ؟!
شوكت .. بحته صفيحة حادة وقطعت شريان ايديها
سهير .. طب وديها المستشفي بسرعة
شوكت .. للأسف ماتت
سهير .. ماتت !! ماتت ازاي ؟! الله يخرب بيوتكم
الاحداث اشتعلت تابعوني والبارت التالي .. تحياتي ..