رواية سفاح الكوابيس
البارت الرابع والعشرون
للكاتب المصري محمد مالك
جميع الحقوق محفوظةسهير المغربي امام نفس وكيل النيابة الذي حقق معها سابقا في اتهام امين لها ..ويحضر معها سته من المحامين الكبار
وكيل النيابة بسخرية ويضحك .. هههههههه .. سبحان الله الدنيا فعلا صغيرة واديكي جيتيلي تاني وباتهام جديد !! تصدقي استاذ امين دا عنده حق في كلامه .. هو كان متوقع انك ورا اختفاء بنت المستشار عبد الحكيم وفعلا توقعه كان في محلة!!
احد المحامين .. من فضلك يا فندم حضرتك بتجزم ان موكلتي وراء اختفاء بنت المستشار مع ان التحقيق لم ينتهي بعد ولم تستنفد موكلتي حقها في الدفاع عن نفسها
الوكيل .. وماله يا متر .. حقها طبعا .. س .. ما هو قولك فيما هو منسوب اليكي بأنك قد دبرتي جريمة خطف وقتل المدعوة همت عبد الحكيم درويش؟
سهير .. محصلش .. وانا قلت الكلام دا في محضر الشرطة
الوكيل .. س .. بما تفسرين وجود جثة القتيلة داخل مدفن ملك المرحوم زوجك ؟
سهير .. معنديش تفسير غير ان دا مقصود للنيل مني وتشويه سمعتي
الوكيل .. ليه ؟!!
سهير .. عشان انا سيدة اعمال مشهورة وليا مكانتي بين الناس واعدائي لا حصر لهم وكلهم بيتمنولي اقع وماقومش تاني
الوكيل .. اها .. تقصدي ان اعدائك هما اللي قتلوا بنت المستشار ؟!!
سهير .. ايوا
الوكيل .. طب مين اعدائك دول ؟!
سهير .. كتير واولهم امين الشحات المحامي بالنقض
الوكيل يندهش .. ايه ؟!! امين الشحات !!
سهير .. ايوا .. هو مش اتهمني قبل كدا اني انا خطفت بنته وعملت فيها ما لا يعمل .. مع انه معرفش يثبت دا !! ليه ميكنش مقتنع فعلا اني انا اللي ورا كل اللي حصل لبنته وحب ينتقم مني فدبر الجريمة دي
الوكيل .. وليه بتتهمي استاذ امين بالتحديد ؟!!
سهير .. لأنه عارف ان طارق عنده جلسة كمان يومين وان المستشار عبد الحكيم هو رئيس المحكمة اللي هيقف قدامها ابني
الوكيل .. طب بفرض ان استاذ امين هو اللي عمل كدا مع اني استبعد ذلك هيحط الجثة ازاي جوة المدفن بتاعك؟!!
سهير .. سهلة جدا .. مفتاح المدفن مع التربية ولو ادي واحد منهم مبلغ حلو هيفتحله المدفن بسهوله ويعمل فيه ما بدا له
الوكيل .. طيب استاذ امين واحد من اعدائك .. مين بقي الباقيين ؟!!
سهير .. كتير .. زي عاطف السمان صاحب شركة اليمامة ومدحت شاكر صاحب شركة الحفيد وكتير انا مش قادرة اتذكرهم كلهم دلوقتي
الوكيل .. يعني حضرتك بتنفي علاقتك او علمك باللي حصل للمجني عليها ؟!!
احد المحامين .. يا سيادة الوكيل انا موكلتي سيدة معروفة وشخصية عامة والقاصي والداني يعلم سمعتها الطيبة وسيرتها الحسنة وحلمها الذي ليس له حدود وكظمها الغيظ وحتي ولو كانت علي حق .. وانها لا تعرف المجني عليها من قريب او بعيد وليس هناك دافع لارتكابها تلك الجريمة الشنعاء .. وبعدين بالعقل كدا واحدة هتقتل واحدة تقوم تخبيها عندها ؟!! وجوة المقابر بتاعتها ؟!! طب ما في مليون طريقة تتخلص بيها من الجثة من غير ما تجيب ادني شبه لنفسها
الوكيل .. تمام .. هنستني تقرير الطب الشرعي وبعدين نشوف
محامي اخر .. ارجو من سيادتكم الافراج عن موكلتي بضمان محل اقامتها لعدم وجود دافع لبقائها تحت التحفظ
الوكيل .. وماله عنيا الاتنين .. اكتب عندك يابني .. قررنا نحن سليمان وجيه اخلاء سبيل المتهمه بكفالة قدرها مليون جنية مصري مع تكليف ادارة البحث الجنائي بوزارة الداخلية بالتحريات اللازمة واستعجال التقرير المبدئي للطب الشرعي .. اظن كدا مبسوط يا متر ؟!!
سهير تنظر الي المحامين نظرة تعجب ....
تابعوني والبارت التالي .. تحياتي ..
روووعة ...ربنا يوففك
ردحذف