رواية سفاح الكوابيس
البارت الخامس والعشرون
للكاتب المصري محمد مالك
جميع الحقوق محفوظةوتعود سهير الي منزلها بعد قضاء يوم شاق في سرايا النيابة حيث تفاجئ بأن ابنها طارق يجلس في المنزل وبصحبته فتاة ليل ويبدوا انهما في حالة من المرح والسرور
سهير بتعجب شديد .. مين دي ؟!
طارق .. واحده صحبتي
سهير .. واحدة صحبتك !! واحدة صحبتك وقاعدة معاك بقميص النوم ؟!!
طارق .. عشان الجو حر
سهير .. انت هتستعبط ؟!! مين دي اللي انت جايبها البيت ؟!!
الفتاه .. مين دي يا طارق ؟!!
طارق .. دي ماما
الفتاه .. انت مش قلت انها في النيابة ومش هترجع دلوقتي؟!! وجايز كمان يحبسوها!!
سهير بغضب شديد .. هي حصلت كمان ؟!! امشي اطلعي برة ما انتي لو ليكي اهل كانوا عرفوا يلموكي !! لكن واضح جدا انك بنت مُلعب !
الفتاه .. انا مُلعب ؟!! انا اتهزقت .. انا غلطانه اني وافقت وجيت معاك بس ياريت تعرفها الحقيقة
ثم تأخذ ملابسها من علي الكنبة وتنصرف
طارق .. ايه ايه اللي عملتيه دا ؟!!
سهير .. هي حصلت يا طارق .. جايب بنت شمال هنا في بيتي ؟!!
طارق .. متقوليش عليها شمال .. مي دي تبقي مراتي
سهير .. مراتك !! .. ازاي ؟!!
طارق .. انا ومي متجوزين عرفي بقالنا شهرين
سهير .. وكمان عرفي ؟! هو انت ملتك ايه يا اخي ؟! انا مشحططه في النيابات بسببك وانت جايبلي بنت من الشارع وتقلي مراتي ؟!! انت عاوز ايه بالظبط ؟!! انت مش حاسس بالمصايب اللي احنا فيها ولا انت جبلّه مبتحسش ولا انت ايه بالظبط ؟!!
طارق .. يوه بقي يا ماما خلاص بقي كفاية كدا !!
سهير .. انت اللي كفاية كدا .. هتودينا لحد فين ؟!
طارق .. انا مش قاعدلك فيها سلام
ثم يفتح الباب وينصرف
سهير بأسي وحزن .. طارق .. طارق
ونذهب الي امين الذي يقف الان هو واشرف امام وكيل النيابة لسماع تلك القصة العجيبة
الوكيل .. وياتري الفيلم الهندي بطولة مين ؟!!
اشرف .. فيلم هندي ايه يا فندم ؟! حضرتك فاكر اني بكدب عليك ؟!!
الوكيل .. فاكر !! لا اتا متأكد انك بتكدب عليا .. وديت ولاء فين يا اشرف ؟!!
اشرف .. معرفش يا فندم صدقني
الوكيل .. انت مش خرجت معاها من المستشفي ولما سألوك قلت ابوها عنده علم وطلب مني ادفع الحساب ؟!!
اشرف .. محصلش .. انا لا شفتها ولا خرجت معاها ولا دفعت حساب .. وبعدين هو انا لاقي اكل لما ادفع حساب مستشفي زي دي !!
الوكيل .. ما انا عارف انك مش انت اللي دفعت الحساب من جيبك .. في حد تاني ادالك الفلوس عشان تدفعها
اشرف .. حد تاني !! زي مين يعني ؟!!
الوكيل .. سهير المعربي مثلا
اشرف .. سهير المغربي !! سهير المغربي هتديني ادفع الحساب ليه ؟!!
الوكيل .. عشان تسلمها ولاء
اشرف .. وانا اسلمها ولاء ليه ؟!
الوكيل .. ما هو دا السؤال اللي انا كنت هسألهولك لو كنت اعترفت وقلت ان سهير المغربي هي اللي سلطتك تدفع حساب المستشفي وتسلمها ولاء
اشرف .. سيادتك مصرّ اني اعترف بحاجة معملتهاش ومحصلتش من اساسه ؟!!
الوكيل .. امال ولاء راحت فين يا اشرف ؟!!
اشرف .. معرفش والله
الوكيل .. اكتب عندك .. امرنا نحن سليمان وجيه وكيل النائب العام بحبس المدعو اشرف عبد الرزاق حسين اربعة ايام علي ذمة التحقيق ويراعي التجديد في الميعاد
اشرف .. حرام والله دا ظلم !! يا عالم صدقوني اللي حصل معايا انا قلته .. اقسم بالله ما شفت ولاء ولا اعرف راحت فين
وكيل النيابة يصغط زر الجرس فيدخل العسكري
الوكيل .. خده يابني
امين مندهش بشدة
الوكيل .. مالك يا استاذ امين ماعلقتش خالص اثناء التحقيق
امين .. مش عارف عندي احساس بيقول ان اشرف فعلا ميعرفش ولاء فين !!
الوكيل بسخرية .. ههههه .. هو انت صدقت الرواية العبيطة بتاعته دي ؟!!
امين .. مش عارف .. بس في حاجة غلط فعلا !!
الوكيل ..ان شاء الله هتبان الحقيقة قريب والمجرم هياخد جزاته
ويعود امين الي المنزل ليجد المنزل مبعثرا وكأن احد ما قام بتفتيشة والقاء الاشياء مبعثرة في كل مكان .. امين يندهش ينادي علي زوجته
امين .. خديجة .. خديجة
يبحث عنها في كل مكان ليجدها ملقاه علي الارض في حجرة نومها غارقة في بحر من الدماء لا تستطيع التنفس
امين .. حديجة !! مين اللي عمل فيكي كدا ؟!!
خديجة لا تستطيع التحدث ولكنها تشير الي شئ ما .. امين ينظر الي حيث تشير خديجة فيصاب بالصدمة ..
ماذا رأي امين ؟؟؟؟!!!
تابعوني والبارت التالي .. تحياتي ملك الروايات الكاتب والسيناريست المصري محمد مالك.
رائع يا فنان
ردحذفتحفه ماشاء الله عليك فى
ردحذفجميلة اوي ومشوقة جدا
ردحذف