رواية ثعلب مع مرتبة الشرف
[١٤/١١ ٧:٠٧ م] ٠: ثعلب مع مرتبة الشرفرواية للكاتب المصري محمد مالك
البارت الاول
اليوم هو يوم زفاف الحاج عبدالرحيم المنفلوطي تاجر اجهزة كهربائيه الرجل البالغ من العمر الستون عاما علي فتاه عشرينية جميلة انها سلمي عصام .. الفتاه المتمردة علي حياتها وفقرها فقد ولدت لعائلة فقيرة جدا ولديها من الاخوات ٣ ومن الاخوة اربعة .. الاب يعمل بائع البان متجول والام تعمل خياطة حريمي .. وتعتبر سلمي اجمل اخواتها وارشقهم واكثرهم دهاء ومكر استطاعت ان تنصب شباكها حول هذا الرجل العجوز المتزوج من سيدة طيبة القلب حسنة الخلق والعشره والوفاء فقد تزوجها منذ ثلاثون عاما منذ كان يعمل بأحد المحلات لبيع الاجهزة الكهربائيه وظلت تكافح معه حتي اصبح اكبر تاجر للأجهزة الكهربائيه في الشرق الاوسط ولديها منه هاشم مهندس مدني شاب ثلاثيني سلك طريق آخر غير طريق والده وقام بانشاء شركة مقاولات هو وصديق له يدعي رجائي .. وبعد قيام المأذون بعقد القران اذ يدخل هاشم بوجه غاضب ونبره حاده قائلا
هاشم .. استني يا عم الشيخ
عبد الرحيم منصدم .. هاشم !!
هاشم .. ايوا هاشم يا حج .. مستغرب طبعا .. بس المفروض انا اللي استغرب يعني .. مش عشان انك راجل كبير وهتتجوز بنت من دور بناتك ولا عشان انك بعد العمر دا كله وتضحيات امي عشانك اللي ملهاش حدود ..امي الست الوفيه الصابره اللي وقفت جمبك لحد ما بقيت الحاج عبد الرحيم المنفلوطي اكبر تاجر ادوات كهربائيه في الوطن العربي كله .. اللي حضرتك جاي بعد كله عشان تكافئها تقوم تتجوز عليها !! لا لا .. كل دا انا ميهمنيش.. منك لأمي اتصافوا مع بعض .. انا كل اللي يهمني ان ازاي الراجل اللي يعرف ربنا وحج بيته خمس مرات ويعرف حلاله من حرامه طقت في دماغه وعايز يتجوز مرات ابنه ؟!!!
عبد الرحيم .. مراتك ؟!!
هاشم .. ايوا مراتي .. بالشرع والقانون .. واللي انت عملته دلوقتي دا جريمه ويعاقب عليها القانون ولا ايه يا عم الشيخ
سلمي .. حاسب عندك .. مراتك مين يا دلعدي ؟!! انا اول مره اشوف سحنتك دي !!
هاشم .. طول عمرك لئيمه وبتاعت ٣ ورقات وبتلعبي بالبيضة والحجر يا بنت نعمة !!بس وحيات امي ما هرحمك
عبد الرحيم .. صحيح الكلام دا يا سلمي ؟؟!!
سلمي .. لا طبعا دا كداب انا اول اشوفه واعرف انه ابنك
هاشم ..نعم يا روح امك !! اول مره تشوفيني ! تخونك شقة الهرم يا بت اللي ياما قضينا فيها ليالي كلها شوق وهيام لحد ما سرير اوضة النوم اتكسر ميت حته
سلمي .. انت بتقول ايه يا حيوان! متصدقوش يا عبد الرحيم انا مراتك انت حلالك . دا كداب هو جاي يعمل الهليلية دي عشان يفركش الجوازه
هاشم .. مصّره انتي علي الانكار !! طيب البينه علي من ادعي .. مش بيقولوا كدا يا سيدنا الشيخ ؟!! ادي يا حاج عقد الجواز العرفي والشهود موجودين ويجوا يشهدوا وادي كمان صور لأجمل لحظات حياتنا واحنا مع بعض اينعم فيها صور حساسة بس هي اللي اضطرتني اعمل كدا الافاقة النصابه دي .. دا انا هسجنك وحيات امي
عبد الرحيم يقرأ عقد الزواج ويشاهد الصور ثم يقول وهو في قمة الغضب
عبد الرحيم .. يعني ايه الكلام دا يا سلمي ؟! انتي مراتي ولا مراته ؟!!!
سلمي .. انا .. انا ..
هاشم .. انا مش هسيبك غير في القسم ..
القصة في قمة الروعه كما عودتكم تابعوني علي مدونتي ( مدونة مالك الزعيم ) تحياتي ملك الروايات .. الكاتب المصري محمد مالك.
[١٤/١١ ٧:٠٧ م] ٠: رواية ثعلب مع مرتبة الشرف
البارت الثاني
للكاتب المصري المتميز محمد مالك
سلمي .. بقلك معرفوش واول مره اشوفه دلوقتي .. دا كداب يا عبودي
هاشم .. عبودي !! وكمان بتدلعيه وقدام الناس كدا ؟!! بس عبودي دي مش لايقة عليك يا حج يا ملك السوق !! لو المنافسين بتوعك سمعوها هيشيروك وهيحطوا عليك كمان !! ما علينا .. انت شكلك لسة مش مصدق ان البت دي مراتي وانها خدعتك وخدعتني معاك .. طبعا ما هي العبان من يومها ومش اي العبان دي العبان من النوع التقيل لفت ع الواد وابوه .. معلش انا هخليك تصدقني .. تعالي يا منتصر
ويدخل منتصر وهو الاخ الاوسط ل سلمي
هاشم .. سلمي دي تبقالي ايه يا منتصر ؟
منتصر مرتبك ولا يجيب
هاشم .. قول متخفش ولا انت عاجبك الجريمة اللي عملتها اختك دلوقتي ؟!!
منتصر .. سلمي تبقي مرات هاشم
سلمي .. ايه !! انت بتقول ايه انت كمان ؟!! مين دا اللي انا مراته ؟!! انت متفق معاه ولا أيه ؟!! هو في ايه ؟!!
هاشم .. صدقت يا حج ولا لسة مقلق ؟!!
عبد الرحيم .. انا مش فاهم حاجة !! صح الكلام اللي بيقوله هاشم دا يا سلمي ؟!
سلمي .. انت هتصدقهم ولا ايه ؟!! دول كدابين .. والله العظيم كدابين
هاشم .. استغفر الله العظيم يارب .. طيب يا ستي انا كداب وعقد الجواز العرفي دا كمان كداب والصور دي كدابه هي كنان واخوكي متفق معايا زي ما بتقولي يعني هو الاخر يمكن يكون كداب !! طب قلتي للحج عن الواد اللي في بطنك ؟!!
سلمي .. واد !! واد مين ؟!!
هاشم .. ابني اللي من صلبي .. اللي انتي حامل فيه بقالك شهرين ولا دا كمان هتنكريه وتقولي انك مش حامل !! اوعي تكوني يا بت قلتيله انك لسة بنت بنوت ؟!! هههههه
عبدالرحيم .. ابنك وحامل في شهرين ؟!! انتي مش بتقولي انك لسة عذراء ؟!!
سلمي .. ايه ؟!!!
هاشم .. هأو .. ظهر الحق .. اطلب الشرطة يا حج البت دي خدعتني وخدعتك
وتسقط سلمي مغشيا عليها من هول الصدمة ..
ماذا حدث ؟!! تابعوني والبارت التالي .. تحياتي محمد مالك .
مشوقة جدا وين التكملة
ردحذف